Robert Musil

Robert Musil
	; (1930)
Biografía
Nacemento	6 de novembro de 1880 ; Klagenfurt, Austria
Morte	15 de abril de 1942 (61 anos); Xenebra, Suíza
Causa da morte	ictus
Lugar de sepultura	Cemiterio dos Reis
Relixión	Igrexa católica
Educación	Universidade Humboldt de Berlín - psicoloxía, filosofía (1903–1908)
Director de tese	Carl Stumpf
Actividade
Campo de traballo	Literatura em alemão (pt)
Lugar de traballo	Bolzán
Ocupación	escritor, guionista, ensaísta, enxeñeiro, dramaturgo, bibliotecario, novelista, prosista
Período de actividade	1905 -
Influencias	Ralph Waldo Emerson, Friedrich Nietzsche, Maurice Maeterlinck e Ernst Mach
Carreira militar
Conflito	Primeira guerra mundial
Obra
	Obras destacables The Posthumous Papers of a Living Author (en) ; (1906) O Jovem Törless (pt) ; (século XX) O Homem sem Qualidades (pt) ;
Familia
Cónxuxe	Martha Musil
Pai	Alfred Musil
Cronoloxía
marzo de 1933-outubro de 1933	queima de libros na Alemaña nazi
Premios
	(1929) Gerhart Hauptmann prize (en) ; (outubro de 1923) Kleist Prize (en) ;
	Sinatura
Descrito pola fonte	Grande Enciclopedia Soviética 1969-1978, (sec:Музиль Роберт); Biblioteca dixital BEIC; Obálky knih,
Páxina web	musilgesellschaft.at

Robert Musil, nado o 6 de novembro de 1880 en Klagenfurt (Austria) e finado o 15 de abril de 1942 en Xenebra (Suíza), foi un escritor austríaco, autor da novela longa inacabada Der Mann ohne Eigenschaften (O home sen cualidades), unha das novelas modernistas máis sobranceiras, considerada clave no panorama literario do século XX^[1]; a novela ocúpase do devalo moral e intelectual do imperio Austro-Húngaro a través dos ollos do protagonista Ulrich, un ex-matemático da Viena en vésperas da primeira guerra mundial.

Traxectoria

Casa na que viviu e escribiu entre 1921 e 1938.

Proveniente dunha familia da baixa nobreza (Edler)^[2], cando era aínda un neno entrou na academia militar, experiencia que lle serviu para escribir a súa primeira novela, A confusión do interno Törless (1906), escrita mentres estudaba enxeñería. Abandonou con todo a academia e licenciouse como enxeñeiro. A súa curiosidade levouno a estender os seus estudos á psicoloxía, á lóxica e á psicoloxía experimental na Universidade de Berlín. Ensinou enxeñería mentres escribía a súa primeira novela, A confusión do interno Törless (1906), descrición da vida duns adolescentes nun colexio militar. O éxito desta obra animoulle a deixar o ensino e a compaxinar o seu traballo como bibliotecario e editor de Die neue Rundschau coa escritura de dúas novelas curtas sobre as relacións sexuais, Unións (1911).

Musil serviu no exército imperial durante a primeira guerra mundial e despois foi funcionario civil na nova República de Austria, entre 1919 e 1922, antes de dedicarse enteiramente a escribir. Publicou un libro de contos, Tres mulleres, en 1924. Salvo dous anos en Berlín (1931-1933), viviu en Viena ata a anexión de Austria á Alemaña nazi en 1938, cando se exiliou en Suíza. Morreu en Xenebra en 1942.

Neste lapso a súa tarefa fundamental foi escribir unha longa (dous volumes), panorámica e inacabada novela, O home sen atributos (1930-1943), que examina a existencia sen obxectivos do seu personaxe principal, Ulrich, un antiheroe, sobre o fondo dunha minuciosa recreación da sociedade austríaca anterior a 1914 en plena crise. O home sen atributos constitúe unha das obras narrativas máis ambiciosas do século XX e consagrou postumamente ao seu autor, como un escritor que nas súas obras combinou dun xeito excepcional a ironía coa utopía, para analizar a gran crise espiritual da súa época e a descomposición do Imperio austro-húngaro.

Obras

A confusión do interno Törless^[3] (Die Verwirrungen des Zöglings Törleß) (1906); tamén como audio-libro ISBN 978-3-89940-194-3.
Vereinigungen (1911)
Die Schwärmer (1921 )
Vinzenz und die Freundin bedeutender Männer (1924)
Drei Frauen (1924)
Nachlaß zu Lebzeiten (1936)
Über die Dummheit (1937)
Der Mann ohne Eigenschaften (1931/32); tamén como audio-libro ISBN 978-3-89940-416-6
Gesammelte Werke. 2 Bände. Hg. v. Adolf Frisé. Reinbek, Rowohlt 1978 ISBN 3-498-04256-4

Adaptacións cinematográficas

O director Volker Schlöndorff realizou en 1966 O mozo Törless, adaptación da novela que 60 anos antes realizase o autor austríaco. Era a súa primeira película, tras ser asistente de directores como Resnais, Malle e Melville. Esta película recibiu o premio FIPRESCI no Festival de Cannes así como os Premios do Cine Alemán de mellor película, guión e director e converténdose nun dos puntais, xunto a Fassbinder ou Herzog, do novo cine alemán.

Notas

↑ Le Monde's 100 Books of the Century, en Goodreads (en inglés).
↑ Bautizárono como Robert Mathias Musil, e o seu nome oficial foi Robert Mathias Edler von Musil dende o 22 de outubro de 1917, data no que o seu pai herdou o título nobiliario de Edler, até o 3 de abril de 1919, cando o emprego desta clase de título se prohibíu en Austria.
↑ Ficha da obra Arquivado 04 de xaneiro de 2018 en Wayback Machine. en Bitraga. Publicouna Ir Indo. ISBN 978-84-7680-247-2.

Véxase tamén

Bibliografía

Fernández del Riego, Francisco (1974). Letras do noso tempo. Vigo: Editorial Galaxia. ISBN 978-84-7154-219-9.

Ligazóns externas

Robert-Musil-Literatur-Museum (en alemán)

[1] Le Monde's 100 Books of the Century, en Goodreads (en inglés).

[2] Bautizárono como Robert Mathias Musil, e o seu nome oficial foi Robert Mathias Edler von Musil dende o 22 de outubro de 1917, data no que o seu pai herdou o título nobiliario de Edler, até o 3 de abril de 1919, cando o emprego desta clase de título se prohibíu en Austria.

[3] Ficha da obra Arquivado 04 de xaneiro de 2018 en Wayback Machine. en Bitraga. Publicouna Ir Indo. ISBN 978-84-7680-247-2.

[1]

[2]

[3]