Kropemann

Dësen Artikel beschäftegt sech mat der Legend vum Kropemann. Fir de Film vun 2016, kuckt wgl. Kropemann (Film).

Kropemann-Sprangbuer virun der Réidener Gemeng, e Wierk vum belsche Sculpteur Jef Claerhout

De Kropemann, e Waassergeescht vun der Atert, ass d'Symbolfigur vun der Gemeng Réiden op der Atert.

De lëtzebuergesche Kropemann

D'Figur vum Kropemann gouf benotzt, fir de Kanner Angscht viru potentielle Geforen, wéi net protegéiert Weieren, Waasserleef oder Pëtzer der kënne sinn, ze maachen, a se sou dovun ewech ze halen.

An dës Kategorie fält z. B. dem Willy Goergen säi Gedicht "De Kropemann" (Text an déi haiteg Orthographie iwwerdroen):

Am Pëtz do sëtzt de Kropemann.

Wat mécht hien an deem Waasser dran?

E lauert mat der Kropestaang

Bis datt en d'Këndche - jupps - gefaang'.

Wat wëll e mat deem Këndchen man?

E späert et a säi Keller an,

Do ass et däischter, kal an naass.

D'léift Këndche géng 'rëm gär op d'Gaass,

Mee 't kann och jäize, jéim're, klo'n:

t'dëerf nët méi bei séng Mamma go'n.

Duerfir méng hierzeg Zockergrëtz,

bleif schéin ewech vum déiwe Pëtz.

A kuck dach nëmmen nët méi dran,

Soss kënnt deen uerge Kropemann.

E kroopt dech an d'Zéif -

Komm huerteg, méng Spréif!

Soss

"Kropemann" ass ee vun deene sëllege Pseudonymer, mat deenen d'Auteure vun der satirescher Wochenzeitung Den Neie Feierkrop hir Artikelen ënnerschreiwen. 2016 koum e Film vum Patrick Ernzer mam Titel Kropemann an de Kino. Kropemann-Info ass e Périodique vun der Gemeng Réiden op der Atert.

Um Spaweck

• kropemann.lu E Lëtzebuerger Film ronderëm de Kropemann.