筆順

筆順係指喺書寫漢字嗰陣，筆畫出現嘅先後次序。

基本規則

一般嚟講筆順嘅基本規則有：由上到下，由左到右，先橫後豎，先撇後捺，底橫後寫，穿底中豎最後寫，由外至內，先外後內再封口，先中間後兩邊，「辶、廴」最後寫，「凵」盆最後寫……等等。但係有時可能唔係噉。

好似下列呢啲字，唔理邊度嘅人，一般都會噉樣寫。可以視爲通行嘅筆順。

有啲漢字獨用嗰陣，同佢做偏旁嗰陣，筆畫有啲唔同。因此筆順亦未必一樣。例如：

獨用嗰陣，先橫後豎，穿底中豎最後寫。
做偏旁嗰陣，挑筆最後寫。

然而，因爲地區習慣唔同，或者因爲書法流派唔同，有啲字嘅筆順可能出現差異。

所以，嚴格嚟講，漢字並無絕對正確、統一嘅筆順，只會有某一地區一時間內規定嘅“相對正確”嘅筆順。

以下係一啲例子。

因唔同嘅書法流派，有啲字嘅筆順並唔一致。例如：

傳統書法筆順（重點：先折後撇）。
現代寫法（重點：先撇後折）。

傳統書法筆順（重點：由左至右，先豎後折）。
變種寫法（重點：先折後豎）。

傳統書法筆順（重點：由左至右，先豎後點），嚟自「門」字草書。
簡體寫法（重點：先點後豎）。

喺書寫字體或方向唔同嗰陣，筆順可能有所差異。

現代臺灣、日本同韓國、現代中國大陸（1956年漢字簡化方案宣佈以後）各有自己嘅筆順規定。台灣、港澳係「點、橫、直、撇、捺」，中國大陸係「橫、豎、撇、點、折」。一樣嘅漢字，有嘅時候會出現唔一樣嘅筆順。以下係一啲例子。

臺灣嘅筆順（重點：由上至下）。
中國大陸、香港、澳門、日本嘅筆順（重點：先撇後點）。

中國大陸、臺灣、香港、澳門嘅筆順（重點：先橫後豎，最後寫末橫）。
日本嘅筆順（重點：先寫首橫，接著寫豎，最後寫餘下嘅橫），亦係傳統寫法。

中國大陸、臺灣、香港、澳門嘅筆順（重點：先橫後豎，最後寫末橫）。
日本嘅筆順（重點：先豎後橫），亦係傳統寫法。

注意：「甲、申、用、甪、角、甫、羊、丰」等字嘅中豎下方穿頭。無論古今中外，中豎都係最後寫，同上例唔一樣。

中國大陸、臺灣、香港、澳門嘅筆順（重點：先橫後撇）。
日本嘅筆順（重點：先撇後橫），亦係傳統寫法。

注意：「有、右」等字嘅首兩筆嚟自「又」字古文，因此傳統書法同日本筆順係噉樣。但「左」字首兩筆嚟自「𠂇」字古文，無論古今中外，皆先橫後撇。

中國大陸、臺灣、香港、澳門嘅筆順（重點：先折後撇）。
日本嘅筆順（重點：先撇後折），亦係傳統寫法。

有啲字唔同嘅書法流派、唔同地區規定中，筆順皆有分別。就譬如：

傳統書法筆順，如歐陽詢《千字文》、王羲之《樂毅論》。
日本嘅筆順，亦係一種傳統寫法，蘇軾《新歲展慶帖》、鐘繇《宣示表》亦係噉。
中國大陸嘅筆順，董其昌《濬路馬湖記》亦係噉。
另一種書法筆順，如趙孟頫《與山巨源絕交書》。
台灣、香港嘅筆順，傳統書法上唔會噉樣寫。

台灣嘅筆順，褚遂良《雁塔聖敎序》、田蘊章同田英章嘅書法亦係噉。
香港嘅筆順，王羲之《蘭亭序》、《金剛經》亦係噉。
一種書法筆順，如米芾《蜀素帖》、趙孟頫《煙江疊嶂詩》。
另一種書法筆順，如歐陽詢部份字跡（另一部份就同王羲之一樣）。
另一種筆順，容易使橫筆相連，變形作三筆。

中國大陸、台灣、香港、日本目前嘅規定。「𠃊」筆比照「辶、廴」部件，最後才寫。
傳統書法筆順，拆開「𠃊」筆。亦流行於日本書道。
另一種書法筆順，亦係拆開「𠃊」筆。
現代寫法，由外至內。