Pietro Tacca

Pietro Tacca
	;
Biografía
Nacemento	16 de setembro de 1577 (Gregoriano) ; Carrara, Italia
Morte	26 de outubro de 1640 (63 anos); Florencia, Italia
Actividade
Lugar de traballo	Madrid (1634–1640); Florencia (1609–1640); Florencia (1592–1600); Francia
Ocupación	escultor
Familia
Fillos	Ferdinando Tacca

Fonte da praza Santissima Annunziata, Florencia.

Pietro Tacca, nado en Carrara en 1577 e finado en Florencia en 1640, foi un escultor italiano, o máximo representante en Toscana do gusto barroco.

Traxectoria

Con quince anos entrou no taller de Giambologna (1592), o máis importante escultor florentino da época, do que se convertería no primeiro axudante. Á morte do mestre en 1608, Tacca recibe o usufruto do estudo, no borgo Pinti (barrio Pinti), e un ano despois herda tamén o posto de escultor dos Grandes Duques da Toscana.

Rematará obras inacabadas de Giambologna como os monumentos ecuestres de Fernando I de Médici en piazza Santissima Annunziata, ou o do rei de Francia Henrique IV, enviado a París e destruído durante a revolución en 1793, ou o de Filipe III de España, que está colocado na Plaza Mayor de Madrid (1616).

Entre 1620 e 1623 executa o que se considera a súa obra mestra os Quattro mori (Catro mouros) encadeados na base do monumento a Fernando I de Médici na praciña da dársena de Livorno.

A súa última e traballosa empresa foi o grandioso monumento ecuestre a Filipe IV de España, realizado, sobre deseño de Velázquez, entre 1634 e 1640. Este monumento é a primeira estatua ecuestre co cabalo erguido e sostido sobre a patas traseiras.

Tacca faleceu en 1640, pouco despois de que a estatua de Filipe IV (desde o século XVIII na madrileña "praza de Oriente", enfronte do Pazo Real) fose embarcada para España. Está sepultado na basilica della Santissima Annunziata.

Outras imaxes

Monumento a Filipe III, plaza Mayor, Madrid
Os quattro Mori, Livorno
A Fontana del Porcellino, Firenze
Il Monumento a Filipe IV, plaza de Oriente, Madrid