基米
基米（Kemi）係芬蘭北部拉普蘭地區一座沿海工業城市。遊客響每年嘅12月到4月可以響度參加破冰船之旅。
對外交通
[編輯]由首都赫爾辛基同西部港口城市土庫搭芬蘭國鐵列車（英文縮寫：VR）去基米，車程分別係大概10.8個鐘同10個鐘，另外基米同時係去聖誕老人村所在嘅羅瓦涅米嘅鐵道支線起點，每日有多班由赫爾辛基北上嘅火車經過基米去羅凡尼米。
因為芬蘭同瑞典之間冇客運火車營運，所以基米變成接駁瑞典邊境嘅陸路交通轉駁點。由基米每日有巴士經瑞典接壤芬蘭邊境小鎮Haparanda前往瑞典小鎮Lulea轉瑞典國鐵列車，有北歐同全歐火車証就可以唔使錢搭嗰程巴士，但喺禮拜六同禮拜日巴士班次極之疏落。
