曾近榮
曾近榮（1927年3月30號—2011年9月10號），人稱曾Sir，喺廣州出世，早年移居香港，1960年代開始主理家事常識環節而聞名，一直都幫香港嘅電視觀眾解答家居生活上嘅各種疑難，廣受香港觀眾，尤其是家庭主婦歡迎，畀人尊稱「家居小博士」；而因為佢成日建議用哥士的清潔家居污跡，亦有「哥士的王子」嘅稱號。
曾近榮早年喺培道中學做中文科先生。1986年退休之後，除咗繼續主持家事常識節目之外，又開展演藝工作，參與演出無綫電視處境劇《城市故事》，飾演劇入便嘅公務員阿爸許潤。曾近榮亦喺呢段期間客串演出多部電影，最令人留低深刻印象嘅係喺《逃學威龍》飾演一位記性差嘅化學科先生。
1995年曾近榮離開無綫電視之後，喺筲箕灣天悅廣場開咗間家居產品小商店——曾sir專門店。