阮品強
| 阮品強 | |
|---|---|
| 出世 | 1943年 |
| 死 | 2012年1月24號 香港 |
| 國籍 | 中國（香港） |
| 職業 | 無 |
| 出名原因 | 前中西區區議會（中環選區）議員、中學音樂老師、前中西區區議會主席（1994年－1997年） |
| 宗教信仰 | 宗教 |
| 配偶 | 無 |
阮品強（1943年—2012年1月24號），人稱阮 sir、阮伯，香港民主黨嘅創黨黨員，而民主黨嘅黨歌「飛越狂飆」亦係出自佢手筆[1]。
簡歷
[編輯]原本係伊斯蘭脫維善紀念中學音樂教師嘅佢，早喺八十年代活躍香港民主運動，喺1986年開始參加區議會選舉，重成功當選。打後多屆嘅區議會選舉都未輸過。佢亦參加過1998年香港立法會選舉，但只係得同名單嘅李柱銘同楊森當選。直到2011年，阮品強年紀開始老，決定交棒。
阮品強喺2003年去雲南玩時因為高山症引發心臟病喺酒店暈低，要用專機送返嚟香港醫，2009年參加七一大遊行嗰陣亦都試過中暑入醫院。
2012年1月24號，阮品強喺筲箕灣新成街屋企突然間暈低喺地下，朋友發現之後送院搶救，但係最後都救唔返，享年69歲[2]。同阮品強識咗26年嘅中西區區議員鄭麗琼話，阮品強喺1月14號重落區幫佢哋手搞地區工作，前排重打電話畀佢交代春茗嘅事，覺得對方冇咩特別，估唔到會突然去咗。
屋企人
[編輯]佢冇結過婚，有兩個妹。生前同朋友住喺筲箕灣新成街一個單位。
參考
[編輯]- ↑ 〈民主黨元老阮品強猝死〉。蘋果日報。2012-01-26。原著喺2015-06-10歸檔。喺2012-02-16搵到。
- ↑ 〈前區議員阮品強寓所猝死〉。太陽報。2012-01-26。原著喺2012-03-03歸檔。喺2012-02-16搵到。