Gubernium Moscuense
Gubernium Moscuense
Civitas: Imperium Russicum, Res publica Russica, Unio Sovietica, Russica Sovietica Foederativa Socialistica Res Publica
Locus: 55°45′6″N 37°37′4″E
Nomen officiale: Московская губерния, Moskva quberniyası
Fines
Forma
Vita
Gubernium Moscuense[1] vel Mosquense[2] (Russice Московская губерния, tr. Moskovskaja gubernija) erat pars administrativa Russiae (Regni Russici, Imperii Russici, Rei Publicae Russicae et Russicae Sovieticae Foederativae Socialisticae Rei Publicae), in media parte Russiae Europaeae sita, metropolim habens Moscuam. Anno 1708 decreto Petri I inter prima gubernia Russica creata, usque ad annum 1929 exsistebat.
Anno 1719, cum Petrus I divisionem guberniorum Russicorum in provincias introduxit, gubernium Moscuense divisum est in provincias novem, anno 1727 enim duas provincias e gubernio Petropolitano obtinuit, postquam provinciae Moscuensis, Pereslaviae Transsilvanae, Uglicensis, Iaroslaviensis, Kostromensis, Susdaliensis, Iuriewio-Polscensis (Georgiae Campestris), Wladimiriensis, Pereslaviae Riasanensis, Tulensis, et Kalugensis[3] in gubernio includebantur usque ad annum 1775, postquam divisio guberniorum in provincias abolita est a Catharina II.
Postquam anno 1796 nonnulla gubernia nova decreto Pauli I formata sunt, gubernium Moscuense cum guberniis Tueriensi (ad septentrionem et septentrio-occidentem), Volodimiriensi (ad septentrio-orientem et orientem), Resaniensi (ad meridie-orientem), Tulensi et Calugensi (ad meridiem) atque Smolenscensi (ad occidentem) adiacentibus. Area gubernii fuit 128 600 km² anno 1708, 32 436 km² anno 1847, 33 271 km² anno 1905, 44 569 km² anno 1926. Numerus incolarum anno 1897 2 430 581 hominum fuit.
Columna, Cuneum, Demetriopolis, Mosaiscum, Podolium, Ruza, Sergiopolis, Serpuchovia, Theotocopolis, Verea, Volokia, Zvenigorodia capita circulorum gubernii Moscuensis fuerunt.
Notae
[recensere | fontem recensere]- ↑ Atlas Russicus (Petropoli, 1745), p. 4; Charitonis Čebotarëv Географическое методическое описание Российской империи (Moscuae, 1776), p. 123.
- ↑ Ernesti Rudolphi a Trautvetter Florae Rossicae fontes (Petropoli, 1880), p. 175.
- ↑ Consecutio et nomina provinicarum gubernii Moscuensis dantur secundum Charitonis Čebotarëv Географическое методическое описание Российской империи (Moscuae, 1776), pp. 130-166.
Nexus interni
[recensere | fontem recensere]Nexus externi
[recensere | fontem recensere]
|
Vicimedia Communia plura habent quae ad Gubernium Moscuense spectant. |
|
Situs geographici et historici: Locus: 55°45′6″N 37°37′4″E • Большая российская энциклопедия |