கல்செடி (பேரினம்)
| கல்செடி | |
|---|---|
| |
| Lithops sp. by Marloth | |
| உயிரியல் வகைப்பாடு | |
| திணை: | |
| உயிரிக்கிளை: | பூக்கும் தாவரம்
|
| உயிரிக்கிளை: | மெய்இருவித்திலி
|
| வரிசை: | |
| குடும்பம்: | |
| துணைக்குடும்பம்: | |
| இனக்குழு: | |
| பேரினம்: | Lithops |
| Species | |
|
See text | |
கல்செடி (பேரினம்) (தாவர வகைப்பாட்டியல்: Lithops[2]) என்பது ஐசோஏசியே எனும் சதைப்பற்றுத் தாவரப் பேரினத்தில் உள்ள பனித்தாவரக் குடும்பத்தைச் சார்ந்த பேரினமாகும். இப்பேரினத்தில் முப்பத்தியெட்டு[3] ஏற்றுக் கொள்ளப்பட்ட இனங்கள் உள்ளன. இவை தென் ஆப்பிரிக்காவைத் தாயகமாகக் கொண்டவை. இவை கூழாங்கல் தாவரம் அல்லது உயிர்க்கல் எனப்படுவதும் உண்டு.
வரலாறு
[தொகு]கற்செடியின் முதல் அறிவியல் விளக்கம் தென்னாப்பிரிக்காவின் ஆய்வாளர் மற்றும் தாவரவியலாளரும் கலைஞருமான வில்லியம் ஜான் புர்செல் என்பவரால் செய்யப்பட்டது. 1811 ஆம் கற்செடி இனம் உருவாக்கப்பட்டு அவற்றின் கீழ் இவை வகைப்படுத்தப்பட்டதன் விளைவாக அடுத்தடுத்த பத்தாண்டுகளில் டஜன் கணக்கான இனங்கள் வெளியிடப்பட்டன. ப்ரெளன் (Brown), கஸ்தோவ் ஸ்வாண்டெஸ் (Gustav Schwantes), குர்ட் டிண்டர் (Kurt Dinter), கெர்ட் நேல் (Gert Nel) மற்றும் லெளஸியா போலஸ் (Louisa Bolus) ஆகியோர் தென்னாப்பிரிக்கா முழுவதிலும் இருந்த லிகற்செடிகளை தொடர்ந்து ஆவணப்படுத்தினர், ஆனால் அவற்றுக்கிடையேயான உறவுகள் அல்லது எந்த வகையான கற்செடிகளை ஒரே இனங்களாக தொகுக்க வேண்டும் என்பதில் ஒருமித்த கருத்து இல்லை. 1950 வரையிலும், இந்த இனமானது வகைபிரித்தல் ரீதியாக நன்கு புரிந்து கொள்ளப்படவில்லை.
1950 களில், டெஸ்மண்ட் மற்றும் நவ்ரீன் கோல் கற்செடிகளைப் பற்றி படிக்கத் தொடங்கினர். இருவரும் சேர்ந்து, வெவ்வேறு கற்செடிகளை கிட்டத்தட்ட அனைத்து இயற்கை வாழ்விடங்களையும் பார்வையிட்டனர் மற்றும் தோராயமாக 400 இலிருந்து மாதிரிகளைச் சேகரித்தனர். அவர்கள் அவற்றை ஆவணப்படுத்தி அடையாளம் கண்டு, ஒரு எண்ணை வழங்குகினர், இது இப்போது உலகம் முழுவதும் இன்றும் பயன்படுத்தப்படும் 'கோல்' (Cole) எண் என்று அழைக்கப்படுகிறது. அவர்கள் 1988 ஆம் ஆண்டில் இனங்கள், கிளையினங்கள் மற்றும் வகைகளை விவரிக்கும் ஒரு உறுதியான புத்தகத்தை [(Lithops:Flowering Stones) (கற்செடி - பூக்கும் கற்கள்)] வெளியிட்டு, இனத்தை ஆய்வு செய்துத் திருத்தினார்கள்.
வாழிடம்
[தொகு]இச்செடி தண்டு கிடையாது. இவைகள் தென் ஆப்பிரிக்காவின் பாலைவனப் பகுதியில் வளர்கின்றன. மணல்மீது சிறிய சிறிய கற்கள் கிடப்பதுபோல் காட்சியளிக்கின்றன.[1]
வளரியல்பு
[தொகு]இச்செடி பார்ப்பதற்கு மிக ஆச்சரியமாக இருக்கும். இலைகள் கல் போன்று இருக்கும். இரண்டு பிரிவு உடையது. உடைபட்ட இரண்டு கல்போல் காட்சியளிக்கும். இலைகள் சதைப்பற்று உடையது. சாம்பல் நிறத்தில் இருக்கும். இலைகளின் இடையே பூ வளர்கிறது.
இனப்பெருக்கம்
[தொகு]கற்செடிகளின் இனப்பெருக்கம் விதை அல்லது வெட்டல் மூலம் செய்யப்படுகிறது. ஒரு தாவரம் இயற்கையாகப் பிரிக்கப்பட்டு பல தளிர்களை உருவாக்கிய பிறகு மட்டுமே புதிய தாவரங்களை உற்பத்தி செய்ய வெட்டுதல் பயன்படுத்தப்படும், எனவே பெரும்பாலான இனப்பெருக்கம் விதை மூலம் செய்யப்படுகிறது. ஒரு இனத்தின் இரண்டு தனித்தனி குளோன்கள் ஒரே நேரத்தில் மலர்ந்தால், கற்செடிகள்கள் கையால் எளிதில் மகரந்தச் சேர்க்கை செய்யப்படும், மேலும் விதை சுமார் 9 மாதங்களுக்குப் பிறகு முழு வளர்ச்சியடைந்து பழுத்திருக்கும். விதை முளைப்புத்திறன் அதிகம், ஆனால் இதன் நாற்றுகள் சிறியதாகக் காணப்படும். முதலிரண்டு வருடங்கள் நாற்றுகள் எளிதில் பாதிக்கப்படக்கூடியதாக இருக்கும், மேலும் குறைந்தது இரண்டு அல்லது மூன்று ஆண்டுகள் வரை கற்செடிகள் பூக்காது.
காட்சியகம்
[தொகு]-
கல்செடிஇனம். சில இன மலர்கள் இலைகளையே மறைத்துவிடுகின்றன. காலையில் மலர்ந்து மாலையில் மூடிக் கொள்கின்றன.
-
கல்செடியின் சிலை, அயர்லாந்து தேசியத் தாவரவியல் தோட்டம்
மேற்கோள்கள்
[தொகு]- ↑ "Genus: Lithops N. E. Br". Germplasm Resources Information Network. United States Department of Agriculture. 2009-06-09. Archived from the original on 2012-10-11. பார்க்கப்பட்ட நாள் 2011-04-09.
- ↑ "Lithops". தாவரவியல் பூங்கா, கியூ, ஆத்திரேலிய தாவரவியல் பூங்கா, ஆர்டுவார்டு பல்கலையின் உலர்தாவரகம். IPNI.
"Lithops". தாவரக் குடும்பங்களின் தேர்ந்த உலக சரிபார்ப்புப் பட்டி, WCSP. POWO. - ↑ https://powo.science.kew.org/taxon/urn:lsid:ipni.org:names:16237-1#children
நூல்தொகை
[தொகு]- Jainta, Harald (2017). Wild Lithops. Klaus Hess Verlag. பன்னாட்டுத் தரப்புத்தக எண் 978-3-933117-93-9.
- Cole, Desmond T (1988). Lithops—Flowering Stones. Acorn Books. பன்னாட்டுத் தரப்புத்தக எண் 0-620-09678-0.
- Cole, Desmond; Cole, Naureen (2005). Lithops—Flowering Stones. Cactus & Co. பன்னாட்டுத் தரப்புத்தக எண் 88-900511-7-5.
- Hammer, Steven (1999). Lithops: Treasures of the Veld. BCCS. பன்னாட்டுத் தரப்புத்தக எண் 0-902099-64-7.
- Schwantes, Gustav (1957). Flowering Stones and Mid-day Flowers. London: Ernst Benn.
- சிறிதும் - பெரியதும். அறிவியல் வெளியீடு.
வெளி இணைப்புகள்
[தொகு]
- A guide to the cultivation of Lithops
- Scrapbooklithops (General info & habitat photographs)