Theodorus Paleologu

Theodor Paleologu anno 2013

Theodorus (Dacoromanice Theodor) Paleologu (natus die 15 Iulii 1973 Bucarestae) progymnasmaticus, legatus atque vir publicus Dacoromanicus est.

Familia

E gente nobili natus est. Inter maiores eius forsitan Constantinus XI Palaeologus ultimus imperator Imperii Romani Orientalis erat. Pater eius Alexander Paleologu legatus atque vir publicus Dacoromanicus fuit. Ipse Theodorus uxorem duxit cantricem operae atque filium habet, sed postea divortium fecit um uxore.

Munus

Paleologu Bucarestae Scholam Germanicam frequentabat. Annis 1992 - 1998 Lutetiae philosophiae studebat, annis 1996 - 2001 apud Scholam Normalem Superiorem atque deinde rebus politicis apud Scholam studiorum superiorum sociologiae in eodem urbe. Praeterea etiam Monaci studebat. Tum apud Collegium Fontium Altarum, Universitatem Dominae Nostrae a Lacu atque Universitatem Harvardianam necnon Universitatem Hafniensem legit. Anno 2004 librum de philosopho Germanico Carolo Schmitt composuit. Inter annos 2005 et 2008 legatus Romaniae in Dania atque Islandia fuit.

Cursus honorum

Anno 2008, tum sodalis factionis PDL, primo legatus ad Cameram Legatorum Romaniae electus est atque ad hunc diem manet. A die 22 Decembris 2008 ad usque 23 Decembris 2009 minister culturae in consilio ministrorum Aemilii Boc erat. Anno 2014 cum aliis ad novam factionem PMP transiit.

Nexus externi

• Curriculum vitae in pagina Camerae Legatorum Romaniae
• Biographia apud ziare.ro

Notae

Ministri principales rectionum Aemilii Boc 2008–2012

Ministri culturae Romanici (ab anno 1989)