馬頭圍
馬頭圍（英文：Ma Tau Wai），原稱古瑾圍，係香港一地，亦係一村。佢喺九龍半島西便，地處新九龍邊界。東面係馬頭涌，東南係馬頭角，南係靠背壟，東北係衙前塱，遠啲見九龍城，北係侯王廟，西北係九龍仔。原本條村，喺家下太子道同亞皆老街夾角附近，露明道左近。成條村已經拆咗，只淨下上帝古廟石門框，立於露明道花園之內。
馬頭圍有公共屋邨名真善美村，由香港房屋協會打理。另有馬頭圍邨，由香港房屋委員會打理。
名
[編輯]因爲開拓市區，屋宇連成一片，村落漸失，地名亦無所依靠，變成同其他地名混雜，馬頭圍同馬頭涌同馬頭角，地名互相重疊。原本村約莫喺露明道一帶，香港政府後尾喺南面，過咗亞皆老街，近馬頭涌道度起咗馬頭圍邨。此處原本係馬頭涌，亦可當係馬頭圍範圍，不過就同馬頭涌重疊。而家下馬頭圍道，更遠離馬頭圍，查實佢原本係直經馬頭圍，同亞皆老街駁通。之不過要開拓市區，馬頭圍一段就無咗，只淨低馬頭涌到土瓜灣一段。
史
[編輯]大清時，清廷割讓九龍半島畀英國，村邊立有邊界石碑六號。
屋宇
[編輯]地內屋宇機關