åmaye

Walon (Rifondou)

Etimolodjeye

Tayon-bodje latén « animalia » (biesse, eployî a môde do walon "«djonne biesse»), çou ki dene on mot avou l’ cawete « -aye ».

Prononçaedje

• AFE :
  • diferins prononçaedjes : /ɔː.ˈmaj/ /oː.ˈmaj/ /oː.ˈmaːj/ (betchfessî å)
  • prononçaedje zero-cnoxheu : /ɔː.ˈmaj/
• Ricepeures : nén rcepåve

Sustantif

singulî	pluriyal
åmaye	åmayes

åmaye femrin

1. (mot des cinsîs) vea frumele k' a dipus d' èn an, et k' i n' a nén co velé.
   • Il ont metou on ptit torea avou les åmayes. rl a: djinixhe.
   • I fåt-st aler tchaeke djoû, tchåssî d' pezants shabots,
     Woeyî so ene trope d' åmayes å mitan des brouwires ; Aveur les tchifes et l' front hålés des cwate solos,
     Et télfeye, doirmi ene nute å cour des sapinires. — Marcel Launay (fråze rifondowe).
2. (pa stindaedje do sinse) vea frumele di tot l' minme kéne ådje.
   • Les omes avént saetchî l' vea; li cinsresse a vnu vey si c' esteut on vea u ene åmaye.
3. vatche ki vént djusse d' awè si prumî vea.
   • Et tot ndalant cist åmatén,
     I s’ veyeut ene douce pea d’ satin,
     Ossu blanc k’ on laecea d’ åmaye. — Joseph Vrindts, ”Vîx Lîge” (1901), p.78, “Li p’tit Pît’lé” (fråze rifondowe).
   • La des bounès åmayes ki les veas tetèt — Jean-Jacques Gaziaux, L’élevage des bovidés à Jauchelette (fråze rifondowe).

• 
  åmayes Bleu Blanc Walon

Ratourneures

1. åmaye a rapleni åmaye k' a l' ådje eyet l' pwès po poleur aler a gayet, avou les sôres di biesses d' après 1970, sovint 18 moes et 350 kg.
2. åmaye plinne åmaye k' a stî prinjhe på torea.

Parintaedje

• åmayreyes
• åmea, åmrale

Sinonimeye

• (tos les sinses) djinixhe
• (ene ki vént djusse di veler s' prumî vea) prumioûle

Ratournaedjes

vatche a divni

• Almand : Färse ^(de)
• Inglès : heifer ^(en)
• Espagnol : becerra ^(es)
• Francès : génisse ^(fr)
• Neyerlandès : vaars ^(nl)

vatche ki vént djusse di veler s' prumî vea

• Francès : (génisse) primipare ^(fr)