Ban/Gaguritan Candi Kusuma A

Naskah

[ 1 ]GAGURITAN CANDI KUSUMA
Pnj. 40 cm .1b.3,5 cm .49/50 1b
Asal: Abang, Karangasem
ᬤᬃᬫ᭄ᬫᬧᬸᬢᬸᬲ᭄ᬓᬢᭂᬢᭂᬲᬶᬦ᭄᭞ᬬᬦ᭄ᬓᬳᭂᬜᬓ᭄ᬫᬦᬸᬢ᭄ᬳᬚᬶ᭞ᬓᬮᬦᬶᬂᬗᬸᬘᬧ᭄᭞ᬲᬶᬦᬄᬩᬶᬲᬗᬦ᭄ᬥᭂᬕ᭄ᬩᬸᬤᬶ᭟
[ ᭑ 1A] [ 2 ][ ᭑ 1B]
᭛᭐᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭛᭐᭛ᬲᬶᬦᭀᬫ᭄᭟᭐᭟ᬳᬶᬲᭂᬂᬢᬶᬢ᭄ᬬᬂᬗᬸᬭᬶᬢ᭄ᬕᬶᬢ᭞ᬢᭂᬫ᭄ᬩᬂᬲᬶᬦᭀᬫ᭄‌ᬫᬸᬜᬶᬜᬮᬶ᭞ᬧᬤᬶᬤᬶᬬᬦ᭄ᬦᭂᬕᬓ᭄ᬚᬸᬫᬄ᭞ᬲᭂᬥᭂᬓ᭄ᬫᬦᬩ᭄ᬥᬗᬶᬦ᭄ᬲᬓᬶᬢ᭄᭞ᬗᬶᬮᬸᬢ᭄ᬗᬲ
ᬗᬾᬧᭂᬤᬶᬄ᭞ᬤᬳᬄᬤᬸᬳᬸᬄᬧᬢᬶᬚ᭄ᬮᬫᬸᬢ᭄᭞ᬲᬭᬸᬯᬂᬫᬜᭂᬫᬓ᭄ᬳᭂᬦ᭄ᬢᬮ᭄᭞ᬘᬡ᭄ᬥᬶᬓᬸᬲᬸᬫᬦᬾ ᬕᬸᬭᬶᬢ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄᭞ᬜᬮᬶᬫᬸᬭᬂᬲᬓᬶᬢ᭄ᬫᬦᬄ᭟᭐᭟ᬦᬸᬚᬸᬤᬶᬦ
ᬲᭀᬫᬓ᭄ᬮᬶᬯᭀᬦ᭄᭞ᬑᬓᬸᬓᬸᬦᬶᬗᬦ᭄ᬦᭂᬫᭀᬦᬶᬂ᭞ᬢᬗ᭄ᬕᬮ᭄ᬧᬶᬂᬮᬶᬫᬢᬸᬗ᭄ᬮᬾᬄ᭞ᬱᬤ᭄ᬯᬭᬦ᭄ᬜᬦᬾᬜᬋᬗᬶᬦ᭄᭞ᬰᬰᬶᬄᬓᬱᬦᭂᬫᭀᬦᬶᬦ᭄᭞ᬢᭂᬗ᭄ᬕᭂᬓ᭄ᬳᬶᬰᬓᬯᬸᬯᬸᬲ᭄᭞ᬢᭂᬗ᭄ᬕᭂᬓ᭄ᬢᬶᬕᬇ
ᬰᬓᬚ᭄ᬬᭀᬱ᭄ᬝ᭞ᬲᬶᬬᬸᬤᭀᬫᬲ᭄ᬧᬶᬢᬸᬂᬩᬗ᭄ᬲᬶᬢ᭄᭞ᬦᬶᬓᬳᬗ᭄ᬕᭀᬦ᭄᭞ᬧᬯᬶᬮᬗᬦ᭄ᬢᬸᬯᬸᬄᬚᬕᬢ᭄᭟᭐᭟ᬚᬸᬫᭂᬦᭂᬂᬭᬶᬂᬳᬬᭀᬥ᭄ᬬᬧᬸᬭ᭞ᬕᭂᬫᬸᬄᬮᬡ᭄ᬥᬸᬄᬓᬂᬦᬵᬕᬭᬶ᭞ᬢᬦ᭄ᬳᬦᬯᭀᬂᬳᬃᬫ᭄ᬭ

[ ᭒ 2A]
ᬦᬶᬂᬭᬵᬢᬵ᭞ᬳᬧᬦ᭄ᬭᬣᬦᬾᬓᬳᬾᬲᬶ᭞ᬲᬂᬦᬵᬣᬦᬗᭂᬦ᭄ᬓᬾᬃᬢ᭄ᬢᬶ᭞ᬧᬡ᭄ᬥᬶᬢᬯᬶᬓᬸᬦᬾᬯᬷᬪᬸᬄ᭞ᬪᬕᬯᬵᬦ᭄ᬦᬶᬮᭀᬘᬡ᭞ᬫ᭄ᬯᬂᬪᬕᬯᬵᬦ᭄‌ᬯᬺᬳᬲ᭄ᬧᬢᬶ᭞ᬳᬧᬦ᭄ᬳᬶᬤ᭞ᬫᬗᭂᬢᬶᬲᬶᬦ᭄ᬲᬂ
ᬳ᭄ᬬᬂᬯᬾᬤ᭟᭐᭟ᬯᬢᭂᬓ᭄ᬋᬱᬶᬭᬶᬂᬧᬢᬧᬦ᭄᭞ᬦᬫᬶᬬᬦ᭄ᬭᬯᬸᬄᬫᬦᬗ᭄ᬓᬶᬮ᭄᭞ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫ᭞ᬭᬳᬶᬦᬯᭂᬗᬶᬓᬢᬗ᭄ᬓᬶᬮ᭄᭞ᬫᬗ᭄ᬕᬮᬲᬶᬭᬧᬢᬶᬄ᭞ᬲ᭄ᬬᬭᬚᬬᬓᬂᬚᬚᬸᬮᬸᬓ᭄᭞
ᬫᬶᬯᬄᬓᬂᬧᬭᬪᬹᬤᬡ᭄ᬥ᭞ᬲᬫᬵ ᬗᬋᬧᬓᭂᬦ᭄ᬮᬶᬮᬶᬸᬗ᭄ᬕᬶᬄ᭞ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬩᬶᬸᬗᬦ᭄ᬤᬶᬓᬭᬶᬂᬫᬳᬵᬤ᭄ᬯᬶᬚ᭟᭐᭟ᬳᬶᬦ᭄ᬳ᭄ᬳᬶᬄᬧ᭄ᬭᬡ᭄ᬥᬲᬶᬦᬫᬶᬬᬦ᭄᭞ᬢᬶᬢ᭄ᬬᬂᬚᬕᬫᬗᬸᬦ᭄ᬓᬶᬃᬢ᭄ᬢᬶ᭞ᬗᬲ᭄ᬢᬯᬬᬬᬚ᭄ᬜᬧᬸ
ᬦᬶᬓᬵ᭞ᬋᬱᬶᬬᬚ᭄ᬜᬦᬾ ᬗᬯᬶᬢᬶᬦ᭄᭞ᬫᬵᬦᬸᬱᬬᬚ᭄ᬜᬫᬓᬵᬤᬶ᭞ᬪᬸᬢᬬᬚ᭄ᬜᬧᬶᬦᬶᬄᬧᬸᬗ᭄ᬓᬸᬃ᭞ᬧᬵᬢᬸᬢᬾᬳᬲᬧᬸᬦᬶᬓᬵ᭞ᬲᬂᬋᬱᬶᬫᬲᬳᬸᬃᬲᬫᬶ᭞ᬯᬦ᭄ᬢᬄᬧᬢᬸᬢ᭄᭞ᬧᬓᬬᬸᬦ᭄ᬘᭀ [ 3 ][ ᭒ 2B]
᭒᭞
ᬓᭀᬭᬶᬤᬾᬯ᭟᭐᭟ᬲᬂᬦᬵᬣᬫᬮᬶᬄᬗᬦ᭄ᬤᬶᬓ᭞ᬭᬶᬂᬳᬶᬧᬢᬶᬄᬫᬗ᭄ᬓᬸᬪᬸᬫᬶ᭞ᬫᬗ᭄ᬤᬫᬗ᭄ᬯᬗᬸᬦ᭄ᬧ᭄ᬭᬚ᭄ᬜᬵᬦ᭄᭞ᬲᬶᬭᬧᬢᬶᬄᬫᬢᬸᬃᬪᬓ᭄ᬢᬶ᭞ᬢᬶᬢ᭄ᬬᬂᬮᬶᬦ᭄ᬢᬂᬲᬳᬶᬭᬶᬂ᭞ᬓᬤᬶᬓᬬᬸᬦ᭄ᬘᭀᬓᭀᬭᬶ
ᬭᬢᬸ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬯᬗᬸᬦᬂ᭞ᬤᬕᬶᬂᬯᬘᬡᬦ᭄ᬦᬺᬧᬢᬶ᭞ᬲᬫ᭄ᬧᬸᬦ᭄ᬧᬸᬢᬸᬲ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬓᬧᬸᬭ᭟᭐᭟ᬢᬦ᭄ᬤ᭄ᬯᬓᭀᬘᬧ᭄ᬓᬯᬃᬡ᭄ᬦ᭞ᬧᬸᬧᬸᬢ᭄ᬧᬬᬚ᭄ᬜᬦᬾᬲᬫᬶ᭞ᬧᬗᬗ᭄ᬕᬾᬦᬾ
ᬲᬃᬯ᭄ᬯᬧᭂᬝᬵᬓ᭄᭞ᬲᬂᬦᬣᬫᬶᬚᬶᬮ᭄ᬓᬢᬗ᭄ᬓᬶᬮ᭄᭞ᬤᬶᬧᬬᬚ᭄ᬜᬦ᭄ᬫᬮᬶᬗ᭄ᬕᬶᬄ᭞ᬯᬢᭂᬓ᭄ᬋᬱᬶᬲᬫᬶᬭᬯᬸᬄ᭞ᬳᬦᬾᬩᬰ᭄ᬭᬀᬦᬭᬾᬦ᭄ᬤ᭄ᬭ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬧ᭄ᬭᬡ᭄ᬥᬕᬸᬭᬸ᭞ᬧᬶᬦ
ᬲ᭄ᬫᬮᬶᬄᬢᬶᬕᬂᬤᬶᬦ᭟᭐᭟ᬯᬢᭂᬓ᭄ᬋᬱᬶᬭᬶᬂᬧᬢᬧᬦ᭄᭞ᬤᬸᬳᬸᬃᬯᬾᬦ᭄ᬢᭂᬦ᭄ᬭᬯᬸᬄᬫ᭄ᬭᬶᬓᬶ᭞ᬪᬕᬯᬵᬦ᭄‌ᬯ᭄ᬭᬲ᭄ᬧᬢᬶᬗᬸᬘᬧ᭄᭞ᬳᬶᬗ᭄ᬕᬶᬄᬭᬢᬸᬰ᭄ᬭᬶᬪᬹᬧᬢᬶ᭞ᬫᬮᬶᬄᬓᬮᬶᬄᬭᬳᬶᬦᬫᬗ᭄ᬓᬶᬦ᭄᭞
[ ᭓ 3A]
ᬳᬶᬤᬲᬫ᭄ᬧᬘᬂᬭᬯᬸᬄ᭞ᬗᬶᬭᬶᬂᬰ᭄ᬭᬷᬦᬭᬦᬵᬣ᭞ᬧᬸᬧᬸᬢ᭄ᬩᬩᬯᭀᬲᬾᬫᬗ᭄ᬓᬶᬦ᭄᭞ᬲᬫᬶᬳᬤᬸᬂ᭞ᬧᬡ᭄ᬥᬶᬢᬓᬮᬶᬄᬲᬂᬧ᭄ᬭᬪᬸ᭟᭐᭟ᬭᬯᬸᬄᬭᬶᬂᬭᬳᬶᬦᬓᬵᬃᬬ᭄ᬬ᭞ᬯᬢᭂᬓ᭄ᬢᬧᬭᬯᬸᬄᬦᬗ᭄ᬓᬶᬮ᭄᭞
ᬧ᭄ᬭᬬᬫᬗᬲ᭄ᬣᬯᬬᬚ᭄ᬜᬵ᭞ᬓᬧ᭄ᬬᬚ᭄ᬜᬦ᭄ᬫᬗᭀᬚᭀᬕ᭄ᬲᬫᬶ᭞ᬲᬂᬦᬵᬣᬦᬸᬮᬶᬫᬶᬚᬶᬮ᭄᭞ᬭᬶᬂᬧ᭄ᬬᬚ᭄ᬜᬦ᭄ᬳᬶᬤᬫᬮᬸᬗ᭄ᬕᬸᬄ᭞ᬓᬢᬗ᭄ᬓᬶᬮ᭄ᬳᬦ᭄ᬢᬸᬓ᭄ᬧᬡ᭄ᬥᬶᬢ᭞ᬲᬂᬋᬱᬶᬗᬲ᭄ᬣᬯᬲᬫᬶ᭞ᬜ᭄ᬚᬬᬚᬬ᭞ᬲᬂᬧ᭄ᬭ
ᬪᬸᬘᬡ᭄ᬥᬶᬓᬸᬲᬸᬫ᭟᭐᭟ᬕ᭄ᬭᬶᬬᭂᬗᬦ᭄ᬯᬾᬤᬦ᭄ᬧᬤᬡ᭄ᬥ᭞ᬮ᭄ᬯᬶᬃᬪ᭄ᬭᬫᬭᬵᬗᬶᬲᭂᬧ᭄ᬲᬭᬶ᭞ᬮᬾᬤᬂᬲᬂᬦᬵᬣᬓᬸᬲᬸᬫ᭞ᬓᬳᬲ᭄ᬣᬯᬤᬾᬲᬂᬋᬱᬶ᭞ᬧ᭄ᬧᬸᬦ᭄ᬬᬪᬯᬓᬳᬢᬸᬃᬲᬫᬶ᭞ᬲᬫᬪᬯᬲᬗᬯᬶᬓᬸ
᭞ᬳᬗᬸᬜ᭄ᬘᬭᬓᭂᬦ᭄ᬯ᭄ᬯᬾᬤ᭞ᬫᬜ᭄ᬚᬬᬦ᭄ᬧᬸᬦ᭄ᬬᬦᬾᬲᬫᬶ᭞ᬗᬲ᭄ᬣᬯᬬᬂ᭞ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫ᭟᭐᭟ᬲᬂᬧ᭄ᬭᬪᬸᬫᬮᬶᬄᬗᬦ᭄ᬤᬶᬓ᭞ᬧᬸᬧᬸᬢ᭄ᬳᬶᬓᬂᬬᬚ᭄ᬜᬧᬸᬦᬶᬓᬶ᭞ᬢᬶᬢ᭄ᬬᬂᬫᬮᬶᬄᬗ᭄ᬯᬗᬸᬦ᭄ᬬ [ 4 ][ ᭓ 3B]
᭓᭞
ᬚ᭄ᬜᬵ᭞ᬰᬦ᭄ᬢᬶᬓᬫᭀᬱ᭄ᬝᬶᬓᬫᬲᬤᬶ᭞ᬲᬂᬋᬱᬶᬫᬜᬯᬸᬭᬶᬦ᭄᭞ᬧᬢᬸᬢ᭄ᬧᬶᬲᬦ᭄ᬭᬢᬸᬳᬕᬸᬂ᭞ᬫᬗ᭄ᬮᬦ᭄ᬤᬸᬳᬂᬦᬵᬕᬭ᭞ᬧᬜᬶᬭᬫᬦ᭄ᬚᬕᬢᬾᬲᬫᬶᬳᭀᬫᬬᬚ᭄ᬜᬵ᭞ᬫᬲᬧ᭄ᬭᬫᬡᬦᬶᬂ
ᬚᬕᬢ᭄᭟᭐᭟ᬲᬂᬋᬱᬶᬓᬢᬸᬭᬦ᭄ᬪᭀᬚᬦ᭞ᬫᬪᭀᬚᬦᬳᬶᬤᬲᬫᬶ᭞ᬢᬬᬸᬂᬧᬾᬦ᭄ᬤᬾᬢ᭄ᬫᬲ᭄ᬮᬶᬯᭂᬭᬦ᭄᭞ᬓᬾᬦᬓ᭄ᬲᬂᬦᬵᬣᬜᬶᬗᬓᬶᬦ᭄᭞ᬦᬾᬜᭀᬦ᭄ᬤᭀᬂᬍᬫᬸᬄᬧᬗᬶᬤ᭄᭞ᬧ᭄ᬭᬕᬶ
ᬜᬦᬾᬧᬥᬳᬬᬸ᭞ᬢᬬᬸᬗᬦᬾᬫᬕᭀᬮᬾᬭᬦ᭄᭞ᬦᬜ᭄ᬚᭂᬓᬶᬦ᭄ᬕᭀᬗᬾᬫᬫᬸᬜᬶ᭞ᬢᬦ᭄ᬘᬭᬶᬢ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬳᬶᬓᬂᬓᬃᬬ᭄ᬬ᭟᭐᭟ᬭᬳᬶᬦᬢᬢᬲ᭄ᬓᬫᬦ᭄ᬢ᭄ᬬᬦ᭄᭞ᬲᬂᬧ᭄ᬭᬪᬸᬫᭂᬤ
ᬮ᭄ᬓᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬧᬸᬦᬂᬧᬦᬗ᭄ᬓᬶᬮᬦ᭄᭞ᬫᬶᬯᬄᬪᬸᬚᬗ᭄ᬕᬲᬗᬚᬶ᭞ᬫᬗ᭄ᬕᬮᬲᬶᬭᬧᬢᬶᬄ᭞ᬲᬂᬦᬵᬣᬗᬦ᭄ᬤᬶᬓᬳᬮᬸᬲ᭄᭞ᬲᬶᬗ᭄ᬕᬶᬄᬪᬕᬯᬵᬦ᭄ᬦᬶᬮᭀᬘᬡ᭞ᬲᬧᬸᬦᬧᬶᬓᬤᬶᬫᬗ᭄ᬓᬶᬦ᭄᭞
[ ᭔ 4A]
ᬧ᭄ᬭᬯᬾᬰᬦᬾ᭞ᬓᭂᬤᬲ᭄ᬕᬮᬂᬢᬦ᭄ᬧᬫᭂᬗᬦ᭄᭟᭐᭟ᬲᬹᬃᬬ᭄ᬬᬫᬓᬮᬗᬦ᭄ᬢᬾᬚ᭞ᬩᬶᬦ᭄ᬢᬗᬾᬳᬶᬦᬩ᭄ᬜᬋᬗᬶᬦ᭄᭞ᬲᬂᬫᬡ᭄ᬥᬶᬢᬫᬵᬢᬸᬃᬳᬮᭀᬦ᭄᭞ᬳᬶᬗ᭄ᬕᬶᬄᬰᬢ᭄ᬭᬸᬫᬗ᭄ᬭᬯᬸᬳᬶᬦ᭄‌ᬓᭂᬦᬶ
ᬲᬗ᭄ᬕ᭄ᬭᬲᬦᬾᬫᬗ᭄ᬓᬶᬦ᭄᭞ᬰᬢ᭄ᬭᬸᬦᬯᬸᬲᬦᬾ ᬯᬗᬸᬦ᭄᭞ᬫᬸᬂᬧᬸᬂᬤᬸᬭᬸᬂᬓᬭᬯᬸᬳᬦ᭄᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬳᬧᬗᬦᬸᬢ᭄᭞ᬫᬘᬭᬸᬩᬦ᭄ᬩᬜᬓ᭄ᬮᬦᬂ᭟᭐᭟ᬳᬶᬧᬢᬶᬄᬫᬳ
ᬢᬸᬃᬲᭂᬫ᭄ᬩᬄ᭞ᬲᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬲᬗᬚᬶ᭞ᬭᬭᬶᬲ᭄ᬲᬫᬶᬫᬮᬸᬯᬭᬦ᭄᭞ᬲᬯᭂᬗ᭄ᬓᭀᬦ᭄ᬤᬾᬰᬦᬾᬲᬫᬶ᭞ᬕ᭄ᬮᬶᬲᬶᬂᬘᬭᬶᬢᬦᬾᬫᬗ᭄ᬓᬶᬦ᭄᭞ᬩᬶᬮᬂᬩᬜ᭄ᬚᬃᬫᬗᬸᬜ᭄ᬘᬭᬸ᭞ᬫᬓᬓᭀᬩᭀ
ᬓ᭄ᬳᬦ᭄ᬢᬸᬓ᭄ᬭᬄ᭞ᬲᬜ᭄ᬚᬢᬦᬾᬢᬢᬥᬳᬶᬦ᭄᭞ᬲᬤ᭄ᬤ᭄ᬬᬲᬫ᭄ᬧᬸᬦ᭄᭞ᬧᬸᬧᬸᬢ᭄ᬘᬭᬸᬫᬮᬸᬯᬭᬦ᭄᭟᭐᭟ᬤᬸᬃᬫ᭄ᬫ᭟ᬓᬯᬃᬡ᭄ᬦᬳᬲᬶᬭᬲᬂᬭᬵᬚᬦᬯᬸᬲ᭞ᬳᬕᬸᬗᬾᬭᬶᬂᬤᬺᬱ᭄ᬝᬚᬢᬶ᭞ᬫᭀ [ 5 ][ ᭔ 4B]
᭔᭞
ᬫᭀᬦᬾᬓᬮᬶᬦ᭄ᬢᬂ᭞ᬢ᭄ᬯᬭᬫᬫ᭄ᬩᭂᬓ᭄ᬓᬥᬃᬫ᭄ᬫᬦ᭄᭞ᬢ᭄ᬯᬭᬤᬾᬯᬢ᭄ᬯᬭᬋᬱᬶ᭞ᬢ᭄ᬯᬭᬲᬦ᭄ᬢᭀᬱ᭞ᬳᬯᬓᬾ ᬧᬮᬶᬂᬰᬓ᭄ᬢᬶ᭟᭐᭟ᬧᬲᭂᬫᭂᬗᬦ᭄ᬩᬯᬸᬫᬭᬤᬯᬸᬄᬧᬶᬲᬦ᭄᭞ᬫᬶᬚᬶᬮ᭄ᬤᬤᬓ᭄ᬓᬢᬗ᭄ᬓᬶ
ᬮ᭄᭞ᬧᭂᬧᭂᬓ᭄ᬩᬮᬯᬤ᭄ᬯ᭞ᬳᬶᬧᬢᬶᬄᬓᬮᬫᬹᬃᬓ᭄ᬓ᭞ᬫᬜ᭄ᬘᬧᬸᬗ᭄ᬕᬯᬦᬾᬲᬫᬶ᭞ᬭᬵᬚᬦᬯᬸᬲ᭞ᬗᬦ᭄ᬤᬶᬓᬭᬶᬂᬳᬶᬧᬢᬶᬄ᭟᭐᭟ᬤᬄᬳᬶᬧᬢᬶᬄᬩᭂᬮᬶᬫᬭᬦᬶᬗᭂᬄᬳᭀᬃᬣ᭞ᬤᬶᬳᬢᭀᬥ᭄ᬬᬭ
ᬢᬸᬍᬯᬶᬄ᭞ᬰᬓ᭄ᬢᬶᬩᬮᬯᬶᬃᬬ᭄ᬬ᭞ᬯᬶᬱᬬᬥᬃᬫ᭄ᬫᬦᬶᬂᬭᬵᬢᬵ᭞ᬓᭂᬦᭂᬄᬩᭂᬮᬶᬫᬗᬗ᭄ᬓᬢᬶᬦ᭄᭞ᬘᬳᬶᬦᬩ᭄ᬤᬩᬂ᭞ᬤᬯᬸᬯᬶᬦ᭄ᬧᬜ᭄ᬚᬓᬾᬲᬫᬶ᭟᭐᭟ᬧᬘᬂᬗ᭄ᬭᬶᬱ᭄ᬝᬦᬾᬫᬦᬶᬧᬲᭂᬫᭂᬗᬦ᭄᭞ᬳ
ᬢᬕᬂᬓᬤᬾᬰᬚᬶᬫ᭄᭞ᬢᬸᬫᬸᬮᬶᬫᬗᬭᬄ᭞ᬦᬾᬚᬦᬶᬘᬳᬶᬫᬚᬮᬦ᭄᭞ᬫᬦᬶᬲᭂᬫᭂᬂᬦᬧᬓ᭄ᬤᬶᬦᬶ᭞ᬫᬶᬭᬶᬗᬦ᭄‌ᬭᭀᬯᬂ᭞ᬳᬶᬧᬢᬶᬄᬫᬫᬸᬘᬸᬓᬶᬦ᭄᭟᭐᭟ᬲᬳᬸᬃᬲᭂᬫ᭄ᬩᬄᬧᬋᬓ
[ ᭕ 5A]
ᬦᬾᬲᬫᬶᬕᬶᬭᬂ᭞ᬢᬶᬢ᭄ᬬᬂᬮᬶᬦ᭄ᬢᬂᬲᬳᬶᬭᬶᬂ᭞ᬜᬤ᭄ᬬᬫᭂᬢᭀᬄᬚᬶᬯᬵ᭞ᬗᭂᬦ᭄ᬤᭀᬦ᭄ᬓᬬᭀᬥ᭄ᬬᬦᬵᬕᬭ᭞ᬢᬶᬢ᭄ᬬᬂᬳᬬᬢ᭄ᬫᬜᬭᬳᬶᬦ᭄᭞ᬧ᭄ᬭᬪᬸᬳᬬᭀᬥ᭄ᬬ᭞ᬘᬗ᭄ᬓ᭄ᬮᬶᬂᬢᬶᬢ᭄ᬬᬂᬧᬭᬫᬗ᭄ᬓᬶᬦ᭄᭟
᭐᭟ᬱᬥᬳᬾᬕᬃᬧᬸᬗ᭄ᬕᬯᬦᬾᬫᬫᬶᬋᬗᬂ᭞ᬧ᭄ᬭᬚᬸᬭᬶᬢᬾᬫᬗᬸᬮᬧᬶᬦ᭄᭞ᬮᬯᬸᬢ᭄ᬫᬗ᭄ᬓᬶᬦ᭄ᬗᬸᬫ᭄ᬩᬂ᭞ᬧᬥᬫᬗ᭄ᬤᬲ᭄ᬕᬲ᭄ᬢᬗ᭄ᬓᬄ᭞ᬘᬭ᭄ᬯᬂᬢᬶᬢ᭄ᬬᬂᬤᬾᬯᬳᬚᬶ᭞ᬭᬶᬂᬭᬡᬬᬚ᭄ᬜ᭞ᬫᬗ᭄ᬮᬯᬦ᭄ᬰᬢ᭄ᬭᬸ
ᬰᬓ᭄ᬢᬶ᭟᭐᭟ᬤᬦ᭄ᬳᬾᬕᬃᬲᬶᬭᬧ᭄ᬭᬪᬸᬦᬯᬸᬲ᭞ᬫᬶᬋᬂᬲᬗ᭄ᬕᬸᬧ᭄ᬧᬜ᭄ᬚᬓᬾᬲᬫᬶ᭞ᬦᬢᬦ᭄ᬘᬶᬦᬭᬶᬢ᭞ᬲᭂᬥᭂᬂᬫᬳᬶᬫ᭄ᬬᬳᬶᬫ᭄ᬬᬦᬦ᭄᭞ᬓᬳᬶᬧᬸᬦ᭄ᬧᬜ᭄ᬘᬓᬾᬲᬫᬶ᭞ᬫᬧᬸᬜᬄᬧᬸᬜᬳ
ᬦ᭄᭞ᬦᬦ᭄ᬢᭀᬲ᭄ᬲᬸᬭᬸᬧ᭄ᬲᬂᬳ᭄ᬬᬂᬭᬯᬶ᭟᭐᭟ᬫᬓᬍᬫᬄᬫᬳᬾᬦᬓ᭄ᬫᬮᬮᬕᬭᬦ᭄᭞ᬲᭂᬫᭂᬓᭀᬘᬧᬦᬾᬫᬗ᭄ᬓᬶᬦ᭄᭞ᬲᬫᬶᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬫᬪᬸᬱᬡᬩᭂᬘᬶᬓ᭄ᬧᬶᬲᬦ᭄᭞ᬢᭂ [ 6 ][ ᭕ 5B]
᭕᭞
ᬓᬦᬶᬂᬧᬓᬓᬲ᭄ᬕᬸᬭᬶᬢ᭄᭞ᬭᬵᬚᬦᬯᬸᬲ᭞ᬭᬶᬂᬩᬜ᭄ᬘᬶᬗᬄᬓᬢᬗ᭄ᬓᬶᬮ᭄᭟᭐᭟ᬗᬫᬃᬕ᭄ᬕᬶᬬᬂᬲᬶᬓᭂᬧᬾᬫᬓᬡ᭄ᬥᬓᬡ᭄ᬥ᭞ᬳᬶᬧᬢᬶᬄᬫᬫᬸᬘᬸᬓᬶᬦ᭄᭞ᬢᬦ᭄ᬓᬯᬃᬡ᭄ᬦᬾᬫᬃᬕ᭄ᬕ᭞ᬳᬮᬲᬾᬲᬫᬶ
ᬕᬮᬂ᭞ᬢᬫ᭄ᬧᬓ᭄ᬚᬦ᭄ᬫᬦᬾᬗᭂᬦ᭄ᬢᬲᬶᬦ᭄᭞ᬍᬧᬸᬕ᭄ᬳᬤᬶᬦ᭞ᬭᬵᬚᬦᬵᬯᬸᬲᬫᬫᬃᬕ᭄ᬕᬶ᭟᭐᭟ᬮᬶᬯᬢ᭄ᬤᬾᬰᬧᭂᬢᭂᬂᬤᭂᬤᭂᬢ᭄ᬲᬳᬓᬶᬮᬧ᭄᭞ᬕᬸᬍᬜᬧᬸᬢᬶᬦ᭄᭞ᬳᬗᬶᬦᬾᬗᬸᬢ᭄ᬢᬭ
᭞ᬢᬸᬗ᭄ᬕᬸᬮ᭄ᬭᬵᬚᬦᬯᬸᬲ᭞ᬧᬸᬗ᭄ᬕᭂᬮ᭄ᬩᬸᬩᬃᬳᬗᬶᬦ᭄ᬢᬭᬶᬓ᭄᭞ᬧᬬᬸᬗᬾᬕ᭄ᬭᬾᬫᬾᬂ᭞ᬓᬢᬶᬩᬾᬦᬦ᭄ᬳᬸᬚᬦ᭄ᬕᭂᬢᬶᬄ᭟᭐᭟ᬲᬓᬶᬂᬕᭂᬮᬶᬲ᭄ᬧᬫᬃᬕ᭄ᬕᬶᬦ᭄ᬧ᭄ᬭᬪᬸᬦᬯᬸᬱ᭞ᬭᬯᬸᬄᬭᬶᬂᬢᭂᬧᬶᬲᬶᬭᬶᬂ᭞ᬤᬶ
ᬢᬸᬗ᭄ᬯᬗᬸᬦ᭄ᬕᭂᬮᬃ᭞ᬤᬶᬢᭂᬧᬶᬮ᭄ᬯᬄᬤᬾᬰᬫᬸᬤ᭄ᬭ᭞ᬳᬶᬧᬢᬶᬄᬗᬤ᭄ᬯᬂᬫᬗ᭄ᬓᬶᬦ᭄᭞ᬳᬜᬭᬄᬤᬾᬰ᭞ᬳᬫᬶᬤᬡ᭄ᬥᬫᬗ᭄ᬮᬭᬦᬶ᭟᭐᭟ᬧᬥᬭᬭᬸᬤ᭄ᬢᭂᬧᬶᬲᬶᬭᬶᬗᬾᬓᬤᬾᬰ᭞ᬦᬾ
[ ᭖ 6A]
ᬭᬸᬧᬦ᭄ᬲᬹᬃᬬ᭄ᬬ᭞ᬧᬬᬸᬥᬦᬾᬫᬮ᭄ᬯᬭᬦ᭄᭞ᬧᬥᬗᬸᬗ᭄ᬲᬶᬓᬸᬝᬵᬦᬾᬓᬶ᭞ᬯᭂᬗᬶᬦᬾᬓᭀᬘᬧ᭄᭞ᬭᬵᬚᬦᬯᬸᬱᬧ᭄ᬭᬶᬳᬢᬶᬦ᭄᭟᭐᭟ᬧᬭᬬᭀᬥᬫᬩ᭄ᬭᬶᬬᬸᬓ᭄ᬲᬫᬶᬫᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸ
ᬤᬾᬯᬳᬚᬶ᭞ᬲᬵᬫ᭄ᬧᬸᬦ᭄ᬤᬵᬗᬾᬯᭂᬳᬂ᭞ᬢᬶᬢ᭄ᬬᬂᬳᬗ᭄ᬓᬢᬶᬦ᭄ᬦᬾᬩᬾᬜᬚᬂ᭞ᬢᬦᬸᬭᬸᬂᬳᬶᬧᬸᬦ᭄ᬫᬘᬗ᭄ᬓ᭄ᬮᬶᬂ᭞ᬘᬡ᭄ᬥᬶᬓᬸᬲᬸᬫ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬦᬡ᭄ᬥᬗᬶᬦ᭄᭟᭐᭟ᬧ᭄ᬭᬪᬸᬦᬯᬸᬱᬫᬗᭂᬲᬾᬗᬶᬦ᭄ᬯ
ᬢᭂᬓ᭄ᬯᬶᬭ᭞ᬫᬤᬸᬫ᭄ᬧᬶᬮᬶᬄᬫᬦᬶᬫ᭄ᬩᬗᬶᬦ᭄᭞ᬧ᭄ᬭᬧᬸᬗ᭄ᬕᬯᬲᬫ᭄ᬬᬦ᭄᭞ᬫᬶᬯᬄᬩ᭄ᬭᬬᬦᬾᬫᬓᭂᬚᬂ᭞ᬓᬾᬦ᭄ᬓᬾᬦ᭄ᬩᬦ᭄ᬦᬬᬦᬂᬚᬦᬶ᭞ᬧᭀᬳᭀᬲ᭄ᬧᭀᬳᭀᬲᬂ᭞ᬤᭀᬦᬶᬂᬳᬚᬓ᭄ᬳᬓᬶ
ᬓᬶᬢ᭄᭟᭐᭟ᬧᬲᭂᬫᭂᬗᬦ᭄ᬗᬯᬸᬫᬭᬕᬮᬂᬢᬦᬄ᭞ᬲᬂᬧ᭄ᬭᬪᬸᬦᬸᬮᬶᬫᬶᬚᬶᬮ᭄᭞ᬗᬫ᭄ᬩ᭄ᬬᬃᬓᬂᬓᬯᬸᬮ᭞ᬲᬸᬭᬓ᭄ᬤᬸᬫᬸᬂᬳᬲᬳᬸᬭᬦ᭄᭞ᬢᬫ᭄ᬩᬸᬃᬕᭀᬂᬪᬾᬭᬶᬦᬫ᭄ᬩᬸᬗᬶᬦ᭄᭞ᬯᬢᭂᬓ᭄ᬘᬬᭀ [ 7 ][ ᭖ 6B]
᭖᭞
ᬥ᭄ᬬ᭞ᬫᬩ᭄ᬭᬶᬬᬸᬓ᭄ᬢᭂᬓᬗᬗ᭄ᬓᬢᬶᬦ᭄᭟᭐᭟ᬫᬘᬸᬦ᭄ᬤᬸᬓ᭄‌ᬯᬢᭂᬓ᭄ᬩᬮᬭᬵᬚᬦᬯᬸᬱᬵ᭞ᬮᬯᬦ᭄ᬯᭀᬂᬳᬬᭀᬥ᭄ᬬᬧᬸᬭᬶ᭞ᬧᬥᬢ᭄ᬬᬦ᭄ᬢᬾᬂᬮᬕ᭞ᬢᬸᬳᬸᬧ᭄ᬭᬓᭀᬱᬾᬂᬭᬡ᭞ᬯᭀᬂ
ᬤᬺᬱ᭄ᬣᬚᬸᬢᬶᬓᬮᬶᬮᬶᬄ᭞ᬳᬦᬡ᭄ᬥᬂᬮᬭ᭞ᬓᬩᬡ᭄ᬥᬓᬢᬶᬕ᭄ᬢᬶᬕᬶᬦ᭄᭟᭐᭟ᬮᬾᬦ᭄ᬓᬚᭂᬓ᭄ᬚᭂᬓ᭄ᬓᬧᬳᬶᬤ᭄ᬓᬚᬓ᭄ᬓᬧᭀᬦ᭄ᬤᭀᬓ᭄᭞ᬫᬢᭂᬕᬸᬮ᭄ᬢᬸᬃᬫᬢᬮᬶ᭞ᬲᬂᬭᬵᬚᬦᬯᬸᬱ᭞ᬤ
ᬳᬢ᭄ᬓ᭄ᬭᭀᬥᬦᬾᬓᬮᬶᬦ᭄ᬢᬂ᭞ᬫᬜᭂᬭᬶᬢ᭄ᬦᬕᬶᬄᬧᬲᬸᬗᬶᬦ᭄᭞ᬰ᭄ᬭᬶᬓᬭᬦᬵᬣ᭞ᬕᭂᬮᬶᬲ᭄ᬳᬶᬤᬗᬫᭂᬤᬮᬶᬦ᭄᭟᭐᭟ᬭᬭᬶᬲ᭄ᬘᬸᬦ᭄ᬤᬸᬓ᭄ᬭᬶᬂᬲᬂᬭᬵᬚᬦᬯᬸᬱ᭞ᬲᬂᬦᬵᬣᬗ᭄ᬮᬶᬲ᭄ᬳᬭᬶᬲ᭄᭞ᬳᬄ
ᬭᬵᬚᬦᬯᬸᬱ᭞ᬢᬸᬳᬸᬓᭀᬲᬫᬬᬦ᭄ᬢ᭞ᬫᬢᭂᬫᬸᬧᬥᬧ᭄ᬭᬚᬸᬭᬶᬢ᭄᭞ᬫᬕᬕᭀᬜ᭄ᬚᬓᬦ᭄᭞ᬫᬲᬶᬮᬸᬃᬲᬶᬓᭂᬧ᭄ᬢᬜ᭄ᬚ᭄ᬭᬶᬄ᭟᭐᭟ᬲᬂᬦᬯᬸᬱᬲᭂᬩᭂᬗᬾᬫᬲᭂᬫᬸᬫᬾᬭᬂ᭞ᬕ᭄ᬮᬶᬲ᭄ᬦᬫ᭄ᬩᬢ᭄ᬢᭀᬫᬭ

[ ᭗ 7A]
ᬯᬦᬾᬦ᭄ᬫᬢᬗ᭄ᬕᬮ᭄ᬢᬦ᭄ᬤᬶᬂ᭞ᬫᬲ᭄ᬬᬢ᭄ᬫᬳᬸᬩᭂᬭᬦ᭄᭞ᬲᬮᬾᬂᬲᭂᬧᭂᬕ᭄ᬲᬮᬾᬂᬚᬫ᭄ᬩᬓ᭄᭞ᬳᬤᬗᬫᬸᬓ᭄ᬩᬦ᭄ᬕᬕᬶᬢᬶᬓ᭄᭞ᬲᬳᬲᬦᬸᬚᬄ᭞ᬩᬦ᭄ᬢᭀᬫᬭᬲᬸᬮᬶᬕᬶ᭟᭐᭟ᬧᭂᬲᬸᬕᭂᬢᬶᬄᬍᬗ
ᬭᬫᬓᭂᬘᬄᬓᭂᬘᬄ᭞ᬮᬾᬦᬵᬳᬤᬢᬶᬫ᭄ᬧᬮ᭄ᬜᬕ᭄ᬚᬕᬶᬦ᭄᭞ᬗᭂᬕᭂᬮ᭄ᬗᬫᬮᬸᬯᬂ᭞ᬢᬦ᭄ᬫᬦᬓ᭄ᬮᬸᬄᬗᭂᬧ᭄ᬮᬓ᭄᭞ᬓᬫᭂᬫᭂᬕᬦ᭄ᬫᬜᬸᬗ᭄ᬓᬶᬭᬶᬢ᭄᭞ᬦᬾᬮᬸᬄᬫᬗᬸᬫ᭄ᬩᬂ᭞ᬫᬗᬸᬤᬳᬶᬩᬫᬮᬳᬶᬩ᭄᭟᭐᭟
ᬫᬮᬸᬯᬭᬦ᭄ᬧᬲᬶᬬᬢᬾᬲᬸᬭᬸᬧ᭄ᬲᬹᬃᬬ᭄ᬬ᭞ᬢᭂᬧᬶᬲᬶᬭᬶᬗᬾᬫᬗ᭄ᬓᬶᬦ᭄᭞ᬫᬗ᭄ᬯᬗᬸᬦᬂᬕᭂᬮᬃ᭞ᬫᬢᬾᬫ᭄ᬩᭀᬓ᭄ᬩᬦ᭄ᬘᭀᬫᬭ᭞ᬚᭀᬗ᭄ᬓᭀᬓ᭄ᬳᬲᬸᬫᬦᭀᬗᭀᬲᬶᬦ᭄᭞ᬢᭀᬗᭀᬲ᭄ᬫᬜᬥᬂ᭞
ᬫᬸᬲᬸᬳᬾᬦᬾᬫᬭᬦᬶᬦ᭄᭟᭐᭟ᬳᬶᬓᬬᬂᬮᬶᬫᬜ᭄ᬚᬮᬦᬂᬧᬢᬶᬄᬦᬵᬣ᭞ᬧᬋᬓ᭄ᬓᬬᭀᬥ᭄ᬬᬧᬸᬭᬶ᭞ᬫᬢᬸᬃᬧᬳᬸᬦᬶᬗ᭄ᬳ᭞ᬭᬶᬂᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭ᭞ᬳᬦ᭄ᬢᬸᬓ᭄ᬰᬢ᭄ᬭᬸᬗ᭄ᬭᬯᬸᬳᬶᬦ᭄᭞ᬭᬵᬚᬦᬯᬸ [ 8 ][ ᭗ 7B]
᭗᭞
ᬱ᭞ᬧᭂᬲᬾᬗᬦᬾᬲᬗᬚᬶ᭟᭐᭟ᬓᬘᬭᬶᬢᬳᬶᬤᬰ᭄ᬭᬷᬘᬡ᭄ᬥᬶᬓᬸᬲᬸᬫ᭞ᬭᬶᬂᬩᬜ᭄ᬘᬶᬗᬄᬓᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬧ᭄ᬭᬪᬸᬗ᭄ᬕ᭞ᬳᬶᬧᬢᬶᬄᬫ᭄ᬯᬂᬲᬗᬃᬬ᭄ᬬ᭞ᬲᬫᬗᬋᬧᬓᭂᬦ᭄ᬮᬶᬗ᭄ᬕᬶᬄ᭞ᬫᬲᬶ
ᬤ᭄ᬥ᭄ᬬᬓ᭄ᬭᬫ᭞ᬧᬢᬶᬄᬭᬣᬦᭂᬫ᭄ᬩᬄᬳᬕ᭄ᬮᬶᬲ᭄᭟᭐᭟ᬭᬢᬸᬯᬕᬸᬂᬢᬶᬢ᭄ᬬᬂᬦᬸᬦᬲ᭄ᬧᬗᬵᬫ᭄ᬧᬸᬭ᭞ᬦ᭄ᬭᭀᬚᭀᬕ᭄ᬲᭂᬥᭂᬓ᭄‌ᬰ᭄ᬭ᭄ᬬᬵᬕᬸᬂᬳᬚᬶ᭞ᬳᬢᬸᬃᬧᬗᬯ᭄ᬭᬸᬳ᭞ᬢᭂᬧᬶᬲᬶᬭᬶᬂᬧᬸᬦᬶᬓᬵ᭞
ᬰᬢ᭄ᬭᬸᬳᬕᬸᬂᬫᬗ᭄ᬭᬯᬸᬳᬶᬦ᭄᭞ᬭᬵᬚᬦᬯᬸᬱ᭞ᬧᭂᬲᬾᬗᬦ᭄ᬳᬶᬤᬲᬗᬚᬶ᭟᭐᭟ᬧᭀᬮᬶᬄᬫ᭄ᬬᬸᬥᬓᬯᬸᬮᬦ᭄ᬘᭀᬓᭀᬃᬳᬶᬤ᭞ᬩᬾᬘᬾᬓ᭄ᬲᬫᬶᬦᬦ᭄ᬤᬂᬓᬦᬶᬦ᭄᭞ᬲᬂᬦᬣᬭᬭᬶ
ᬲ᭄ᬗᬦ᭄ᬤᬶᬓᬵ᭞ᬭᬶᬂᬳᬶᬧᬢᬶᬄᬲᬸᬭᬪᬬ᭞ᬮᬯᬸᬢᬂᬚᬦᬶᬢᬡ᭄ᬥᬗᬶᬦ᭄᭞ᬓ᭄ᬬᬬᬶᬧᬢᬶᬄᬫᬗ᭄ᬓᬢ᭄᭞ᬳᭂᬤᬲᬶᬗ᭄ᬕᬶᬄᬩ᭄ᬯᬶᬦ᭄ᬫᬸᬮᬶᬄ᭟᭐᭟ᬫᬭᬦ᭄ᬢᬩᬦ᭄ᬚᬦ᭄ᬫᬦᬾᬧᬥᬫᬜᬕ᭄ᬚᬕ᭄᭞ᬓᬸᬮ᭄ᬓᬸᬮ᭄ᬩᬸᬮᬸᬲ᭄ᬫ
[ ᭘ 8A]
ᬫᬸᬜᬶ᭞ᬲᬶᬓᭂᬧ᭄ᬫᬲ᭄ᬮᬶᬬᬸᬭᬦ᭄᭞ᬫᬓᬡ᭄ᬥᬓᬤᬶᬭᬶᬂᬲᬸᬭᬵᬢ᭄᭞ᬧᬫᬃᬕ᭄ᬕᬶᬦᬾᬰ᭄ᬭᬷᬪᬹᬧᬢᬶ᭞ᬘᬡ᭄ᬥᬶᬓᬸᬲᬸᬫ᭞ᬲᬂᬋᬱᬶᬗᭂᬫᬶᬢ᭄ᬭᬶᬂᬧᬸᬭᬶ᭟᭐᭟ᬲᬓᬶᬂᬕᭂᬮᬶᬲ᭄ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬬᬸᬥᬦ᭄᭞
ᬢᬸᬫᬸᬮᬶᬫᬢᬗ᭄ᬓᭂᬧ᭄ᬢᬸᬭᬶᬢ᭄᭞ᬳᬶᬧᬢᬶᬄᬓᬮᬫᬹᬃᬓ᭄ᬓ᭞ᬫᬗ᭄ᬮᬯᬦ᭄ᬧᬢᬶᬄᬲᬸᬭᬚᬬ᭞ᬫᬲᬶᬬᬢ᭄ᬧᬲᭂᬮᬾᬂᬧᬦ᭄ᬢᬶᬂ᭞ᬫᬕᬸᬦᬸᬂᬓᬦᬧ᭞ᬫᬲᬵᬕᬭᬩᬳᬦ᭄ᬕᭂᬢᬶᬄ᭟᭐᭟ᬓᬤᬮᬸᬭᬸᬂᬧ
ᬫᬸᬓ᭄ᬧᬢᬶᬄᬓᬮᬫᬹᬓ᭄ᬓ᭞ᬧᭂᬚᬄᬢᬦ᭄ᬧᬗᬸᬦ᭄ᬤᬶᬮᬶ᭞ᬳᬸᬫᬸᬂᬢᬢᬩᬸᬳᬦ᭄᭞ᬕᭀᬂᬪᬾᬭᬶᬮᬯᬦ᭄ᬲᬸᬭᬓ᭄ᬫ᭄ᬭᬵᬚᬦᬯᬸᬱᬦᬸᬮ᭄ᬬᬵᬗ᭄ᬮᬶᬂ᭞ᬦᬸᬤᬸᬳᬂᬩᬮ᭞ᬳᬗᬋᬧᬓᭂᬦ᭄ᬚᬸᬭᬶᬢ᭄
᭟᭐᭟ᬧᭂᬢᭂᬂᬍᬫᬄᬲᬶᬬᬢᬾᬫᬤᬸᬓᬤᬸᬓᬦ᭄᭞ᬢ᭄ᬯᬭᬗᬶᬢᬸᬂᬫᬢᬢᬸᬫᬢᬶ᭞ᬰ᭄ᬭᬷᬘᬡ᭄ᬥᬶᬓᬸᬲᬸᬫ᭞ᬓᬳᬋᬧ᭄ᬲᬳᬲᬜ᭄ᬚᬢ᭞ᬭᬵᬚᬦᬯᬸᬱᬜᬕ᭄ᬚᬕᬶᬦ᭄᭞ᬫᬢᬓᭀᬦ᭄ᬩ [ 9 ][ ᭘ 8B]
᭘᭞
ᬗ᭄ᬕ᭄ᬭᬲ᭄᭞ᬳᭂᬜᬾᬦ᭄ᬳᬶᬩᬢᭂᬓᬫᬳᬶ᭟᭐᭟ᬮᬶᬦ᭄ᬢᬂᬧᬗ᭄ᬓᬄᬫᬜᭂᬩᬸᬭᬶᬦ᭄ᬳᬧᬶᬫᬗᬧ᭄᭞ᬲᬂᬧ᭄ᬭᬪᬸᬫᬜᬯᬸᬭᬶᬦ᭄᭞ᬳᬧᬦ᭄ᬫᬸᬮᬓᬾᬢᭀ᭞ᬢᬶᬗ᭄ᬓᬄᬳᬦᬓᬾᬧᬸᬭᬸᬱ᭞ᬢᬦ᭄ᬳᬗᬶᬢᬸᬂᬪᬬᬧ
ᬢᬶ᭞ᬗᬤᬸᬓᬯᬶᬃᬪᬸᬚᬦ᭄᭞ᬫᬍᬫᬸᬭᬸᬤ᭄ᬩᬳᬦ᭄ᬫᬶᬫᬶᬲ᭄᭟᭐᭟ᬫᬓᬓᭀᬲᭀᬓ᭄ᬚᬯᬢ᭄ᬫᬜ᭄ᬚᬸᬲ᭄ᬩᬦ᭄ᬘᬸᬭᬶᬕ᭞ᬫᬫ᭄ᬩᬄᬩᬦ᭄ᬳᬦ᭄ᬤᬸᬲ᭄ᬩᭂᬤᬶᬮ᭄᭞ᬲᬺᬗᭂᬦ᭄ᬲᬂᬦᬯᬸᬱ᭞ᬮᬯᬸᬢ᭄ᬫᬜᭂᬫᬓ᭄ᬢᬸᬫ᭄ᬩ
ᬓ᭄᭞ᬓᬢᬸᬫ᭄ᬩᬓ᭄‌ᬰ᭄ᬭᬷᬦᬺᬧᬢᬶ᭞ᬢ᭄ᬯᬭᬤᬢᭂᬥᬲ᭄᭞ᬲᬂᬦᬵᬣᬦᬸᬮ᭄ᬬᬳᬗ᭄ᬮᬶᬂ᭟᭐᭟ᬳᬦᬾᬓᬳᬶᬳᬧᬗᬶᬩᬢᬢᬲ᭄ᬦᬯᬂ᭞ᬓᬳᬶᬰ᭄ᬭᬷᬦᬭᬧᬢᬶ᭞ᬲᬂᬘᬡ᭄ᬥᬶᬓᬸᬲᬸᬫ᭞ᬳᬫᭂᬗ᭄ᬓᬸ
ᬳᬬᭀᬥ᭄ᬬᬧᬸᬭ᭞ᬭᬵᬚᬦᬯᬸᬱᬜᬳᬸᬭᬶᬦ᭄᭞ᬘᬡ᭄ᬥᬶᬓᬸᬲᬸᬫ᭞ᬳᬶᬩᬓᭀᬦᬾᬓᬲᬸᬗ᭄ᬰᬓ᭄ᬢᬶ᭟᭐᭟ᬮᬾᬂᬢᬸᬫ᭄ᬩᬓ᭄ᬲᬂᬦᬵᬣᬘᬡ᭄ᬥᬶᬓᬸᬲᬸᬫ᭞ᬢᬸᬳᬸᬢᭂᬕᬸᬄᬲᬂᬳᬚᬶ᭞ᬓᬲᬸ

[ ᭙ 9A]
᭙᭞
ᬗᭂᬤ᭄ᬦ᭄ᬲᬶᬄ᭞ᬰ᭄ᬭᬶᬘᬡ᭄ᬥᬶᬓᬸᬲᬸᬫ᭞ᬢᬦ᭄ᬲᬄᬫᬦᬫ᭄ᬩᬸᬢ᭄ᬧᬦᬄ᭞ᬩᬚ᭄ᬭᭀᬕ᭄ᬦᬶᬓᬋᬧᬂᬫᬗ᭄ᬓᬶᬦ᭄᭞ᬰ᭄ᬭᬶᬘᬡ᭄ᬥᬶᬓᬸᬲᬸᬫ᭞ᬢᬸᬳᬸᬢᬦ᭄ᬢᭂᬢᭂᬲᬶᬂᬓᬦᬶᬦᬶ᭟᭐᭟ᬲᬂᬦᬯᬸᬱᬓᬧᬦᬄᬫᬗᭂᬦᬾᬥᬥ᭞ᬭᬸᬥᬶᬭᬫᬫ᭄ᬩᬄᬫᬶᬚᬶᬮ᭄
᭞ᬧᬸᬗ᭄ᬓᬢ᭄ᬫᬜᬸᬧᬮᬫ᭄ᬧᬂ᭞ᬢᬸᬫᬸᬮᬶᬭᬭᬶᬲ᭄ᬓᬧᬸᬗ᭄ᬕᬮ᭄᭞ᬲᬸᬭᬓ᭄ᬢᬢᬩᬸᬳᬦ᭄ᬢᬭᬶᬓ᭄᭞ᬲᬶᬲᬦᬶᬂᬧᭂᬚᬄ᭞ᬧᬥᬫᬦᬸᬦᬲ᭄ᬳᬸᬭᬶᬧ᭄᭟᭐᭟ᬓᬩ᭄ᬭᬳ᭄ᬫᬦ᭄ᬢ᭄ᬬᬦ᭄ᬤᬦᬾᬧᬢᬶᬄᬲᬸᬭᬚᬬ᭞ᬢᬦ᭄ᬤᬸᬫᬢᬸᬮᬓ᭄ᬫᬸᬮᬶᬄ᭞ᬳᬬᬢ᭄ᬓᬤᬺᬱ᭄ᬝ
ᬤᬾᬰ᭞ᬓᬂᬓᬦᬶᬦ᭄ᬦᬸᬮᬶᬢᬶᬦᬫ᭄ᬩᬦ᭄᭞ᬓᬧᭂᬚᬄᬧᬓᬡ᭄ᬥᭂᬫ᭄ᬲᬫᬶ᭞ᬢᭂᬮᬸᬂᬧ᭄ᬭᬓᬭ᭞ᬤᬦᬾᬲᬋᬂᬳᬶᬧᬢᬶᬄ᭟᭐᭟ᬲᬶᬦᭀᬫ᭄᭟᭐᭟ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫ᭞ᬩᬸᬤᬮ᭄ᬓᬧᬸᬭᬶᬧ᭄ᬭᬫᬗ᭄ᬓᬶᬦ᭄᭞ᬯᬺᬱ᭄ᬝᬚᬸᬢᬶᬓ᭄ᬯᭀᬄᬗᬶᬭᬶᬗᬂ
᭞ᬓᬢᬸᬃᬭᬶᬂᬰ᭄ᬭᬶᬦᬭᬧᬢᬶ᭞ᬲᬂᬦᬵᬣᬳᬗ᭄ᬮᬶᬂᬳᬭᬶᬲ᭄᭞ᬤᭀᬧᬢᬶᬄᬢᬓᭀᬦᬶᬦ᭄ᬫᬮᬸ᭞ᬓᬾᬦ᭄ᬓᬾᬦᬵᬫᬩᬸᬤ᭄ᬥᬶᬧᭂᬚᬄ᭞ᬳᬤᬓᬮᬯᬦ᭄ᬫᬳᬸᬭᬶᬧ᭄᭞ᬳᬶᬓᬂᬰᬢ᭄ᬭᬸ᭞ᬤᬯᭂᬕ᭄ᬦᬸᬦᬲ᭄ᬮᬮᬸᬧᬸᬢᬦ᭄᭟᭐᭟ᬢ᭄ᬲᬸ [ 10 ][ ᭙ 9B]
᭙᭞
ᬮᬶᬭᬭᬶᬲ᭄ᬓᬕᬕᬄ᭞ᬲᬓ᭄ᬭᬄᬚᬦ᭄ᬫᬦᬾᬫᬢᬮᬶ᭞ᬭᬢᬸᬤᬾᬯᬲᬲᬸᬳᬸᬦᬦ᭄᭞ᬧᬸᬦᬶᬓᬶᬯᬾᬦ᭄ᬢᭂᬦ᭄ᬳᬲᬶᬓᬶ᭞ᬧᬸᬢ᭄ᬭᬦ᭄ᬳᬶᬤᬲᬗᬚᬶ᭞ᬥᬃᬫ᭄ᬫᬬᬸᬤ᭄ᬥᬓᬂᬚᬚᬸᬮᬸᬓ᭄᭞ᬳᬶᬤᬫᬦᬸᬗ᭄ᬕᬸᬯᬾᬰ᭞ᬩᬯᬸᬫᬭᬦᬫ᭄ᬩᬸᬢ᭄ᬓᭂᬭᬶᬲ᭄
᭞ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬳᬗᬦ᭄ᬤᬶᬓᬭᬶᬂᬧᬢᬶᬄᬲᬸᬭᬚᬬ᭟᭐᭟ᬳᬶᬧᬢᬶᬄᬮᬯᬸᬢ᭄ᬫᬢᬸᬭ᭞ᬧᬦᬮ᭄ᬯᬲ᭄ᬓᬤᬺᬱ᭄ᬝᬚᬸᬢᬶ᭞ᬧᬘᬂᬫᬜᭂᬫᬓ᭄ᬚᬭᬳᬦ᭄᭞ᬥᬃᬫ᭄ᬫᬬᬸᬤ᭄ᬥᬳᬚᬓ᭄ᬫᬳᬶ᭞ᬳᬶᬧᬢᬶᬄᬫᬢᬸᬪᬓ᭄ᬢᬶ᭞ᬢᬶ
ᬢ᭄ᬬᬂᬲᬦᬶᬓᬦ᭄ᬳᬶᬭᬢᬸ᭞ᬫᬶᬯᬄᬦᬾᬩ᭄ᬭᬬᬫᬓᭂᬚᬂ᭞ᬲᬋᬂᬮᬦ᭄ᬯᭀᬂᬤᬺᬱ᭄ᬝᬚᬸᬢᬶ᭞ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬩᭂᬦᭂᬄᬫᬚᬮᬦ᭄᭟᭐᭟ᬳᬶᬧᬢᬶᬄᬫᬩ᭄ᬭᬶᬬᬸᬓ᭄ᬦᭂᬫ᭄ᬩᬄ᭞ᬫᬦ᭄ᬢᬸᬓ᭄ᬓᬤᬺᬱ᭄ᬝᬚᬸᬢᬶ᭞ᬫᬗᬶ
ᬭᬶᬂᬳᬃᬬ᭄ᬬᬳᬬᭀᬥ᭄ᬬ᭞ᬢᬦ᭄ᬳᬲᬸᬯᬾᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬤᬾᬰᬤᬺᬱ᭄ᬝᬵᬦᬵᬕᬭᬶ᭞ᬥᬃᬫ᭄ᬫᬬᬸᬤ᭄ᬥᬲᭂᬤᭂᬓ᭄ᬫᬮᬸᬗ᭄ᬕᬸᬄ᭞ᬗᭂᬮᬶᬂᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬓᬢᬸᬗ᭄ᬕᬮᬶᬦ᭄ᬩᬸᬓᬚᬦᬶ᭞ᬢᬦᬶ
[ ᭑᭐ 10A]
ᬪᬕ᭄ᬬ᭞ᬳᬶᬧᬢᬶᬄᬦᬸᬮᬶᬳᬗᬸᬘᬧ᭄᭟᭐᭟ᬳᬬ᭄ᬯᬢᬦ᭄ᬤ᭄ᬭᬸᬄᬤᬾᬦ᭄ᬢᬲᬶᬭ᭞ᬧᬦᬶᬢᬳᬶᬂᬧ᭄ᬭᬫᬓᬯᬶ᭞ᬲᬸᬓᬵᬤᬸᬓᬵᬢᬦ᭄ᬓᬲᬄ᭞ᬦᬾ ᬚᬦᬶᬩᬸᬯᬶᬦ᭄ᬓᬯᬶᬢᬶᬦ᭄᭞ᬳᬲ᭄ᬢᬧᬬᬂᬦᬾᬚᬦᬶ᭞ᬭᬶᬂ
ᬮᬶᬗ᭄ᬕᬶᬄᬳᬶᬤᬲᬂᬧ᭄ᬭᬪᬸ᭞ᬳᬶᬭᬶᬂᬧᬓᬬᬸᬦᬦ᭄ᬳᬶᬤ᭞ᬳᭂᬤᬘᬳᬶᬫᬫᬶᬯᬮᬶᬦ᭄᭞ᬫᬸᬮᬓᬾᬢᭀ᭞ᬢᬶᬗ᭄ᬓᬳᬾᬦᬸᬫᬤᬶᬚᬦ᭄ᬫ᭟᭐᭟ᬘᭂᬦᬶᬓ᭄ᬢᬸᬯᬳᬶᬤᬸᬧ᭄ᬫᬢᬧ᭞ᬧᬗᬦ᭄ᬤᬶᬓᬦ᭄ᬳᬶᬤ
ᬲᬂᬋᬱᬶ᭞ᬲᬹᬃᬬ᭄ᬬᬘᬦ᭄ᬤ᭄ᬭᬧᭂᬢᭂᬂᬍᬫᬄ᭞ᬓᬶᬃᬢ᭄ᬢᬶᬬᬂᬳᬯᬓᬾᬚᬦᬶ᭞ᬳᬸᬭᬶᬧᬾᬫᬳᬦ᭄ᬢᬶᬳᬦ᭄ᬢᬶ᭞ᬲᬫ᭄ᬩᬶᬮᬂᬗᬯᬗᬸᬦ᭄ᬳᬬᬸ᭞ᬲᬂᬥᬃᬫ᭄ᬫᬬᬸᬤ᭄ᬥᬳᬗᬸᬘᬧ᭄᭞ᬢᬶᬢ᭄ᬬᬂᬕᬸᬲ᭄ᬢᬶᬧᬢᬶᬄ᭞ᬢᬸ
ᬫᬸᬲ᭄ᬮᬦᬸᬲ᭄᭞ᬫᬗ᭄ᬤᬳᬧᭀᬮᬶᬄᬓᬲᬸᬦ᭄ᬬᬢᬦ᭄᭟᭐᭟ᬲᬳᬦᬦᬶᬂᬭᬚᬩ᭄ᬭᬡ᭞ᬓᬸᬩᭀᬦ᭄ᬘᬭᬶᬓ᭄ᬲᬶᬬᬸᬓᭂᬢᬶ᭞ᬢᬶᬢ᭄ᬬᬂᬜᬤ᭄ᬬᬫᬗᬢᬸᬭᬂ᭞ᬭᬶᬂᬳᬶᬤᬰ᭄ᬭᬷᬦᬭᬧᬢᬶ᭞ [ 11 ][ ᭑᭐ 10B]
᭑᭐᭞
ᬳᬶᬤᬗᭀᬤᬕᬂᬲᬫᬶ᭞ᬳᬸᬥᬸᬄᬳᬤᬶᬮᬶᬦ᭄ᬢᬂᬧᬢᬸᬢ᭄᭞ᬦᬾᬚᬦᬶᬳᬤᬶᬫᬚᬮᬦ᭄᭞ᬓᬵᬬᭀᬥ᭄ᬬᬧᬸᬭᬫᬦᬗ᭄ᬓᬶᬮ᭄᭞ᬭᬢᬸᬳᬕᬸᬂ᭞ᬢᬶᬢ᭄ᬬᬂᬯᬦ᭄ᬢᬄᬫᬗᬶᬭᬶᬗᬂ
᭟᭐᭟ᬢᬢᬦ᭄ᬓᬘᬭᬶᬢᬾᬂᬫᬃᬕ᭄ᬕ᭞ᬭᬯᬸᬄᬭᬶᬂᬳᬬᭀᬥ᭄ᬬᬧᬸᬭᬶ᭞ᬤᬸᬫᬸᬦᬸᬂᬳᬦᬾᬩᬜ᭄ᬘᬶᬗᬄ᭞ᬲᬂᬦᬵᬣᬲᭂᬥᭂᬓ᭄ᬓᬢᬗ᭄ᬓᬶᬮ᭄᭞ᬧᬢᬶᬄᬲᬸᬭᬚᬬᬦᬗ᭄ᬓᬶᬮ᭄᭞
ᬓᬳᬮᬸᬲ᭄᭞ᬢᭂᬓᬾᬦᬵᬲᬂᬥᬃᬫ᭄ᬫᬬᬸᬤ᭄ᬥ᭞ᬳᬶᬧᬢᬶᬄᬗᭂᬲᬾᬗᬶᬦ᭄ᬳᬭᬶᬲ᭄᭞ᬤᬾᬦᬕᭂᬮᬶᬲ᭄᭞ᬲᬂᬥᬃᬫ᭄ᬫᬬᬸᬤ᭄ᬥᬫᭂᬦᬾᬓᬦ᭄᭟᭐᭟ᬲᬂᬲᬶᬦᬾᬗᬦ᭄ᬦᬸᬮ᭄ᬬᬦᭂᬫ᭄ᬩᬄ᭞ᬲᬂᬦᬵᬣᬫᭂᬦ᭄ᬤᬓᬶᬂ
ᬮᬶᬭᬶᬂ᭞ᬮᬄᬳᬮᬸᬗ᭄ᬕᬸᬄᬲᬶᬭᬓᬓ᭄ᬬ᭞ᬲᬂᬥᬃᬫ᭄ᬫᬬᬸᬤ᭄ᬥᬵᬢᬸᬃᬪᬓ᭄ᬢᬶ᭞ᬢᬸᬫᬸᬮᬶᬲᬶᬭᬳᬮᬶᬗ᭄ᬕᬶᬄ᭞ᬭᬶᬂᬳᬬᬸᬦ᭄ᬳᬶᬤᬲᬂᬧ᭄ᬭᬪᬸ᭞ᬲᬸᬫᬦ᭄ᬤᬶᬂᬮᬦ᭄ᬳᬶᬧᬢ᭄ᬬ᭞ᬲᬂᬦᬵᬱᬗᬦ᭄ᬤᬶᬓᬳᬭᬶᬲ᭄᭞ᬮᬄ
[ ᭑᭑ 11A]
ᬢᬓᬓ᭞ᬫᬗ᭄ᬓᬶᬦ᭄ᬲᬶᬭᬗᬤᭂᬕ᭄ᬦᬶᬯ᭟᭐᭟ᬢᬸᬫᬸᬮᬶᬭᬯᬸᬄᬢᬤᬳᬦ᭄᭞ᬳᬦᬥᬄᬲᬶᬭᬲᬗᬚᬶ᭞ᬲᬂᬥᬃᬫ᭄ᬫᬬᬸᬤ᭄ᬥᬳᬦᬥᬄ᭞ᬲᬋᬂᬮᬦ᭄ᬭᬓ᭄ᬭ᭄ᬬᬦᬧᬢᬶᬄ᭞ᬧᬭᬓᬯᬸᬮᬜ
ᬋᬗᬶᬦ᭄᭞ᬳᬾᬦᬓ᭄ᬢᬲᬶᬭᬳᬦᬬᬸᬩ᭄᭞ᬲᬮ᭄ᬯᬶᬭᬶᬂᬭᬲᬉᬢ᭄ᬢᬫ᭞ᬲᬫ᭄ᬧᬸᬦ᭄ᬳᬶᬦᬚᭂᬗᬦ᭄ᬲᬫᬶ᭞ᬭᬶᬦᬲᬦᬦ᭄᭞ᬢᬦᬓᬶᬭᬂᬲᭂᬓᬸᬮ᭄ᬳᬸᬮᬫ᭄᭟᭐᭟ᬲᭀᬮᬳᬶᬂᬭᬢᬸᬉᬢ᭄ᬢᬫᬩᭂᬘᬶᬓ᭄ᬳ
ᬬᬸᬳᬍᬫ᭄ᬲᬫᬶ᭞ᬢᬢᬩᬸᬳᬦ᭄ᬳᬮᬸᬲ᭄ᬤᬮᭀᬦ᭄᭞ᬕᬬᬸᬂᬧᬾᬦ᭄ᬤᬾᬢᬾᬮᬸᬫᬭᬶᬲ᭄᭞ᬯᭀᬂᬚ᭄ᬭᭀᬦᭀᬦ᭄ᬢᭀᬦ᭄ᬲᬫᬶ᭞ᬳᬾᬩᭂᬓ᭄ᬤᬶᬩᬜ᭄ᬘᬶᬗᬄᬲᬫ᭄ᬧᬸᬦ᭄᭞ᬳᬦᬶᬜ᭄ᬚᭀᬯᬶᬦ᭄ᬮ
ᬮᬾᬬᬦ᭄᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬦᬄᬢᬓᬓᬶ᭞ᬤᬾᬦᬶᬭᬲᬫᬳᬭᬵᬃᬬ᭄ᬬᬦ᭄᭟᭐᭟ᬢᬸᬫᬸᬮᬶᬳᬸᬲᬦ᭄ᬫᬦᬥᬄ᭞ᬦᬾᬫᬶᬸᬜᭀᬓᭀᬃᬫᬜᬕ᭄ᬚᬕ᭄ᬫᬗ᭄ᬓᬶᬦ᭄᭞ᬦᬸ [ 12 ][ ᭑᭑11B]
᭑᭑᭞
ᬮᬗᬾᬓ᭄ᬫᬢᬦᬾᬲᬾᬗᬢ᭄᭞ᬦᬜ᭄ᬚᭂᬓᬶᬦ᭄ᬕᭀᬗᬾᬫᬜᬶ᭞ᬫᬮᬸᬯᬭᬦ᭄ᬦᬾᬫᬩᬮᬶᬄ᭞ᬧᬥᬗᬸᬗ᭄ᬲᬶᬳᬸᬫᬵᬄᬳᬶᬧᬸᬦ᭄᭞ᬲᬂᬦᬵᬣᬗᬦ᭄ᬤᬶᬓᬵ᭞ᬓᬯᬸᬦᬸᬗᬦ᭄ᬓᭂᬫᬘᬶᬳᬶ᭞
ᬓᬾᬦ᭄ᬳᬶᬧᬢᬶᬄ᭞ᬲᬸᬭᬚᬬᬫᬤᬸᬦᬸᬗᬦ᭄᭟᭐᭟ᬲᬂᬧ᭄ᬭᬪᬸᬭᬭᬶᬲ᭄ᬓᬧᬸᬭ᭞ᬯᭂᬗᬶᬓᭀᬘᬧᬦ᭄ᬦᬾᬫᬗ᭄ᬓᬶᬦ᭄᭞ᬢᬸᬫᬸᬮᬶᬢᬢᬲ᭄ᬭᬳᬶᬦ᭞ᬲᬂᬥᬃᬫ᭄ᬫᬬᬸᬤ᭄ᬥᬫᬦᬗ᭄ᬓᬶᬮ᭄᭞ᬲᬂᬦᬵᬣᬦᬸ
ᬮᬶᬫᬶᬚᬶᬮ᭄᭞ᬧ᭄ᬭᬪᬸᬚᬗ᭄ᬕᬲᬫᬶᬭᬯᬸᬄ᭞ᬦᬗ᭄ᬓᬶᬮ᭄ᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭞ᬲᬂᬦᬵᬯᬗᬦ᭄ᬤᬶᬓᬳᬭᬶᬲ᭄᭞ᬥᬹᬄᬧᬤᬡ᭄ᬥ᭞ᬤᬸᬭᬸᬲ᭄ᬢᬶᬢ᭄ᬬᬂᬦᬗᬸᬦ᭄ᬳᭀᬫ᭟᭐᭟ᬲᬂᬥᬃᬫ᭄ᬫᬬᬸᬤ᭄ᬥᬫᬜᬸᬫ᭄ᬩᬄ
᭞ᬳᬸᬥᬹᬄᬭᬢᬸᬤᬾᬯᬳᬚᬶ᭞ᬲᬧᬸᬦᬧᬶᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬘᬳᬶᬢᬾᬚᬦᬶᬗᬮᬶᬄ᭞ᬫᬥᬸᬭᬶᬳᬧᬘᬭᬫᬸᬗ᭄ᬕᬸᬄ᭞ᬫᬓᬫᬶᬯᬄᬓᬬᬸᬘ᭄ᬗ
[ ᭑᭒ 12A]
ᬦ᭞ᬩᬶᬮᬦᬕᬲᬭᬫᬶ᭞ᬯᬶᬮᬗᬦ᭄ᬜ᭞ᬓᬓᬄᬧᬥᬜᬢᬸᬲ᭄ᬲᭀᬮᬲ᭄᭟᭐᭟ᬫᬢᬸᬃᬲᬫ᭄ᬩᬄᬳᬶᬧᬢ᭄ᬬ᭞ᬲᬶᬗ᭄ᬕᬶᬄᬭᬢᬸᬰ᭄ᬭᬷᬪᬹᬧᬢᬶ᭞ᬧᬸᬦᬧᬶᬢᬶᬢ᭄ᬬᬂᬗᬃᬬ᭄ᬬᬦᬂ᭞ᬲᬂᬦᬵᬣᬗ
ᬦ᭄ᬤᬶᬓᬳᬭᬶᬲ᭄᭞ᬳᭂᬦ᭄ᬢᭀᬧᬬᬚ᭄ᬜᬦᬾᬘᬳᬶ᭞ᬲᬳᬢᬂᬫᬮᬸᬯᬂᬲᬫ᭄ᬩᬸᬢ᭄᭞ᬳᬧᬂᬤᬵᬓᬧᬺᬧᭂᬓᬦ᭄᭞ᬯᬶᬭᬾᬄᬕᬳᬾᬧᬘᬂᬕᭂᬮᬶᬲ᭄᭞ᬓᬧᬶᬲᬦᬦ᭄᭞ᬘᬳᬶᬫᬗ᭄ᬯᬗᬸᬦᬂᬓᬸ
ᬡ᭄ᬥ᭟᭐᭟ᬲᬂᬥᬃᬫ᭄ᬫᬬᬸᬤ᭄ᬥᬓᭀᬘᬧ᭄᭞ᬚᬸᬫᭂᬦᭂᬂᬭᬶᬂᬤᬺᬱ᭄ᬝᬚᬸᬢᬶ᭞ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫ᭞ᬗᬦ᭄ᬤᬶᬓᬬᬂᬫᬗᬕᬸᬗᬶᬦ᭄᭞ᬓᬢᬯᬸᬕ᭄ᬦᬾᬦᬾᬫᬗ᭄ᬓᬶᬦ᭄᭞ᬪᬕᬯᬵᬦ᭄‌ᬯ᭄ᬭᬲ᭄ᬧᬢᬶ
ᬲᬫ᭄ᬧᬸᬦ᭄᭞ᬜ᭄ᬚᬬᬚᬬᬲᬂᬥᬃᬫ᭄ᬫᬬᬸᬤ᭄ᬥ᭞ᬲᬫ᭄ᬧᬸᬦ᭄ᬓᬵᬤᭂᬕᬂᬪᬹᬧᬢᬶ᭞ᬢᬦ᭄ᬘᬭᬶᬢ᭞ᬥᬃᬫ᭄ᬫᬬᬸᬤ᭄ᬥᬓᬪᬶᬱᬾᬓ᭟᭐᭟ᬲᬂᬧ᭄ᬭᬪᬸᬫᬗ᭄ᬓᬶᬦ᭄ᬓᬧᬸᬭ᭞ᬩᬸᬩᬃᬢᬗ᭄ᬓᬶᬮᬦᬾᬲᬫᬶ᭞ [ 13 ][ ᭑᭒ 12B]
᭑᭒᭞
ᬲᬸᬭᬸᬧ᭄ᬫᬗ᭄ᬓᬶᬦ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬯᭀᬂᬤᬺᬱ᭄ᬝᬚᬸᬢᬶᬦᬾᬲᬫᬶ᭞ᬫᬧᭂᬢᭂᬂᬧᭂᬢᭂᬗᬦ᭄ᬫᬸᬮᬶᬄ᭞ᬢᬢᬲᬼᬫᬄᬲᬫ᭄ᬧᬸᬦ᭄ᬭᬯᬸᬄ᭞ᬧᬜ᭄ᬚᬬᬚᬬᬳᬾᬗ᭄ᬕᬮᬂ᭞ᬲᬳᬸᬧᬓᬵᬭᬦᬾᬲᬫᬶ᭞ᬲᬕᬾᬢ᭄ᬭ
ᬯᬸᬄ᭞ᬲᬫᬶᬫᬓ᭄ᬢᬩᬩᬦ᭄ᬢᭂᬦᬦ᭄᭟᭐᭟ᬲᬂᬥᬃᬫ᭄ᬫᬬᬸᬤ᭄ᬥᬮᬸᬫᬫ᭄ᬧᬄ᭞ᬢᬸᬮᬓ᭄ᬓᬳᬬᭀᬥ᭄ᬬᬧᬸᬭᬶ᭞ᬗᬢᬸᬭᬂᬓᬬᬸᬘᬦᬦ᭞ᬭᬶᬂᬳᬶᬤᬰ᭄ᬭᬶᬦᬭᬧᬢᬶ᭞ᬲᬓᬶᬂᬕᭂᬮᬶᬲᬶᬂᬧᬫᬃᬕ᭄ᬕᬶ᭞ᬲᬂᬥᬃᬫ᭄ᬫ
ᬬᬸᬤ᭄ᬥᬯᬸᬲ᭄ᬭᬯᬸᬄ᭞ᬚᬸᬫᬸᬚᬸᬕ᭄ᬳᬦᬾᬂᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬸᬦᬸᬚᬸᬓᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬧᬸᬦᬂ᭞ᬪᬸᬚᬗ᭄ᬕᬫᬶᬯᬄᬲᬢ᭄ᬭᬶᬬ᭟᭐᭟ᬳᬶᬧᬢᬶᬄᬫᬢᬸᬃᬳᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬤᬾᬯᬵ
ᬳᬚᬶ᭞ᬲᬂᬥᬃᬫ᭄ᬫᬬᬸᬤ᭄ᬥᬧᬸᬦᬶᬓ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬮᬯᬸᬢᬂᬢᬸᬦ᭄ᬤᬾᬦᬵᬫᬳᬶ᭞ᬲᬶᬭᬧᬢᬶᬄᬦᭂᬫ᭄ᬩᬄᬫᬢᬸᬃ᭞ᬲᬂᬥᬃᬫ᭄ᬫᬬᬸᬤ᭄ᬥᬓᬲᬾᬗᬦ᭄᭞ᬢᬸᬫᬸᬮᬶ
[ ᭑᭓ 13A]
ᬤᬦᬶᬭᬦᬗ᭄ᬓᬶᬮ᭄᭞ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬲᬳᬫᬲ᭄ᬫᬶᬢ᭟᭐᭟ᬳᬾᬗ᭄ᬕᬮ᭄ᬓᬾᬘᬳᬶᬢᭂᬓ᭞ᬲᬂᬮᬶᬦᬶᬗᬦ᭄ᬫᬢᬸᬃᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬫᬜᬭᬢᬂᬧᬶᬲᬦ᭄᭞ᬓᭂᬦᬶᬫᬜᬶᬥᬬᬂᬳᬸᬕᬶ᭞ᬲᬂᬦᬵ
ᬣᬫᬜᬯᬸᬭᬶᬦ᭄᭞ᬩᭂᬦᭂᬄᬲᬚᬓᬾᬢᭀᬩᬕᬸᬲ᭄᭞ᬯᬶᬭᬾᬄᬧᬘᬂᬳᬗ᭄ᬕᭀᬦ᭄ᬩᬸᬯᬢ᭄᭞ᬦᬄᬳᬓᬾᬢᭀᬲᬸᬩᬘᬳᬶ᭞ᬩ᭄ᬯᬶᬦ᭄ᬳᬩᬸᬮᬦ᭄᭞ᬘᬳᬶᬢᭂᬓᬘᬳᬶᬋᬳᬦ᭄᭟᭐
᭟ᬲᬂᬥᬃᬫ᭄ᬫᬬᬸᬤ᭄ᬥᬫᬜᬸᬫ᭄ᬩᬄ᭞ᬲᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬦᬺᬧᬢᬶ᭞ᬬᬦ᭄ᬢᬓ᭄ᬢᬶᬢ᭄ᬬᬂᬲᬶᬦᬗ᭄ᬓᬯᭀᬦ᭄᭞ᬢᬶᬢ᭄ᬬᬂᬫᬜᬭᬢᬂᬳᬸᬕᬶ᭞ᬓᭂᬦᬶᬢᬶᬢ᭄ᬬᬂᬧᭀᬮᬶᬄᬗᬶᬭᬶᬂ᭞ᬧᬮᬶᬗ᭄ᬕᬶᬄᬘᭀ
ᬓᭀᬭᬶᬭᬢᬸ᭞ᬜᬥ᭄ᬬᬢᬶᬢ᭄ᬬᬂᬫᬗᬦ᭄ᬢᭂᬦᬂ᭞ᬳᭀᬫᬦ᭄ᬤ᭄ᬭᬸᬯᬾᬦᬾᬓᬤᬶᬫᬗ᭄ᬓᬶᬦ᭄᭞ᬫᬗ᭄ᬤᬢᬳᬸ᭞ᬢᬢᬶᬗ᭄ᬓᬳᬦ᭄ᬦᬗᬸᬦ᭄ᬳᭀᬫ᭟᭐᭟ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓ᭞ᬓᬾᬦᬾᬓ [ 14 ][ ᭑᭓ 13B]
᭑᭓᭞
ᬢᬢ᭄ᬯᬦ᭄ᬜᬘᬳᬶ᭞ᬢᬶᬗ᭄ᬓᬄᬳᬕᬸᬂᬫᬸᬢᭂᬃᬚᬕᬢ᭄᭞ᬫᬬᬚ᭄ᬜᬦᬾᬳᬧᬂᬢᬶᬮᬶᬂ᭞ᬳᭂᬦ᭄ᬢᭂᬕ᭄ᬓᬕ᭄ᬬᬗᬦᬾᬘᬳᬶ᭞ᬩ᭄ᬯᬶᬦ᭄ᬳᬯᭂᬓᬲ᭄ᬧᬘᬂᬢᭂᬫᬸ᭞ᬭᬾᬄᬢ᭄ᬭᬲᬸᬳᬸᬤ᭄ᬫᬜ᭄ᬚᬦ᭄ᬫ᭞
ᬓ᭄ᬭᬫᬦᬶᬂᬫᬫᬸᬮᬧᬤᬶ᭞ᬢ᭄ᬯᬄᬢᭀᬂᬦᬸᬕ᭞ᬧᬘᬂᬫᬸᬧᬸᬩᬸᬯᬄᬚᬭᬓ᭄᭟᭐᭟ᬤᬸᬮᬸᬭᬶᬩᬦ᭄ᬦᬗᬸᬦ᭄ᬩ᭄ᬭᬢ᭞ᬬᬰᬓᬶᬃᬢ᭄ᬢᬶᬦᬾᬫᬓᬤᬶ᭞ᬫᬗ᭄ᬯᬗᬸᬦᬂᬩᬮᬾᬤᬦ᭞ᬧᬜ᭄ᬘᭀ
ᬭᬦ᭄ᬫᬃᬕ᭄ᬕᬩᭂᬦᬳᬶᬦ᭄᭞ᬧᭂᬗ᭄ᬕᬓ᭄ᬧᭂᬦᭂᬓ᭄ᬫᬓᬤᬶ᭞ᬤᬩᭂᬮᬲ᭄ᬢᭂᬓᬾᬓᬾᬦ᭄ᬲᬂᬯᬶᬓᬸ᭞ᬦᬸᬮᬸᬂᬲᬂᬲᬗ᭄ᬰᬭ᭞ᬓᬾᬢᭀᬓᬢᬢ᭄ᬯᬦ᭄ᬜᬘᬳᬶ᭞ᬳᭂᬦᬸᬳᬸᬢᬂ᭞ᬧᬚᬮᬦ᭄ᬤᬦᬾᬳᬶᬩᬧ᭟᭐᭟
ᬲᬂᬥᬃᬫ᭄ᬫᬬᬸᬤ᭄ᬥᬫᬜᬸᬫ᭄ᬩᬄ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬲᬗᬚᬶ᭞ᬢᬶᬢ᭄ᬬᬂᬗᬶᬭᬶᬂᬧᬓᬬᬸᬦᬦ᭄᭞ᬓᬃᬤ᭄ᬥ᭄ᬬᬂᬢᬶᬢ᭄ᬬᬂᬲᬓᬶᬂᬫᬗ᭄ᬓᬶᬦ᭄᭞ᬪᬕᬯᬦ᭄‌ᬯ᭄ᬭᬲ᭄ᬧᬢᬶᬜᬯᬸᬭᬶᬦ᭄᭞ᬧᬢᬸᬢ᭄ᬧᬶ

[ ᭑᭔ 14A]
ᬲᬦ᭄ᬭᬢᬸᬩᬕᬸᬲ᭄᭞ᬫᬸᬂᬧᬸᬂᬭᬕᬦᬸᬩᬚᬂ᭞ᬳᬾᬲ᭄ᬢ᭄ᬬᬂᬫᬗ᭄ᬯᬗᬸᬦᬂᬓᬾᬃᬢ᭄ᬢᬶ᭞ᬢᬦ᭄‌ᬲᬸᬕᬸᬡ᭞ᬭᬢᬸᬳᬕᬸᬂᬓᬸᬭᬂᬬᬰ᭟᭐᭟ᬮᬫᬸᬦ᭄ᬢ᭄ᬯᬭᬗᬬᬰᬬᬂ᭞ᬓᬲᬸᬕ᭄ᬬᬦ᭄‌ᬢ᭄ᬯᬬ
ᬓᬮᬶᬲ᭄᭞ᬢᭀᬂᬢᭂᬓᭂᬓ᭄ᬩᬳᬦ᭄ᬫᬗᬩ᭞ᬩᬸᬓᬬᬾᬳᬾᬤᬶᬤᭀᬦ᭄ᬓ᭄ᬮᬤᬶ᭞ᬫᬭᭀᬗ᭄ᬕᬾᬗᬦ᭄ᬳᬕᬶᬕᬶᬲ᭄᭞ᬢ᭄ᬯᬭᬓᬾᬫᬢᬫ᭄ᬧᬓ᭄ᬤᬶᬢᬸ᭞ᬳᬓᬾᬢᭀᬳᬸᬧᬫᬶ
ᬜ᭞ᬫᬸᬜᬶᬦ᭄ᬩᬧᬦᬾᬓᬾᬦ᭄ᬕᬸᬲ᭄ᬢᬶ᭞ᬲᬯᬸᬃᬓᭂᬜᬸᬂ᭞ᬲᬂᬥᬃᬫ᭄ᬫᬬᬸᬤ᭄ᬥᬫᬜᬸᬫ᭄ᬩᬄ᭟᭐᭟ᬯ᭄ᬬᬓ᭄ᬢᬶᬧᬶᬲᬦ᭄ᬯᬢᬸᬧ᭄ᬭᬡ᭄ᬥ᭞ᬤ᭄ᬭᬸᬯᬾᬦᬾᬫᬤᬾᬯᬾᬓ᭄ᬳᬗᬶᬦ᭄᭞ᬢᬦ᭄ᬧᬲᬗ᭄ᬓᬦ᭄ᬭᬯᬸᬄᬳᬶ
ᬘᬮ᭄᭞ᬯᬦ᭄ᬢᬄᬢᭂᬓᭂᬓ᭄ᬳᬦ᭄ᬢᬸᬓ᭄ᬓᬶᬃᬢ᭄ᬢᬶ᭞ᬬᬦ᭄ᬢᬦ᭄ᬯᬾᬦ᭄ᬢᭂᬦ᭄ᬲᬫ᭄ᬩᬸᬗᬶᬦ᭄᭞ᬓᬶᬃᬢ᭄ᬢᬶᬦ᭄ᬳᬶᬤᬲᬗᬳᬸᬮᬸᬦ᭄᭞ᬚᬦ᭄ᬢᭂᬦ᭄ᬧᬶᬲᬦ᭄ᬫᬭᬭᬤᬦ᭄᭞ᬢᬦ᭄ᬩᬶᬦᬓᬤᬶᬦ᭄ᬭᬸᬂᬜᬺᬯᬤᬶ᭞ᬲᬮᬄᬲᬸ [ 15 ][ ᭑᭔ 14B]
᭑᭔᭞
ᬭᬸᬧ᭄᭞ᬢᬦ᭄ᬫᬓᬦ᭄ᬢᭂᬦ᭄ᬲᬫ᭄ᬧᬸᬦ᭄ᬢᭂᬮᬲ᭄᭟᭐᭟ᬦᬭᬦᬵᬣᬫᬯᬘᬦ᭞ᬦᬾ ᬩᬶᬦ᭄‌ᬧᬸᬯᬦ᭄ᬘᬳᬶᬫᬸᬮᬶᬄ᭞ᬲᬂᬥᬃᬫ᭄ᬫᬬᬸᬤ᭄ᬥᬫᬦᭂᬫ᭄ᬩᬄ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬲᬗᬚᬶ᭞ᬲᬶᬓᬸᬢ᭄ᬧ
ᬬᬚ᭄ᬜᬦᬾᬫᬦᬶ᭞ᬫᬗᬶᬭᬶᬂᬳᬶᬤᬲᬂᬯᬶᬓᬸ᭞ᬳᬧᬂᬳᬾᬗ᭄ᬕᬮ᭄ᬯᬗᬸᬦ᭄ᬓᬸᬡ᭄ᬥ᭞ᬗᬯᬶᬢ᭄ᬜᬫ᭄ᬩᬸᬢ᭄ᬓᬃᬬ᭄ᬬᬲᬫᬶ᭞ᬓᭂᬦᭂᬄᬩᬧ᭞ᬳᬾᬦᬵᬕ᭄ᬕᬮ᭄ᬧᬘᬂᬫᬫᭂᬮᬲ᭄ᬧᬲ᭄᭟᭐᭟ᬲᬂᬦᬵᬣᬭᬭᬶ
ᬲ᭄ᬓᬧᬸᬭ᭞ᬯᭀᬂᬢᬗ᭄ᬓᬶᬮᬦ᭄ᬩᬸᬩᬃᬲᬫᬶ᭞ᬲᬂᬥᬃᬫ᭄ᬫᬬᬸᬤ᭄ᬥᬓᬧᭀᬦ᭄ᬤᭀᬓ᭄᭞ᬭᬶᬂᬳᬶᬧᬢᬶᬄᬫᬗ᭄ᬓᬸᬪᬸᬫᬶ᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬯᭂᬗᬶ᭞ᬩᬾᬦᬵᬚᬂᬧᬲᭂᬫᭂᬗᬦ᭄ᬩᬗᬸᬦ᭄᭞ᬗᬭ
ᬭᬶᬲ᭄ᬜᬸᬭᬢ᭄ᬧᬬᬚ᭄ᬜᬵᬦ᭄᭞ᬫᬗᬶᬭᬶᬂᬳᬶᬤᬲᬂᬋᬱᬶ᭞ᬫᬦᬯᬲᬾᬦ᭄᭞ᬧᬘᬂᬫᬗ᭄ᬯᬗᬸᬦᬂᬓᬸᬡ᭄ᬥ᭟᭐᭟ᬲᬫ᭄ᬧᬸᬦ᭄ᬢᭂᬗᬳᬶᬭᬭᬶᬲ᭄ᬩᬸᬤᬮ᭄᭞ᬲᬋᬂᬧᬢᬶᬄᬫᬗ᭄ᬓᬸᬪᬸᬫᬶ᭞ᬭᬭᬶ
[ ᭑᭕ 15A]
ᬲ᭄ᬓᬧᭀᬦ᭄ᬤᭀᬓ᭄ᬗᬚᭂᬗᬂ᭞ᬧᬢᬫ᭄ᬬᬦᬾᬳᬍᬧ᭄ᬳᬰ᭄ᬭᬶ᭞ᬳᬭᬓ᭄ᬩᭂᬋᬫᬾᬢᬸᬫᬶᬦ᭄ᬤᬶᬄ᭞ᬳᬾᬦᬓ᭄ᬤᬶᬦᬭᬳᬦᬬᬸᬩ᭄᭞ᬓᭀᬧᬶᬮᬦ᭄ᬲᬲᬗᬦᬦ᭄᭞ᬯ᭄ᬯᬂᬚᭂᬭᭀᬲᬫᬶ
ᬗᬬᬳᬶᬦ᭄᭞ᬳᬰ᭄ᬭᬶᬳᬮᬸᬲ᭄᭞ᬧᬘᬵᬭᬳᬬᭀᬥ᭄ᬬᬧᬸᬭ᭟᭐᭟ᬯᬸᬲ᭄ᬧᬘᬵᬭᬤᬯᬸᬄᬮᬶᬫ᭞ᬲᬂᬥᬃᬫ᭄ᬫᬬᬸᬤ᭄ᬥᬦᬗ᭄ᬓᬶᬮ᭄᭞ᬲᬋᬂᬧᬢᬶᬄᬲᬸᬭᬚᬬ᭞ᬰ᭄ᬭᬶᬦᬭᬾᬦᬵᬤ᭄ᬭᬦᬸ
ᬮᬶᬫᬶᬚᬶᬮ᭄᭞ᬧᭂᬧᭂᬓ᭄ᬪᬸᬚᬗ᭄ᬕᬋᬱᬶ᭞ᬲᬂᬦᬵᬣᬗᬦ᭄ᬤᬶᬓᬳᬮᬸᬲ᭄᭞ᬘᬳᬶᬧᬢᬶᬄᬗᬯᬶᬮᬗᬂ᭞ᬩᭂᬮᬶᬧᬘᬂᬗ᭄ᬯᬗᬸᬦ᭄ᬋᬱᬶ᭞ᬫᬪᭀᬚᬦ᭞ᬫᬦᬸᬳᬸᬃᬧᬤᬡ᭄ᬥᬧᬢ᭄ᬧᬢ᭄
᭟᭐᭟ᬳᭂᬦᬾᬘᬳᬶᬥᬃᬫ᭄ᬫᬬᬸᬤ᭄ᬥ᭞ᬜᬮᬄᬘᬳᬶᬧᬘᬂᬫᬸᬮᬶᬄ᭞ᬤᬶᬲᬸᬳᬸᬤ᭄ᬫᬗᬺᬲᬶᬄᬩᬧᬵᬤᬶᬢᬸᬲᬳᬶᬮᬯᬸᬢ᭄ᬫᬸᬮᬶᬄ᭞ᬲᬂᬥᬃᬫ᭄ᬫᬬᬸᬤ᭄ᬥᬫᬢᬸᬃᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬗᬶ [ 16 ][ ᭑᭕ 15B]
᭑᭕᭞
ᬭᬶᬂᬳ᭄ᬬᬸᬦ᭄ᬲᬂᬧ᭄ᬭᬪᬸ᭞ᬢᬶᬢ᭄ᬬᬂᬧᬘᬂᬗᬦ᭄ᬢᭀᬲᬂ᭞ᬲᬓᬃᬬ᭄ᬬᬦ᭄‌ᬳᬶᬤᬲᬗᬚᬶ᭞ᬮᬸᬯᬶᬃᬳᬶᬧᬸᬦ᭄᭞ᬫᬯᬲ᭄ᬝᬋᬱᬶᬪᭀᬚᬦ᭟᭐᭟ᬓᭂᬜᬶᬂᬧᬢᬶᬄᬲᬸᬭᬚᬬ᭞ᬜᬾᬤᬤᬸᬭᬸᬂᬳ
ᬤᬶᬫᬗ᭄ᬕᬶᬄ᭞ᬓᬃᬬ᭄ᬬᬧᬗᬺᬱᬶᬪᭀᬚᬦ᭞ᬲᬂᬥᬃᬫ᭄ᬫᬬᬸᬤ᭄ᬥᬜᬯᬸᬭᬶᬦ᭄᭞ᬤᬸᬭᬸᬂᬧᬶᬲᬦ᭄ᬢᬶᬢ᭄ᬬᬂᬫᬗ᭄ᬕᬶᬄ᭞ᬓᬃᬬ᭄ᬬᬋᬱᬶᬪᭀᬚᬦᬭᬢᬸ᭞ᬬᬯᬢ᭄ᬳᬫᬗ᭄ᬕᬸᬄᬢᬸᬢᬸᬭᬦ᭄᭞ᬬᬦ᭄ᬢ
ᬦ᭄ᬳᬶᬤᬰ᭄ᬭᬶᬪᬹᬧᬢᬶ᭞ᬗᬦ᭄ᬤᬶᬓᬬᬂ᭞ᬯᬢᭂᬓ᭄ᬳᬕᬸᬂᬦᬗᬸᬦ᭄‌ᬬᬚ᭄ᬜ᭟᭐᭟ᬜᬾᬤᬳᬸᬦᬶᬂᬢᬶᬢ᭄ᬬᬂᬭᬶᬂᬓᬃᬬ᭄ᬬ᭟ᬲᬳᬢ᭄ᬫᬦᬄᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬗᬯᬸᬮᬭᬶᬂᬘᭀᬓᭀᬭᬶᬤᬾᬯ᭞ᬭᬶᬂᬧᬗ᭄ᬮᬶ
ᬗ᭄ᬕᬦ᭄‌ᬰ᭄ᬭᬶᬪᬸᬧᬢᬶ᭞ᬓᬵᬮᬶᬄᬲ᭄ᬯᬾᬘ᭄ᬙᬦᬾᬢᬦ᭄ᬫᬭᬶ᭞ᬗᬯᬸᬮᬬᬂᬚᬦ᭄ᬫᬤᬸᬲᬸᬦ᭄᭞ᬢᬫ᭄ᬩᭂᬢ᭄ᬓᬢᬸᬦᬦ᭄ᬫᬦᬄ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬯᬶᬢᬶᬦ᭄᭞ᬦᬯᬶᬲᬶᬤ᭄ᬥ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬗᬶᬭᬶ
[ ᭑᭖ 16A]
ᬗᬂ᭟᭐᭟ᬤ᭄ᬯᬦᬶᬂᬯᭂᬗᬶᬓᬵᬮᬢᭂᬓᬵ᭞ᬲᬂᬦᬵᬣᬦᬸᬮᬶᬓᬧᬸᬭᬶ᭞ᬲᬂᬥᬃᬫ᭄ᬫᬬᬸᬤ᭄ᬥᬓᬚᬩ᭞ᬲᬋᬂᬮᬵᬯᬦ᭄ᬲᬶᬭᬧᬢᬶᬄᬓᬧᬲᬗ᭄ᬕᬳᬦ᭄ᬫᬗ᭄ᬭᬭᬶᬲ᭄᭞ᬳᬾᬦᬓ᭄ᬤᬾᬦᬶᬭᬳᬸᬫᭂᬓᭂᬮ᭄
᭞ᬲᬫ᭄ᬪᬶᬤᬾ ᬦᬶᬭᬭᬭᬲᬦ᭄᭞ᬲᬂᬥᬃᬫ᭄ᬫᬬᬸᬤ᭄ᬥᬫᬚᬶᬜ᭄ᬚᬶᬦ᭄᭞ᬫᬦᬓᭀᬦᬂ᭞ᬫᬤᬦ᭄ᬓᬃᬬ᭄ᬬᬋᬱᬶᬬᬚ᭄ᬜ᭟᭐᭟ᬧᬢᬶᬄᬲᬸᬭᬚᬬᬗᬸᬘᬧ᭄᭞ᬲᬗ᭄ᬕᬃᬢᬯᬂᬯᬗᬸᬦᬂᬳᬤᬶ᭞ᬫ
ᬦᬸᬳᬸᬃᬳᬶᬤᬤᬸᬶᬲᬂᬪ᭄ᬯᬶᬚ᭞ᬫᬗ᭄ᬤᬲᬫᬶᬫᬗ᭄ᬭᬯᬸᬳᬶᬦ᭄᭞ᬳᬢᬸᬭᬶᬦ᭄ᬪᭀᬚᬦᬲᬫᬶᬫᬶᬯᬄᬋᬡ᭄ᬬᬭᬸᬦ᭄ᬢᬸᬢᬦ᭄ᬳᬶᬧᬸᬦ᭄᭞ᬦᬾ ᬫᬦᬶᬳᬤᬶᬢᬢᬲᬂ᭞ᬤᬶᬩᬜ᭄ᬚᬶᬗᬄᬢᭀᬗᭀ
ᬲ᭄ᬳᬤᬶ᭞ᬳᬚᬓ᭄ᬩᭂᬮᬶ᭞ᬲᬫ᭄ᬩᬶᬮᬂᬗᬢᬸᬭᬂᬧᬹᬡ᭄ᬬ᭟᭐᭟ᬲᭂᬫᭂᬂᬳᬶᬧᬢᬶᬄᬦᬩ᭄ᬤᬩᬂ᭞ᬧᬘᬂᬧᬹᬡ᭄ᬬᬦ᭄‌ᬰ᭄ᬭᬶᬪᬸᬧᬢᬶ᭞ᬫᬶᬯᬄᬩᭀᬚᬦᬩᬯᬳᬦ᭄᭞ᬲᬺᬕᭂᬧ᭄ᬲᬫᬶᬬᬦ᭄ᬘᬸᬫᬯᬶᬲ᭄᭞ᬲᬶᬭ [ 17 ][ ᭑᭖ 16B]
᭑᭖᭞
ᬧᬢᬶᬄᬗᬢᭂᬄᬫᬶᬚᬶᬮ᭄᭞ᬧᬡ᭄ᬥᬶᬢᬦᬾᬲᬦᬾᬭᬯᬸᬄ᭞ᬲᬫᬶᬫᬸᬗ᭄ᬕᬄᬓᬩᬜ᭄ᬘᬶᬗᬄ᭞ᬲᬂᬦᬵᬣᬢᬸᬫᬸᬮᬶᬫᬶᬚᬶᬮ᭄᭞ᬲᬫ᭄ᬧᬸᬦ᭄ᬧᭂᬧᭂᬓ᭄᭞ᬲᬂᬧᬡ᭄ᬥᬶᬢᬯᬢᭂᬓ᭄ᬢᬧ᭟᭐᭟ᬳᬶᬧᬢᬶᬄ
ᬳᬦᬸᬮᬶᬦᭂᬫ᭄ᬩᬄ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬲᬂᬥᬃᬫ᭄ᬫᬬᬸᬤ᭄ᬥᬬᬤᬶᬚ᭞ᬓᬭᬶᬧᬸᬗ᭄ᬓᬸᬭᬦ᭄ᬤᬾᬯᬵᬚᬶ᭞ᬫᬗᬢᭂᬄᬧᬹᬡ᭄ᬬᬦᬾᬲᬫᬶ᭞ᬲᬋᬗᬦ᭄ᬧ᭄ᬭᬫᬜ᭄ᬘᬭᬢᬸ᭞ᬫ
ᬓᬤᬶᬢᬶᬃᬣᬦ᭄ᬳᬶᬤᬾᬯ᭞ᬋᬱᬶᬦᬶᬮᭀᬘᬦᬫᬗ᭄ᬓᬶᬦ᭄᭞ᬫᬸᬗ᭄ᬕᬄᬲᬫ᭄ᬧᬸᬦ᭄᭞ᬫᬫᬸᬢᬸᬲᬂᬋᬱᬶᬬᬚ᭄ᬜ᭟᭐᭟ᬲᬂᬧ᭄ᬭᬪᬸᬦᬸᬮᬶᬢᬶᬦᬶᬃᬣᬦ᭄᭞ᬧᬡ᭄ᬥᬶᬢᬢᬧᬗᬺᬦ᭄ᬢᭂᬩᬶᬦ᭄᭞
ᬜᬋᬗᬶᬦ᭄ᬫᬜ᭄ᬚᬬᬚᬬ᭞ᬗᬢᬸᬧᬸᬗ᭄ᬓᬸᬰ᭄ᬭᬷᬪᬹᬧᬢᬶ᭞ᬕ᭄ᬭᬶᬬᭂᬗᬦ᭄ᬯᬾᬤᬦᬾᬲᬫᬶ᭞ᬧᬢᬶᬄᬫᬗᬲ᭄ᬣᬯᬲᬫ᭄ᬧᬸᬦ᭄᭞ᬲᬂᬧ᭄ᬭᬪᬸᬳᬸᬲᬦ᭄ᬫᬢᬶᬃᬣ᭞ᬧᬡ᭄ᬥᬶᬢᬦᬾᬲᬫᬶ
[ ᭑᭗ 17A]
ᬫᬮᬶᬗ᭄ᬕᬶᬄ᭞ᬓᬳᬢᬸᬭᬦ᭄᭞ᬪᭀᬚᬦᬧᬹᬡ᭄ᬬᬩᬯᬳᬦ᭄᭟᭐᭟ᬲᬂᬋᬱᬶᬗ᭄ᬭᬬᭀᬦᬶᬦ᭄ᬧᬹᬡ᭄ᬬ᭞ᬫᬓᬯᬳᬦ᭄ᬳᬶᬤᬲᬫᬶ᭞ᬲᬂᬥᬃᬫ᭄ᬫᬬᬸᬤ᭄ᬥᬗᬦ᭄ᬢᭂᬦᬂ᭞ᬕᬯᭀᬓ᭄ᬫᬦᬳᬾᬢᬦ᭄ᬲᬫᬶ᭞ᬳᬦ᭄ᬢᬸᬓ᭄ᬢᭂᬫ᭄ᬩᬾ
ᬦᬾᬫᬫᬗ᭄ᬕᬶᬄ᭞ᬋᬱᬶᬪᬾᬶᬸᬬᬚ᭄ᬜᬦᬾᬲᬂᬧ᭄ᬭᬪᬸ᭞ᬰ᭄ᬭᬶᬦᬭᬾᬦ᭄ᬤ᭄ᬭᬗᬦ᭄ᬤᬶᬓ᭞ᬭᬶᬂᬳᬶᬧᬢᬶᬄᬫᬗ᭄ᬓᬸᬪᬹᬫᬶ᭞ᬘᬳᬶᬧᬢᬶᬄ᭞ᬩᬸᬯᬶᬦ᭄ᬭᭀᬭᬲ᭄ᬤᬶᬦᬳᭀᬫ᭟᭐᭟ᬳᭂᬦ᭄ᬢᭀᬘᬳᬶᬋᬲᭂᬧᬂ᭞ᬳᬭᬳᬂᬳᬸᬮᬶ
ᬚᬦᬶ᭞ᬳᬧᬗᬬᬧᬥᬦᬯᬂ᭞ᬗᬼᬫᬢᬸᬃᬢᭂᬓᬾᬦ᭄ᬲᬂᬋᬱᬶ᭞ᬫᬸᬂᬧᬸᬂᬳᬶᬤᬦᬸᬤᬶᬦᬶ᭞ᬧᬵᬡ᭄ᬥᬶᬢᬢᬧᬦᬾᬮᬶᬬᬸ᭞ᬲᬫ᭄ᬧᬸᬦ᭄ᬳᬸᬲᬦ᭄ᬫᬩᬯᬳᬦ᭄᭞ᬲᬂᬋᬱᬶᬭᬭᬶᬲ᭄ᬫᬦᬗ᭄ᬓᬶᬮ᭄᭞ᬰ᭄ᬭᬷᬦᬭᬾ
ᬦ᭄ᬤ᭄ᬭ᭞ᬗᬦ᭄ᬤᬶᬓᬬᬂᬳᬦ᭄ᬢᬸᬓ᭄ᬓᬃᬬ᭄ᬬ᭟᭐᭟ᬲᬶᬗ᭄ᬕᬶᬄᬲᬂᬋᬱᬶᬲᬶᬦᬫ᭄ᬬᬦ᭄᭞ᬢᬶᬢ᭄ᬬᬂᬫᬢᬸᬃᬲᬓᬶᬂᬫᬗ᭄ᬓᬶᬦ᭄᭞ᬳᭀᬫᬫᬮᬶᬄᬭᭀᬭᬲ᭄ᬤᬶᬦ᭞ᬳᬶᬭᬶᬓᬳᬶᬤᬗ᭄ᬭᬯᬸᬳᬶᬦ᭄᭞ᬲᬂᬋᬱᬶᬫᬢᬸᬃᬲᬫᬶ᭞ᬢᬶ [ 18 ][ ᭑᭗ 17B]
᭑᭗᭞
ᬢ᭄ᬬᬂᬲᬦ᭄ᬤᬶᬓᬦ᭄ᬳᬶᬭᬢᬸ᭞ᬲᬂᬥᬃᬫ᭄ᬫᬬᬸᬤ᭄ᬥᬫᬜᬸᬫ᭄ᬩᬄ᭞ᬲᬶᬗ᭄ᬕᬶᬄᬭᬢᬸᬰ᭄ᬭᬷᬪᬹᬧᬢᬶ᭞ᬢᬶᬢ᭄ᬬᬂᬧᬫᬶᬢ᭄᭞ᬓᭂᬦᬶᬢᬶᬢ᭄ᬬᬂᬕᭂᬮᬶᬲ᭄ᬢᬸᬮᬓᬶ᭟᭐᭟ᬧᭂᬥᭂᬓ᭄ᬭᬶᬂᬘᭀᬓᭀᬭᬶᬤᬾᬯ᭞ᬲᬂᬦᬵᬣᬗᬦ᭄ᬤᬶᬓᬵ
ᬳᬭᬶᬲ᭄᭞ᬦᬵᬄᬫᬚᬮᬦ᭄ᬳᬧᬂᬫᭂᬮᬄ᭞ᬓᬮᬶᬄᬲᬂᬧᬡ᭄ᬥᬶᬢᬲᬫᬶ᭞ᬩᬸᬤᬮ᭄ᬳᬶᬤᬲᬋᬂᬲᬫᬶ᭞ᬳᬶᬧᬢᬶᬄᬫᬗ᭄ᬓᬶᬦ᭄‌‌ᬓᬯᬸᬯᬸᬲ᭄᭞ᬗᬮᬶᬗ᭄ᬕᬶᬳᬂᬧᬭᬫᬾᬦᬓ᭄᭞ᬭᬶᬂᬩᬜ᭄ᬘᬶᬗᬄ
ᬲᬋᬂᬲᬫᬶ᭞ᬫᬳᬾᬦᬓᬦ᭄᭞ᬫᬕᬸᬦᭂᬫ᭄ᬧᬫᬕᬸᬡᬶᬢ᭟᭐᭟ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬲᬸᬭᬸᬧ᭄ᬲᬸᬃᬬ᭄ᬬ᭞ᬲᬂᬳᬕᬸᬂᬦᭂᬫ᭄ᬩᬸᬩᬃᬲᬫᬶ᭞ᬲᬤᬕᬶᬗᬶᬂᬧ᭄ᬯᬳᬶᬂᬧᬸᬭ᭞ᬲᬫᬮᬶᬮ
ᬫᬚᬂᬰᬰᬶᬄ᭞ᬧᬥᬧᬲᭂᬮᬾᬂᬲᬾᬮᬾᬭᬶᬦ᭄᭞ᬫᬧᭀᬫᭀᬗᬦ᭄ᬧᬢᬸᬭᬸᬮᬸᬄ᭞ᬦᬾᬫᬭᬢᬸᬢᬕ᭄ᬩᬚᬂ᭞ᬓᬕᭀᬜ᭄ᬚᬓᬶᬦ᭄ᬳᬶᬬᬲᭂᬗᬶᬢ᭄᭞ᬮᬸᬢ᭄ᬫᬘᬭ᭞
[ ᭑᭘ 18A]
ᬫᬗᬫ᭄ᬩᬮ᭄ᬦᬕᬶᬄᬤᬸᬧ᭄ᬤᬸᬧᬂ᭟᭐᭟ᬮᬶᬬᬸᬤᬩ᭄ᬤᬩᬾᬤᬶᬧᬸᬭ᭞ᬯᬢᭂᬓ᭄ᬧ᭄ᬭᬯᬶᬦᬶᬦᬾᬲᬫᬶ᭞ᬳᬤᬩᬸᬯᬶᬗᬤᬸᬭᬲ᭞ᬫᭂᬍᬤ᭄ᬫᬩ᭄ᬯᬤ᭄ᬥᬶᬫᬓᬶᬃᬢ᭄ᬢᬶ᭞ᬢᭂᬍᬩ᭄ᬫᬦᬳᬾᬫᬩᬸᬤ᭄ᬥᬶ᭞ᬗᬶᬂ
ᬭᬶᬗᬂᬳᬶᬤᬲᬂᬧ᭄ᬭᬪᬸ᭞ᬳᬧᬦᬧᬦᬶᬲ᭄ᬢᬶᬲ᭄‌ᬉᬢ᭄ᬢᬫ᭞ᬫᬦᬸᬚᬸᬦᬾᬤᬤᬶᬍᬯᬶᬄ᭞ᬫᬸᬮᬓᬾᬢᭀ᭞ᬳᬲ᭄ᬣᬶᬢᬶᬦᬾᬓᬫᬵᬦᬸᬱᬦ᭄᭟᭐᭟ᬳᭂᬦᭂᬩᬓᭂᬦᬧᬸᬦᬶᬓ᭞ᬢ?ᬢᬶᬗ᭄ᬓᬳᬦ᭄ᬯᭀᬗᬂ
ᬧᬸᬭᬶ᭞ᬓᭀᬘᬧᬦ᭄ᬲᬂᬥᬃᬫ᭄ᬫᬬᬸᬤ᭄ᬥ᭞ᬳᬕᬾᬤᬾᬦᬶᬭᬮ᭄ᬬᬫᬭᬶᬲ᭄᭞ᬭᬯᬸᬄᬭᬶᬂᬳᬬᭀᬥ᭄ᬬᬧᬸᬭᬶ᭞ᬫᬗᭀᬚᭀᬕ᭄ᬳᬶᬧᬢᬶᬄᬮᬯᬸᬢ᭄᭞ᬳᬶᬭᬶᬓᬫᬲᬗ᭄ᬕ᭄ᬭᬳᬦ᭄᭞ᬢᬸᬢᬸᬢᬦ᭄ᬮᬸᬄᬮᬸᬳᬾᬲ
ᬫᬶ᭞ᬗᬩᬩ᭄ᬭᬡ᭞ᬜᬬᬗᬂᬲᬤᬕᬶᬂᬧᬹᬡ᭄ᬬ᭟᭐᭟ᬗᬶᬭᬶᬂᬫᬶᬮᬸᬫᬧᬹᬡ᭄ᬬ᭞ᬲᬫᬢ᭄ᬭᬗᬶᬭᬶᬂᬲᬗᬚᬶ᭞ᬫᬫᬾᬜ᭄ᬚᬗᬂᬓᬃᬬ᭄ᬬᬳᭀᬫ᭞ᬲᬂᬥᬃᬫ᭄ᬫᬬᬸᬤ᭄ᬥᬫᬦᬗ᭄ᬓᬶᬮ᭄᭞ᬭᬶᬂᬧᬬᬚ᭄ᬜᬦ᭄‌ᬰ᭄ᬭᬷᬭᬧ [ 19 ][ ᭑᭘ 18B]
ᬢᬶ᭞ᬧᭂᬧᭂᬓ᭄ᬪᬸᬚᬗ᭄ᬕᬦᬾᬭᬯᬸᬄ᭞ᬦᬗ᭄ᬓᬶᬮ᭄ᬳᬶᬤᬰ᭄ᬭᬷᬓᬭᬾᬦ᭄ᬤ᭄ᬭ᭞ᬗᬚᭂᬗᬶᬦ᭄ᬧᬘᬲᬫᬶ᭞ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬵᬭᬶᬂᬧᬢᬶᬄᬲᬸᬭ᭟᭐᭟ᬘᬳᬶᬧᬢᬶᬄᬲᬸᬭᬚᬬ᭞ᬓᭂᬫᬜᬸᬯᬶᬩ
ᬩᬦ᭄ᬢᭂᬦ᭄ᬲᬸᬘᬶ᭞ᬢᬸᬦᬲ᭄ᬓᬾᬧᬤᬡ᭄ᬥᬢᬸᬓᬂ᭞ᬫ᭄ᬮᬳᬂᬮᬯᬸᬢ᭄ᬳᬩᬫᬳᬶ᭞ᬧᬭᬶᬓ᭄ᬱᬳᬧᬂᬧᬲ᭄ᬢᬶ᭞ᬧᭂᬚᬂᬤᬶᬓᬸᬡ᭄ᬥᬦᬾᬮᬯᬸᬢ᭄᭞ᬦᬾᬫᬦᬶᬧᬲᭂᬫᭂᬗᬦ᭄᭞ᬮᬯᬸᬢᬂᬘᬳᬶᬗ
ᬢᬸᬭᬶᬦ᭄᭞ᬮᬳᬸᬢ᭄ᬦᬸᬳᬸᬃ᭞ᬧᬡ᭄ᬥᬶᬢᬦᬾᬫᬸᬗ᭄ᬕᬄᬫᬧᬹᬚ᭟᭐᭟ᬲᬂᬥᬃᬫ᭄ᬫᬬᬸᬤ᭄ᬥᬬᬮᬸᬯᬲ᭄᭞ᬩ᭄ᬭᬬᬤᬶᬦᬶᬫᬫᬋᬗᬶᬦ᭄᭞ᬕᬶᬮᬶᬓ᭄ᬧ᭄ᬭᬫᬾᬦᬓᬾᬳᬚᬓ᭄᭞ᬫᬗ᭄ᬤᬫᬢᬶᬃᬣ
ᬲᬋᬂᬲᬫᬶ᭞ᬧᬤᬡ᭄ᬥᬢᬸᬓᬂᬦᬾᬚᬦᬶ᭞ᬗᬶᬭᬶᬂᬧ᭄ᬭᬶᬬᬦ᭄ᬳᬶᬤᬲᬂᬧ᭄ᬭᬪᬸ᭞ᬗᬚᬂᬩᬦ᭄ᬢᭂᬦ᭄ᬓᬧᬬᬚ᭄ᬜᬦ᭄᭞ᬲᬂᬯᬶᬓᬸᬲᬫᬶᬫᬗᬶᬭᬶᬂ᭞ᬩᬩᬦ᭄ᬢᭂᬦᬦ᭄᭞ᬦᬾᬫᬸᬗ᭄ᬕᬄᬓᬕᬸᬭᬸᬓ᭄ᬭᬫ᭟᭐᭟
[ ᭑᭙ 19A]
ᬲᬫ᭄ᬧᬸᬦ᭄ᬧᬸᬧᬸᬢ᭄ᬲᬶᬦᬫᬶᬬᬦ᭄᭞ᬩᬩᬦ᭄ᬢᭂᬦ᭄ᬫᬓᭂᬚᬂᬲᬫᬶ᭞ᬲᬂᬧ᭄ᬭᬪᬸᬭᬭᬶᬲ᭄ᬓᬧᬸᬭ᭞ᬘ᭄ᬭᬶᬢᬓᭀᬘᬧ᭄ᬲᬫ᭄ᬧᬸᬦ᭄ᬭᬢ᭄ᬭᬶ᭞ᬩᬸᬤᬮ᭄ᬢᬗ᭄ᬓᬶᬮᬦᬾᬲᬫᬶ᭞ᬗᬸᬗ᭄ᬲᬶᬓᬸᬝᬵᬦᬶᬭᬳᬸᬯᬸᬲ᭄᭞ᬳᬾᬦᬓ᭄ᬢᬲᬶᬭᬳ
ᬦᬶᬤ᭄ᬭ᭞ᬗᬦ᭄ᬢᭀᬲᬂᬳᬶᬤᬲᬂᬳᬚᬶ᭞ᬢ᭄ᬯᬭᬳᬤ᭞ᬦᬦ᭄ᬤᬶᬗᬶᬦ᭄ᬓᬶᬢ᭄ᬢᬶᬲᬂᬦᬵᬣ᭟᭐᭟ᬦᬾᬫᬗ᭄ᬓᬶᬦ᭄ᬢᬢᬲ᭄ᬭᬳᬶᬦ᭞ᬧ᭄ᬭᬫᬾᬦᬓᬾᬫᬶᬚᬶᬮ᭄ᬲᬫᬶ᭞ᬦᬾᬧᬘᬂᬫᬸᬫ᭄ᬧᬸᬦᬶᬦ᭄‌ᬳᭀᬫ᭞ᬲᬂᬥᬃᬫ᭄ᬫᬬᬸᬤ᭄ᬥᬗᬭᬶ
ᬳᬶᬦᬶᬦ᭄᭞ᬤᬶᬧᬬᬚ᭄ᬜᬦ᭄ᬫᬗᬦ᭄ᬢᬶ᭞ᬓ᭄ᬭ᭄ᬬᬦ᭄ᬧᬢᬶᬄᬲᬶᬭᬭᬯᬸᬄ᭞ᬫᬶᬲᬶᬸᬯᬄᬲᬂᬧᬭᬵᬤᬶᬫᬦ᭄ᬢ᭄ᬬᬫᬗᬶᬭᬶᬂᬭᬓ᭄ᬭ᭄ᬬᬦᬵᬧᬢᬶᬄ᭞ᬲᬕᬾᬢ᭄ᬭᬯᬸᬄ᭞ᬲᬶᬭᬧᬢᬶᬄᬲᬕᭂᬋᬳᬦ᭄᭟᭐᭟ᬧᬘᬂᬫᬸᬦ᭄ᬤᬸ
ᬢ᭄ᬧᬯᬬᬦ᭄᭞ᬳᬗᬶᬭᬶᬗᬂᬲᬶᬭᬧᬢᬶᬄ᭞ᬓᬕ᭄ᬭᬶᬬᬦᬸᬳᬸᬃᬧᬤᬡ᭄ᬥ᭞ᬰ᭄ᬭᬶᬦᬭᬾᬦ᭄ᬤ᭄ᬭᬲᬫ᭄ᬧᬸᬦ᭄ᬫᬶᬚᬶᬮ᭄᭞ᬭᬶᬂᬧᬬᬚ᭄ᬜᬦ᭄ᬫᬮᬶᬗ᭄ᬕᬶᬄ᭞ᬧᭂᬧᭂᬓ᭄ᬧᬡ᭄ᬥᬶᬢᬦᬾ ᬲᬫ᭄ᬧᬸᬦ᭄᭞ᬗᬶᬭᬶᬂᬲᬂᬘᬡ᭄ᬥᬶ [ 20 ][ ᭑᭙ 19B]
᭑᭙᭞
ᬓᬸᬲᬸᬫ᭞ᬧᬡ᭄ᬥᬶᬢᬦᬾᬫᬗᬚᭂᬗᬶᬦ᭄᭞ᬫᬸᬗ᭄ᬕᬄᬫ᭄ᬯᬾᬤ᭞ᬗᬃᬘ᭄ᬘᬡᬗᬋᬧᬶᬦ᭄ᬳᭀᬫ᭟᭐᭟ᬳᭀᬫᬦᬾᬫᬗᬶᬮᬗᬶᬮᬩ᭄᭞ᬲᬂᬧ᭄ᬭᬪᬸᬦᬫ᭄ᬧᭂᬓᬶᬦ᭄ᬭᬭᬶᬲ᭄᭞ᬫᬫᬸᬮᬂᬧᬢᭂᬮᬳᬦ᭄᭞ᬲᬂᬋᬱᬶᬗᬲ᭄ᬣ
ᬯᬲᬫᬶ᭞ᬫᬗᬸᬜ᭄ᬘᬭᬂᬰᬶᬯᬵᬕ᭄ᬦᬶ᭞ᬤᬸᬫᬶᬮᬄᬲᬪᬦᬾ ᬫ᭄ᬭᬸᬩ᭄᭞ᬧᬶᬭᬾᬄᬯᬾᬤᬦᬾᬧᬫᬸᬦ᭄ᬢᬢ᭄᭞ᬘᬢᬸᬃᬯᬾᬤᬦᬾ ᬜᭂᬮᬕᬶᬦ᭄᭞ᬲᬧᬸᬧᬸᬢ᭞ᬲᬧ᭄ᬭᬢᬾᬓᬦᬶᬂᬧᬗᬲ᭄ᬢᬯ᭟᭐
᭟ᬧᬸᬧᬸᬢ᭄ᬫᬗᬋᬧᬶᬦ᭄ᬳᭀᬫ᭞ᬢᬶᬦᬶᬃᬣᬦ᭄ᬳᬶᬤᬲᬗᬚᬶ᭞ᬧᬸᬧᬸᬢ᭄ᬲᬂᬧ᭄ᬭᬪᬸᬫᬢᬶᬃᬣ᭞ᬓᬢᬸᬭᬦ᭄ᬧᬹᬡ᭄ᬬᬲᬂᬋᬱᬶ᭞ᬗ᭄ᬭᬶᬬᭂᬂᬫᬯᬾᬤᬲᬫᬶ᭞ᬮ᭄ᬯᬶᬃᬩ᭄ᬭᬫᬭᬗᬶᬲᭂᬧ᭄ᬲᬦ᭄ᬢᬸᬦ᭄᭞ᬧᬸᬧᬸᬢ᭄ᬘᬭᬦᬶᬂᬧᬹ
ᬡ᭄ᬬ᭞ᬲᬂᬋᬱᬶᬫ᭄ᬭᬮᬷᬡᬲᬫᬶ᭞ᬳᬯᬸᬦ᭄ᬯᬾᬤ᭞ᬫᬜᬸᬢ᭄ᬭᬶᬂᬕᬸᬦᬸᬂᬳᬶᬫᬮᬬ᭟᭐᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬳᬶᬓᬂᬓᬃᬬ᭄ᬬ᭞ᬲᬂᬧ᭄ᬭᬪᬸᬫᬦ᭄ᬢᬸᬓ᭄ᬓᬧᬸᬭᬶ᭞ᬲᬂᬥᬃᬫ᭄ᬫᬬᬸᬤ᭄ᬥᬫᬧᬫᬶᬢ᭄ᬩᬸᬤᬮ᭄᭞ᬢᬦ᭄ᬓᭀᬘᬧ
[ ᭒᭐ 20A]
ᬦ᭄ᬭᬶᬂᬫᬃᬕ᭄ᬕᬶ᭞ᬭᬯᬸᬄᬭᬶᬂᬤᬺᬱ᭄ᬞᬚᬸᬢᬶ᭞ᬮᬶᬬᬂᬫᬦᬳᬾᬓᬮᬗ᭄ᬓᬸᬂ᭞ᬧᭀᬮᬶᬄᬗᬶᬭᬶᬂᬰ᭄ᬭᬷᬦᬭᬾᬦ᭄ᬤ᭄ᬭ᭞ᬗᬯᬗᬸᬦ᭄‌ᬬᬚ᭄ᬜᬫᬓᬶᬃᬢ᭄ᬢᬶ᭞ᬤᬤᬶᬳᬦᬹᬢ᭄᭞ᬓᭂᬦᭂᬳᬾᬫᬗ᭄ᬯᬗᬸᬦ᭄‌ᬬᬚ᭄ᬜ᭟᭐᭟ᬳᬦ᭄ᬤᬦ᭄ᬓᭀᬘ
ᬧᬦᬭᬶᬂᬲ᭄ᬯᬃᬕ᭄ᬕᬦ᭄᭞ᬳᬶᬤᬲᬂᬳ᭄ᬬᬂᬰᬶᬯᬫᬗ᭄ᬓᬶᬦ᭄᭞ᬳᬾᬯᭂᬄᬧᬓᬬᬸᬦᬦ᭄ᬳᬶᬤ᭞ᬩᬦ᭄ᬯᬶᬱ᭄ᬡᬸᬮᭀᬓᬦᬾᬲᭂᬧᬶ᭞ᬪᬝᬵᬭᬯᬶᬱ᭄ᬡᬸᬜ᭄ᬭᭀᬯᬤᬶ᭞ᬭᬶᬗᬬᭀᬥ᭄ᬬᬜᭂᬦᭂᬂᬭᬢᬸ᭞ᬪᬝᬵᬭᬰᬶᬯᬗ
ᬦ᭄ᬤᬶᬓ᭞ᬭᬶᬂᬪᬕᬯᬵᬦ᭄ᬧᬰᬸᬧᬢᬶ᭞ᬓᭂᬫᬤᬾᬯ᭞ᬢᬸᬳᬸᬦ᭄ᬓᬅᬬᭀᬥ᭄ᬬᬧᬸᬭ᭟᭐᭟ᬪᬕᬯᬵᬦ᭄ᬦᬭᬤᬮᬸᬗ᭄ᬳ᭞ᬓᬅᬬᭀᬥ᭄ᬬᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫ᭞ᬲᬶᬦᬾᬪᬭᬶᬂᬧᬜ᭄ᬘᬦᬶ
ᬣᬶ᭞ᬧᭂᬧᭂᬓ᭄ᬲᬂᬯᬶᬓᬸᬦᬗ᭄ᬓᬶᬮ᭄᭞ᬲᬂᬧ᭄ᬭᬪᬸᬓᬕ᭄ᬬᬢ᭄ᬫᬦ᭄ᬤᬸᬮᬸ᭞ᬪᬕᬯᬵᬦ᭄ᬦᬭᬤᬧ᭄ᬭᬵᬧ᭄ᬢ᭞ᬳᬶᬓᬸᬢᬸᬲ᭄ᬤᬾᬭᬲᬗᬚᬶ᭞ᬳᬶᬗ᭄ᬕᬶᬄᬧ᭄ᬭᬡ᭄ᬥ᭞ᬤᬸᬭᬸᬲ᭄ᬫᬸᬗ᭄ᬕᬸᬳᬶᬂᬲᬶᬗ᭄ᬳᬲᬦ᭟᭐᭟ᬪᬕ [ 21 ][ ᭒᭐ 20B]
᭒᭐᭞
ᬯᬵᬦ᭄ᬦᬭᬤᬫᬸᬗ᭄ᬕᬄ᭞ᬫᬮᬸᬗ᭄ᬕᬸᬄᬭᬶᬂᬧᬜ᭄ᬘᬦᬶᬣᬶ᭞ᬲᬂᬳᬦᬗ᭄ᬓᬶᬮ᭄ᬧᬥᬩᭂᬗᭀ᭞ᬳᬦ᭄ᬢᬸᬓ᭄ᬢᭂᬫ᭄ᬩᬾᬦᬾᬫᬗ᭄ᬕᬶᬳᬶᬦ᭄᭞ᬳ᭄ᬬᬂᬦᬵᬭᬤᬗ᭄ᬮᬶᬂᬳᬭᬶᬲ᭄᭞ᬚᬮᬦᬾᬳᬶᬤᬾᬯ
ᬫᬦ᭄ᬢᬸᬓ᭄᭞ᬤᬶᬯᬶᬱ᭄ᬡᬸᬮᭀᬓᬲᬸᬯᬸᬂᬧᬶᬲᬦ᭄᭞ᬧᬡ᭄ᬥᬶᬓᬦ᭄ᬳ᭄ᬬᬂᬧᬰᬸᬧᬢᬶ᭞ᬳᬧᬂᬤᬾᬯ᭞ᬫᬦ᭄ᬢᬸᬓ᭄ᬳᬸᬕᬶᬬᬓᬲ᭄ᬯᬃᬕ᭄ᬕᬦ᭄᭟᭐᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬭᬶᬂᬯᬢᭂᬓ᭄ᬲᬂᬳᬦᬗ᭄ᬓᬶ
ᬮ᭄᭞ᬳᬦ᭄ᬢᬸᬓ᭄ᬳᬶᬤᬧᬘᬂᬩᬸᬤᬮ᭄᭞ᬫᬦ᭄ᬢᬸᬓᬾᬓᬲ᭄ᬯᬃᬕ᭄ᬕᬦ᭄ᬫᬗ᭄ᬓᬶᬦ᭄᭞ᬪᬕᬯᬵᬦ᭄ᬦᬶᬮᭀᬘᬡᬕᭂᬮᬶᬲ᭄᭞ᬫᬳᬢᬸᬭᬶᬂᬲᬗᬳᬸᬮᬸᬦ᭄᭞ᬳᬶᬗ᭄ᬕᬶᬄᬭᬢᬸᬲᬂᬓᬢᭀᬂ᭞ᬢᬶᬢ᭄ᬬᬂᬲᬧᬸᬦᬧᬶ
ᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭟᭐᭟ᬲᬫ᭄ᬧᬸᬦᬂᬧᬤᬡ᭄ᬥᬮᬸᬗ᭄ᬳᬵ᭞ᬳᬶᬭᬶᬓᬶᬭᬶᬂᬕᬡ᭄ᬥᬯᭂᬲᬶ᭞ᬲᬋᬂᬭᬶᬂᬤᬺᬱ᭄ᬝᬦᬵᬮ᭞ᬲᬧᬋᬓᬦ᭄ᬲᬫᬶᬗᬶᬭᬶᬂ᭞ᬳᬶᬭᬖᬸᬓᬭᬶᬳᬶᬭᬶᬓᬶ᭞
[ ᭒᭑ 21A]
ᬧᬤᬡ᭄ᬥᬫᬳᬢᬸᬃᬳᬮᬸᬲ᭄᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬳᬶᬤᬾᬯ᭞ᬲᬂᬧ᭄ᬭᬪᬸᬭᬭᬶᬲ᭄ᬗᭂᬲᬾᬗᬶᬦ᭄᭞ᬧ᭄ᬭᬫᬾᬰ᭄ᬯᬭ᭄ᬬ᭞ᬲᬋᬂᬧᬢᬶᬄᬲᬸᬭᬚᬬ᭟᭐᭟ᬧ᭄ᬭᬫᬶᬲ᭄ᬕ᭄ᬯᬭᬶᬭᬭᬶᬲ᭄ᬓᭀᬤᬮ᭄᭞ᬳᬶᬧᬢᬶᬄᬦ
ᬧᬓ᭄ᬫᬮᬶᬗ᭄ᬕᬶᬄ᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬥᬹᬃᬳᬤᬶᬚᬦᬶᬬᬫᬸᬮᬶᬄ᭞ᬢᬸᬢᬸᬢᬶᬦ᭄ᬩᭂᬮᬶᬚᬦᬶ᭞ᬓᬯᬶᬱ᭄ᬡᬸᬮᭀᬓᬫᬗ᭄ᬮᬯᬸᬢ᭄᭞ᬧᬋᬓ᭄ᬭᬶᬂᬲᬂᬳ᭄ᬬᬂᬰᬶᬯ᭞ᬲᬸᬯᬸᬤ᭄ᬫᬦᭀᬗᭀᬲ᭄ᬤᬶᬦᬶ᭞ᬬᬤᬶ
ᬲ᭄ᬯᬃᬕ᭄ᬕᬦ᭄᭞ᬢᭀᬗᭀᬲ᭄ᬫᬸᬱ᭄ᬝᬶᬓᬯᬶᬪᬵᬯᬦ᭄᭟᭐᭟ᬳᬾᬕᬃᬓᬬᬸᬦ᭄ᬧ᭄ᬭᬫᬾᬲ᭄ᬯᬭ᭄ᬬ᭞ᬮᬦᬶᬧᬢᬶᬄᬫᬗ᭄ᬓᬸᬪᬸᬫᬶ᭞ᬧᬘᬂᬢᬸᬮᬓ᭄ᬓᬲ᭄ᬯᬃᬕ᭄ᬕᬦ᭄᭞ᬫᬮᬶᬄᬓᬾᬗᬶᬦ᭄ᬯᬢᭂᬓ᭄ᬋᬱᬶ᭞ᬧ᭄ᬭᬫᬶᬰ᭄ᬯᬭᬶᬯᬶ
ᬥ᭄ᬬᬥᬭᬶ᭞ᬳᬦ᭄ᬢ᭄ᬬᬦ᭄ᬢᬫᬸᬧᬸᬓᬮᬗᬸᬦ᭄᭞ᬫᬯᬮᬶᬓᬤᬶᬓᬸᬦ᭞ᬤᬸᬓᬾᬓᬾᬗᬶᬦ᭄ᬲᬂᬳ᭄ᬬᬂᬰ᭄ᬭᬷ᭞ᬢ᭄ᬯᬭᬧᬥ᭞ᬲᬸᬓᬦᬾᬤᬶᬯᬶᬱ᭄ᬡᬸᬮᭀᬓᬵ᭟᭐᭟ᬲᬂᬳᬦᬗ᭄ᬓᬶᬮ᭄ᬫᬗ᭄ᬓᬶᬦ᭄ᬓᭀᬘᬧ᭄᭞ᬲᬫᬶᬗᬯᭂ [ 22 ][ ᭒᭑ 21B]
᭒᭑᭞
ᬢᬸᬯᬂᬲᭂᬤᬶᬄ᭞ᬫᬓᬤᬶᬯᬢᭂᬓ᭄ᬢᬧ᭞ᬲᬂᬦᬵᬣᬦᬸᬮᬶᬳᬗ᭄ᬮᬶᬂ᭞ᬮᬶᬬᬗᬂᬓᬬᬸᬦᬾᬲᬫᬶ᭞ᬯᬶᬭᬾᬄᬢᬶᬢ᭄ᬬᬂᬧᬘᬂᬫᬦ᭄ᬢᬸᬓ᭄᭞ᬭᬭᬶᬲᬂᬫᬗ᭄ᬓᬶᬦ᭄ᬩᬸᬮ᭄᭞ᬲᬂᬧᬡ᭄ᬥᬶᬢᬦᬸᬮᬶᬫᬧ
ᬫᬶᬢ᭄᭞ᬢᬦ᭄ᬘᬭᬶᬢ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬰ᭄ᬭᬫᬦ᭄᭟᭐᭟ᬲᬂᬧ᭄ᬭᬸᬂᬭᬵᬖᬸᬫᬧᬫᬶᬢ᭄ᬜᬸᬫ᭄ᬩᬄ᭞ᬫᬦ᭄ᬢᬸᬓ᭄ᬓᬧᬸᬭᬶᬫᬦᬗᬶᬲ᭄᭞ᬫᬶᬯᬄᬤᬾᬯᬶᬤᬺᬱ᭄ᬝᬦᬵᬮ᭞ᬫᬦᬗᬶᬲ᭄ᬲᬮᬶᬂᬢᬫ᭄ᬩᬸ
ᬗᬶᬦ᭄᭞ᬲᬫ᭄ᬧᬸᬦ᭄ᬭᬯᬸᬄᬤᬶᬰ᭄ᬭᭀᬧᬸᬭᬶ᭞ᬓᭀᬘᬧᬳᬶᬤᬲᬂᬧ᭄ᬭᬪᬸ᭞ᬫᬫᬃᬕ᭄ᬕᬶᬫᬸᬗ᭄ᬕᬄᬓᬲ᭄ᬯᬃᬕ᭄ᬕᬦ᭄᭞ᬪᬕᬯᬵᬦ᭄ᬦᬭᬤᬗᬶᬭᬶᬂ᭞ᬲᬋᬂᬮᬶᬫ᭞ᬧ᭄ᬭᬪᬵᬯ᭞ᬓᬸᬫᭂᬥᬧ᭄ᬕᬮᬂ᭟᭐᭟ᬲᬂᬧ᭄ᬭᬪᬸ
ᬘᬦ᭄ᬥᬶᬓᬸᬲᬸᬫ᭞ᬫ᭄ᬯᬂᬪᬕᬯᬵᬦ᭄‌ᬧ᭄ᬭᬳᬲ᭄ᬧᬢᬶ᭞ᬳ᭄ᬬᬂᬦᬭᬥᬫᬜᬥᬗᬂ᭞ᬩᬩᬦ᭄ᬢᭂᬦ᭄ᬧ᭄ᬭᬢᬶᬱ᭄ᬞᬲᬫᬶ᭞ᬲᬺᬕᭂᬧ᭄ᬲᭀᬧᬘᬭᬲᬫᬶ᭞ᬯᬢᭂᬓ᭄ᬤᬾᬯᬳᬾᬦᬓ᭄ᬢᬸᬫᬸᬭᬸᬦ᭄᭞ᬳ
[ ᭒᭒ 22A]
ᬦ᭄ᬢ᭄ᬬᬦ᭄ᬢᬧᬦᬸᬗ᭄ᬲᬸᬗᬶᬭ᭞ᬲᬥᬢᭂᬗᬶᬭᬲᬗᬚᬶ᭞ᬯᬶᬥ᭄ᬬᬤᬭ᭞ᬧᬳᬾᬮᬾᬕ᭄ᬗᬢᬸᬭᬂᬧᬫᭂᬦ᭄ᬤᬓ᭄᭟᭐᭟ᬲᬤᬕᬶᬗᬶᬂᬳᬸᬧᬘᬭ᭞ᬯᬶᬤ᭄ᬬᬤᬭᬫᬗᬋᬧᬶᬦ᭄᭞ᬳ
ᬢᬧ᭄ᬲᬫᬶᬭᬶᬂᬩᬜ᭄ᬘᬶᬗᬄ᭞ᬲᬂᬳ᭄ᬬᬂᬇᬦ᭄ᬤ᭄ᬭᬫᬗ᭄ᬮᬶᬗ᭄ᬕᬦᬶᬦ᭄᭞ᬳ᭄ᬬᬂᬘᬡ᭄ᬥᬶᬓᬸᬲᬸᬫᬵᬧ᭄ᬭᬧ᭄ᬢᬶ᭞ᬭᬶᬂᬩᬜ᭄ᬘᬶᬗᬄᬳᬶᬤᬫᬮᬸᬗ᭄ᬕᬸᬄ᭞ᬫᬗᬶᬭᬶᬂᬲᬂᬳ᭄ᬬᬂᬇᬦ᭄ᬤ᭄ᬭ᭞ᬓᬸᬮᬶᬳᬮᭀᬦ᭄ᬮᭀᬦ᭄ᬮᬸ
ᬫᬭᬶᬲ᭄᭞ᬢᬦᬲᬸᬯᬾ᭞ᬭᬯᬸᬄᬭᬶᬂᬇᬦ᭄ᬤ᭄ᬭᬪᬯᬦ᭟᭐᭟ᬓᭀᬘᬧ᭄ᬫᬗ᭄ᬓᬶᬦ᭄ᬭᬶᬂᬅᬬᭀᬥ᭄ᬬ᭞ᬲᬂᬭᬵᬖᬸᬤᬳᬢ᭄ᬧ᭄ᬭᬶᬬᬢᬶ᭞ᬗᬤᬶᬓᬭᬶᬂᬓᬸᬮᬦᬶᬤ᭞ᬳᬢᬸᬭᬂᬭᬳᬤᬾᬦ᭄ᬤᬾᬯᬶ᭞
ᬮ᭄ᬯᬲ᭄ᬗᬧᬓᬓᬡ᭄ᬥᬯᭂᬲᬶ᭞ᬳᬶᬭᬶᬗᬂᬭᬳᬤᬾᬦ᭄ᬕᬮᬸᬄ᭞ᬭᬶᬂᬪᬕᬯᬵᬦ᭄ᬦᬶᬮᭀᬘᬦ᭞ᬢᬧᬤᬶᬢᬸᬫᬦᭀᬗᭀᬲᬶᬦ᭄᭞ᬳᬧᬂᬢ᭄ᬯᬭ᭞ᬚ᭄ᬯᬗᬩᬦ᭄ᬲᬂᬥᬃᬫ᭄ᬫᬬᬸᬤ᭄ᬥ᭟᭐ [ 23 ][ ᭒᭒ 22B]
᭒᭒᭞
᭟ᬦᬾᬫᬗ᭄ᬓᬶᬦ᭄ᬭᬭᬶᬲ᭄ᬫᬫᬃᬕ᭄ᬕ᭞ᬲᬂᬤᬾᬯᬶᬓᬕᬡ᭄ᬥᬯᭂᬲᬶ᭞ᬓᬳᬶᬭᬶᬂᬤᬾᬦ᭄ᬓᬸᬮᬦᬶᬤ᭞ᬲᬂᬭᬵᬖᬸᬫᬦᬸᬗ᭄ᬕᬸᬧᬸᬭᬶ᭞ᬓᬮ᭄ᬬᬫ᭄ᬩ᭄ᬭᬄᬯᬺᬢᬳᬶᬂᬬᬯᬶ᭞ᬓᬜ᭄ᬘᬶᬢ᭄ᬥᬃᬫ᭄ᬫᬬᬸᬥᬭ
ᬯᬸᬄ᭞ᬤᭀᬦᬶᬂᬢᬢᬲ᭄ᬓᬧᬶᬋᬗᬂ᭞ᬧᬸᬧᬸᬢ᭄‌ᬯᬺᬢ᭄ᬢᬯᭀᬗᬶᬂᬧᬸᬭᬶ᭞ᬲᬗᬧ᭄ᬭᬪᬸ᭞ᬳᬶᬤᬯᬸᬲ᭄ᬫᬦ᭄ᬢᬸᬓ᭄ᬓᬲ᭄ᬯᬃᬕ᭄ᬕᬦ᭄᭟᭐᭟ᬧ᭄ᬭᬫᬗ᭄ᬓᬶᬦ᭄ᬭᬭᬶᬲ᭄ᬓᬧᬸᬭ᭞ᬫᬦ᭄ᬢᬸᬓ᭄ᬓᬬᭀᬥ᭄ᬬᬧᬸᬭᬶ᭞ᬮ
ᬦ᭄ᬲᬳᬵᬲᬶᬓᭂᬧ᭄ᬮᬸᬫᬶᬭᬶᬂ᭞ᬲᬓᬶᬂᬕᭂᬮᬶᬲᬶᬂᬧᬫᬃᬕ᭄ᬕᬶ᭞ᬭᬯᬸᬄᬭᬶᬂᬅᬬᭀᬥ᭄ᬬᬲᬫ᭄ᬧᬸᬦ᭄᭞ᬩᬜ᭄ᬘᬶᬗᬄᬲᬸᬯᬸᬂᬫᬓᭂᬚᬂ᭞ᬲᬂᬥᬃᬫ᭄ᬫᬬᬸᬤ᭄ᬥᬫᬗ᭄ᬭᬭᬶᬲ᭄᭞ᬬᬫᬗᬯᬸᬕ᭄᭞ᬓᬧᬸᬭᬶ
ᬦ᭄ᬲᬂᬭᬖᬸᬢ᭄ᬢᬫ᭄᭟᭐᭟ᬚᭂᬚᭂᬄᬓᬬᬸᬦ᭄ᬲᬂᬭᬵᬖᬸᬲᬸᬢ᭞ᬲᬂᬥᬃᬫ᭄ᬫᬬᬸᬤ᭄ᬥᬫᬫᬸᬜᬶ᭞ᬳᬸᬥᬹᬄᬳᬤᬶᬲᬋᬂᬢᬶᬢ᭄ᬬᬂ᭞ᬳᬸᬫᬦ᭄ᬢᬸᬓ᭄ᬓᬤᬺᬱ᭄ᬝᬚᬸᬢᬶ᭞ᬲᬶᬗ᭄ᬕᬶᬄᬤᬾᬦᬶᬭᬮᬸᬫᬭᬶᬲ᭄᭞ᬢ
[ ᭒᭓ 23A]
ᬦ᭄ᬫᬋᬦ᭄ᬳᬶᬤᬳᬫᭂᬓᬸᬮ᭄᭞ᬗᭂᬮᬶᬂᬫᬲᬲᬫ᭄ᬩᬢᬦ᭄᭞ᬮᬘᬸᬃᬢᬶᬢ᭄ᬬᬂᬩᭂᬮᬶᬳᬤᬶ᭞ᬓᬢᬶᬗ᭄ᬕᬮᬦ᭄᭞ᬭᬶᬂᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭ᭟᭐᭟ᬢᬦ᭄ᬓᭀᬘᬧᬭᬶᬂᬫᬃᬕ᭄ᬕ᭞ᬯᬸᬲ᭄ᬭᬯᬸᬄᬭᬶᬂᬤᬺ
ᬱ᭄ᬝᬚᬸᬢᬶ᭞ᬓᬧᬸᬭᬶᬫᬗ᭄ᬭᬭᬶᬲ᭄ᬋᬓᭀ᭞ᬲᬂᬥᬃᬫ᭄ᬫᬬᬸᬤ᭄ᬥᬓᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬧ᭄ᬭᬧᬸᬗ᭄ᬕᬯᬲᬫᬶ᭞ᬲᬂᬥᬃᬫ᭄ᬫᬬᬸᬤ᭄ᬥᬳᬫᬸᬯᬸᬲ᭄᭞ᬓᭂᬦᭂᬄᬦᬶᬭᬓᬶᬧᬢ᭄ᬬ᭞ᬫᬗ᭄ᬮᬸᬯᭂᬭᬶᬂᬳᬶᬤᬲᬗ
ᬚᬶ᭞ᬫᬳᬵᬭᬵᬚ᭞ᬳᬶᬤᬭᬸᬲᬓ᭄ᬭᬶᬂᬧᬧ᭄ᬭᬗᬦ᭄᭟᭐᭟ᬦ᭄ᬢᭀᬘᬳᬶᬧᬥᬯᬶᬮᬗᬂ᭞ᬳᬚᬓ᭄ᬜᬫᬩ᭄ᬭᬬᬲᬫᬶ᭞ᬗᬮᬶᬄᬧᬘᬂᬳᬸᬯᬓᬵᬭ᭞ᬲᬥᬦᬦ᭄ᬓᬃᬬ᭄ᬬᬦᬾᬍᬯᬶᬄ᭞ᬓᬮᬶᬄ
ᬦᬾᬜᬦ᭄ᬤᬂᬦᬸᬓᬗᬶᬦ᭄᭞ᬳᬶᬧᬢᬶᬄᬦᭂᬫ᭄ᬩᬄᬳᬸᬫᬢᬸᬃ᭞ᬳᬶᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ᬯᬾᬦ᭄ᬢᭂᬦ᭄ᬳᭀᬓᬦ᭄‌ᬰ᭄ᬭᬷᬪᬸᬧᬢᬶ᭞ᬳᬸᬬᬸᬍᬯᬶᬄ᭞ᬫᬧᬭᬩ᭄ᬲᬂᬤᬺᬱ᭄ᬝᬦᬵᬮ᭟᭐᭟ [ 24 ][ ᭒᭓ 23B]
ᬢᬓᭀᬦᬂᬘᭀᬓᭀᬭᬶᬤᬾᬯ᭞ᬭᬶᬂᬳᬶᬤᬲᬂᬭᬖᬸᬫᬗ᭄ᬓᬶᬦ᭄᭞ᬲᬂᬥᬃᬫ᭄ᬫᬬᬸᬤ᭄ᬥᬳᬗᬸᬘᬧ᭄᭞ᬦ᭄ᬤᬾᬦᬵᬓᬳᬶᬦᬢᬲᬂᬚᬦᬶ᭞ᬫᬮ᭄ᬯᬭᬦ᭄ᬲᬦᬾ ᬫᬗ᭄ᬓᬶᬦ᭄᭞ᬲᬂᬥᬃᬫ᭄ᬫᬬᬸᬤ᭄ᬥᬯᬸᬲ᭄ᬫᬵ
ᬦ᭄ᬢᬸᬓ᭄᭞ᬲᬭᬯᬸᬳᬾ ᬫᬭᬶᬂᬧᬸᬭ᭞ᬦᬸᬮᬶᬫᬗᬦ᭄ᬤᬶᬓᬳᬭᬶᬲ᭄᭞ᬳᬤᬶᬭᬵᬖᬸ᭞ᬓᭀᬘᬧ᭄ᬳᬤᬶᬗᭂᬮᬄᬜᬫ᭟᭐᭟ᬓᬶᬚᬚᬦᬶᬢ᭄ᬯᬭᬗᭂᬦᬄ᭞ᬲᬂᬭᬵᬖᬸᬦᬸᬮᬶᬜᬯᬸᬭᬶᬦ᭄᭞
ᬢᬦ᭄ᬫᬓᬦ᭄ᬢᭂᬦ᭄ᬧᬮᬓ᭄ᬯᬦ᭄ᬜ᭞ᬲᬂᬥᬃᬫ᭄ᬫᬬᬸᬤ᭄ᬥᬫᬫᬸᬜᬶ᭞ᬩᭂᬮᬶᬗᬸᬢᬸᬲ᭄ᬳᬤᬶᬚᬦᬶ᭞ᬗᬮᬶᬄᬳᬶᬯᬓ᭄ᬦᬾᬦᬾ ᬮᬸᬳᬸᬃ᭞ᬳᬶᬥᭂᬧ᭄ᬩᭂᬮᬶᬦᬗᬸᬦ᭄ᬓᬃᬬ᭄ᬬ᭞ᬲᬭᬢᬂᬳᬤᬶᬫᬫᬃᬕ᭄ᬕᬶ᭞ᬳᬤᬶ
ᬗ᭄ᬭᬸᬭᬸᬄ᭞ᬲᭀᬭᭀᬄᬳᬶᬯᬓ᭄ᬦᬾ ᬉᬢ᭄ᬢᬫ᭟᭐᭟ᬓᬲ᭄ᬢᬸᬭᬶᬕᬚᬄᬫᬶᬡ᭞ᬫᬓᬤᬶᬦ᭄ᬜᬘᬾᬮᬾᬂᬰᬺᬗ᭄ᬕᬶ᭞ᬬᬦ᭄ᬤᬶᬚᬫᬳᭀᬃᬣᬳᬤ᭞ᬲᬳᬢᬂᬳᬤᬶᬫᬗᬮᬶᬄ᭞ᬲᬂᬭᬖᬸᬫᬜᬯᬸ
[ ᭒᭔ 24A]
ᬭᬶᬦ᭄᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬩᭂᬮᬶᬳᬕᬸᬂ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬢᬦ᭄ᬫᬋᬦ᭄ᬫᬲᬗᬸᬲᭂᬤᬶᬄ᭞ᬳᬤᭀᬄᬲᬫ᭄ᬧᬸᬦ᭄᭞ᬮᬫ᭄ᬧᬳᬾᬫᬜ᭄ᬚᬶᬗᬶᬂᬳᬮᬲ᭄᭟᭐᭟ᬧᬗ᭄ᬓᬸᬃ᭟᭐᭟ᬧᬫᬃ
ᬕ᭄ᬕᬶᬦᬾᬫᬮᭀᬦ᭄ᬮᭀᬦᬦ᭄᭞ᬦᭀᬮᬶᬄᬓᭀᬭᬶᬭᬕᬦᬾ ᬚ᭄ᬯᬓᬳᬾᬱ᭄ᬝᬶ᭞ᬫᬗ᭄ᬭᬜ᭄ᬚᬶᬂᬓᬳᬮᬲ᭄ᬳᬕᬸᬂ᭞ᬗᬫᬾᬯᬢᭂᬓ᭄ᬤᬾᬯᬢ᭞ᬭᬢᬸᬤᬾᬯᬵᬮᬘᬸᬃᬲᬦ᭄ᬢᬶᬢ᭄ᬬᬂᬢᬸ
ᬫᬸᬯᬸᬄ᭞ᬧᬶᬲᬦ᭄ᬧᭂᬚᬄᬤᬸᬓᬶᬂᬭᬭᬾ᭞ᬢᬦ᭄ᬯᬾᬦ᭄ᬢᭂᬦ᭄ᬫᬫᬗ᭄ᬕᬶᬄᬩᭂᬘᬶᬓ᭄᭟᭐᭟ᬓᬳᬸᬚᬦᬦ᭄ᬓᬧᬦᬲᬦ᭄᭞ᬧᬤᬶᬤᬶᬳᬶᬦ᭄‌ᬤᬶᬳᬮᬲᬾᬦᬦ᭄ᬤᬂᬲᭂᬤᬶᬄ᭞ᬳᬤᬢᭀᬫᬘ
ᬦ᭄ᬓᬢᭂᬧᬸᬓ᭄᭞ᬫᬗᭂᬮᬸᬃᬢᭂᬗᬳᬶᬂᬳᬮᬲ᭄᭞ᬦ᭄ᬢᭀᬓᬳᭀᬚᭀᬕ᭄‌ᬳᬦ᭄ᬢᬸᬓ᭄ᬲᬂᬭᬵᬚᬧᬸᬢ᭄ᬭᬭᬵᬖᬸ᭞ᬲᬂᬭᬵᬖᬸᬫᬗᬦ᭄ᬤᬶᬓ᭞ᬧ᭄ᬭᬡᬫ᭄ᬬᬳᬶᬫᬘᬦ᭄ᬢᬸᬃᬪᬓ᭄ᬢᬶ᭟᭐᭟ᬫᬮᬶᬄᬲᬂ [ 25 ][ ᭒᭔ 24B]
᭒᭔᭞
ᬭᬖᬸᬗᬦ᭄ᬤᬶᬓᬵᬓᬓᬶᬫᬘᬦ᭄‌ᬬᬦ᭄ᬲᬶᬄᬳᭀᬮᬲ᭄ᬲᬸᬚᬢᬶ᭞ᬳᬶᬫᬘᬦ᭄ᬫᬳᬢᬸᬃᬳᬮᬸᬲ᭄᭞ᬳᬶᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ᬚᬕᬶᬓᬶᬚᬧᬮᬸᬗᬦ᭄ᬘᭀᬓᭀᬃᬳᬶᬤᬾᬯ᭞ᬲᬂᬭᬵ
ᬖᬸᬢ᭄ᬢᬫᬗᬸᬘᬧ᭄᭞ᬫᬦᬶᬭᬓᬳᬸᬢᬸᬲ᭄ᬫᬳᬶ᭟᭐᭟ᬫᬗᬮᬶᬄᬳᬯᬓᬶᬯᬓᬦ᭄᭞ᬘᬾᬮᬾᬂᬰᬺᬗ᭄ᬕᬶᬢ᭄ᬯᬭᬦᬶᬭᬦᭂᬧᬸᬓᬶᬦ᭄᭞ᬳᬶᬫᬘᬦ᭄ᬫᬮᬶᬄᬫᬳᬢᬸᬃ᭞ᬳᬶᬗ᭄ᬕᬶᬄᬧᬸᬦᬶᬓᬤᬾᬯ᭞
ᬭᬶᬂᬲ᭄ᬯᬃᬕ᭄ᬕᬦ᭄‌‌ᬓᬢᬄᬧᬶᬲᬦ᭄ᬭᬢᬸᬳᬕᬸᬂ᭞ᬧᬸᬦᬶᬓᬶᬯᬾᬦ᭄ᬢᭂᬦ᭄ᬤᬦᬯ᭞ᬫᬤᬸᬯᬾᬧᬸᬢ᭄ᬭᬳᬲᬶᬓᬶ᭟᭐᭟ᬫᬧᬸᬭᬶᬢᭂᬗᬳᬶᬂᬳᬮᬲ᭄᭞ᬩᬦ᭄ᬤᬬᬸᬢᬧᭂᬲᬾᬗᬦ᭄ᬳᬶᬤᬲᬗᬚᬶ᭞
ᬭᬶᬂᬦᬵᬕᬭᬲᬩ᭄ᬭᬂᬭᬢᬸ᭞ᬳᬶᬭᬶᬓᬘᭀᬓᭀᬭᬶᬤᬾᬯᬵ᭞ᬫᬗᬃᬱᬬᬂᬭᬶᬂᬲᬶᬗ᭄ᬕᬶᬄᬳᬶᬤᬲᬗᬬᬸ᭞ᬅᬗ᭄ᬕᬭᬢ᭄ᬦᬧᭂᬲᬾᬗᬦ᭄ᬳᬶᬤ᭞ᬩᬬᬦᬾᬳᬶᬬᬗ᭄ᬕᬭᬕᬶ᭟᭐᭟ᬲᬂᬭᬖᬸ
[ ᭒᭕ 25A]
ᬫᬮᬶᬄᬗᬦ᭄ᬤᬶᬓᬵ᭞ᬳᭂᬗ᭄ᬓᬾᬦ᭄ᬳᬫ᭄ᬩᬄᬤᬾᬦᬶᬂᬫᬲᭂᬮᬢ᭄ᬧᬲᬶᬄ᭞ᬳᬶᬫᬘᬦ᭄ᬫᬳᬢᬸᬃᬳᬮᬸᬲ᭄᭞ᬳᬶᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ᬯᬾᬦ᭄ᬢᭂᬦ᭄ᬚᬦ᭄ᬫᬳᬶᬭᬶᬓ [ 26 ][ ᭒᭕ 25B]
᭒᭕᭞
ᬭᬯᬸᬄᬓᬚᬯᬶ᭟᭐᭟ᬤᬲᬂᬭᬖᬸᬗᬦ᭄ᬤᬶᬓᬵ᭞ᬚᬦᬶᬓᬳᬶᬧᬘᬂᬮᬸᬯᬲ᭄ᬗᬮᬶᬳᬶᬦ᭄᭞ᬳᬶᬫᬘᬵᬦ᭄ᬫᬧᬫᬶᬢ᭄ᬲᬫ᭄ᬧᬸᬦ᭄᭞ᬲᬂᬭᬖᬸᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬦ᭄ᬘᬭᬶᬢᬭᬯᬸᬄᬭᬶᬂᬧᬲᬶᬲᬶᬲᬫ᭄ᬧᬸᬦ᭄᭞ᬳᬶᬓᬮᬶᬓ᭄ᬬ
ᬲᭂᬥᭂᬓ᭄ᬫᬘᬂᬘᬂ᭞ᬕᬯᭀᬓ᭄ᬫᬦ᭄ᬤᬸᬮᬸᬲᬂᬧ᭄ᬭᬵᬧ᭄ᬢᬶ᭟᭐᭟ᬢᬸᬫᬸᬮᬶᬢᭂᬤᬸᬦ᭄ᬭᬦ᭄ᬢᬩᬦ᭄᭞ᬭᬭᬶᬲ᭄ᬫᬜᬧᬳᬶᬤᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬲᬶᬭᬧᬸᬦᬶᬓᬶᬭᬯᬸᬄ᭞ᬢᭂᬫ᭄ᬩᬾᬢᬶᬢ᭄ᬬᬂᬫᬗᬦ᭄ᬢᭂᬦᬂ᭞ᬚᬕᬶᬓᬶᬚᬳᬬ
ᬢ᭄ᬧᬮᬸᬗ᭄ᬳᬦ᭄ᬳᬶᬭᬢᬸ᭞ᬳᬾᬫᬦ᭄ᬲᬦ᭄ᬧᬭᬭᬕᬬᬦ᭄᭞ᬲᬂᬭᬖᬸᬫᬲᬯᬸᬃᬳᬭᬶᬲ᭄᭟᭐᭟ᬫᬦᬶᬭᬳᭀᬓᬦ᭄ᬲᬂᬦᬵᬣ᭞ᬭᬶᬂᬅᬬᭀᬥ᭄ᬬᬧᬱ᭄ᬝᬦᬶᬓᬂᬦᬵᬕᬭᬶ᭞ᬫᬦᬶᬭᬓᬮᬶᬦ᭄ᬢᬂᬮᬘᬸᬃ᭞ᬰ᭄ᬭᬶᬦ
ᬭᬾᬦ᭄ᬤ᭄ᬭᬳᬶᬤᬮᬸᬗ᭄ᬳ᭞ᬫᬦᬶᬗ᭄ᬕᬮᬶᬦ᭄‌ᬓᬯᬶᬱ᭄ᬝᬮᭀᬓᬳᬸᬫᬦ᭄ᬢᬸᬓ᭄᭞ᬫᬦᬶᬭᬤᬤᬶᬚᬭᬳᬦ᭄᭞ᬫᬦ᭄ᬢᬸᬓᬓᬤᬺᬱ᭄ᬝᬚᬸᬢᬶ᭟᭐᭟ᬚᬦᬶᬦᬶᬭᬓᬸᬢᬸᬲ᭄ᬮᬸᬯᬲ᭄᭞ᬓᬮᬲ᭄ᬲᬩ᭄ᬭᬂᬩ᭄ᬯᬢ᭄ᬗᬮᬶᬄᬘᬾ
[ ᭒᭖ 26A]
ᬮᬾᬂᬰᬺᬗ᭄ᬕᬶ᭞ᬳᬶᬓᬮᬶᬓ᭄ᬬᬦᭂᬫ᭄ᬩᬄᬫᬢᬸᬃ᭞ᬲᬶᬗ᭄ᬕᬶᬄᬭᬢᬸᬃ᭞ᬲᬶᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ᬬᬦ᭄ᬧᬸᬦᬶᬓᬵᬓᬃᬱᬬᬂᬘᭀᬓᭀᬭᬶᬭᬢᬸ᭞ᬳᬾᬯᭂᬄᬧᬶᬲᬦ᭄ᬭᬢᬸᬤᬾᬯᬵ᭞ᬦᬾᬗᬶᬗᭀᬦᬶᬦ᭄ᬧᬸᬢ᭄ᬭᬶᬍᬯᬶᬄ᭟᭐᭟ᬳ
ᬚᬶᬦᬾᬭᬢᬸᬤᬦᬯ᭞ᬓᬲᬸᬯᬃᬕ᭄ᬕᬳᬶᬤᬲᭂᬭᬶᬂᬫᬮᬮᬶ᭞ᬲᬂᬭᬖᬸᬗᬦ᭄ᬤᬶᬓᬳᬮᬸᬲ᭄᭞ᬬᬯᬦ᭄ᬢᬄᬧᬥᬳᭀᬮᬲ᭄᭞ᬦᬶᬭᬦᬸᬫ᭄ᬧᬂᬳᬶᬓᬮᬶᬓ᭄ᬬᬕᭂᬮᬶᬲ᭄ᬫᬢᬸᬃ᭞ᬢᬶᬢ᭄ᬬᬂᬲᬦ᭄ᬤᬶᬓ
ᬦ᭄ᬳᬶᬤᬾᬯᬵ᭞ᬭᬭᬶᬲ᭄ᬳᬶᬤᬫᬸᬗ᭄ᬕᬄᬕᭂᬮᬶᬲ᭄᭟᭐᭟ᬳᬶᬓᬮᬶᬓ᭄ᬬᬮᬯᬸᬢ᭄ᬫᬮᬬᬃ᭞ᬗᬢᭂᬗᬳᬂᬧᬮᬬᬭᬾᬦᬭᬶᬲ᭄ᬤᬶᬲ᭄᭞ᬢᬦ᭄ᬓᭀᬘᬧᬭᬶᬂᬮᬯᬸᬢ᭄᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬫᬘᬂᬘᬂ᭞ᬭᬶᬂᬧᬲᬶᬲᬶ
ᬳᬶᬭᬶᬓᬳᬶᬤᬫᬮᬩᬸᬄ᭞ᬳᬶᬓᬮᬶᬓ᭄ᬬᬫᬸᬮᬂᬫᬗ᭄ᬕᬃ᭞ᬦᭂᬤᬸᬦᬂᬭᬳᬤᬾᬦ᭄ᬫᬦ᭄ᬢ᭄ᬭᬶ᭟᭐᭟ᬳᬶᬓᬮᬶᬓ᭄ᬬᬫᬜᬶᬫ᭄ᬧᬗᬂ᭞ᬭᬵᬚᬧᬸᬢ᭄ᬭᬭᬭᬶᬲ᭄ᬫᬜᬶᬫ᭄ᬧᬗᬶᬦ᭄᭞ᬳᬶᬓᬮᬶᬓᬶᬗᬶᬭᬶᬂ [ 27 ][ ᭒᭖ 26B]
᭒᭖᭞
ᬫᬦ᭄ᬢᬸᬓ᭄᭞ᬲᬢᭂᬓᭂᬤᬾᬤᬶᬚᬸᬫᬄ᭞ᬭᬭᬶᬲ᭄ᬳᬾᬧᭀᬢ᭄‌ᬲᬳᬫᬦᬩ᭄ᬤᬩᬂᬕᬸᬧᬸᬄ᭞ᬲᬂᬭᬖᬸᬓᬳᬢᬸᬭᬦ᭄᭞ᬭᬶᬂᬩᬮᬾᬫᬮᬂᬫᬮᬶᬗ᭄ᬕᬶᬄ᭟᭐᭟ᬳᬶᬤᬫ᭄ᬧᬸᬯᬯᬂᬳᬗᬸᬘᬧ᭄᭞
ᬜᬳᬶᬳᭂᬮᬸᬄᬘᬦᬂᬳᬢᬸᬭᬂᬜᬳᬶ᭞ᬫᬾᬦ᭄ᬓᬮᬶᬓᬲᬕᬾᬢ᭄ᬭᬯᬸᬄ᭞ᬩᬢᬸᬭᬶᬦ᭄ᬲᬂᬭᬖᬸᬘᬦᬂ᭞ᬳᬶᬓᬮᬶᬓ᭄ᬬᬫᬫᬸᬦ᭄ᬤᬸᬢ᭄ᬭᬬᬸᬦᬸᬦ᭄ᬭᬯᬸᬄ᭞ᬲᬂᬭᬖᬸᬓᬳᬢᬸᬭᬦ᭄᭞ᬳᬾᬦ
ᬓ᭄ᬤᬾᬦᬶᬭᬳᬫᬸᬓ᭄ᬢᬶ᭟᭐᭟ᬳᬶᬓᬮᬶᬓ᭄ᬬᬫᬢᬸᬃᬲᭂᬫ᭄ᬩᬄ᭞ᬭᬢᬸᬤᬾᬯᬦᬾᬩᬾᬜ᭄ᬚᬂᬭᬢᬸᬫᬫᬃᬕ᭄ᬕᬶ᭞ᬲᬂᬭᬖᬸᬫᬲᬳᬸᬃᬳᬮᬸᬲ᭄᭞ᬬᬤ᭄ᬬᬦ᭄ᬦᬾ ᬫᬦᬶᬫᬚᬮᬦ᭄᭞ᬦᬶᬭᬲᬸᬓᬵᬦᬶᬭᬤᬶᬦᬶᬫ
ᬤᬤᬸᬦᬸᬂ᭞ᬢᬦ᭄ᬓᭀᬘᬧᬲᬸᬩᬲᬜ᭄ᬚ᭞ᬳᬶᬤᭂᬫ᭄ᬧᬸᬯᬯᬂᬫᬸᬜᬶ᭟᭐᭟ᬦᬾᬘᬳᬶᬓᬮᬶᬓᬶᬬ᭞ᬓᭂᬫᬢᬸᬦ᭄ᬤᬾᬦ᭄ᬳᬶᬮᬸᬄᬫᬗᭂᬦᬸᬂᬩ᭄ᬚᬶᬢᬸᬦ᭄ᬤᬶᬄ᭞ᬳᬶᬲᬦᬾᬓᬶᬲᬕᬾᬢᬵᬭᬯᬸᬄ
[ ᭒᭗ 27A]
᭞ᬫᬗᭂᬩᬢᬂᬧᬫᬺᬫᬦ᭄᭞ᬳᬶᬲᬭᭀᬡᬶᬢᬦ᭄ᬲᬄᬫᬗᬩᬲᬸᬮᬸᬄ᭞ᬦᬸᬦᬲ᭄ᬮᬸᬕ᭄ᬭᬭᬶᬂᬭᬳᬤ᭄ᬬᬦ᭄᭞ᬲᬂᬭᬖᬸᬗᬦ᭄ᬤᬶᬓᬳᬭᬶᬲ᭄᭟᭐᭟ᬫᬮᬶᬄᬭᬯᬸᬄᬲᬲᭀᬤᬬ
ᬦ᭄᭞ᬳᬶᬓᬮᬶᬓ᭄ᬬᬲᬳᬗᬢᬸᬭᬂᬕᭂᬮᬶᬲ᭄᭞ᬧ᭄ᬭᬡᬫ᭄ᬬᬫᬦᭂᬫ᭄ᬩᬄᬫᬢᬸᬃ᭞ᬥᬹᬄᬤᬾᬯᬲᬲᬸᬳᬸᬦᬦ᭄᭞ᬲᬫ᭄ᬧᬸᬭᬬᬂᬓᬧᬸᬮᬜ᭄ᬘᭀᬓᭀᬭᬶᬭᬢᬸ᭞ᬧᬸᬦᬶᬓᬶᬧ᭄ᬬᬦᬓ᭄ᬢᬶᬢ᭄ᬬᬵᬂ
ᬤᭂᬳ᭞ᬓᭂᬦᬶᬳᬶᬧᬸᬦ᭄ᬫᬗᬬᬳᬶᬦ᭄᭟᭐᭟ᬳᬶᬲᬦᬾᬓᬶᬳᬶᬲᬭᭀᬡᬶ᭞ᬲᬋᬂᬓᬵᬮᬶᬄᬗᬬᬳᬶᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬢᬦᬲᬸᬯᬾᬯᬸᬲ᭄ᬫᬜᭂᬓᬸᬮ᭄᭞ᬲᬫ᭄ᬩᬶᬮ᭄ᬫᬭᬭᬯᭀᬲᬦ᭄᭞
ᬗᬦ᭄ᬤᬶᬓᬬᬂᬳᬬᬢ᭄ᬧᬫᬃᬕ᭄ᬕᬶᬦᬾᬓᭀᬢᬸᬲ᭄᭞ᬳᬦ᭄ᬢᬸᬓ᭄ᬲᬂᬥᬃᬫ᭄ᬫᬬᬸᬤ᭄ᬥ᭞ᬳᬕᬸᬗᬾᬭᬶᬂᬤᬺᬱ᭄ᬝᬚᬸᬢᬶ᭟᭐᭟ᬳᬶᬤᭂᬫ᭄ᬧᬸᬯᬯᬂᬫᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬗᬢᬸᬭᬂᬧᬸᬦᬶᬓᬶ [ 28 ][ ᭒᭗ 27B]
᭒᭗᭞
᭞ᬳᬗ᭄ᬕᬾᬦ᭄ᬳᬸᬕᬶᬚᬸᬭᬸᬲᬧᬸᬄ᭞ᬧ᭄ᬬᬦᬓ᭄ᬢᬶᬢ᭄ᬬᬂᬓᬭᬶᬤᭂᬳ᭞ᬫᬓᬵᬓᬵᬮᬶᬄᬲᬂᬭᬖᬸᬫᬲᬳᬸᬃᬳᬮᬸᬲ᭄᭞ᬦ᭄ᬤᬾᬦ᭄ᬤᬵᬫᬮᬸᬧᬫᬦ᭄᭞ᬤᬶᬲᬶᬤ᭄ᬥᬦᬾᬫᬳᬦ᭄ᬗᬮᬶᬄ᭟᭐᭟ᬓᬲ᭄ᬢᬸᬭᬶᬕ
ᬚᬄᬫᬶᬡ᭞ᬘᬾᬮᬾᬂᬰ᭄ᬭᬗ᭄ᬕᬶᬤᬶᬢᬸᬦᬶᬭᬗ᭄ᬯᬯᬦᬶᬦ᭄᭞ᬫᬜᬤ᭄ᬬᬫᬗ᭄ᬮᬫᬃᬩᬾᬲᬸᬓ᭄᭞ᬳᬧᬂᬫᬲᬶᬄᬢᬶᬗ᭄ᬓᬄ᭞ᬫᬦᬹᬢ᭄ᬕᬵᬫᬩᬸᬓᬧᬚᬮᬦᬾᬮᬶᬬᬸ᭞ᬓᭀᬘᬧ᭄ᬲᬫ᭄ᬧᬸᬦ᭄ᬢᬢᬲᬼ
ᬫᬄ᭞ᬲᬶᬭᬖᬸᬭᬭᬶᬲ᭄ᬫᬫᬃᬕ᭄ᬕᬶ᭟᭐᭟ᬫᬲᬶᬲᬶᬦᬸᬳᬸᬢ᭄ᬧᬭᬗᬦ᭄᭞ᬲᬕᬾᬢ᭄ᬭᬯᬸᬄᬤᬶᬢᭂᬗᬄᬳᬮᬲᬾᬧᬶᬗᬶᬢ᭄᭞ᬓᬢᭀᬦ᭄ᬩᬜ᭄ᬘᬶᬗᬳᬾᬫᬸᬭᬸᬩ᭄᭞ᬧᬧᭂᬮᭀᬓᬾᬗᬸᬭᬜ
ᬩ᭄᭞ᬧᬓᭂᬜᬶᬢ᭄ᬜᬶᬢ᭄‌ᬓᭂᬤᬾᬧᬦ᭄ᬯᬶᬦ᭄ᬢᭂᬦᬾᬫᬸᬭᬸᬩ᭄᭞ᬫᬗᬲᭀᬭᬂᬘᬬᬦ᭄ᬲᬹᬃᬬ᭄ᬬ᭞ᬳᬯᭀᬓ᭄ᬲᬂᬭᬖᬸᬜᭂᬗᬓᬶᬦ᭄᭟᭐᭟ᬳᬜ᭄ᬘᬓ᭄ᬲᬚᬶᬦᬾ ᬫᬕᭂᬦᬄ᭞ᬲᬡ᭄ᬥᬶᬩᭂ
[ ᭒᭘ 28A]
ᬦ᭄ᬢᬃᬫᬧᬸᬘᬓ᭄ᬫᬡᬶᬓ᭄ᬧᬸᬢᬶᬄ᭞ᬢᬾᬫ᭄ᬩᭀᬓᬾ ᬲᬮᬓᬫᭂᬦᬸᬄ᭞ᬓᭀᬭᬶᬦᬾᬫᬵᬲ᭄ᬫᬢᬢᬄ᭞ᬲᭂᬤᬶᬄᬓᬗᭂᬦ᭄ᬲᬂᬭᬖᬸᬤᬶᬢᬸᬫᬮᬸᬗ᭄ᬕᬸᬄ᭞ᬓᬧᬶᬦᭂᬄᬚ᭄ᬭᭀᬦᬶᬂᬳᬺᬥᬬᬵᬓᭀᬘ
ᬧᬦ᭄ᬭᬳᬤᬾᬦ᭄ᬤᬾᬯᬶ᭟᭐᭟ᬳᬶᬤᬫ᭄ᬤᬶᬩᬮᬾᬫᬵᬲ᭄᭞ᬫᬜᬸᬫ᭄ᬧᭂᬦᬲᬹᬃᬬ᭄ᬬᬦᬾᬫᬗ᭄ᬮᬩᬸᬳᬶᬦ᭄᭞ᬲᬳᬸᬧ᭄ᬤᬤᬶᬳᬦᬓ᭄ᬩᬕᬸᬲ᭄᭞ᬫᬢᬗᬶᬭᬭᬶᬲ᭄ᬭᬳᬤ᭄ᬬᬦ᭄᭞ᬩᭂᬗᭀᬂ
ᬲᬯᬢᬳ᭄ᬬᬗ᭄ᬕᬭᬗ᭄ᬕᬳᬸᬫᬢᬸᬃ᭞ᬭᬢᬸᬤᬾᬯᬲᬲᬸᬳᬸᬦᬦ᭄᭞ᬧᬸᬦᬧᬶᬲᬸᬗ᭄ᬲᬸᬢᬂᬕᬸᬲ᭄ᬢᬶ᭟᭐᭟ᬭᬳᬤᬾᬦ᭄ᬤᬾᬯᬶᬗᬦ᭄ᬤᬶᬓ᭞ᬦᬶᬭᬗᬶᬧᬶᬲᬹᬃᬬ᭄ᬬᬦᬾᬫᬗ᭄ᬮᬩᬸᬳᬶᬦ᭄᭞ᬳ᭄ᬬᬗ᭄ᬕᬭᬗ᭄ᬕᬳᬸ
ᬫᬢᬸᬃ᭞ᬬᬦ᭄ᬯᬦ᭄ᬢᬄᬲᬧᬸᬦᬶᬓᬵ᭞ᬭᬢᬸᬤᬾᬯᬢᬫ᭄ᬬᬸᬮᬦᬂᬚᬕᬭᬯᬸᬄ᭞ᬲᬕᬾᬢᬵᬫᬶᬳᬶᬓ᭄ᬫᬮᬶᬫ᭄ᬧᬸᬕᬦ᭄᭞ᬗᬦ᭄ᬤᬶᬓᬭᬳᬤᬾᬦ᭄ᬤᬾᬯᬶ᭟᭐᭟ᬳᬧᬫᭂᬩᭀᬫᬶᬳᬶᬓ᭄ᬧᬶᬲᬦ᭄᭞ᬓᭂᬫ [ 29 ][ ᭒᭘ 28B]
᭒᭘᭞
ᬢᬸᬢᬸᬕ᭄‌ᬳ᭄ᬬᬗ᭄ᬕᬭᬗ᭄ᬕᬦᭂᬮᭀᬓᬶᬦ᭄᭞ᬤᬾᬦᬕᬾᬲᬶᬭᬮᬸᬫᬓᬸ᭞ᬫᬦᭂᬮᭀᬓ᭄ᬓᬩᬜ᭄ᬘᬶᬗᬄ᭞ᬲᬕᬾᬢ᭄ᬓᬢᭀᬦ᭄‌ᬲᬂᬭᬖᬸᬧᬸᬢ᭄ᬭᬫᬮᬸᬗ᭄ᬕᬸᬄ᭞ᬩᭂᬗᭀᬂᬧᬭᬭᬕᬬᬦ᭄᭞ᬳ᭄ᬬᬗ᭄ᬕᬭᬗ᭄ᬕ
ᬦᬵᬓᭀᬦᬶᬦ᭄᭟᭐᭟ᬢᬸᬳᬸᬢᬦ᭄ᬤ᭄ᬭᬸᬄᬢᬶᬢ᭄ᬬᬂᬚ᭄ᬭᭀ᭞ᬲᬧᬲᬶᬭᬚ᭄ᬭᭀᬦᬾᬭᬯᬸᬄᬫᬭᬶᬓ᭞ᬲᬂᬭᬖᬸᬦᬸᬮᬶᬫᬲᬳᬸᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬯᭀᬂᬓᬮᬭᬦ᭄᭞ᬫᬦᬸᬫ᭄ᬧᬗᬶᬦ᭄ᬚᬸᬓᬸᬂᬧ
ᬗᬮᬸᬦᬾᬯᬯᬸ᭞ᬜᬤ᭄ᬬᬫᬗᬢᬸᬭᬂᬳᬯᬓ᭄᭞ᬲᬤ᭄ᬬᬦ᭄ᬢᬶᬢ᭄ᬬᬗᬾᬫᬭᬶᬓᬶ᭟᭐᭟ᬳ᭄ᬬᬗ᭄ᬕᬭᬗ᭄ᬕᬳᬗᬸᬘᬧ᭄᭞ᬳᬶᬗ᭄ᬕᬶᬄᬤᬶᬚᬳᬸᬗ᭄ᬕ᭄ᬯᬦ᭄ᬧᬸᬭᬶᬦᬾᬗᬸᬦᬲᬖᬸᬫᬲᬳᬸᬃ
ᬳᬮᬸᬲ᭄᭞ᬢ᭄ᬬᬂᬧᬸᬢ᭄ᬭᬦ᭄‌ᬰ᭄ᬭᬷᬦᬭᬾᬦᬵᬤ᭄ᬭ᭞ᬭᬶᬂᬅᬬᭀᬥ᭄ᬬᬳᬸᬫᬄᬢᬶᬢ᭄ᬬᬂᬤᬸᬫᬸᬦ᭄᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬳᬶᬘᬮ᭄᭞ᬤ᭄ᬯᬦᬶᬂᬢᬶᬢ᭄ᬬᬂᬫᬦᬶᬮᬭᬶᬦ᭄᭟᭐᭟ᬳ᭄ᬬᬗ᭄ᬕᬭᬗ᭄ᬕ
[ ᭒᭙ 29A]
ᬫᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬕᬸᬲ᭄ᬢᬶᬕᬸᬗᬫ᭄ᬧᬸᬭᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬳᭂᬦ᭄ᬢᭀᬗᬯᬸᬕ᭄ᬢᬶᬢ᭄ᬬᬂᬤᬸᬫᬸᬦ᭄᭞ᬳ᭄ᬬᬗ᭄ᬕᬭᬗ᭄ᬕᬫᬢᬸᬮᬓ᭄᭞ᬫᬗᬢᬸᬭᬂᬭᬶᬂᬳᬶᬤᬭᬳᬤᬾᬦ᭄ᬕᬮᬸᬄ᭞ᬲᬭᬯᬸᬳᬾ
ᬚ᭄ᬭᭀᬧᬸᬭ᭞ᬳ᭄ᬬᬗ᭄ᬕᬭᬗ᭄ᬕᬫᬢᬸᬃᬳᬭᬶᬲ᭄᭟᭐᭟ᬳᬶᬗ᭄ᬕᬶᬄᬭᬢᬸᬤᬾᬯᬦ᭄ᬢᬶᬢ᭄ᬬᬂ᭞ᬢ᭄ᬯᬭᬳᬶᬯᬂᬳᬢᬸᬃᬢᬶᬢ᭄ᬬᬂᬳᬶᬦᬸᬦᬶ᭞ᬲᬕᬾᬢᬵᬢᬫ᭄ᬬᬸᬲᬫ᭄ᬧᬸᬦ᭄ᬭᬯᬸᬄ᭞ᬩᬕᬸᬲᬦᭀᬫ᭄ᬗᬬᬗᬬᬂ᭞
ᬯᬦ᭄ᬢᬄᬜᬦ᭄ᬤᬂᬧᬘᬂᬓᬃᬫ᭄ᬫᬦ᭄ᬘᭀᬓᭀᬃᬭᬢᬸ᭞ᬳᬶᬤᬧᬸᬢ᭄ᬭᬦ᭄‌ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬭᬶᬂᬅᬬᭀᬥ᭄ᬬᬲᬦᬾᬗᬸᬦᬶ᭟᭐᭟ᬭᬳᬤᬾᬦ᭄ᬤᬾᬯᬶᬗᬦ᭄ᬤᬶᬓᬵ᭞ᬬᬦ᭄‌ᬢ᭄ᬯᬄᬓᬾᬢᭀᬢᬸ
ᬦ᭄ᬤᬾᬦᬂᬫᬗ᭄ᬮᬯᬸᬢ᭄ᬫᬳᬶ᭞ᬳ᭄ᬬᬗ᭄ᬕᬭᬗ᭄ᬕᬫᬳᬢᬸᬃ᭞ᬫᬧᬗ᭄ᬕᬶᬄᬭᬶᬂᬭᬳᬤ᭄ᬬᬦ᭄᭞ᬤᬾᬯᬩᬕᬸᬲ᭄‌ᬢᬶᬢ᭄ᬬᬂᬫᬗᬶᬭᬶᬂᬳᬶᬭᬢᬸ᭞ᬦᬸᬦᬲ᭄ᬭᬢᬸᬗᬧᬸᬭᬶᬬᬂ᭞ᬳᬶᬭᬶᬓᬭᬢᬸᬫᬮᬶᬗ᭄ᬕᬶᬄ᭟᭐᭟ᬲᬂᬭᬖᬸ [ 30 ][ ᭒᭙ 29B]
᭒᭙᭞
ᬭᬭᬶᬲ᭄ᬓᬧᬸᬭ᭞ᬓᬳᬶᬭᬶᬗᬂᬮᬦ᭄ᬳ᭄ᬬᬗ᭄ᬕᬭᬕᬶ᭞ᬭᬤᬾᬦ᭄ᬤᬾᬯᬶᬕᬯᭀᬓ᭄ᬳᬦ᭄ᬤᬸᬮᬸ᭞ᬯᭂᬢᬸᬓᬬᬸᬦᬾᬫᬾᬦ᭄ᬤ᭄ᬭ᭞ᬫᬗᬦ᭄ᬤᬶᬓᬵᬲᬫ᭄ᬩᬶᬮᬂᬳᬶᬤᬫᬗᬸᬦ᭄ᬢᬸᬓ᭄᭞ᬳ᭄ᬬᬗ᭄ᬕᬭᬗ᭄ᬕᬮᬯᬸᬢ᭄ᬫᭂᬦᬾᬓᬦ᭄᭞ᬩ
ᬋᬂᬳᬚᬓ᭄ᬦᬶᬭᬤᬶᬦᬶ᭟᭐᭟ᬲᬂᬭᬖᬸᬭᬭᬶᬲ᭄ᬓᬧᬸᬭ᭞ᬫᬗᬦ᭄ᬤᬶᬓᬵᬢᬶᬢ᭄ᬬᬂᬦᬯᭂᬕᬂᬦᬾᬫᬗ᭄ᬓᬶᬦ᭄᭞ᬲ᭄ᬯᬾᬘ᭄ᬙᬳᬸᬕᬶᬭᬢᬸᬳᬬᬸ᭞ᬗᭀᬮᬲᬶᬦ᭄ᬯᭀᬂᬓᬲᬲᬃ᭞ᬢᬶᬢ᭄ᬬᬂᬦᬸᬦᬲ᭄ᬩᬯᬶᬰᬺᬗ᭄ᬕᬶ
ᬭᬶᬂᬳᬶᬭᬢᬸ᭞ᬓᬲ᭄ᬢᬸᬭᬶᬕᬚᬄᬫᬶᬡ᭞ᬧᬸᬦᬶᬓᬲᬫᬶᬫᬲᬶᬓᬶ᭟᭐᭟ᬤᬾᬯᬶᬅᬗ᭄ᬕᬭᬵᬢ᭄ᬦᬗᬸᬘᬧ᭄᭞ᬳᬶᬗ᭄ᬕᬶᬄᬩᭂᬮᬶᬧᬸᬦᬶᬓᬬᬦ᭄ᬋᬋᬄᬫᬗ᭄ᬓᬶᬦ᭄᭞ᬦᬯᬶᬲᬶᬤ᭄ᬥᬧᬘᬂᬓᬢᬸᬃ᭞ᬲᬫᬶ
ᬓᬭᬶᬭᬶᬂᬲ᭄ᬯᬃᬕ᭄ᬕᬦ᭄᭞ᬬᬦ᭄ᬲᬶᬄᬩᭂᬮᬶᬲ᭄ᬯᬾᬘ᭄ᬙᬵᬭᬶᬂᬯᭀᬂᬓᬯᭂᬮᬲ᭄ᬳ᭄ᬬᬸᬦ᭄᭞ᬢᬶᬢ᭄ᬬᬂᬫᬗᬢᬸᬭᬗᬯᬓ᭄᭞ᬗᬶᬭᬶᬂᬩ᭄ᬮᬶᬲᬧᬢᬶᬳᬸᬭᬶᬧ᭄᭟᭐᭟ᬳ᭄ᬬᬗ᭄ᬕᬭᬵᬢ᭄ᬦᬳᬗᬸᬘᬧ᭄᭞ᬲᬶᬗ᭄ᬕᬶᬄ
[ ᭓᭐ 30A]
ᬤᬾᬯᬓᬬᬸᬦ᭄ᬳᬸᬕᬶᬭᬢᬸᬫᬗ᭄ᬓᬶᬦ᭄᭞ᬬᬦ᭄ᬳᬶᬭᬢᬸᬲᬫ᭄ᬧᬸᬦ᭄ᬓᬬᬸᬦ᭄᭞ᬲᬧᬓᬬᬸᬦᬦ᭄ᬳᬶᬤᬾᬯ᭞ᬓᬤᬕᬶᬗᬦ᭄ᬳᬦ᭄ᬢᬸᬓ᭄ᬳᬶᬤᬭᬤᬾᬦᬵᬕᬮᬸᬄ᭞ᬫᬲᬢᬾᬓᬸᬭᬂᬧᬸᬦᬧ᭞ᬲᬂᬭᬖᬸᬭᬭᬶᬲ᭄ᬗ
ᬤ᭄ᬬᬦᬶᬦ᭄᭟᭐᭟ᬧᬳᬶᬗᬦᬦ᭄‌ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬧᬘᬂᬭᬯᬸᬄᬢᬸᬫᬸᬮᬶᬳᬶᬤᬲᬂᬤᬾᬯᬶ᭞ᬓᭂᬜᬶᬃᬲᬳᬲ᭄ᬫᬶᬢᬫᬢᬸᬃ᭞ᬗᬶᬭᬶᬂᬩᭂᬮᬶᬫᬲᬗᬶᬤᬦ᭄᭞ᬭᬶᬂᬚᭂᬥᭀᬂᬩᬢᬸᬳᬶᬭᬶᬓᬵᬩᭂᬮᬶᬫ
ᬲᭂᬧᬸᬓ᭄᭞ᬫᭂᬗᬵᭂᬳᬶᬓᬂᬩᬢᬸᬫᬘᭂᬧᬓ᭄᭞ᬳᬶᬭᬶᬓᬵᬳᬶᬤᬗᬭᬜ᭄ᬚᬶᬂ᭟᭐᭟ᬰ᭄ᬭᬶᬦᬭᬾᬦ᭄ᬤ᭄ᬭᬦᭂᬧᬓ᭄ᬤ᭄ᬯᬭ᭞ᬜᬳᬶᬘᬶᬮᬶᬩᬸᬓᬓᬶᬦ᭄ᬩᬧᬕᭂᬮᬶᬲ᭄᭞ᬭᬤᬾᬦ᭄ᬤᬾᬯᬶᬫᬸᬓᬓ᭄ᬲᬫ᭄ᬧᬸ
ᬦ᭄᭞ᬰ᭄ᬭᬶᬦᬭᬾᬦ᭄ᬤ᭄ᬭᬫᬗᬦ᭄ᬤᬶᬓ᭞ᬫᭂᬩᭀᬚᬢ᭄ᬫᬭᬳᬤᬾᬦ᭄ᬤᬾᬯᬶᬫᬳᬢᬸᬃ᭞ᬳᬶᬗ᭄ᬕᬶᬄᬩᬧᬳᬮ᭄ᬬᬂᬢᬶᬢ᭄ᬬᬂ᭞ᬕᬚᬄᬫᬶᬡᬘᬾᬮᬾᬂᬰᬺᬗ᭄ᬕᬶ᭟᭐᭟ᬰ᭄ᬭᬷᬦᬭᬾᬦ᭄ᬤ᭄ᬭᬫᬮᬶᬄᬮᬸ [ 31 ][ ᭓᭐ 30A]
᭓᭐᭞
ᬗ᭄ᬳ᭞ᬓᬲ᭄ᬯᬃᬕ᭄ᬕᬦ᭄ᬫᬗᬮᬶᬄᬘᬾᬮᬾᬂᬰᬺᬗ᭄ᬕᬶ᭞ᬲᬂᬭᬖᬸᬫᬮᬶᬄᬳᬸᬫᭂᬢᬸ᭞ᬲᬓᬶᬂᬕᭂᬥᭀᬂᬧᬲᬶᬗᬶᬤᬦ᭄᭞ᬲᬕᬾᬢ᭄ᬭᬯᬸᬄᬳ᭄ᬬᬗ᭄ᬕᬭᬗ᭄ᬕᬲᭂᬫᬸᬕᬸᬬᬸ᭞ᬩᬸᬮᬦᬾᬗᬍᬫᬳᬂ᭞ᬓ
ᬬᬸᬦ᭄ᬳᬶᬤᬭᬤᬾᬦ᭄ᬤᬾᬯᬶ᭟᭐᭟ᬲᬂᬭᬖᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬭᬢᬸᬤᬾᬯᬳᬶᬭᬶᬓᬶᬚᬭᬢᬸᬫᬮᬶᬗ᭄ᬕᬶᬄ᭞ᬫᬓᬭᭀᬦᬦ᭄ᬳᬶᬤᬫᬮᬸᬗ᭄ᬕᬸᬄ᭞ᬲᬫ᭄ᬩᬶᬮ᭄ᬫᬭᬭᬯᭀᬲᬦ᭄᭞ᬳᭂᬗ᭄ᬓᬾᬦ᭄ᬳ
ᬫ᭄ᬩᬄᬩᭂᬮᬶᬓᬅᬬᭀᬤ᭄ᬬᬫᬦ᭄ᬢᬸᬓ᭄᭞ᬭᬳᬤᬾᬦ᭄ᬤᬾᬯᬶᬳᬗᬸᬘᬧ᭄᭞ᬲᬫ᭄ᬧᬸᬦ᭄ᬩᭂᬮᬶᬫᬾᬯᭂᬄᬫᬗ᭄ᬓᬶᬦ᭄᭟᭐᭟ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬧᬳᬶᬗᬦᬦ᭄᭞ᬧᬘᬘᬂᬭᬯᬸᬄᬲᬓᬶᬂᬲ᭄ᬯᬃᬕ᭄ᬕ
ᬰ᭄ᬭᬶᬪᬹᬧᬢᬶ᭞ᬭᬳᬤᬾᬦᬵᬤᬾᬯᬶᬳᬸᬫᬢᬸᬃ᭞ᬩᭂᬮᬶᬗ᭄ᬕᬶᬄᬫᬲᬗᬶᬤᬦ᭄᭞ᬰ᭄ᬭᬶᬦᬭᬾᬦ᭄ᬭᬚᬦ᭄ᬢᭂᬦ᭄ᬳᬶᬤᬕᭂᬮᬶᬲ᭄ᬭᬯᬸᬄ᭞ᬲᬂᬭᬖᬸᬗ᭄ᬭᬜ᭄ᬚᬶᬂᬫᬦ᭄ᬢᬸᬓᬦ᭄᭞ᬭᬶᬂᬰᬾ ᬮᬫᬘᭂᬧᬓ᭄ᬕᭂᬮᬶ

[ ᭓᭑ 31B]
᭓᭑᭞
ᬲ᭄᭟᭐᭟ᬰ᭄ᬭᬶᬦᬭᬾᬦ᭄ᬤ᭄ᬭᬗᭂᬢᭀᬓ᭄ᬤᬸᬭ᭞ᬜᬳᬶᬘᬶᬮᬶᬩᬸᬓᬓᬶᬦ᭄ᬩᬧᬕᭂᬮᬶᬲ᭄᭞ᬭᬤᬾᬦ᭄ᬤᬾᬯᬶᬫᬸᬓᬓ᭄ᬲᬫ᭄ᬧᬸᬦ᭄᭞ᬲᬂᬦᬵᬣᬳᬶᬤᬫᬓ᭄ᬢ᭞ᬕᬚᬄᬫᬶᬡᬫᬶᬯᬄᬘᬾᬮᬾᬂᬰᬺᬗ᭄ᬕᬶ
ᬲᬫ᭄ᬧᬸᬦ᭄᭞ᬭᬤᬾᬦ᭄ᬤᬾᬯᬶᬫᬦᬭᬶᬫ᭞ᬩᬯᬶᬰᬺᬗ᭄ᬕᬶᬦᬾᬳᬲᬶᬓᬶ᭟᭐᭟ᬓᬲ᭄ᬢᬸᬭᬶᬕᬚᬄᬫᬶᬡ᭞ᬓᬧᬭᬶᬓ᭄ᬱᬳ᭄ᬬᬗ᭄ᬕᬭᬗ᭄ᬕᬫᬦᬸᬦᬲ᭄ᬕᭂᬮᬶᬲ᭄᭞ᬲᬂᬦᬵᬣᬗᬦ᭄ᬤᬶᬓᬳᬮᬸᬲ᭄
᭞ᬜᬳᬶᬘᬶᬮᬶᬧ᭄ᬬᬫᬓ᭄ᬩᬧ᭞ᬦᬄᬫᬲᭀᬤᬩᬲᬂᬩᬧᬲᬸᬩᬲᭂᬥᬸᬓ᭄᭞ᬢᬸᬬᬸᬄᬫᬚᬮᬦ᭄ᬮᬸᬯᬲ᭄᭞ᬮ᭄ᬯᬲ᭄ᬓᬲ᭄ᬯᬃᬕ᭄ᬕᬦ᭄ᬦᬸᬦᬲ᭄ᬩᬯᬶ᭟᭐᭟ᬭᬳᬤᬾᬦ᭄ᬤᬾᬯᬶᬫᬲᭀᬤ᭞
ᬢᬦᬲᬸᬯᬾᬳ᭄ᬬᬗ᭄ᬕᬭᬗ᭄ᬕᬫᬫᬓ᭄ᬢᬲᬫᬶ᭞ᬜᬸᬳᬸᬦ᭄ᬧᬲᭀᬪᬬᬦ᭄ᬲᬫ᭄ᬧᬸᬦ᭄᭞ᬲᬓᬮ᭄ᬯᬶᬭᬶᬂᬦᬾᬉᬢ᭄ᬢᬫ᭞ᬭᬤᬾᬦ᭄ᬤᬾᬯᬶᬗᬬᬳᬶᬦ᭄ᬳᬶᬤᬲᬂᬧ᭄ᬭᬪᬸ᭞ᬳᬾᬦᬓ᭄ᬢ [ 32 ][ ᭓᭑ 31B]
᭓᭑᭞
ᬲᬂᬦᬭᬦᬵᬣ᭞ᬤᬶᬩᬮᬾᬳᬫᬵᬲ᭄ᬫᬮᬶᬗ᭄ᬕᬶᬄ᭟᭐᭟ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓᬵ᭞ᬜᬳᬶᬘᬶᬮᬶᬬᬦ᭄ᬲᬶᬳᬤᬢᭂᬓᬵᬫᬳᬶ᭞ᬳ᭄ᬬᬫᬳᬤᬦ᭄ᬳᬶᬭᬖᬸ᭞ᬲᭂᬥᭂᬂᬳᬗ᭄ᬕᭀᬦ᭄ᬜᬳᬶ
ᬓᬃᬫ᭄ᬫ᭞ᬭᬾᬄᬫᬫᬶᬲᬦ᭄‌ᬦᬵᬗ᭄ᬳᬶᬂᬩᬧᬢᭀᬦ᭄ᬤᬾᬦ᭄ᬢᬳᬸ᭞ᬤᬾᬦᬶᬂᬚ᭄ᬭᭀᬲᬶᬮᬢ᭄ᬲᬕᬭ᭞ᬢᬸᬤᬸᬄᬓᬃᬫ᭄ᬫᬦᬾᬦᬸᬮᬸᬭᬶᬦ᭄᭟᭐᭟ᬓᬾᬢᭀᬯᭂᬦᬂᬩᬧᬮᬸᬯᬲ᭄᭞ᬗᬦ᭄ᬢ᭄ᬬᬵᬂ
ᬫ᭄ᬮᬮᬶᬓᬳᬮᬲ᭄‌ᬉᬥᬥᬶ᭞ᬲᬂᬦᬵᬣᬫᬫᬃᬕ᭄ᬕᬶᬲᬫ᭄ᬧᬸᬦ᭄᭞ᬤᬾᬯᬶᬳᬗ᭄ᬕᬭᬢ᭄ᬦᬶᬓᭀᬘᬧ᭄᭞ᬗᬭᬤ᭄‌ᬩ᭄ᬭᬸᬥᬲᬂᬕᬳᬸᬃᬥᬲᬕᬾᬢ᭄ᬭᬯᬸᬄ᭞ᬭᬤᬾᬦ᭄ᬤᬾᬯᬶᬫᬤᬩ᭄ᬤᬩᬦ᭄᭞ᬲᬂᬭᬖᬸ
ᬢᬸᬫᬸᬮᬶᬫᬶᬚᬶᬮ᭄᭟᭐᭟ᬳ᭄ᬬᬗ᭄ᬕᬭᬗ᭄ᬕᬦᬩ᭄ᬤᬩᬂ᭞ᬩᬩᬦ᭄ᬤᬭᬦ᭄ᬤᬶᬢᬸᬦ᭄ᬤᬸᬦ᭄‌ᬕ᭄ᬭᬸᬥᬦᬾᬲᬫᬶ᭞ᬲᬋᬂᬢᬶᬕᬫᬸᬗ᭄ᬕᬄᬲᬫ᭄ᬧᬸᬦ᭄᭞ᬤᬶᬢᬸᬦ᭄ᬤᬸᬦ᭄ᬲᬕᬭᬸᬥ᭞ᬫᬗ᭄ᬮᬬᬂᬲᬂᬕᬭᬸᬥᬦᬸ

[ ᭓᭒ 32A]
ᬮ᭄ᬬᬫᬩᬸᬃ᭞ᬓᬳᬸᬗ᭄ᬓᬸᬮᬦ᭄ᬲᬸᬭᬦᬥ᭄ᬬ᭞ᬓᬢᭀᬦ᭄ᬳᬶᬤᬲᬂᬦᬺᬧᬢᬶ᭟᭐᭟ᬲᬂᬦᬭᬾ ᬦ᭄ᬤ᭄ᬭᬭᬭᬶᬲ᭄ᬗᭂᬭᬓ᭄᭞ᬳᬦ᭄ᬢᬶᬓᬳᬶᬲᬳᬲᬗᭂᬢᬸᬢ᭄ᬩᬸᬭᬶ᭞ᬓᬩᭂᬮᬢ᭄ᬲᬕᬭᬳᬕᬸᬂ᭞ᬭᬭᬶᬲ᭄ᬳᬶ
ᬤᬫᬢᬸᬮᬓ᭄᭞ᬢᬦ᭄ᬓᬯᬃᬡ᭄ᬦᬧᬫᬃᬕ᭄ᬕᬶᬦᬾᬭᬤᬾᬦ᭄ᬕᬮᬸᬄ᭞ᬲᬫ᭄ᬧᬸᬦ᭄ᬗᬮᬶᬦ᭄ᬢᬂᬲᬵᬕᬭ᭞ᬭᬯᬸᬄᬭᬶᬂᬦᬵᬕᬭᬯᭂᬲᬶ᭟᭐᭟ᬲᬂᬭᬥᬸᬫᬗᬦ᭄ᬤᬶᬓᬵ᭞ᬳᬶᬗ᭄ᬕᬶᬄᬭᬢᬸᬓᬕᬡ᭄ᬥ
ᬯᭂᬲᬶᬗ᭄ᬭᬭᬶᬲ᭄᭞ᬳᬶᬭᬶᬓᬫᬭᬵᬃᬬ᭄ᬬᬦ᭄ᬤᬸᬫᬸᬦ᭄᭞ᬭᬶᬂᬪᬕᬯᬵᬦ᭄ᬦᬶᬮᭀᬘᬡ᭞ᬳᬶᬭᬶᬓᬢᬶᬢ᭄ᬬᬂᬫᬲᬗ᭄ᬕ᭄ᬭᬳᬦ᭄ᬗᬶᬭᬶᬂᬳᬶᬭᬢᬸ᭞ᬲᬋᬂᬭᬶᬂᬭᬓᬦ᭄ᬳᬶᬤᬾᬯ᭞ᬯᬾᬦ᭄ᬢᭂᬦ᭄ᬜᬫᬦ᭄ᬢᬶᬢ᭄ᬬᬂ
ᬳᬶᬲ᭄ᬢ᭄ᬭᬶ᭟᭐᭟ᬫᬋᬓᬦ᭄ᬭᬶᬂᬧᬤᬡ᭄ᬥ᭞ᬲᬓᬶᬂᬳᬮᬶᬢ᭄‌ᬫᬦᬯᬶᬳᬶᬤᬓᬭᬶ᭞ᬤᬾᬯᬶᬳᬗ᭄ᬕᬭᬢ᭄ᬦᬶᬫᬢᬸᬃ᭞ᬲᬶᬭᬗᬸᬢᬸᬲ᭄ᬩᭂᬮᬶᬮᬸᬗ᭄ᬳᬵ᭞ᬗᬺᬋᬄᬘᬾᬮᬾᬂᬲᬤᭀᬳᬾᬫᬲᭂᬮ [ 33 ][ ᭓᭒ 32B]
᭓᭒᭞
ᬢ᭄ᬮᬯᬸᬢ᭄᭞ᬲᬂᬭᬖᬸᬫᬵᬗᬦ᭄ᬤᬶᬓ᭞ᬧᬵᬕᬸᬗᬾᬤᬶᬤᬺᬱ᭄ᬝᬚᬸᬢᬶ᭟᭐᭟ᬫᬯᬲ᭄ᬢᬲᬂᬥᬃᬫ᭄ᬫᬬᬸᬤ᭄ᬥ᭞ᬫᬫᬶᬓᭂᬤᭂᬄᬓᭂᬦᬶᬢᬶᬢ᭄ᬬᬂᬧᭀᬮᬶᬄᬳᬸᬕᬶ᭞ᬤᬾᬯᬶᬳᬗ᭄ᬕᬭᬢ᭄ᬦᬶᬫᬢᬸᬃ᭞ᬚᬕᬳᬶ
ᬧᬸᬦ᭄ᬫᬓᬃᬬ᭄ᬬ᭞ᬫᬗ᭄ᬮᬸᬧᭂᬭᬂᬩᬧᬦ᭄ᬳᬶᬧᬸᬦᬾᬓᬯᬸᬗ᭄ᬓ᭄ᬬᬃ᭞ᬓᬭᬶᬫᬕᭂᬦᬄᬭᬶᬂᬬᬫ᭞ᬦᬲᬭᬶᬦ᭄ᬓᬯᬳᬾᬫᬗ᭄ᬓᬶᬦ᭄᭟᭐᭟ᬓᬲ᭄ᬢ᭄ᬬᬭᬶᬕᬚᬄᬫᬶᬡ᭞ᬘᬾᬮᬾᬂᬰᬺᬗ᭄ᬕᬶᬳᬶᬯᬓᬶᬯᬓᬦᬾ
ᬓᬧᬸᬚᬶ᭞ᬢ᭄ᬯᬭᬧᬶᬲᬦ᭄ᬤᬤᬶᬮᬸᬧᬸᬢ᭄᭞ᬲᬂᬭᬖᬸᬫᬦᬢᬲᬂ᭞ᬧᬗ᭄ᬮᬸᬯᭂᬭᬦᬾᬤᬶᬓᬬᬗᬦ᭄ᬕᭂᬦᬄᬳᬶᬧᬸᬦ᭄᭞ᬤᬾᬯᬶᬭᬗ᭄ᬕᬭᬢ᭄ᬦᬶᬗᬸᬘᬧ᭄᭞ᬧᬸᬦᬶᬓᬢᬢᬲᬂᬩᭂᬮᬶ᭟᭐᭟
ᬧᬗ᭄ᬮᬸᬯᭂᬭᬦ᭄ᬭᬶᬂᬫᬺᬘᬧᬤ᭞ᬧᬜ᭄ᬚᬂᬬᬸᬱᬩᬕᬸᬲ᭄ᬲᬸᬕᬶᬄᬢᬸᬃᬰᬓ᭄ᬢᬶ᭞ᬳᭂᬦ᭄ᬢᭂᬕ᭄ᬓᬕᬸᬗᬦᬾᬢᬦ᭄ᬮᬸᬧᬸᬢ᭄᭞ᬲᬂᬓᬯᬶᬢᬦ᭄ᬓᬲᬸᬧᬢ᭄᭞ᬩ᭄ᬯᬶᬦ᭄ᬫᬯᬮᬶᬢᬸᬭᬸᬦ᭄‌ᬬᬫᬦᬤᬶᬳᬕᬸᬂ᭞
[ ᭓᭓ 33A]
ᬲᬂᬥᬃᬫ᭄ᬫᬬᬸᬤ᭄ᬥᬬᬦᬯᬂ᭞ᬳᬧᬦ᭄‌ᬬᬢᬶᬲ᭄ᬢᬶᬲᬶᬂᬍᬯᬶᬄ᭟᭐᭟ᬓᬾᬢᭀᬳᬢᬸᬃᬭᬤᬾᬦ᭄ᬤᬾᬯ᭄ᬬ᭞ᬭᬶᬂᬲᬂᬭᬖᬸᬳᬚᬳᬦ᭄ᬭᬯᬸᬄᬕᭂᬮᬶᬲ᭄᭞ᬓᬧᬸᬭᬶᬕᬡ᭄ᬥᬫᬗ᭄ᬮ
ᬯᬸᬢ᭄᭞ᬤᬾᬯᬶᬤᬺᬱ᭄ᬝᬦᬮᬫᬫᭂᬡ᭄ᬥᬓ᭄᭞ᬤᬤᬶᬓᬕ᭄ᬬᬢ᭄ᬗᬢᭀᬦᬂᬭᬳᬶᬦᬾᬭᬯᬸᬄ᭞ᬫᬲᬋᬗᬦ᭄ᬤᬾᬯᬶᬦᬮ᭞ᬧᬋᬓᬦᬾᬫᬢᬸᬃᬕᭂᬮᬶᬲ᭄᭟᭐᭟ᬭᬢᬸᬭᬯᬸᬄᬲ
ᬓᬶᬂᬤᬶᬚ᭞ᬦᬶᬓᬶᬲᬶᬭᬦᬾᬦᬾ ᬳᬶᬲ᭄ᬢ᭄ᬭᬶᬓᬓᬮᬶᬄ᭞ᬲᬂᬭᬖᬸᬫᬲᬳᬸᬃᬳᬮᬸᬲ᭄᭞ᬢᬶᬢ᭄ᬬᬂᬳᬸᬮᬶᬤᬶᬲᬩ᭄ᬭᬂ᭞ᬢ᭄ᬬᬂᬓᬳᬸᬢᬸᬲ᭄ᬳᬦ᭄ᬢᬸᬓ᭄ᬳᬶᬤᬲᬗᬳᬸᬮᬸᬦ᭄᭞ᬗᬮᬶᬄᬧᬘᬂ
ᬳᬶᬯᬓᬶᬯᬓ᭄᭞ᬓᬲ᭄ᬢᬸᬭᬶᬮᬜ᭄ᬘᬾᬮᬾᬂᬰᬺᬗ᭄ᬕᬶ᭟᭐᭟ᬦᬶᬓᬶᬳᬶᬤᬧ᭄ᬭᬫᬶᬦ᭄ᬢᬶᬢ᭄ᬬᬂ᭞ᬭᬤᬾᬦ᭄ᬤᬾᬯᬶᬤᬺᬱ᭄ᬝᬦᬵᬮᬫᬦᬗᬶᬲ᭄᭞ᬓᬗᭂᬦ᭄ᬢᬶᬢ᭄ᬬᬂᬳᬤᬶᬭᬖᬸ᭞ᬩᬸᬓᬤᬶᬧᬗᬶᬧᬶᬬ [ 34 ][ ᭓᭓ 33B]
᭓᭓᭞
ᬦ᭄᭞ᬩ᭄ᬯᬶᬦ᭄ᬓᬢᭂᬧᬸᬓ᭄ᬫᬜᬫᬧᬢᬸᬭᬸᬳᬸᬩᬸᬄ᭞ᬍᬕᬦᬾᬢᬦ᭄ᬧᬯᬢ᭄ᬫᬢ᭄ᬭ᭞ᬳᬤᬫᬗᭀᬮᬲᬶᬦ᭄ᬳᬤᬶ᭟᭐᭟ᬢᬦ᭄ᬘᬭᬶᬢᬫᬓᬲᬸᬓᬦ᭄᭞ᬧᬯᬶᬯᬳᬦ᭄ᬳᬶᬤᬲᬂᬭᬖᬸᬢ᭄ᬢᬫᬶ᭞
ᬪᬕᬯᬵᬦ᭄ᬦᬶᬮᭀᬘᬡᬫᬸᬯᬸᬲ᭄᭞ᬫᬳᬶᬤᬾᬯᬫᬢᭀᬬ᭞ᬯᬢᭂᬓ᭄ᬋᬱᬶᬭᬶᬂᬧᬢᬓ᭄ᬲᬫᬶᬭᬯᬸᬄ᭞ᬫᬦᬶᬜ᭄ᬚᬲᬂᬭᬖᬸᬢ᭄ᬢᬫ᭞ᬲᬋᬂᬲᬫᬶᬫᬦᬶᬃᬣᬦᬶᬦ᭄᭟᭐᭟
ᬲᬯᬸᬲᬦ᭄ᬳᬶᬤᬫᬢᬶᬃᬣ᭞ᬫᬳᬯᭀᬭᬦ᭄ᬲᬋᬂᬭᬳᬤᬾᬦ᭄ᬤᬾᬯᬶ᭞ᬧᬸᬧᬸᬢ᭄ᬧᬳᬶᬘ᭄ᬙᬦ᭄ᬲᬂᬧ᭄ᬭᬪᬸ᭞ᬳᬦ᭄ᬢᬸᬓ᭄ᬳᬶᬤᬲᬂᬤ᭄ᬯᬶᬚ᭞ᬫᬦᬶᬗ᭄ᬓᬳᬂᬧᬭᬶᬓ᭄ᬭᬫᬦᬶᬂᬲᬂᬭᬢᬸ᭞ᬯᬶᬭᬾᬄᬜ᭄ᬬ
ᬫᭂᬦᭂᬗᬂᬭᬕ᭞ᬨᬮᬦᬶᬂᬦᬫ᭄ᬧᭂᬓᬶᬦ᭄ᬋᬱᬶ᭟᭐᭟ᬤᬶᬤᬺᬱ᭄ᬝᬚᬸᬢᬶᬓᭀᬘᬧ᭞ᬥᬃᬫ᭄ᬫᬬᬸᬤ᭄ᬥᬭᬳᬶᬦᬯᭂᬗᬶᬓᬢᬗ᭄ᬓᬶᬮ᭄᭞ᬫᬯᭀᬲᬂᬳᬶᬲᬂᬭᬖᬸ᭞ᬳᬦ᭄ᬢᬸᬓ᭄ᬧᬫᬃᬕ᭄ᬕᬶᬦᬾᬮᬸ
[ ᭓᭔ 34A]
ᬗ᭄ᬳ᭞ᬢᬦ᭄ᬫᬓᬦ᭄ᬢᭂᬦ᭄ᬧᬫᬃᬕ᭄ᬕᬶᬦ᭄ᬳᬶᬤᬲᬂᬭᬖᬸ᭞ᬓᬜ᭄ᬘᬶᬢ᭄ᬲᬂᬭᬖᬸᬧ᭄ᬭᬧ᭄ᬢᬵ᭞ᬫᬓ᭄ᬢᬩᬸᬭᭀᬦ᭄ᬩᬯᬶᬰᬺᬗ᭄ᬕᬶ᭟᭐᭟ᬮ᭄ᬬᬂᬓᬬᬸᬦ᭄ᬲᬲᬂᬥᬃᬫ᭄ᬫᬬᬸᬤ᭄ᬥ᭞ᬫᬗᬦ᭄ᬤᬶᬓᬕᭂᬮᬶᬲᬂᬳᬤᬶᬫᬭᬶᬓᬶ᭞ᬲᬂᬭᬖᬸᬫ
ᬲᬳᬸᬃᬳᬮᬸᬲ᭄᭞ᬧᬸᬦᬶᬓᬶᬩᭂᬮᬶᬜᬶᬥᬬᬂᬢᬶᬢ᭄ᬬᬂᬧᭀᬮᬶᬄᬫᬗᬺᬋᬳᬂᬩᭂᬮᬶᬳᬕᬸᬂ᭞ᬓᬲ᭄ᬢᬸᬭᬶᬕᬚᬄᬫᬶᬡ᭞ᬫᬓᬤᬶᬦ᭄ᬜᬩᬯᬶᬰᬺᬗ᭄ᬕᬶ᭟᭐᭟ᬲᬂᬤᬃᬫ᭄ᬫᬬᬸᬤ᭄ᬥᬳᬗᬸᬘᬧ᭄᭞ᬳᬸᬤᬸᬄ
ᬳᬤᬶᬤᬸᬭᬸᬲ᭄ᬫᬲᬗ᭄ᬕ᭄ᬭᬳᬦ᭄ᬳᬤᬶ᭞ᬫᬭᬵᬃᬬᬦ᭄ᬳᬤᬶᬤᬸᬫᬸᬦ᭄᭞ᬳᬶᬭᬶᬓᬫᬩᬯᭀᬲᬦ᭄᭞ᬲᬕᬾᬢ᭄ᬭᬯᬸᬄᬭᬓ᭄ᬭ᭄ᬬᬦ᭄ᬧᬢᬶᬄᬦᭂᬫ᭄ᬩᬄᬫᬢᬸᬃ᭞ᬲᬶᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ᬧᭀᬮᬶᬄ
ᬓᭀᬳᬶᬭᬢᬸᬗᬯᬶ᭟᭐᭟ᬲᬂᬭᬖᬸᬧᬲᬗ᭄ᬕ᭄ᬭᬳᬦ᭄᭞ᬫᬓᬮᬶᬳᬦ᭄ᬲᬋᬂᬳᬶᬤᬭᬤᬾᬦ᭄ᬤᬾᬯᬶ᭞ᬫᬓᬤᬶᬧᬭᬦᬶᬂᬓᬬᬸᬦ᭄᭞ᬫᬓᬵᬓᭂᬫ᭄ᬩᬗᬶᬂᬧᬦᭀᬦ᭄᭞ᬭᬲᬭᬲᬳᬶᬤᬾᬯ [ 35 ][ ᭓᭔ 34B]
᭓᭔᭞
ᬲᬋᬂᬫᬦᬸᬢᬸᬕ᭄᭞ᬢᬶᬢ᭄ᬬᬂᬓᬤᬺᬱ᭄ᬝᬦᬵᬕᬭ᭞ᬧᬋᬓ᭄ᬭᬶᬂᬳᬶᬤᬲᬗᬚᬶ᭟᭐᭟ᬢᬦ᭄ᬮᬦᬧᬓᬬᬸᬦᬦ᭄ᬳᬶᬤ᭞ᬫᬗᬸᬲᬯᬢ᭄ᬧᬗᬬᬳᬾᬦᬓᭀᬦᬶᬦ᭄᭞ᬲᬧᬸᬦᬶᬓᬭᬢᬸ
ᬳᬕᬸᬂ᭞ᬢᬦ᭄ᬳᬾᬦᬓ᭄ᬧᬓᬬ᭄ᬯᬦᬦ᭄᭞ᬭᬹᬧᬯᬾᬦ᭄ᬢᭂᬦ᭄ᬲᬸᬗ᭄ᬲᬸᬢᬂᬘᭀᬓᭀᬭᬶᬭᬤᬶᬸᬢᬸ᭞ᬦᬯᬶᬳᬶᬯᬂᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬲᬂᬭᬖᬸᬗᬦ᭄ᬤᬶᬓᬳᬭᬶᬲ᭄᭟᭐᭟ᬜᬳᬶᬤᭂᬫᭂᬦ᭄ᬫᬕᬸ
ᬬᬵᬦᬦ᭄᭞ᬦᬶᬭᬢᬸᬬᬸᬄᬫᬚᬮᬦ᭄ᬲᬳᬶᬲᬳᬶ᭞ᬧᭂᬢᭂᬂᬍᬫᬄᬦᬶᬭᬮᬸᬫᬓᬸ᭞ᬢᭀᬂᬢᬳᬾᬦ᭄ᬫᬭᬵᬃᬬ᭄ᬬᬦ᭄᭞ᬜᬸᬲᬸᬧ᭄ᬳᬮᬲ᭄ᬫᭂᬦᬾᬓ᭄ᬚᬸᬭᬂᬢᬸᬳᬸᬦ᭄ᬧᬗ᭄ᬓᬸᬂ᭞ᬓᬳᬸᬚᬦᬦ᭄ᬓ
ᬧᬦᬲᬦ᭄᭞ᬩᬳᬦ᭄ᬜᬳᬢᬂᬫᬫᬃᬕ᭄ᬕᬶ᭟᭐᭟ᬓᬜ᭄ᬘᬶᬢ᭄ᬲᬂᬥᬃᬫ᭄ᬫᬬᬸᬤ᭄ᬥᬧ᭄ᬭᬧ᭄ᬢ᭞ᬳᬤᬶᬭᬖᬸᬩᭂᬮᬶᬫᬮᬶᬄᬗᬸᬢᬸᬲ᭄ᬳᬤᬶ᭞ᬗᬮᬶᬄᬓᬸᬮᬶᬢ᭄ᬲᬃᬧ᭄ᬧᬳᬕᬸᬂ᭞ᬦᬾᬫᬤᬦ᭄ᬲᬃᬧ᭄ᬧᬯᭂᬮᬂ᭞
[ ᭓᭕ 35A]
ᬬᬦ᭄ᬢᬦ᭄ᬧ᭄ᬳᭀᬮᬶᬄᬲᬫ᭄ᬧᬸᬦᬂᬫᬢᬸᬮᬓ᭄ᬫᬦ᭄ᬢᬸᬓ᭄᭞ᬧᬘᬂᬫᬗᬶᬓᭂᬢ᭄ᬧᬸᬱ᭄ᬧ᭞ᬲᬭᬢᬂᬳᬤᬶᬫᬗᬮᬶᬄ᭟᭐᭟ᬲᬂᬭᬖᬸᬦᬸᬮ᭄ᬬᬫᬫ᭄ᬧᬄ᭞ᬢᬦᬲᬸᬯᬾᬭᬯᬸᬄᬭᬶᬂᬕᬡ᭄ᬥᬯᭂᬲᬶ᭞
ᬤᬯᬶᬳᬗ᭄ᬕᬭᬢ᭄ᬦᬫᬢᬸᬃ᭞ᬲᬂᬭᬖᬸᬫᬗᬦ᭄ᬤᬶᬓᬵ᭞ᬤᬾᬯᬳᬬᬸᬢ᭄ᬬᬂᬩ᭄ᬯᬶᬦ᭄ᬮᬸᬯᬲ᭄ᬓᬳᬸᬢᬸᬲ᭄᭞ᬗᬮᬶᬄᬓᬸᬮᬶᬢ᭄ᬲᬃᬧ᭄ᬧᬢᭂᬮᬂ᭞ᬫᬗ᭄ᬤᬢᬶᬢ᭄ᬬᬂᬧᭀᬮᬶᬄᬳᬸᬕᬶ᭟᭐᭟ᬬᬦ᭄ᬢᬶᬢ᭄ᬬᬂᬢ
ᬦ᭄ᬫᬵᬮᬶᬳᬂ᭞ᬢ᭄ᬯᬭᬤᬤᬶᬢᬶᬢ᭄ᬬᬂᬫᬢᬸᬮᬓ᭄ᬫᬦ᭄ᬢᬶᬸᬮᬶᬄ᭞ᬤ᭄ᬬᬄᬳᬗ᭄ᬕᬭᬢ᭄ᬦᬫᬢᬸᬃ᭞ᬳᬄᬤᬢᬚᬭᬸᬗᬸᬯᬂ᭞ᬦᬶᬓᬶᬲᬩᬸᬓ᭄ᬲᬸᬢ᭄ᬭᬧᬸᬢᬶᬳᬾᬦᬾᬩᬯᬸ᭞ᬧᬸᬦᬶᬓᬩᭂᬮᬶᬲᭂᬭᬳᬂ᭞ᬫᬗ᭄ᬤ
ᬲᬃᬧ᭄ᬧᬫᬗ᭄ᬮᬶᬮᬶᬢ᭄᭟᭐᭟ᬧᬋᬓᬦ᭄ᬩᭂᬮᬶᬦᬾᬳᬚᬓ᭄᭞ᬳᬧᬂᬳᬤᬳᬗ᭄ᬕᭀᬦ᭄ᬩᭂᬮᬶᬘᬶᬳ᭄ᬦᬯ᭄ᬬᬓ᭄ᬢᬶ᭞ᬲᬂᬭᬖᬸᬫᬲᬳᬸᬃᬳᬮᬸᬲ᭄᭞ᬲᬶᬗ᭄ᬕᬶᬄᬳᬤᬶᬧᬜᬸᬗ᭄ᬲᬸᬗᬦ᭄᭞ᬤ᭄ᬭᬶᬓᬶᬳᬶᬤᬩᭂ [ 36 ][ ᭓᭕ 35B]
᭓᭕᭞
ᬮᬶᬫᬧᬫᬶᬭᬶᬂᬳᬶᬭᬢᬸ᭞ᬤᬶᬦᬶᬳᬚᬓ᭄ᬤᬾᬯᬶᬤᬺᬱ᭄ᬝᬵ᭞ᬳᬧᬂᬢ᭄ᬬᬂᬕᭂᬮᬶᬲ᭄ᬫᬯᬮᬶ᭟᭐᭟ᬲᬂᬭᬖᬸᬭᬭᬶᬲ᭄ᬫᬫᬃᬕ᭄ᬕ᭞ᬢᬦ᭄ᬘᬭᬶᬢᬲᬸᬯᬾᬦᬵᬳᬶᬤᬤᬶᬫᬃᬕ᭄ᬕᬶ᭞ᬲᬂᬥᬃᬫ᭄ᬫᬬᬸᬤ᭄ᬥᬓᬯᬸᬯᬸᬲ᭄᭞
ᬓᬢᬗ᭄ᬓᬶᬮ᭄ᬤᬶᬩᬜ᭄ᬘᬶᬗᬄ᭞ᬫᬗ᭄ᬭᬯᭀᬲᬂᬧᬫᬃᬕ᭄ᬕᬶᬦ᭄ᬳᬶᬤᬲᬂᬭᬖᬸ᭞ᬲᬸᬯᬾᬢᬦ᭄ᬫᬓᬦ᭄ᬢᭂᬦᬦ᭄᭞ᬳᬶᬧᬢᬶᬄᬫᬳᬢᬸᬃᬪᬓ᭄ᬢᬶ᭟᭐᭟ᬚᬦ᭄ᬢᭂᬦ᭄ᬳᬶᬤᬢᬦ᭄ᬜᬶᬥᬬᬂ᭞ᬩᭀᬬᬧᬸᬭᬸᬦ᭄ᬳᬶᬤᬧ
ᬘᬂᬦᭂᬲᭂᬓᬶᬦ᭄᭞ᬫᬗ᭄ᬤᬢᬾ ᬧᬘᬂᬫᬜᬫ᭄ᬩᬸᬢ᭄᭞ᬲᬃᬧ᭄ᬧᬳᬶᬧᬸᬦ᭄ᬕᬮᬓ᭄ᬧᬶᬲᬦ᭄᭞ᬲᬕᬾᬢᬵᬭᬯᬸᬄᬲᬂᬭᬖᬸᬫᬫᬓ᭄ᬓᬓᬫ᭄ᬧᬸᬄ᭞ᬓᬸᬮᬶᬢ᭄ᬤᬶᬘᬃᬧ᭄ᬧᬯᭂᬮᬂ᭞ᬲᬂᬥᬃᬫ᭄ᬫᬬᬸᬤ᭄ᬥᬗ᭄ᬮᬶᬗᬭᬶᬲ᭄᭟
᭟᭐᭟ᬫᬭᬶᬓᬶᬳᬤᬶᬕᭂᬮᬶᬲᬂ᭞ᬲᬸᬯᬾᬢᬶᬢ᭄ᬬᬂᬗᬦ᭄ᬢᭀᬲ᭄ᬤᬤᬶᬳᬶᬭᬶᬓᬶ᭞ᬲᬂᬭᬖᬸᬢ᭄ᬢᬫᬫᬲᬳᬸᬃ᭞ᬧᬸᬦᬶᬓᬶᬫᬜᬶᬥᬬᬂ᭞ᬓᬤᬶᬓᬬᬸᬦ᭄ᬧᬮᬸᬗ᭄ᬕᬸᬄᬳᬶᬩᭂᬮᬶᬳᬕᬸᬂ᭞ᬲᬂᬥᬃᬫ᭄ᬫᬬᬸᬤ᭄ᬥᬫᬦᭂᬫᬓ᭄
[ ᭓᭖ 36A]
᭞ᬢᬸᬫᬸᬮᬶᬭᬭᬶᬲ᭄ᬳᬮᬶᬮᬶᬢ᭄᭟᭐᭟ᬩᬯᭀᬗᬾᬲᬂᬥᬃᬫ᭄ᬫᬬᬸᬤ᭄ᬥ᭞ᬭᬭᬶᬲ᭄ᬲᬳᬕ᭄‌ᬧᬦᬗ᭄ᬓᬶᬮᬦᬾᬲᬫᬶ᭞ᬫᬩ᭄ᬬᬬᬸᬯᬦ᭄ᬧᬕᬭᬸᬤᬸᬕ᭄᭞ᬫᬮᬳᬶᬩ᭄ᬓᬩᬢᬦ᭄ᬮᭀᬗᬦ᭄᭞ᬲᬂᬥᬃ
ᬫ᭄ᬫᬬᬸᬤ᭄ᬥᬫᬜᭂᬭᬶᬢ᭄ᬫᬦᬕᬶᬄᬢᬸᬮᬸᬂ᭞ᬳᬤᬶᬭᬖᬸᬢᬸᬮᬸᬂᬢᬶᬢ᭄ᬬᬂ᭞ᬫᬢᬶᬢᬶᬢ᭄ᬬᬂᬳᬤᬶᬫᬗ᭄ᬓᬶᬦ᭄᭟᭐᭟ᬲᬂᬭᬖᬸᬭᬭᬶᬲ᭄ᬫᬜᬕ᭄ᬚᬕ᭄᭞ᬫᬗᭂᬫ᭄ᬩᬸᬲᬶᬦ᭄ᬲᬂᬥᬃᬫ᭄ᬫᬬᬸᬤ᭄ᬥᬕᭂᬮᬶᬲ᭄᭞
ᬩᬯᭀᬂᬤᬦᬾ ᬓᬦ᭄ᬢᭀᬲ᭄ᬲᭂᬩᬸᬄ᭞ᬢᬫ᭄ᬧᬓ᭄ᬮᬮᬶᬧᬶᬯᭂᬮᬂ᭞ᬗᬸᬢᬄᬕᭂᬢᬶᬄᬫᬗᬫ᭄ᬩᬄᬳᬸᬮᬶᬤᬶᬘᬸᬗᬸᬄ᭞ᬩᭂᬗᬾᬓ᭄ᬫᬸᬜᬶᬦᬾᬩᬤᬃ᭞ᬮᬶᬬᬸᬧᬗᬬᬄᬜᬕ᭄ᬚᬕᬶᬦ᭄᭟᭐᭟
ᬳᬕᬸᬂᬧᬶᬲᬦ᭄ᬳᬸᬢᬂᬢᬶᬢ᭄ᬬᬂ᭞ᬳᬤᬶᬭᬖᬸᬤᬶᬲᬸᬳᬸᬤ᭄ᬓᬃᬬ᭄ᬬᬦᬾᬚᬦᬶ᭞ᬤᬶᬢᬸᬧᬘᬂᬩᭂᬮᬶᬦᬯᬸᬃ᭞ᬦᬾᬚᬦᬶᬳᬤᬶᬢᬸᬮᬸᬲᬂ᭞ᬩᭂᬮᬶᬗᬸᬢᬸᬲ᭄ᬳᬤᬶᬦᬾᬦᬸᬳᬸᬃᬲᬂᬯᬶᬓᬸ᭞ᬤᬶᬚᬚ [ 37 ][ ᭓᭖ 36B]
᭓᭖᭞
ᬳᬤᬶᬫᬳᬦ᭄᭞ᬲᬸᬮᬶᬗ᭄ᬕᬶᬄᬧᬸᬢᬸᬲᬶᬗᬚᬶ᭟᭐᭟ᬲᬂᬭᬖᬸᬭᬭᬶᬲ᭄ᬫᬫᬃᬕ᭄ᬕ᭞ᬢᬦᬲᬸᬯᬾᬭᬯᬸᬄᬭᬶᬂᬕᬡ᭄ᬥᬯᭂᬲᬶ᭞ᬤᬾᬯᬶᬳᬗ᭄ᬕᬭᬢ᭄ᬦᬵᬦ᭄ᬤᬸᬮᬸ᭞ᬬᬦ᭄ᬭᬓᬦᬾᬧ᭄ᬭᬵᬧ᭄ᬢ᭞ᬲᬗᬗᬶ
ᬭᬶᬂᬓᭂᬤᬾᬓ᭄‌ᬬᬓᬦ᭄ᬢᬶᬩᭂᬓᬸᬢ᭄᭞ᬫᬢᬸᬃᬭᬶᬂᬤᬾᬯᬶᬤᬺᬱ᭄ᬝ᭞ᬲᬂᬥᬃᬫ᭄ᬫᬬᬸᬤ᭄ᬥᬓᬮᬶᬮᬶᬢ᭄᭟᭐᭟ᬗᭂᬮᬶᬂᬳᬶᬧᬸᬦ᭄ᬕᬭᭀᬂᬕᬭᭀᬂ᭞ᬳᬓᬾᬄᬲᬂᬦᬗ᭄ᬓᬶᬮ᭄ᬧᬥᬮᬳᬶᬩ᭄᭞ᬭᬳᬶᬦ᭄ᬭᬢᬸᬗ
ᬕᬄᬳᬶᬚᬸ᭞ᬲᬃᬧ᭄ᬧᬦᬾᬭᬭᬶᬲ᭄ᬳᬶᬘᬮ᭄᭞ᬩᬯᭀᬂᬩᭂᬲᭂᬄᬫᭂᬤᬮ᭄ᬫᬭᬸᬲ᭄ᬲᬓᬶᬂᬘᬸᬗᬸᬄ᭞ᬭᬭᬶᬲ᭄ᬳᬶᬧᬸᬦ᭄ᬲᬳᬸᬤ᭄ᬧᬚᬃ᭞ᬭᬶᬂᬳᬶᬤᬭᬳᬶᬦ᭄ᬳᬶᬕᬸᬲ᭄ᬢᬶ᭟᭐᭟ᬲᬂᬭᬖᬸᬭᬭᬶᬲ᭄ᬗᬦ᭄ᬤᬶᬓ᭞ᬭᬶᬂᬭᬳᬶᬦᬾ
ᬤᬾᬯᬳᬬᬸᬭᬗ᭄ᬕᬭᬢ᭄ᬦᬶ᭞ᬓᬾᬦ᭄ᬓᬾᬦ᭄ᬩᬦ᭄ᬫᬤᬬᬭᬢᬸ᭞ᬤ᭄ᬯᬦᬶᬂᬢᬶᬢ᭄ᬬᬂᬓᬧᬶᬓᭂᬤᭂᬄ᭞ᬦᬸᬳᬸᬃᬋᬱᬶᬧᬡ᭄ᬥᬶᬢᬦᬾᬲᬸᬩᬧᬸᬢᬸᬲ᭄᭞ᬓᭂᬚᬳᬮᬓᬸᬦ᭄ᬢᬶᬢ᭄ᬬᬂ᭞ᬭᬤᬾᬦ᭄ᬤᬾᬯᬶᬫᬜ
[ ᭓᭗ 37A]
ᬳᬸᬭᬶᬦ᭄᭟᭐᭟ᬢᬶᬗ᭄ᬕᬄᬬᬦ᭄ᬲᬧᬸᬦᬶᬓᬤᬾᬯ᭞ᬫ᭄ᬭᬶᬓᬩᭂᬮᬶᬓᬕᬸᬦᬸᬂᬲᬩ᭄ᬭᬂᬫᬗ᭄ᬭᬭᬶᬲᬶ᭞ᬧᬋᬓ᭄ᬭᬶᬂᬗᬧᬳᬕᬸᬗ᭄᭞ᬧᬸᬦᬶᬓᬩᬧᬦ᭄ᬢᬶᬢ᭄ᬬᬂ᭞ᬫᬗ᭄ᬤᬳᬶᬤᬫᬦᬸᬳᬸᬃᬪᬝᬵᬭᬕᬸᬭᬸ᭞ᬢ
ᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬲᬾᬯᭀᬲᬦ᭄᭞ᬧᬘᬂᬫᬸᬗ᭄ᬕᬄᬫᬗᬚᭂᬗᬶᬦ᭄᭟᭐᭟ᬲᬂᬭᬖᬸᬫᬮᬶᬄᬗᬦ᭄ᬤᬶᬓ᭞ᬳᭂᬗ᭄ᬓᬾᬦ᭄ᬳᬫ᭄ᬩᬄᬢᬶᬢ᭄ᬬᬂᬢᬦ᭄ᬳᬸᬦᬶᬂᬭᬶᬂᬫᬃᬕ᭄ᬕᬶ᭞ᬤᬾᬯᬶᬳᬗ᭄ᬕᬭᬢ᭄ᬦᬶᬫᬢᬸᬃ᭞ᬧᬸᬦᬶᬓᬶ
ᬲᬂᬧᬶᬦᬵᬣ᭞ᬧᬘᬂᬫᬸᬯᬢ᭄ᬳᬶᬩᭂᬮᬶᬮᬸᬗ᭄ᬳᬓᬕᬸᬦᬸᬂ᭞ᬬᬦ᭄ᬩᭂᬮᬶᬓᬫᭂᬦᭂᬗᬦ᭄᭞ᬓᬦ᭄ᬢᭂᬦᬂᬩᬸᬗ᭄ᬓᬸᬂᬧᬸᬦᬶᬓᬶ᭟᭐᭟ᬲᬂᬤᬾᬯᬶᬭᬭᬶᬲ᭄ᬫᬗᬭᬤ᭄᭞ᬢᬦᬲᬸᬯᬾᬲᬂᬯᬶᬦᬣᬧ᭄ᬭᬧ᭄ᬢᬶ᭞ᬭ
ᬳᬤᬾᬦ᭄ᬤᬾᬯᬶᬳᬫᬸᬯᬸᬲ᭄᭞ᬦᬾᬲᬂᬯᬾᬦᬱᬾᬬ᭞ᬤᬾᬯᬮᬸᬯᬲ᭄ᬫᬦ᭄ᬢᬸᬓ᭄ᬳᬶᬤᬲᬗᬳᬸᬮᬸᬦ᭄᭞ᬮᬸᬯᬲ᭄ᬓᬕᬸᬦᬸᬂᬲᬩ᭄ᬭᬂ᭞ᬧᬋᬓ᭄ᬭᬶᬂᬳᬶᬤᬳᬶᬳᬚᬶ᭟᭐᭟ᬲᬂᬭᬖᬸᬗᬭᬭᬶᬲ᭄ᬫᬸᬗ᭄ᬕᬄ᭞ᬓ [ 38 ][ ᭓᭗ 37B]
᭓᭗᭞
ᬢᬸᬦ᭄ᬤᬸᬦ᭄ᬦᬾᬲᬂᬯᬶᬦᬣᬬᬳᭂᬮᬶᬲ᭄᭞ᬫᬓᭂᬩᬸᬃᬩᬸᬃᬚᬸᬃᬳᬸᬫᬸᬩᬸ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬯᭂᬗᬦ᭄᭞ᬫᬗᬼᬫᬬᬂᬧᬓᭂᬩᬸᬭᬾᬗᭀᬚᭀᬕ᭄ᬓᬕᬸᬦᬸᬂ᭞ᬲᬂᬯᬶᬦᬱᬾᬬᬳᬗᬸᬘ
ᬧ᭄᭞ᬕᬸᬦᬸᬂᬲᬩ᭄ᬭᬗᬾᬧᬸᬦᬶᬓᬶ᭟᭐᭟ᬲᬂᬩᬡ᭄ᬥᬬᬸᬢᬓᭀᬤᬮ᭄᭞ᬓᬦ᭄ᬢᭂᬦ᭄ᬫᬗ᭄ᬓᬶᬦ᭄ᬲᬂᬯᬶᬦᬣᬫᬪᬗ᭄ᬓᬶᬮ᭄᭞ᬲᬂᬧ᭄ᬭᬪᬸᬳᬮᭀᬦ᭄ᬳᬫᬸᬯᬸᬲ᭄᭞ᬦᬾᬘᬳᬶᬲᬂᬯᬶᬦᬣ᭞ᬘᬳᬶ
ᬓᬶᬚᬵᬲᬂᬯᬶᬦᬣᬾᬬᬳᬸᬫᬢᬸᬃ᭞ᬩᬸᬯᬢ᭄ᬧᬋᬓ᭄ᬭᬶᬂᬳᬶᬤᬾᬯ᭞ᬲᬸᬫᬥ᭄ᬬᬧᬋᬓ᭄ᬫᬭᬶᬓᬶ᭟᭐᭟ᬲᬂᬩᬡ᭄ᬥᬬᬸᬢᬳᬗᬸᬘᬧ᭄᭞ᬢ᭄ᬯᬭᬳᬤᬗᭂᬮᬄᬧᬦᬓ᭄ᬫᬸᬯᬦᬶ᭞ᬲᬂᬭᬖᬸ
ᬫᭂᬲᬸᬯᬂᬩᬸᬗ᭄ᬓᬸᬂ᭞ᬲᬶᬫ᭄ᬲᬶᬫ᭄ᬤ᭄ᬬᬄᬳᬗ᭄ᬕᬭᬢ᭄ᬦ᭞ᬓᬘᬶᬗᬓᬦ᭄‌ᬳᬦ᭄ᬢᬸᬓ᭄ᬳᬶᬤᬲᬗᬳᬸᬮᬸᬦ᭄᭞ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓ᭞ᬘᬳᬶᬭᬖᬸᬧᬳᭂᬓᬂᬤᬶᬦᬶ᭟᭐᭟ᬳᬧᬲᬥ᭄ᬬᬦ᭄ᬘᬳᬶᬢᭂ

[ ᭓᭘ 38A]
ᬓ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬦᬸᬳᬸᬃᬪᬝᬵᬭᬋᬱᬶ᭞ᬲᬂᬩᬡ᭄ᬥᬬᬸᬢᬫᬲᬳᬸᬃ᭞ᬦ᭄ᬤᬾᬦ᭄ᬘᬳᬶᬳᬦ᭄ᬢᭀᬲᬂ᭞ᬤᬶᬦᬶᬘᬳᬶᬩᬧᬓᬧᬸᬭᬫᬦᬸᬳᬸᬃ᭞ᬲᬂᬩᬡ᭄ᬥᬬᬸᬢᬮᬸᬗ᭄ᬳ᭞ᬫᬦᬸᬳᬸᬪ
ᬝᬵᬭᬕᭂᬮᬶᬲ᭄᭟᭐᭟ᬪᬝᬵᬭᬰᬶᬯᬗᬦ᭄ᬤᬶᬓ᭞ᬩ᭄ᬯᬶᬦ᭄ᬳᬩᬸᬮᬦ᭄ᬩᬧᬬᬫᬦᭂᬓᬳᬶᬦ᭄᭞ᬳᬗ᭄ᬮᬸᬯᭂᬭᬦ᭄ᬧᬸᬢᬸᬩᬕᬸᬲ᭄᭞ᬧᭂᬗᬳᬂᬩᬧᬤᬸᬦᬸᬗᬦ᭄᭞ᬲᬂᬩᬡ᭄ᬥᬬᬸᬢᬧᬘᬂᬩᬋᬂᬮ᭄ᬯᬲ᭄ᬢᭂᬤᬸ
ᬦ᭄᭞ᬳᬶᬩᬡ᭄ᬥᬬᬸᬢᬫᬦᭂᬫ᭄ᬩᬄ᭞ᬲᬦ᭄ᬤᬶᬓᬢᬶᬢ᭄ᬬᬂᬫᬗᬶᬭᬶᬂ᭟᭐᭟ᬩᬡ᭄ᬥᬬᬸᬢᬫᬮᬶᬄᬦᭂᬫ᭄ᬩᬄ᭞ᬢᬶᬢ᭄ᬬᬂᬧᬫᬶᬢ᭄ᬫᬚᬭᬶᬦ᭄ᬳᬶᬭᬖᬸᬫᬗ᭄ᬓᬶᬦ᭄᭞ᬪᬝᬵᬭᬗᬦ᭄ᬤᬶᬓᬳᬮᬸᬲ᭄᭞ᬓᭂᬫᬓᬾ
ᬳᬾᬗ᭄ᬕᬮᬾᬗ᭄ᬕᬮ᭄᭞ᬢᬦ᭄ᬓᭀᬘᬧᬲᬂᬩᬡ᭄ᬥᬬᬸᬢᬓᬯᬸᬯᬸᬲ᭄᭞ᬗᬦ᭄ᬤᬶᬓᬭᬶᬂᬭᬖᬸᬢ᭄ᬢᬫ᭞ᬦᭂᬫ᭄ᬩᬄᬲᬂᬭᬖᬸᬫᬧᬫᬶᬢ᭄᭟᭐᭟ᬢᬦ᭄ᬓᬯᬃᬡ᭄ᬦᬳᬭᬶᬂᬫᬃᬕ᭄ᬕ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬤᬺᬱ᭄ᬝᬚᬸ [ 39 ][ ᭓᭘ 38B]
᭓᭘᭞
ᬢᬶᬫ᭄ᬩᬗᬶᬦ᭄᭞ᬲᬂᬥᬃᬫ᭄ᬫᬬᬸᬤ᭄ᬥᬓᬢᭂᬧᬸᬓ᭄᭞ᬲᬂᬭᬖᬸᬫᬶᬤᬃᬢ᭄ᬢᬬᬂ᭞ᬳᬗᬦ᭄ᬤᬶᬓᬦ᭄ᬪᬝᬵᬭᬰᬶᬯᬦᬾ ᬲᬫ᭄ᬧᬸᬦ᭄᭞ᬭᬭᬶᬲ᭄ᬦᬩ᭄ᬤᬩ᭄ᬧᬲᬗ᭄ᬕ᭄ᬭᬳᬦ᭄᭞ᬳᬸᬗ᭄ᬕ᭄ᬯᬦᬾᬭᬶᬂᬢᬫᬦ᭄ᬲᬭᬶ᭟᭐᭟ᬲ
ᬫ᭄ᬧᬸᬦ᭄ᬧᬸᬧᬸᬢ᭄ᬧᬲᬗ᭄ᬕ᭄ᬭᬳᬦ᭄᭞ᬭᬭᬶᬲ᭄ᬜᬫ᭄ᬩᬢ᭄ᬧ᭄ᬬᬚ᭄ᬜᬦᬾᬓᬃᬬ᭄ᬬᬦᬶᬦ᭄᭞ᬲᬂᬥᬃᬫ᭄ᬫᬬᬸᬤ᭄ᬥᬓᬯᬸᬯᬸᬲ᭄᭞ᬗᬦ᭄ᬤᬶᬓᬳᬶᬦ᭄ᬭᬖᬸᬢ᭄ᬢᬫ᭞ᬳᬸᬥᬹᬄᬳᬤᬶᬚᬦᬶᬩᭂᬮᬶᬩ᭄ᬯᬶᬦ᭄ᬫᬗᬸᬢᬸᬲ᭄᭞ᬓᭂᬫ
ᬓᬕᬸᬦᬸᬂᬫᬾᬦᬓᬵ᭞ᬫᬗ᭄ᬮᬯᬸᬢ᭄ᬓᬩᬡ᭄ᬥᬯᭂᬲᬶ᭟᭐᭟ᬦᬸᬳᬸᬃᬪᬕᬯᬵᬦ᭄ᬦᬶᬮᭀᬘᬡ᭞ᬯᬢᭂᬓ᭄ᬋᬱᬶᬓᭂᬦᬳᬶᬤᬫᬗ᭄ᬭᬯᬸᬳᬶᬦ᭄᭞ᬩᭂᬮᬶᬧᬘᬂᬗᬺᬱᬶᬮᬯᬸᬢ᭄᭞ᬧᭂᬢᭂᬓᬃᬬ᭄ᬬᬧᬗ᭄ᬮᬸ
ᬯᭂᬭᬦ᭄᭞ᬓᬾᬢᭀᬳᬤᬶᬳᬢᬸᬭᬂᬭᬶᬂᬤᬲᬂᬯᬶᬓᬸ᭞ᬲᬂᬭᬖᬸᬭᬭᬶᬲ᭄ᬫᬫᬃᬕ᭄ᬕ᭞ᬢᬦ᭄ᬘᬶᬦᬭᬶᬢᬭᬶᬂᬫᬃᬕ᭄ᬕᬶ᭟᭐᭟ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬢᬧᬦ᭄᭞ᬫᬋᬓ᭄ᬳᬶᬤᬯᬢᭂᬓ᭄ᬋᬱᬶᬦᬾᬲᬫᬶ᭞
[ ᭓᭙ 39A]
ᬲᬂᬭᬖᬸᬫᬢᬸᬮᬓ᭄ᬫᬦ᭄ᬢᬸᬓ᭄᭞ᬤᬾᬯᬶᬳᬗ᭄ᬕᬭᬢ᭄ᬦᬶᬓᭀᬘᬧ᭄᭞ᬓᬬᬸᬦ᭄ᬧᬶᬲᬦ᭄ᬦᭀᬦ᭄ᬢᭀᬦ᭄ᬓᬃᬬ᭄ᬬᬦᬾᬲᬂᬧ᭄ᬭᬪᬸ᭞ᬫᬶᬯᬄᬤᬾᬯᬶᬤᬺᬱ᭄ᬝᬦᬮ᭞ᬧᬋᬓᬦᬾᬫᬢᬸᬃᬳᬭᬶᬲ᭄᭟
᭐᭟ᬲᬫ᭄ᬧᬸᬦᬂᬳᬶᬤᬾᬯᬮᬸᬗ᭄ᬳᬵ ᭞ᬜᭂᬦ᭄ᬓᬫ᭄ᬩᬶᬮ᭄ᬳᬦ᭄ᬢᬸᬓ᭄ᬳᬶᬤᬲᬗᬚᬶ᭞ᬤᬾᬯᬶᬅᬗ᭄ᬕᬭᬢ᭄ᬦᬫᬸᬯᬸᬲ᭄᭞ᬤᬶᬓᬧᬦ᭄‌ᬬᬫᬜᬸᬯᬂ᭞ᬢᬶᬬᬂᬲᬋᬂᬓᬮᬶᬄᬬᬢᭀᬂᬦᬸᬕᬧᬸᬭᬸᬦ᭄᭞ᬳᬓᬾ
ᬦ᭄ᬓᬾᬦ᭄ᬓᬰᬓ᭄ᬢ᭄ᬬᬦ᭄ᬜ᭞ᬲᬂᬥᬃᬫ᭄ᬫᬬᬸᬤ᭄ᬥᬦᬾᬚᬦᬶ᭟᭐᭟ᬲᬂᬭᬖᬸᬭᬭᬶᬲ᭄ᬫᬫᬃᬕ᭄ᬕ᭞ᬲᬕᭂᬋᬳᬦ᭄ᬲᬋᬂᬮᬦ᭄ᬭᬤᬾᬦ᭄ᬤᬾᬯᬶ᭞ᬲᬋᬂᬮᬮᬶᬫᬮᬸᬫᬓᬸ᭞ᬗᬮᬶᬗ᭄ᬕᬶᬳᬶᬦ᭄ᬕ᭄ᬭᬸᬥᬧᭂᬢᬓ᭄᭞ᬤᬾᬯᬶ
ᬤᬺᬱ᭄ᬝᬫᬶᬚᬶᬮ᭄ᬯᬘᬓᬦᬾᬳᬮᬸᬲ᭄᭞ᬬᬦᬾᬅᬬᭀᬥ᭄ᬬᬧᬸᬭ᭞ᬧᭂᬘᬓ᭄ᬳᬸᬫᬳᬾᬦᬾᬭᬶᬳᬶᬦ᭄᭟᭐᭟ᬲᬂᬭᬖᬸᬫᬳᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬓᬭᬶᬤᭀᬄᬲᬓᬶᬂᬭᬶᬓᬶ᭞ᬫᬗ᭄ᬮᬶ [ 40 ][ ᭓᭙ 39B]
᭓᭙᭞
ᬦ᭄ᬢᬂᬫᬮᬶᬄᬳᬕᬸᬦᬸᬂ᭞ᬓᬦ᭄ᬢᭂᬦ᭄ᬧᬭᬳᬭᬄᬲᬫ᭄ᬬᬦ᭄᭞ᬤᬺᬱ᭄ᬝᬚᬸᬢᬶᬧᬦᬗ᭄ᬕᬸᬦᬾᬧᬶᬦᬶᬄᬓᬯᬸᬄ᭞ᬤᬗᬶᬦ᭄ᬧᬸᬦᬶᬓᬅᬬᭀᬥ᭄ᬬ᭞ᬓ᭄ᬮᭀᬤ᭄ᬓᬗᬶᬦ᭄ᬢᬫ᭄ᬧᭂᬓ᭄ᬓᬧᬶᬗ᭄ᬕᬶᬃ᭟᭐᭟ᬲᬶᬦᭀᬫ᭄
᭐᭟᭐ᬦᬾ ᬫᬗ᭄ᬓᬶᬦ᭄ᬭᬳᬶᬦᬓᬃᬬ᭄ᬬ᭞ᬯᬢᭂᬓ᭄ᬋᬱᬶᬫᬗ᭄ᬭᬯᬸᬳᬶᬦ᭄᭞ᬲᬫᬶᬗᭀᬚᭀᬕ᭄ᬓᬧᬶᬬᬚ᭄ᬜᬦ᭄᭞ᬲᬂᬥᬃᬫ᭄ᬫᬬᬸᬤ᭄ᬥᬓᬢᬗ᭄ᬓᬶᬮ᭄᭞ᬤᬶᬧᬶᬬᬚ᭄ᬜᬦ᭄ᬫᬮᬶᬗ᭄ᬕᬶᬄ᭞ᬕᬬᬸᬂᬧᬾᬦ᭄ᬤᬾᬢ᭄ᬭᬫᭂᬲ᭄ᬲ
ᬫ᭄ᬧᬸᬦ᭄᭞ᬧᬥᬗᬢᬸᬭᬂᬧᬸᬡ᭄ᬬ᭞ᬭᬶᬂᬳᬶᬤᬲᬂᬫᬳᬵᬋᬱᬶ᭞ᬧᬕᭂᬭᬶᬬᭂᬂ᭞ᬋᬱᬶᬦᬾᬗᬲ᭄ᬢ᭄ᬭᬾᬦᬶᬦ᭄ᬧᬸᬡ᭄ᬬ᭟᭐᭟ᬪᬝᬵᬭᬰᬶᬯᬓᭀᬘᬧ᭞ᬭᬯᬸᬳᬾᬫᬳᬯᬦ᭄ᬳᬗᬶᬦ᭄᭞ᬲᬂᬩ
ᬡ᭄ᬥᬬᬸᬢᬗᬶᬭᬶᬗᬂ᭞ᬭᬶᬂᬢᬫᬦ᭄ᬳᬶᬤᬫᬗ᭄ᬭᬭᬶᬲ᭄᭞ᬓᬭᬶᬫᬗᬦ᭄ᬢᭀᬲ᭄ᬯᭂᬗᬶ᭞ᬥᬃᬫ᭄ᬫᬬᬸᬤ᭄ᬥᬲᬕᬾᬢ᭄ᬭᬯᬸᬄ᭞ᬫᬦᬸᬦᬲ᭄ᬕᬸᬂᬳᬫ᭄ᬧᬸᬭ᭞ᬳᬦ᭄ᬢᬸᬓ᭄ᬢᬦ᭄ᬳᬸᬦᬶᬂᬭᬶᬂᬫᬃᬕ᭄ᬕᬶ᭞ᬫᬫᭂᬦ᭄ᬤᬓᬶᬦ᭄᭞ᬮᬶᬗ᭄ᬕᬶᬄ
[ ᭔᭐ 40A]
ᬳᬶᬤᬲᬂᬳ᭄ᬬᬂᬰᬶᬯ᭟᭐᭟ᬦᬾᬫᬗ᭄ᬓᬶᬦ᭄ᬪᬝᬵᬭᬰᬶᬯᬵᬳᬭᬶᬲ᭄ᬫᬸᬗ᭄ᬕᬄᬫᬗᬚᭂᬗᬶᬦ᭄᭞ᬬᬚ᭄ᬜᬦᬾᬲᬂᬥᬃᬫ᭄ᬫᬬᬸᬤ᭄ᬥ᭞ᬩᬳᬸᬫᬭᬢᭂᬗᬄᬯᭂᬗᬶ᭞ᬲᬂᬋᬱᬶᬗᬲ᭄ᬣᬯᬲᬫᬶ᭞ᬤᬲ᭄ᬫᬳᬶᬦᬲᬵ
ᬫ᭄ᬧᬸᬦ᭄ᬧᬸᬧᬸᬢ᭄᭞ᬧ᭄ᬭᬪᬸᬦᬯᬸᬱᬫᬍᬘᬢ᭄᭞ᬫᬦ᭄ᬢᬸᬓ᭄ᬓᬲ᭄ᬯᬃᬕ᭄ᬕᬦ᭄ᬍᬯᬶᬄ᭞ᬯᬶᬥ᭄ᬬᬤᬭ᭞ᬲᬫᬶᬗᬬᬢ᭄‌ᬰ᭄ᬭᬶᬦᬭᬾᬦ᭄ᬤ᭄ᬭ᭟᭐᭟ᬲᬂᬭᬖᬸᬦᬸᬮᬶᬢᬶᬦᬶᬃᬣᬦ᭄᭞ᬲᬂᬤᬾᬯᬶᬅᬗ᭄ᬕᬭᬢ᭄ᬦᬶ᭟ᬫᬶᬯᬄ
ᬤᬾᬯᬶᬤᬺᬱ᭄ᬝᬵᬦᬮ᭞ᬲᬂᬥᬃᬫ᭄ᬫᬬᬸᬤ᭄ᬥᬫᬓᬤᬶ᭞ᬭᬳᬶᬦᬢᬢᬲ᭄ᬦᬾᬫᬗ᭄ᬓᬶᬦ᭄᭞ᬪᬝᬵᬭᬲᬶᬭᬳᬸᬫᬦ᭄ᬢᬸᬓ᭄᭞ᬫᬭᬶᬂᬰᬶᬯᬪᬯᬦ᭞ᬲᬂᬥᬃᬫ᭄ᬫᬬᬸᬤ᭄ᬥᬓᬯᬃᬡ᭄ᬦᬶ᭞ᬫᬩᬩᬯᭀᬲ᭄᭞ᬭᬶᬂ
ᬳᬶᬤᬲᬂᬭᬖᬸᬢ᭄ᬢᬫ᭟᭐᭟ᬳᬤᬶᬭᬖᬸᬩᭂᬮᬶᬚᬦᬶᬬ᭞ᬬᬫᬄᬳᬸᬢᬂᬢᭂᬓᬾᬦ᭄ᬳᬤᬶ᭞ᬳᬤᬶᬫᬸᬮᬶᬄᬓᬅᬬᭀᬥ᭄ᬬ᭞ᬤᬶᬢᬸᬳᬤᬶᬫᬗᬕᬸᬗᬶᬦ᭄᭞ᬦᬵᬗ᭄ᬳᬶᬂᬳᬤᬶᬫᬕᭂᬦ᭄ᬢᬶ᭞ᬧᭂ [ 41 ][ ᭔᭐ 40B]
᭔᭐᭞
ᬲᬾᬗᬦ᭄ᬳᬤᬶᬦᬾᬲᬫ᭄ᬧᬸᬦ᭄᭞ᬳᬤᬶᬫᬧᬭᬩ᭄ᬲᬂᬤᬰᬭᬣ᭞ᬩᭂᬮᬶᬫᬍᬃᬫᬗᭂᬦ᭄ᬢᭀᬲᬶᬦ᭄᭞ᬩᭂᬮᬶᬫᬤᬦ᭄᭞ᬲᬂᬧ᭄ᬭᬪᬸᬤᬰᬕᬸᬡ᭟᭐᭟ᬤᬺᬱ᭄ᬝᬚᬸᬢᬶᬫᬕᭂᬦ᭄ᬢᭀᬲ᭄ᬯᬱ᭄ᬝᬵ᭞ᬍᬗ᭄ᬓ
ᬦᬕᬭᬶᬓᬂᬲᬫᬶ᭞ᬭᬭᬶᬲ᭄ᬩ᭄ᬬᬓ᭄ᬢᬄᬭᬶᬂᬚᬩ᭞ᬯᬢᭂᬓ᭄ᬋᬱᬶᬫᬜᬓ᭄ᬱᬶᬦᬶᬦ᭄᭞ᬧ᭄ᬭᬪᬸᬩᬡ᭄ᬥᬬᬸᬢᬓᬳᬶᬭᬶᬂ᭞ᬫᬦ᭄ᬢᬸᬓ᭄ᬓᬅᬬᭀᬥ᭄ᬬᬲᬫ᭄ᬧᬸᬦ᭄᭞ᬲᬋᬗᬦ᭄ᬲᬂᬤᬰᬭᬣ᭞ᬲᬭ
ᬯᬸᬄᬳᬶᬤᬭᬶᬂᬧᬸᬭᬶ᭞ᬫᬓᬲᬸᬓᬦ᭄᭞ᬭᬭᬶᬲ᭄ᬫᬗ᭄ᬯᬗᬸᬦ᭄ᬧᬸᬗ᭄ᬕᬯᬵ᭟᭐᭟ᬕᭂᬫᬸᬄᬮᬦ᭄ᬤᬸᬄᬓᬂᬦᬕᬭ᭞ᬦᬾᬭᬶᬂᬅᬬᭀᬥ᭄ᬬᬦᬕᬭᬶ᭞ᬢᬦᬦᬯᭀᬂᬫᬫ᭄ᬩᭂᬓ᭄ᬳᬶᬃᬱ᭄ᬬ᭞ᬲᬫᬗᬶᬥᭂᬧᬓᭂ
ᬦ᭄ᬯᬶᬱ᭄ᬝᬶ᭞ᬲᬂᬥᬰᬭᬣᬓᬢᬗ᭄ᬓᬶᬮ᭄᭞ᬧᬸᬗ᭄ᬕᬯᬧᭂᬧᭂᬓ᭄ᬫᬮᬸᬗ᭄ᬕᬸᬄ᭞ᬫ᭄ᬯᬂᬲᬶᬭᬧᬢᬶᬄᬯᬺᬤ᭄ᬥ᭞ᬲᬫᬗᬋᬧᬓᭂᬦ᭄ᬮᬶᬗ᭄ᬕᬶᬄ᭞ᬳᬶᬓᬮᬶᬓ᭄ᬬ᭞ᬲᬫ᭄ᬧᬸᬦ᭄ᬤᬦᬾᬧᭀᬮᬶᬄᬳᭀᬃᬣ᭟᭐᭟ᬬ
[ ᭔᭑ 41A]
ᬦ᭄ᬲᬂᬭᬖᬸᬫᬤᭂᬕ᭄ᬦᬵᬣ᭞ᬢᬦᬲᬸᬯᬾᬭᬯᬸᬄᬕᭂᬮᬶᬲ᭄᭞ᬫᬲᬋᬗᬦ᭄ᬧ᭄ᬬᬦᬓ᭄ᬲᭀᬫᬄ᭞ᬜᬥ᭄ᬬᬧᭂᬥᭂᬓ᭄ᬭᬶᬂᬲᬗᬚᬶ᭞ᬲᬂᬦᬵᬣᬓᬧᭂᬡ᭄ᬥᬓ᭄ᬮᬶᬭᬶᬂ᭞ᬩᬧᬓᬮᬶᬓ᭄ᬬᬓᭀᬭᬯᬸᬄ᭞ᬤᬶ
ᬦᬶᬧᬳᭂᬓᬂᬦᭂᬕᬓ᭄᭞ᬫᬾᬫᬾᬓᬮᬶᬓᬶᬓᬧᬸᬭᬶ᭞ᬓᭂᬫᬗ᭄ᬮᬯᬸᬢ᭄᭞ᬧᬋᬓ᭄ᬢᭂᬓᬾᬦ᭄ᬧ᭄ᬭᬫᬶᬰ᭄ᬯᬭ᭄ᬬ᭟᭐᭟ᬫᬾᬦ᭄ᬓᬮᬶᬓᬶᬫᬢᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬤᬾᬯᬵᬚᬶ᭞ᬢᬸᬫᬸᬮᬶᬭᬭᬶ
ᬲ᭄ᬓᬧᬸᬭ᭞ᬲᬋᬂᬭᬶᬂᬳᬶᬤᬲᬂᬤᬾᬯᬶ᭞ᬤᬾᬯᬶᬅᬗ᭄ᬕᬭᬢ᭄ᬦᬶᬳᬗ᭄ᬮᬶᬂ᭞ᬫᬾᬦ᭄ᬓᬮᬶᬓᬶᬩᬳᬸᬭᬯᬸᬄ᭞ᬳᭂᬦᬾᬳᬶᬭᬫᬳᬂᬮᬗ᭄ᬲ᭄ᬯᬦ᭄᭞ᬢᭂᬓᬾᬦ᭄ᬫᬵᬲ᭄ᬧᬥᬢᬫ᭄ᬧᬶ᭞ᬢᬸᬢᬶᬂᬩᬳᬲ᭄
᭞ᬳᬩᬸᬯᬢᬦ᭄ᬧ᭄ᬭᬳᬸᬤᬕᬂ᭟᭐᭟ᬫᬾᬦ᭄ᬓᬮᬶᬓᬶᬫᬧᬫᬶᬢ᭄ᬩᬸᬤᬮ᭄᭞ᬭᬶᬂᬍᬗ᭄ᬓᬫᬗ᭄ᬓᬶᬦ᭄ᬓᬯᬃᬡ᭄ᬦᬶ᭞ᬲᬂᬧ᭄ᬭᬪᬸᬤᬰᬕᬸᬡ᭞ᬲᬫ᭄ᬧᬸᬦ᭄ᬳᬶᬤᬗᬫᬾᬢ᭄ᬭᬩᬶ᭞ᬳᭀᬓᬦ᭄ᬧ᭄ᬭᬪᬸᬓᬺᬢᬓᬾᬱᬶ᭞ [ 42 ][ ᭔᭑ 41B]
᭔᭑᭞
ᬤᬶᬦᬕᬭᬰᬺᬢᬩᬬᬸ᭞ᬦᬵᬫᬓᭀᬶᬸᬱᬶᬸᬤᬾᬯᬶᬓᬺᬢᬓᭀᬱ᭞ᬯᬃᬡ᭄ᬦᬦ᭄ᬳᬶᬤᬳᬬᬸᬍᬯᬶᬄ᭞ᬮᬫᬶᬮᬦ᭞ᬯᭂᬓᬲᬦ᭄ᬳᬶᬤᬫᬧᬸᬢ᭄ᬭ᭟᭐᭟ᬯᭂᬢᬸᬧᬸᬢ᭄ᬭᬦᬾᬢᬢᬶᬕ᭞ᬮᬦᬂᬧᬸᬢ᭄ᬭᬦᬾᬳ
ᬧᭂᬓᬶᬓ᭄᭞ᬫᬤᬦ᭄ᬭᬤᬾᬦᬵᬫᬮ᭄ᬬᬯᬦ᭄᭞ᬲᬸᬫᬮᬮᬦ᭄ᬲᬸᬫᬮᬶ᭞ᬲᬮᬸᬳᬸᬃᬧᬸᬢ᭄ᬭᬦᬾᬓᬶ᭞ᬢᬦ᭄ᬧᭂᬕᬢ᭄ᬳᬧᬤᬸᬦ᭄ᬰᬢ᭄ᬭᬸ᭞ᬯᬢᭂᬓ᭄ᬢᬧᬓᬭᬸᬲᬓᬂ᭞ᬭᬶᬂᬰ᭄ᬭᬫᬓᬭᬸᬩᬸᬳᬶᬦ᭄᭞ᬧᬭ
ᬯᬶᬓᬸ᭞ᬭᬭᬶᬲ᭄ᬫᬦ᭄ᬢᬸᬓ᭄ᬓᬲ᭄ᬯᬃᬕ᭄ᬕᬦ᭄᭟᭐᭟ᬇᬣᬶᬕᬕᬸᬭᬶᬢᬦ᭄ᬘᬡ᭄ᬥᬶᬓᬸᬲᬸᬫ᭟᭐᭟ᬤᬸᬓ᭄‌ᬧᬸᬧᬸᬢ᭄ᬳᬦᬸᬭᬢ᭄ᬩᬩᬦ᭄ᬧᬸᬦᬶᬓᬶ᭞ᬭᬶᬂᬭᬳᬶᬦ᭞ᬩᬸ᭞ᬧ᭄ᬯ᭞ᬯᬭᬯᬢᬸᬕᬸᬂᬦᬸᬂ᭞ᬧᬂ᭞ᬧᬶᬂ᭞᭑᭕
᭞ᬢᬶᬍᬫ᭄᭞ᬰᬰᬶᬄ᭞᭕᭞ᬭᬄ᭞᭒᭞ᬢᭂᬂ᭞᭘᭞ᬇᬰᬓᬯᬃᬱ᭞᭑᭘᭘᭒᭟ᬲᬦᬾᬦᬺᬯᬾᬦᬂ᭞ᬳᬶᬯᬬᬦ᭄ᬩᬥᬸᬂ᭞ᬳᬩᬂᬓ᭄ᬮᭀᬤ᭄᭟᭐᭟ᬧᬸᬧᬸᬢ᭄ᬲᬶᬦᬸᬭᬢ᭄ᬫᬦᭂᬥᬸᬦ᭄ᬭᬶᬂᬤᬶᬦ᭞
[ ᭔᭒ 42A]
ᬅ᭞ᬓ᭞ᬯᬭᬢᬫ᭄ᬩᬶᬃ᭞ᬢᬶᬢᬶ᭞ᬢᬂ᭞ᬢᬶᬂ᭞᭒᭞ᬰᬰᬶᬄᬚ᭄ᬬᭀᬱ᭄ᬝᬵ᭞ᬭᬄ᭞᭓᭞ᬢᭂᬂ᭞᭒᭞ᬇᬰᬓᬵᬯᬃᬱ᭞᭑᭙᭒᭓᭟ᬢᬗ᭄ᬕᬮ᭄ᬫᬰᬾᬳᬶ᭞᭒᭔᭞ᬅᬧ᭄ᬭᬶᬮ᭄᭞᭒᭐᭐᭑᭟ᬲᬶᬦᬸᬭᬢ᭄ᬤᬾᬲᬗᬧᬦ᭄ᬮᬄ
ᬳᬶᬓ᭄ᬢᬸᬢ᭄ᬲᭂᬗᭀᬤ᭄᭞ᬲᬓᬶᬂᬤᬾᬰᬧᬶᬤ᭄ᬧᬶᬤ᭄ᬓᬮᬾᬃᬤᬯᬸᬄᬫᬃᬕ᭄ᬕᬶ᭞ᬓᬘᬫᬢᬦ᭄ᬳᬩᬂ᭞ᬓᬭᬗᬲᭂᬫ᭄᭞ᬗ᭄ᬳᬶᬂᬓ᭄ᬱᬫᬓ᭄ᬦᬯᬶᬭᬹᬧᬦᬶᬂᬅᬓ᭄ᬱᬭ᭞ᬢᬸᬦᬍᬯᬶᬄ᭟᭐᭟ [ 43 ]Page:Bali-lontar-gaguritan-candi-kusuma-a-300ppi.pdf/43