Haapavezi

Haapavezi
Haapavesi (suom. i roč.)
	Lidnanznam;
Valdkund	Suomenma
Eläjiden lugu (2024)	6,494 ristitud
Pind	1,086,53 km²
Pämez'	Esa Jussila; (20—)
Telefonkod	+358-
Aigvö	tal'vel UTC+2,; kezal UTC+3

Lidnankundan sijaduz agjas i valdkundas (2020)

Haapavezi (suom. i roč.: Haapavesi) om Suomenman lidn valdkundan keskuzpalan päivlaskmas, Pohjoižpohjanma-agjas. Se om agjan kümnenz' lidn 11:späi eläjiden lugun mödhe.

Istorii

Municipalitetan aluz om pandud vl 1866. Kätihe lidnaks (suom.: kaupunki) vl 1996.

Haapavezi šingotase maižanduztehnikan «Agronic Oy»-edheotandal (vspäi 1993), maidtegimel («Valio») i lämuzelektrostancijal turbhanke poltuseks («Kanteleen Voima Oy»). «Teknologiankyla Oy»-kompanii abutab biznesale, se om sätud vl 1989, konsul'tiruib i andab juridižid holitišid. Folk- i etnomuzikan jogavozne koumepäiväine festival' oleskeleb kezakun lopus vspäi 1989.

Geografijan andmused

Lidnankund sijadase agjan suvipäivlaskmas, Haapajärven (suom.: Haapajärvi) pohjoižel randal. Pühäjogi läbitab järved (suom. Pyhäjoki 166 km pitte, lankteb Baltijan merhe).

Matkad agjan Oulu-keskushesai om 98 km pohjoižhe orhal vai 123 km avtotel, Hel'sinki-pälidnhasai om 442 km suvhe orhal vai 513 km avtotedme. Lähembaižed lidnad (avtoteidme) oma Haapajärvi 50 km suvhe, Nival 37 km suvipäivlaskmha, Üliviesk 40 km päivlaskmha, Oulainen 35 km päivlaskmha-lodeheze.

Vn 2022 andmusiden mödhe lidnankundan ühthine pind om 1086,53 km², sidä kesken kuivma — 1059,59 km², vezi da sokaz tahond ottas 35,94 nellikkilometrad.

Tobmuz

Haapavezin municipaline suim kogoneb 27 ezitajaspäi.

Edeline lidnan pämez' om Antti-Jussi Vahteala (2014—).

Eläjad

Vl 1980 nügüdläižen lidnankundan territorijan eläjiden lugu oli 7 351 ristitud, vl 2000 — 7 983 ristitud, vl 2010 — 7 418 ristitud, vl 2020 — 6 760 ristitud. Kaikiš suremb kundan ristitišt oli 8 349 eläjad vl 1995. Koume ristitud videspäi elädas lidnankundan keskuses.

Mamankelen mödhe (2016): suomen kel' — 98,3 %, toižed keled — 1,7 %.

Profškol radab lidnas i opendab bazižid radnikoid, mugažo Rahvahaline üläškol om olmas.