Gaan na inhoud

Andy Murray

in Wikipedia, die vrye ensiklopedie
Andy Murray
Andy Murray tydens die VSA-Ope in 2016
Volle naam Andrew Barron Murray
Land Vlag van Verenigde Koninkryk Verenigde Koninkryk
Woonplek Surrey, Engeland, Verenigde Koninkryk[1]
Geboortedatum 15 Mei 1987 (1987-05-15) (37 jaar oud) [1]
Geboorteplek Glasgow, Skotland, Verenigde Koninkryk[1][2][3][4]
Lengte 1,91 m[1][5][6][7]
Gewig 82 kg[1]
Afrigter Ivan Lendl (2012–14, 2016–17, 2022–hede)[1]
Begin professioneel 2005[1]
Spelstyl Regshandig (tweehandige handrughou)[1]
Loopbaan-wengeld $64 687 542 (soos op 9 September 2024)[1] (4de van alle tye)[8]
Amptelike webblad andymurray.com
Enkelspel
Loopbaanrekord 739–262 (73,8%)[1]
Loopbaantitels 46[1]
Hoogste rang No. 1 (7 November 2016)[1]
Huidige rang No. – (9 September 2024)[1]
Grand Slam-uitslae
Australiese Ope E (2010, 2011, 2013, 2015, 2016)
Franse Ope E (2016)
Junior HE (2005)
Wimbledon W (2013, 2016)
VSA-Ope W (2012)
Groot toernooie
Toereindronde W (2016)
Olimpiese Spele Goue medalje (2012, 2016)
Dubbelspel
Loopbaan-rekord 83–86 (49,1%)[1]
Loopbaantitels 3[1]
Hoogste rang No. 51 (17 Oktober 2011)[1]
Huidige rang No. – (9 September 2024)[1]
Australiese Ope 1R (2006)
Franse Ope 2R (2006)
Wimbledon 2R (2019)
VSA-Ope 2R (2008)
Groot dubbelspeltoernooie
Olimpiese Spele KE (2020, 2024)
Gemengde dubbelspel
Loopbaan-rekord 7–4 (63,6%)
Loopbaantitels 0
Grand Slam-gemengdedubbelspeluitslae
Wimbledon 3R (2019)
Laaste opgedateer op: 9 September 2024.

Sir Andrew Barron Murray, beter bekend as Andy Murray (gebore 15 Mei 1987 in Glasgow, Skotland), is 'n professionele Britse tennisster en voormalige wêreld-no. 1-speler. Hy het sy ridderskap op 16 Mei 2019 van Prins Charles ontvang, twee jaar nadat dié eer hom te beurt geval het.[9]

Prestasies

[wysig | wysig bron]
Murray wen die Cincinnati-meesters in 2008
Murray tydens die Franse Ope in 2009
Andy Murray in 2010
Murray in 2011 tydens die Australiese Ope
Murray tydens die Australiese Ope in 2015

Murray beklee tans die no. 97-posisie op die wêreldranglys as enkelspelspeler.[1] Hy het tydens die Olimpiese Somerspele van 2016 die goue medalje in die mansenkelspel gewen en sodoende sy titel van die Olimpiese Somerspele 2012 in Londen verdedig, ’n prestasie wat nog geen ander enkelspelspeler bereik het nie.[10] Tydens die openingseremonie het hy as draer van die Britse vlag opgetree.[11]

Murray het al drie Grand Slam-toernooie gewen. Benewens Olimpiese kampioen, was hy ook al ’n Davisbekerkampioen en wenner van die ATP-eindrondte in 2016.

Hy het Novak Djokovic in 2012 in die VSA-Ope se eindstryd geklop en was die eerste Britse speler sedert 1977, en die eerste Britse man sedert 1936, wat ’n Grand Slam-enkelspeleindstryd gewen het. Hy is ook die eerste Britse man sedert Fred Perry in 1936 wat meer as een Wimbledon-enkelspeltitels gewen het.[12]

Hy was in die Britse span wat die Davisbeker in 2015 die eerste keer sedert 1936 gewen het.[13][12]

Loopbaan

[wysig | wysig bron]

Murray het in 2005 professioneel begin tennis speel. Hy het al tot 11 Grand Slam-eindstryde deurgedring en drie titels ingepalm. Sy eerste keer was tydens die VSA-Ope van 2012, die tweede keer in die Wimbledon-kampioenskap van 2013 en die derde keer in die Wimbledon-kampioenskap van 2016.

2010

[wysig | wysig bron]

Murray verloor in drie stelle teen Roger Federer in die Australiese Ope. Die eindtelling was 6–3, 6–4, 7–6(11).

2011

[wysig | wysig bron]

Murray verloor in drie stelle teen Djokovic in die Australiese Ope. Die eindtelling was 6–4, 6–2, 6–3.

2012

[wysig | wysig bron]

Murray wen die VSA-Ope met 'n telling van 7-6 (12/10), 7-5, 2-6, 3-6, 6-2 teen Djokovic. Hiermee word hy die eerste Britse man sedert Fred Perry in 1936 wat 'n Grand Slam-titel wen.

2017

[wysig | wysig bron]

Murray is in 2017 tot ridder geslaan danksy sy diens aan tennis en welsyn. Hy het die kwarteindrondte van die Katar-Ope gehaal, maar teen Djokovic verloor.[14][15] In die Australiese Ope het hy in die vierde rondte teen Mischa Zverev verloor.[16]

In Doebai het Murray in Februarie sy enigste toernooi van die jaar in skoon stelle teen Fernando Verdasco gewen.[17] Die volgende week het hy ’n skoknederlaag in Indian Wells teen Vasek Pospisil gely.[18] In die Franse Ope het hy tot die halfeindrondte deurgedring waar hy in vyf stelle deur Stan Wawrinka geklop is.[19]

Ondanks kommer oor ’n heupbesering het hy as die verdedigende kampioen aan Wimbledon deelgeneem. Hy het tot die kwarteindrondte deurgedring, waar hy in vyf stelle deur Sam Querrey verslaan is.[20] Hy het die Kanadese Ope en Cincinnati-meesterstoernooi misgeloop weens sy heupbesering en hy het sy no. 1-posisie aan Rafael Nadal afgestaan.[21][22] Weens sy besering het hy aan die VSA-Ope onttrek; dit was die eerste Grand Slam-toernooi sedert die Franse Ope van 2013 wat hy misgeloop het.[23]

Murray het daarna gesê hy sal moontlik nie weer in 2017 aan ’n professionele toernooi deelneem nie.[24] Eindelik het hy nie weer gespeel nie en in November het hy gedaal tot no. 16, sy laagste posisie sedert Mei 2008.[25][26]

2018

[wysig | wysig bron]

Murray het weens sy heupbesering aan die Brisbane-Internasionaal en die Australiese Ope onttrek.[27] Op Instagram het hy gesê rehabilitasie en ’n operasie was moontlikhede vir herstel, maar dat laasgenoemde dalk nie suksesvol sou wees nie.[28][29] Op 8 Januarie het hy op Instagram aangekondig hy het ’n heupoperasie ondergaan.[28][30]

In Maart het Murray sy Britse no. 1-posisie vir die eerste keer sedert 2006 verloor.[31] Hy het in die Queen's Club-kampioenskapsbyeenkoms sy terugkeer gemaak en in die eerste rondte in drie stelle teen Nick Kyrgios verloor.[32] In die Eastbourne-Internasionaal het hy in die eerste rondte teen Stan Wawrinka gewen, maar in die tweede rondte teen Kyle Edmund verloor.[33] Hy het aan Wimbledon onttrek.[34] As gevolg hiervan het hy tot no. 839 op die ATP-ranglys geval.[35]

In die VSA-Ope het hy in die tweede rondte in vier stelle teen Fernando Verdasco verloor.[36] Hy het daarna aan die Davisbeker onttrek om van sy besering te herstel.[37] Ná die Shenzhen-Ope, waarin hy in die kwarteindrondte deur Fernando Verdasco geklop is,[38] het hy sy seisoen vroeg beëindig weens ’n probleem met sy enkel sodat hy fiks kon wees vir die volgende jaar.[39][38]

2019

[wysig | wysig bron]

In die Brisbane-Internasionaal het hy die eerste rondte teen James Duckworth in skoon stelle gewen, maar erken dat hy nie weet hoe lank hy nog topgehaltetennis sou kon speel nie weens sy heupprobleme.[40] Murray is in die volgende rondte uitgeskakel deur Daniil Medvedev, wat in dié stadium die wêreld se no. 16-speler was.[41]

Op 11 Januarie 2019, op ’n perskonferensie net voor die Australiese Ope, het ’n emosionele Murray aangekondig hy gaan uittree omdat sy heup hom al lank las gee. Hy het die moontlikheid van ’n tweede heupoperasie genoem, maar gesê dit sou wees om sy pyn te verlig en nie noodwendig om sy loopbaan te verleng nie.[42] Op 29 Januarie het Murray op Instagram gesê hy het ’n tweede operasie ondergaan.[43] Op 7 Maart het hy aangekondig hy het nie meer pyn nie danksy die operasie en sou dalk terugkeer om professionele tennis te speel, maar dit sou van sy heup afhang en hy sou sy toestand toets deur dubbelspelwedstryde te speel.[44]

Op 16 Mei het Murray sy ridderskap van prins Charles in Buckingham-paleis ontvang twee jaar nadat dit aan hom toegeken is.[9]

Murray het in Junie na professionele tennis teruggekeer deur in die Queen's Club-kampioenskapsbyeenkoms saam met Feliciano Lopez in dubbelspelwedstryde te speel.[45] Hulle het tot die eindstryd deurgedring en Rajeev Ram en Joe Salisbury geklop.[46] Daarna het Murray gesê sy heup voel goed en hy het nie pyn nie.[47]

Hy het saam met Marcelo Melo as dubbelspelmaat in die Eastbourne-Internasionaal gespeel, waar hulle in die eerste rondte verloor het.[48] Op Wimbledon het hy en sy mansdubbelspelmaat, Pierre-Hugues Herbert, in die twee rondte verloor, terwyl hy en sy gemengdedubbelspelmaat, Serena Williams, in die derde rondte verloor het.[49]

Grand Slam-rekord

[wysig | wysig bron]
Andy Murray nadat hy die Wimbledon-kampioenskap in 2013 gewen het
Andy Murray nadat hy die Wimbledon-kampioenskap in 2016 gewen het

Die tabel toon Murray se prestasie tydens elk van die Grand Slam-toernooie in mansenkels waaraan hy deelgeneem het:

Jaar Australiese Ope Franse Ope Wimbledon VSA-Ope
2005 Nie gespeel nie Nie gespeel nie Rondte 3 Rondte 2
2006 Rondte 1 Rondte 1 Rondte 4 Rondte 4
2007 Rondte 4 Nie gespeel nie Nie gespeel nie Rondte 3
2008 Rondte 1 Rondte 3 Kwarteindstryd Eindstryd
2009 Rondte 4 Kwarteindstryd Halfeindstryd Rondte 4
2010 Eindstryd Rondte 4 Halfeindstryd Rondte 3
2011 Eindstryd Halfeindstryd Halfeindstryd Halfeindstryd
2012 Halfeindstryd Kwarteindstryd Eindstryd Wenner
2013 Eindstryd Nie gespeel nie Wenner Kwarteindstryd
2014 Kwarteindstryd Halfeindstryd Kwarteindstryd Kwarteindstryd
2015 Eindstryd Halfeindstryd Halfeindstryd Rondte 4
2016 Eindstryd Eindstryd Wenner Kwarteindstryd
2017 Rondte 4 Halfeindstryd Kwarteindstryd Nie gespeel nie
2018 Nie gespeel nie Nie gespeel nie Nie gespeel nie Rondte 2
2019 Rondte 1 Nie gespeel nie Nie gespeel nie Nie gespeel nie
2020 Nie gespeel nie Rondte 1 Toernooi nie gehou nie Rondte 2
2021 Nie gespeel nie Nie gespeel nie Rondte 3 Rondte 1
2022 Rondte 2 Nie gespeel nie Rondte 2 Rondte 3
2023 Rondte 3 Nie gespeel nie Rondte 2 Rondte 2
2024 Rondte 1 Rondte 1 Nie gespeel nie Nie gespeel nie

Verwysings

[wysig | wysig bron]
  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 (en) "Player profile – Andy Murray". ATP World Tour. Besoek op 9 September 2024.
  2. ↑ (en) "Andy Murray Biography". Biography.com. Geargiveer vanaf die oorspronklike op 25 Julie 2018. Besoek op 12 September 2018.
  3. ↑ (en) "Scottish Roots: Scottish Family Tree History: Andy Murray". Scottishroots.com. 15 Mei 1987. Besoek op 12 September 2018.
  4. ↑ (en) Hodgkinson, Mark (2013). Andy Murray Wimbledon Champion: The Full and Extraordinary Story. Simon and Schuster. ISBN 978-1-4711-3275-9.
  5. ↑ (en) "Wimbledon Tennis Tournament official website". Besoek op 12 September 2018.
  6. ↑ (en) "Tournoi de Roland-Garros official website". Roland Garros. Geargiveer vanaf die oorspronklike op 28 November 2017. Besoek op 17 Julie 2017.
  7. ↑ (en) "Australian Open official website". Geargiveer vanaf die oorspronklike op 16 Oktober 2013. Besoek op 12 September 2016.
  8. ↑ (en) "Career Prize Money" (PDF). Pro Tennis Live. 9 September 2024. Besoek op 9 September 2024.
  9. ↑ 9,0 9,1 (en) "Sir Andy Murray receives knighthood at Buckingham Palace". BBC News. 16 Mei 2019. Geargiveer vanaf die oorspronklike op 21 Julie 2019. Besoek op 16 Mei 2019.
  10. ↑ (en) "Rio Olympics 2016: Andy Murray to face Juan Martin del Potro in tennis final". BBC Sport. Geargiveer vanaf die oorspronklike op 11 Desember 2019. Besoek op 12 September 2018.
  11. ↑ (en) "Rio Olympics 2016: Andy Murray to be Team GB flag bearer". BBC. 3 Augustus 2016. Geargiveer vanaf die oorspronklike op 13 Desember 2019. Besoek op 12 September 2018.
  12. ↑ 12,0 12,1 (en) Newbery, Piers. "Andy Murray wins Wimbledon by beating Milos Raonic". BBC Sport. Geargiveer vanaf die oorspronklike op 16 November 2019. Besoek op 17 Julie 2016.
  13. ↑ (en) "Murray Goffin Davis Cup Final 2015". ATP World Tour. Geargiveer vanaf die oorspronklike op 25 Julie 2018.
  14. ↑ (en) "Novak Djokovic Beats Andy Murray For Doha Title | ATP World Tour | Tennis". ATP World Tour. Geargiveer vanaf die oorspronklike op 8 Januarie 2017. Besoek op 7 Januarie 2017.
  15. ↑ (en) The Associated Press (6 Januarie 2017). "Andy Murray to Face Novak Djokovic in Qatar Open Final". The New York Times. ISSN 0362-4331. Geargiveer vanaf die oorspronklike op 21 Julie 2019. Besoek op 7 Januarie 2017.
  16. ↑ (en) Ramsey, Alix (22 Januarie 2017). "No.1 goes down: Zverev stuns Murray". AusOpen.com. Tennis Australia. Geargiveer vanaf die oorspronklike op 2 Februarie 2017.
  17. ↑ (en) "Andy Murray beats Fernando Verdasco to win first Dubai Championships title". BBC Sport. 4 Maart 2017. Geargiveer vanaf die oorspronklike op 24 Julie 2019. Besoek op 8 Maart 2017.
  18. ↑ (en) Briggs, Simon (12 Maart 2017). "Andy Murray at a loss to explain shock Indian Wells exit to world number 129 Vasek Pospisil". The Telegraph. ISSN 0307-1235. Geargiveer vanaf die oorspronklike op 21 Julie 2019. Besoek op 7 November 2018.
  19. ↑ (en) Briggs, Simon; Eccleshare, Charlie (9 Junie 2017). "Andy Murray loses epic French Open semi-final to Stan Wawrinka". The Telegraph. ISSN 0307-1235. Geargiveer vanaf die oorspronklike op 21 Julie 2019. Besoek op 7 November 2018.
  20. ↑ (en) Hodges, Vicki (12 Julie 2017). "Hobbling Andy Murray knocked out of Wimbledon as Sam Querrey books first semi-final spot with five-sets win". The Telegraph. Geargiveer vanaf die oorspronklike op 13 November 2019. Besoek op 12 Julie 2017.
  21. ↑ (en) "Andy Murray withdraws from Canadian Open". Daily Mail. Geargiveer vanaf die oorspronklike op 12 Desember 2017. Besoek op 5 Augustus 2017.
  22. ↑ (en) "Andy Murray: British world number one pulls out of Cincinnati Masters". BBC Sport. 9 Augustus 2017. Geargiveer vanaf die oorspronklike op 16 November 2019.
  23. ↑ (en) "Andy Murray withdraws from US Open because of ongoing hip injury". BBC Sport. 26 Augustus 2017. Geargiveer vanaf die oorspronklike op 16 November 2019. Besoek op 26 Augustus 2017.
  24. ↑ (en) "Andy Murray: World number two 'most likely' to miss rest of season with hip injury". BBC Sport. 6 September 2017. Geargiveer vanaf die oorspronklike op 30 Julie 2019. Besoek op 9 November 2017.
  25. ↑ (en) "Andy Murray: Rankings history (all years)". ATP. 6 November 2017. Geargiveer vanaf die oorspronklike op 16 November 2018. Besoek op 9 November 2017.
  26. ↑ (en) "Andy Murray falls to lowest ranking in nine years after injury-hit year". Evening Times. 6 November 2017. Geargiveer vanaf die oorspronklike op 1 Desember 2017. Besoek op 23 November 2017.
  27. ↑ (en) "Murray Withdraws From Australian Open". 4 Januarie 2018. Geargiveer vanaf die oorspronklike op 22 Julie 2018. Besoek op 4 Januarie 2018.
  28. ↑ 28,0 28,1 (en) "Instagram post by Andy Murray • Jan 2, 2018 at 9:23am UTC". Instagram. Geargiveer vanaf die oorspronklike op 7 November 2019. Besoek op 8 Januarie 2018.
  29. ↑ (en) Mitchell, Kevin (2 Januarie 2018). "Andy Murray considers hip surgery as career hangs in the balance". The Guardian. ISSN 0261-3077. Geargiveer vanaf die oorspronklike op 21 Julie 2019. Besoek op 8 Januarie 2018.
  30. ↑ (en) "Instagram post by Andy Murray • Jan 8, 2018 at 4:06pm UTC". Instagram. Geargiveer vanaf die oorspronklike op 7 November 2019. Besoek op 8 Januarie 2018.
  31. ↑ (en) "Kyle Edmund replaces Andy Murray to become British number one for first time". BBC Sport. 5 Maart 2018. Geargiveer vanaf die oorspronklike op 21 Julie 2019. Besoek op 31 Maart 2018.
  32. ↑ (en) "Andy Murray to play Fever-Tree Championships at Queen's Club". BBC Sport. 16 Junie 2018. Geargiveer vanaf die oorspronklike op 21 Julie 2019. Besoek op 16 Junie 2018.
  33. ↑ (en) "Edmund Ends Murray's Eastbourne Comeback". 27 Junie 2018. Geargiveer vanaf die oorspronklike op 1 Julie 2018. Besoek op 28 Junie 2018.
  34. ↑ (en) "Andy Murray: Two-time champion withdraws from Wimbledon". BBC Sport. 1 Julie 2018. Geargiveer vanaf die oorspronklike op 13 Desember 2019. Besoek op 1 Julie 2018.
  35. ↑ (en) "Andy Murray drops to world number 839 in latest tennis rankings". BBC Sport. 16 Julie 2018. Geargiveer vanaf die oorspronklike op 24 Julie 2019. Besoek op 17 Julie 2018.
  36. ↑ (en) "US Open 2018: Andy Murray loses to Fernando Verdasco in second round". BBC Sport. 30 Augustus 2018. Geargiveer vanaf die oorspronklike op 21 Julie 2019. Besoek op 30 Augustus 2018.
  37. ↑ (en) "Andy Murray to skip Davis Cup, apologizes through emotional post". Tennis World USA. Geargiveer vanaf die oorspronklike op 8 September 2018.
  38. ↑ 38,0 38,1 (en) "Andy Murray beaten by Fernando Verdasco at Shenzhen Open". BBC Sport. 28 September 2018. Geargiveer vanaf die oorspronklike op 22 Julie 2019. Besoek op 28 September 2018.
  39. ↑ (en) Sport, Telegraph (29 September 2018). "Andy Murray ends season earlier than scheduled after straight sets defeat to Fernando Verdasco". The Telegraph. ISSN 0307-1235. Geargiveer vanaf die oorspronklike op 7 Desember 2018. Besoek op 29 September 2018.
  40. ↑ (en) Mitchell, Kevin (1 Januarie 2019). "Andy Murray's class and vulnerability both on display in long-awaited return". The Guardian. ISSN 0261-3077. Geargiveer vanaf die oorspronklike op 21 Julie 2019. Besoek op 1 Januarie 2019.
  41. ↑ (en) "Andy Murray and Kyle Edmund beaten at the Brisbane International". BBC Sport. 2 Januarie 2019. Geargiveer vanaf die oorspronklike op 24 Julie 2019. Besoek op 2 Januarie 2019.
  42. ↑ (en) "Andy Murray: Australian Open could be last tournament". BBC Sport. 11 Januarie 2019. Geargiveer vanaf die oorspronklike op 27 November 2019. Besoek op 12 Januarie 2019.
  43. ↑ (en) "Andy Murray undergoes hip resurfacing surgery in London". The Telegraph. 29 Januarie 2019. Geargiveer vanaf die oorspronklike op 9 Oktober 2019. Besoek op 29 Januarie 2019.
  44. ↑ (en) "Andy Murray on rushing back for Wimbledon 2019 and possibly playing doubles". Tennis365. Geargiveer vanaf die oorspronklike op 28 April 2020. Besoek op 14 Maart 2019.
  45. ↑ (en) "Andy Murray to make competitive return in doubles at Queen's Club". BBC Sport. 3 Junie 2019. Geargiveer vanaf die oorspronklike op 25 Augustus 2019.
  46. ↑ (en) Mitchell, Kevin (23 Junie 2019). "Andy Murray wins Queen's doubles title in first tournament since hip surgery". The Guardian. ISSN 0261-3077. Geargiveer vanaf die oorspronklike op 7 Julie 2019. Besoek op 23 Junie 2019.
  47. ↑ (en) Jurejko, Jonathan (23 Junie 2019). "Andy Murray wins Queen's doubles title with Feliciano Lopez". BBC Sport. Geargiveer vanaf die oorspronklike op 25 Augustus 2019. Besoek op 23 Junie 2019.
  48. ↑ (en) "Andy Murray & Marcelo Melo beaten in doubles at Eastbourne International". 25 Junie 2019. Besoek op 25 Junie 2019..
  49. ↑ (en) "Andy Murray and Serena Williams' run in the Wimbledon mixed doubles ends". BBC Sport. 10 Julie 2019. Besoek op 10 Julie 2019.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Andy_Murray&oldid=2696895"