Gråsten-paleis
Die Gråsten-paleis (Deens: Gråsten Slot) is die somerwoning van die Deense koninklike familie. Dit is in 1935 aan Koning Frederik IX en Koningin Ingrid oorgedra.
Die eerste Gråsten-paleis was 'n jaghuisie wat in die middel van die 1500’s gebou is. Dit het in 1603 afgebrand en 'n nuwe paleis is opgerig waar die suidelike vleuel van die huidige paleis ongeveer vandag staan.
Kanselier Frederik Ahlefeldt (wie die eienaar van Gråsten-paleis vanaf 1662–1682 was) en sy seun het kort voor die aanvang van die 1700's 'n enorme barokpaleis laat bou. Dit het ook in 1757 afgebrand. Slegs die hofkapel en 'n paar somerhuisies het bewaar gebly. Die huidige Gråsten-paleis dateer dus uit 1759, toe 'n nuwe suidelike vleuel opgerig is, en uit 1842, met die aanbou van die sentrale gebou. In die aanvang van die vorige eeu is beduidende verbeterings aangebring. Die Augustenborgfamilie besit Gråsten Palace vanaf 1725 tot 1852, toe dit oorgeneem is deur Frederik VII. Die paleis is na 1864 weer deur die Augustenborgfamilie oorgeneem.
In 1920 neem die Staat die paleis oor en word dit aangewend vir onder meer 'n hofsaal, behuising vir regters en polisiehoofde, asook 'n biblioteek. In 1935 word Gråsten-paleis na 'n omvattende restourasie aangewys as somerverblyf vir die destydse Kroonprinspaar (later Koning Frederik IX en Koningin Ingrid).
Koning Frederik en Koningin Ingrid het hul somers by Gråsten-paleis deurgebring. Die paleis is na die afsterwe van Koningin Ingrid aan H.M. Die Koningin nagelaat, wat die tradisie voortsit om dit gedurende somermaande te gebruik.