Andrei Bogoljoebski

St. Andrei Bogoljoebski
Grootprins van Wladimir-Soezdal
St. Andrei Bogoljoebski, deur Wiktor Wasnetsof.
Periode	c. 1157 – 28 Junie 1174
Voorganger	Joeri Dolgoroeki
Opvolger	Michail van Wladimir
Huis	Rjoerik
Vader	Joeri Dolgoroeki
Gebore	c. 1111
Oorlede	28 Junie 1174
Feesdag	30 Junie, 4 Julie (begrafnis)

Andrei I van Wladimir, algemeen bekend as Andrei Bogoljoebski (Russies: Андрей Боголюбский, "Andrei die Godvresende"; c. 1111 – 28 Junie 1174) was ’n prins van Wladimir-Soezdal (ná 1157). Hy was die seun van Joeri Dolgoroeki, wat hom uitgeroep het as prins in Wisjgorod (naby Kiëf).

Hy het Wisjgorod in 1155 verlaat en na Wladimir getrek. Ná sy pa se dood in 1157 het hy grootprins van Wladimir, Rostof en Soezdal geword.

Andrei het Kiëf-Roes tydens sy bewind probeer herenig. Van 1159 af het hy voortdurend probeer om Nowgorod in sy mag te kry en het hy ’n ingewikkelde militêre en diplomatieke spel in die suide gespeel. In 1169 het sy troepe Kiëf oorgeneem. Nadat hy die stad geplunder het en onder meer godsdienstige kunswerke gesteel het, hy het na die noordooste teruggekeer. Hy het sy hoofstad na Wladimir geskuif, en versterkings en verskeie kerke en kloosters laat bou. Tydens sy bewind het Wladimir-Soezdal aansienlike mag gekry en was dit die sterkste van die stadstate van Kiëf-Roes.

Die versterking van die prinslike gesag en konflik met bojare het gelei tot ’n sameswering teen Andrei. In die nag van 28 op 29 Junie 1174 is hy in sy bed vermoor.

Verwysings

• Martin, Janet L.B. Medieval Russia, 1995

Eksterne skakels

• Encyclopedia Britannica^{[dooie skakel]}

Hierdie artikel is vertaal vanuit die Engelse Wikipedia