公孫淵

公孫淵
曹魏 遼東割據軍閥
生	？年
死	238年
活躍時期	228年至238年
仔女	公孫脩
遞啲名
字	文懿

公孫淵（粵拼：gung1 syun1 jyun1；—238年）字文懿man4 ji3（懿讀意），三國時期臣服魏國嘅遼東軍閥，公孫康嘅亞仔。

生平

親政

公孫淵長大後從佢亞叔公孫恭個度奪位，並且先後周旋喺吳魏之間。

吳國曾經係嘉禾二年（233年)嗰陣時派太常張彌、執金吾許晏同埋將軍賀達帶住一萬個士兵、金銀財寶同埋九錫備物渡海，諗住封公孫淵做燕王。但係公孫淵驚孫權遠水救不了近火，放是斬咗張彌同埋許晏，向曹魏示好。魏國封佢做大司馬同埋樂浪公，允許佢繼續管理遼東。

滅亡

景初元年（237年），魏國派幽州刺史毌丘儉攻打公孫淵，但係失敗咗，公孫淵遂即自立做燕王，改元紹漢，並且引誘鮮卑侵擾曹魏嘅北方。第二年（238年）春，魏國派太尉司馬懿同埋高句麗王高位宮攻打公孫淵，圍住個城好耐，公孫淵啲糧食食曬，因此佢同佢個仔公孫脩帶住幾百個部下出逃，最終佢哋兩個被司馬懿捉到，被斬首。

部下

• 卑衍、楊祚，皆任將軍。畀司馬懿做低咗兩次，司馬懿圍攻襄平城嗰陣投降。
• 賈範（？-238年），將軍。勸公孫淵唔好反叛曹魏，畀公孫淵斬首。
• 綸直（？-238年），將軍。認同賈範嘅言論，勸公孫淵唔好反叛曹魏，同賈範一齊畀公孫淵斬首。

屋企

祖先

• 公孫延：公孫淵嘅太爺，同公孫度一齊移居玄菟郡。
• 公孫度：公孫淵嘅阿爺，遼東太守，不斷開闢疆土，幫後人打下基礎。
• 公孫康：公孫淵嘅阿爸。公孫度死後繼承遼東太守嘅位，將嚟投奔嘅袁熙、袁尚嘅人頭送畀曹操。又大破高句麗軍，攻陷高句麗都城丸都城。
• 公孫恭：公孫淵嘅阿叔。公孫康死咗之後，因為兩個仔年紀重細，所以由佢繼承遼東太守嘅位。後來大病，做咗閹人，畀大個咗嘅公孫淵脅逼退位。

兄弟

• 公孫晃：公孫淵嘅阿哥。喺洛陽做官，公孫淵叛亂被殺之後被下令處死。

仔女

• 公孫脩：公孫淵嘅仔。同公孫淵一齊出逃，被擒斬首。