司徒係中國上古官名。西周始置，嗰時嘅司徒細過三公，同六卿一樣咁大，司徒同司馬、司空、司士、司寇加埋叫五官，金文好多時係寫做司土，即係管土管地、同人口嘅官，同之後嘅戶部尚書差唔多。到咗西漢末年，丞相改叫大司徒，同大司馬、大司空並稱三公。東漢將大司徒簡化做司徒，同太尉(原大司馬)、司空(原大司空)並稱三公。東漢嘅司徒冇乜權力，權力主要喺內朝嘅尚書嗰度。之後司徒變成咗一個虛銜，冇任何權力。
司徒亦係唐人嘅姓氏，就係源自呢個官名喇。
