Jump to content

Mare Tschukotense

Latinitas nondum censa
E Vicipaedia
Mare Tschukotense (Tschuktschorum), colore caeruleo in tabula pictum

Mare Tschukotense[1] (Russice Чукотское море, tr. Čukotskoe more) seu Mare Tschuktschorum (Anglice Chukchi Sea) est mare Oceani Arctici (Glacialis Septentrionalis). Area maris est 589 600 km², profunditas mediocris 71 m, maxima 1256 m est.

Fratercula cirrhata in mari Tschukotensi

Situs

[recensere | fontem recensere]

Inter insulam Wrangelii, quae a mari Sibirico Orientali id separat, Tschucotiam et Alascam situm est. Ad litora Alascae cum mari Beaufort coniungitur; inter Alascam et Tschucotiam fretum Beringianum mare Tschukotense cum mari Beringiano coniungit; freto Longii mare Tschukotense cum mari Sibirico Orientali coniunctum est.

Odobeni rosmari prope insulam Koliuczin in mari Tschukotensi

Res geographicae

[recensere | fontem recensere]

In litore Tschukotiae mare lacunas multas habet, quorum maximus sinus Koliuczinensis est, ad quod et Koliuczin[2] insula sita est.

Litus Alascae sinum Kotzebuensem[3] maximum incidit. In sinu insula Chamissonis[4] (nomine Adelberti de Chamisso nuncupata) sita est.

Krusensternii promunturium

Notae

[recensere | fontem recensere]
  1. ↑ "De algis glacierum Maris Tschukotensis Martio-Aprili A. 1998 inventis" (in: Meri (Series), vol. 51-55, p. 38); vel Czukotense, Norae Zabinkovae et Moysis Kirpicznikov Nomina physico-geographica principalia URSS s.v. Чукотское море.
  2. ↑ Norae Zabinkovae et Moysis Kirpicznikov Nomina physico-geographica principalia URSS s.v. Колючин.
  3. ↑ F.I. Ruprecht Distributio cryptogamarum vascularium in Imperio Russico, Petropoli 1844, p, 28. Vel sinus Kotzebuei, — Catalogus plantarum ... quas collegit ... Carolus Koch Jenensis, in: Linnaea: ein Journal für die Botanik in ihrem ganzen Umfange, vol. 15, Salinis Saxonicis 1841, pp. 633, 686; cf. binomina Parnassia kotzebuei, Pterostichus kotzebuei.
  4. ↑ Adelberti de Chamissonis et Diederici de Schlechtendal(de) Insulae et littora Arctica cis et trans fretum Beringianum, in: Linnaea, 1826, 1, p. 5.

Nexus externi

[recensere | fontem recensere]
Situs geographici et historici: Locus: 69°30′36″N 171°17′24″W • OpenStreetMap • GeoNames • Thesaurus Getty • Store norske Lexikon
Vicimedia Communia plura habent quae ad mare Tschukotense spectant.


Receptum de "https://la.wikipedia.org/w/index.php?title=Mare_Tschukotense&oldid=3737799"