Manycz Orientalis
| Longitudo | 141 chm |
|---|---|
| Area systematis | 12 500 chm² |
| Fons | Kalai fluminis bifurcatio |
| Ostium | Lacus Sostini |
| Regio | territorium Stauropolitanum, Calmuccia |
Manycz Orientalis[1] (Russice Восточный Маныч) est flumen Russiae meridianae, quod, in territorio Stauropolitano oriens, per confinium eius et Calmucciae et per Calmucciam fluit.
In depressione Kumo-Manyczensi vallis fluvii sita est, et pars est reliquiarum freti magni antiqui, quod paludem Maeotidem et mare Caspium coniungebat; interdum et pars confinii Europae et Asiae habetur. Antea intium fluminis est Kalai fluminis bifurcatio, qui saepe fluxus mutabat et alios annos in Manycz Occidentalem aquam ferebat, alios in Orientalem, alios in ambos; sed anno 1967 Kalaus aggere a Manycz Orientali separatus est, et omnis aqua eius in Manycz Occidentalem fluit. Longitudo Manycz Orientalis 141 chm est. Anno 1969, receptaculum aquae Čograicum in fluminibus Manycz Orientali et Čograi constructum est, quod fluxum superiorem fluminis nunc operit; etiam canalis in Kumam ductus aquam receptaculi superfluam abicere potest. In fluxu inferiore Manycz Orientalis ad mare Caspium tendit, sed nunquam ad id pervenit, sed in lacubus Sostinis perditur.
Notae
[recensere | fontem recensere]Nexus externi
[recensere | fontem recensere]
|
Situs geographici et historici: Locus: 45°42′27″N 44°6′12″E, 45°19′24″N 45°44′33″E, 45°19′6″N 45°43′44″E • GeoNames |
- Manycz Orientalis in Registro nationali aquarum (Russice)