Kentucky

Kentucky esas Usana stato. Lu havas kom vicini Westal Virginia este, Virginia sud-este, Tennessee sude, Missouri ed Illinois weste, ed Indiana ed Ohio norde.

Commonwealth of Kentucky Stato di Usa Chefurbo Frankfort Maxim granda urbo Louisville Oficala linguo Angla Surfaco 104 749 km² Habitanti Denseso di habitantaro 4 468 402 (2018) 42,5 hab./km² Guberniestro Andy Beshear (D) Transformo en stato: 1ma di junio 1792 Posto-kodexo abreviuro KY Reto www.kentucky.gov

Bazala fakti pri Kentucky.

Historio

L'epoko di arivo dil unesma habitanti di Kentucky esas nekonocata. Segun restaji trovita en altra ergioni, homi posible ja habitis la regiono cirkume 10.000 yari aK. Tamen, ne trovesis arkeologiala restaji exakte en la regiono por konfirmar to. L'unesma habitanti esis indijeni, nome l'etnii Cherokee e Shawnee.

L'unesma blanka koloniigisti arivis en la regiono dum la 18ma yarcento.

Kentucky divenis Usana stato ye la 1ma di junio 1792.

Geografio

Mapo pri Kentucky kun lua precipua chosei.

Rivero Ohio formacas la norda frontiero di Kentucky, kontre ke fluvio Mississippi formacas lua westa frontiero. Tamen, la bazo di l'oficala frontiero esas la flui de la du fluvii quale existis en 1792. Exemple, veheri qui uzas la choseo U.S. 41 de Henderson, pos trairar rivero Ohio esos en Kentucky dum cirkume 3,2 kilometri (2 milii). En 1811, eventis forta ter-tremo qua modifikis la fluo dil fluvio Mississippi, naturala frontiero inter Kentucky e la stato Missouri.

La dominacanta klimato dil Kentucky esas humida subtropikala (Cfa, segun la klimatala klasifikuro da Köppen-Geiger), kun mezavalora temperaturi di 30,9°C dum la somero, e -4,9°C dum la vintro.

Ekonomio

La precipua ekonomial agadi dil stato esas la sektori di agrokultivo, manufakturo di automobili, produkto di fuelo, e hospitali. Dum la komenco di la koloniigo, la regiono ganis notoreso pro lua ecelanta kondicioni por agrokultivo, nome la kultivo di vitobero por produktar vino.

En 2010, cirkume 24% del elektro konsumata en Usa dependis sive del uranio richigata en la refinerio Paducah, sive del karbono extraktata de du jaceyi jacanta en la stato.

Demografio

Precipua artiklo: Listo di urbi en Kentucky