Magnus Oriens

Magnus Oriens,^[1] vulgo Grand Est (sed a principio Alsace-Champagne-Ardenne-Lorraine), est nova regio administrativa sive provincia Franciae die 1 Ianuarii 2016 constituta, quae priores regiones comprehendit Alsatiam, Lotharingiam, Campaniam, Ardennuamque.

Incolarum regionis maior pars per referendum interretiale nomen Grand Est sibi adoptavit. Caput regionis est urbs Argentoratum.

Magnus Oriens cum provinciis antiquioribus (colore distinctis) praefecturisque hodiernis Campania Lotharingia Alsatia Barrensis Tres Episcopatus Sarverdensis Salmensis Burgundia Leodiensis Luxemburgum Aliae

Huic regioni sunt praefecturae decem:

At die 1 Ianuarii 2021 Rhenus Inferior et Rhenus Superior in unum merguntur et Communitas Europaea Alsatiae fiunt.

De comitiis et praesidibus

Mense Decembri 2015 Florianus Philippot, sodalis Aciei Nationalis, candidatus ad praesidium in comitiis primariis huius provinciae futurae, primus accessit, sed comitiis alteris secundus, victore Philippo Richert. Qui praeses factus munus anno 2017 abdicavit et Ioannes Rottner ei successit.

Comitiis mense Iunio 2021 habitis Ioannes Rottner, ex maiore urbis Mulhusiae et sodalis factionis LR (Les Républicains), praeses regionis confirmatur. Paucissimi cives tamen ad suffragium in urnam mittendum venerunt (circiter 30 per centenos) e quibus circiter 40 per centenos sodalitatem a Iohanne Rottner ductam elegerunt. Secundum locum tenuit Laurentius Jacobelli e Congregatione Nationali (Rassemblement National) quod recentius nomen Aciei Nationalis erat (27 per centenos)^[2]. Mense decembri anno 2022 I. Rottner munus abdicavit fortasse quia Alsaticorum cupido ex illa magna regione exeundi eum in angustias politicas coegerat^[3]. Nam Communitatis Europeae Alsatiae praeses, Fridericus Bierry, eodem anno Alsaticos de exitu e Magno Oriente consuluerat et 92 per centena e 142 200 suffragiis pro exitu steterant^[4]. Die 13 ianuarii 2023 Franck Leroy, urbis Sparnaci maior, in Iohannis Rottner vicem praeses Magni Orientis eligitur^[5].

Notae

↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
↑ Eventus comitiorum anno 2021 habitorum.
↑ Les Echos, 20 decembris 2022.
↑ Rue89Strasbourg, 21 februarii 2022. France 3, 28 iunii 2021.
↑ France 3, 13 ianuarii 2023.

Nexus externi

Regiones Franciae

Regiones Franciae hexagonalis 1986–2015	Alsatia • Aquitania • Arvernia • Britannia Minor • Burgundia • Campania et Arduenna • Centrum • Insula Franciae • Lemovicensis • Liber Comitatus • Lotharingia • Meridianum et Pyrenaei • Normannia Inferior • Normannia Superior • Linguadocia et Ruscino • Pagi Ligeris • Picardia • Pictaviensis et Carantoni • Provincia Alpes Litus Lazuli • Rhodanus et Alpes • Septentrio et Fretum
Regiones Franciae hexagonalis ab anno 2016	Alta Franciae • Nova Aquitania • Arvernia Rhodanus Alpes • Britannia Minor • Burgundia et Liber Comitatus • Centrum et Vallis Ligeris • Insula Franciae • Magnus Oriens • Normannia • Occitania • Pagi Ligeris • Provincia Alpes Litus Lazuli
Regiones transmarinae	Corsica • Guadalupia • Guiana • Martinica • Mayotte • Reunio

Opus geopoliticum • Tabula administrativa Franciae

Capsae cognatae: Praefecturae Franciae • Provinciae Franciae antiquiores

[1] Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.

[2] Eventus comitiorum anno 2021 habitorum.

[3] Les Echos, 20 decembris 2022.

[4] Rue89Strasbourg, 21 februarii 2022. France 3, 28 iunii 2021.

[5] France 3, 13 ianuarii 2023.

[1]

[2]

[3]

[4]

[5]