Manuel Lagares Pérez

Manuel Lagares Pérez

Biografía
Nacemento	29 de agosto de 1947 (77 anos) Betanzos, España
Alcalde de Betanzos
1985 – 2007 ← Antolín Sánchez Presedo – María Dolores Faraldo →
Actividade
Ocupación	político
Partido político	Partido Socialista Obrero Español
Membro de	Partido dos Socialistas de Galicia

Manuel Lagares Pérez, nado en Betanzos o 29 de agosto de 1947, é un político galego membro do PSdeG e anterior alcalde de Betanzos.

Traxectoria

Fillo de Manuel Lagares García e neto de Antonio Lagares Gómez. É profesor de ensino secundario, especializado en matemáticas e en ciencias naturais a través do Instituto de Ciencias da Educación e da Universidade Nacional de Educación a Distancia (UNED).

Placa no Museo das Mariñas.

En 1983 presentouse na lista do PSdeG-PSOE para o Concello de Betanzos, que encabezaba Antolín Sánchez Presedo. A vitoria electoral, por maioría absoluta, derivou no seu nomeamento coma primeiro tenente de alcalde da corporación municipal, para posteriormente acadar o cargo de alcalde trala dimisión de Sánchez Presedo en 1985.

Presentaríase ás eleccións municipais, xa coma cabeza de lista, nos anos 1987, 1991, 1995, 1999 e 2003, sendo reelixido en todos eles por maioría absoluta agás no 2003, no que tivo que formar goberno en coalición co Bloque Nacionalista Galego. En 2007 segue a perder votos, e ten que abandonar o posto de alcalde logo dun pacto entre o Partido Popular e Cidadáns por Betanzos. En novembro dese ano renuncia á súa acta de concelleiro e retírase da vida política, sendo substituído á fronte da portavocía socialista por Ramón García Vázquez.

Foi presidente da Federación de Concellos Galegos ata a súa fusión coa FEGAMP en 1996, sendo dende entón ata 2007 o seu vicepresidente primeiro. Tamén foi vogal na Federación Española de Municipios e Provincias.

Vida persoal

Casou con María Luz Luces Vázquez e é pai de José, María e Javier Lagares Luces.

Véxase tamén

Outros artigos

• Eleccións municipais en Betanzos

Ligazóns externas

• Ficha en galegos.info