Neil Armstrong
 
| |
|---|---|
| Moted: | Neil Alden Armstrong 5 gustul 1930 Wapakoneta |
| Deadam: | 25 gustul 2012 Cincinnati |
| Deadamakod: | surgical complications[*] |
| Cal(s): | United States Naval Aviator[*], test pilot[*], hiprofäsoran[*], sinafan[*], military flight engineer[*] |
| Tatät(s): | Lamerikän |
| Matan(s): | Janet Shearon[*], Carol Held Knight[*] |
| Cil(s): | Rick Armstrong[*] |
| Pal(s): | Stephen Koenig Armstrong[*], Viola Louise Engel[*] |
| Dispenäd: | |
| |
Hiel Neil Alden Armstrong (1930 gustul 5 in Wapakoneta – 2012 gustul 25 in Cincinnati) äbinom läxlesilanafan, blufastirädan, niveraprofäsoran ä nafemastiradän Lamerkänik. Äbinom pösod balid, kel ägolom su Mun. Äflitom balidnaedo in lespad me levalanaf: Gemini 8 ün 1966, pö kel äbinom stirädan-lebüdan ed äjenükom, kobü stirädan: David Scott, yümami balid nafas tel in lespad. Flit telid (ä lätik) oma äbinon el Apollo 11, pö kel äbinom lebüdan, e kela zeil äbinon säboidam su Mun (päjenüköl tü 1969 yulul 20). Pö „bun gianagretik menefe“ famik oma, el Armstrong, kobo ko hiel Buzz Aldrin, änexanoms sui sürfat munik („The Eagle has landed“ = kvil ejolon, o. b. levalanaf stanon anu su mun) ed ävestigoms oni dü düps 2,5, du hiel Michael Collins äbleibom zünafön löpo.
El Armstrong binom gredatükäb nivera: Purdue. Büä ävedom lesilanafan, äbinom stirädan nafama Lamerikänik ed äkompenom pö Krig di Tsyiosenän. Pos krig at, ädünädom as blufastirädan Sperimäntöpa Flita Löpaspidik ela NACA: National Advisory Committee for Aeronautics (Netakonsälalef tefü Flitav), atimo sevädik as Flitavestigöp di Dryden, kö äjenükom flitis plu 900 me flitöms valasotik. As vestigastirädan, el Armstrong äkompenom pö proyegs: F-100 Super Sabre A e C, F-101 Voodoo e F-104A Starfighter ela Lockheed. Äflitom i me els Bell-X-1B, Bell X-, North American X-15, F-105 Thunderchief, F-106 Delta Dart, B-47 Stratojet, KC-135 Stratotanker e Paresev.
