Parla é un concello español da Comunidade de Madrid. Ten unha poboación de 124.208 habitantes (INE 2012) e dista 20 km da capital, Madrid. A extensión de Parla, na actualidade, é duns 24,43 km².
O termo municipal de Parla limita ao norte co municipio de Fuenlabrada, ao sur cos municipios de Torrejón de Velasco e de Torrejón de la Calzada, ao leste co municipio de Pinto e ao oeste cos municipios de Griñón e de Humanes de Madrid.
O municipio atópase a unha altitude media de 648,5 metros sobre o nivel do mar.
A principios do século XX, Parla tiña unha poboación de 1.237 habitantes. Esta poboación creceu ao longo do século XX ata os máis de 110.000 habitantes que tiña en 2007.
