Lago de Maracaibo

Lago de Maracaibo

(es) Lago de Maracaibo
Tipo	lago
Localización
País da cunca	Venezuela
División administrativa	Municipio Maracaibo, Venezuela (pt)
Localización	Maracaibo
9°48′57″N 71°33′24″O
Afluentes	Rio Catatumbo (pt) ,Rio Chama (pt) ,Rio Apón (pt) ,Escalante River (en)
Efluente do lago	Golfo de Venezuela
Características
Altitude	0 m
Profundidade	60 m
Dimensións	67 () × 99 () km
Superficie	13.210 km²
National historical monument of Venezuela (en)
Medicións
Volume físico	280 km³

O lago de Maracaibo, lago Maracaibo, lago de Zulia ou lago Coquivacoa é un lago de auga salobre situado no occidente de Venezuela.

Nomes

Recibe o seu nome da cidade de Maracaibo no estado de Zulia, que á súa vez recibe, posibelmente, o seu nome dun xefe indíxena. Outro nome que aínda é usado, con menos frecuencia é o de lago Coquivacoa, pola rexión de Coquivacoa.

Situación

O lago está situado na parte máis occidental de Venezuela, entre os estados de Zulia, Trujillo e Mérida.

Xeoloxía

Polas súas características xeolóxicas é discutido se é axustado o nome de lago. Considerado como tal, ten unha superficie de entre duns a 13 800 km², é o maior de América Latina e o 19º entre os lagos máis grandes do mundo. O rexistro xeolóxico demostrou que no pasado foi un lago indiscutíbel, e como tal, o segundo máis antigo da Terra (após o lago Baikal) cunha antigüidade de entre 20 e 36 millóns de anos, aínda que conecta co mar de forma similar a unha lagoa, a enorme antigüidade, a súa historia xeolóxica e a importante profundidade de Maracaibo diferénciano das verdadeiras lagoas, aquelas cunha historia xeolóxica moderna (con antigüidades duns poucos miles de anos) e unha escasa profundidade (en xeral, inferior a 5 metros) que as relaciona co lagoas.

No extremo norte conecta co Golfo de Venezuela por un estreito de 55 km. É alimentado por numerosos ríos, sendo o máis grande o río Catatumbo.

Meteoroloxía

(Véxase o artigo principal, Relampo do Catatumbo)

Nesta zona prodúcese o denominado raio Catatumbo, fenómeno que, a través de 1.176.000 raios por cada ano, xera até preto do 10% do ozono atmosférico do planeta. Serviu historicamente como Faro de navegantes.

Historia

O 24 de xullo de 1823 a frota colombiana de Simón Bolívar liderada por José Prudencio Padilla venceu ao esquadrón realista de Ángel Laborde y Navarro na Batalla do lago Maracaibo, conseguindo a independencia de Venezuela.

Economía

Petróleo

O lago posúe unha gran riqueza petrolífera, sendo onde se extrae a maior parte da produción de cru do país latinoamericano. A conca de Maracaibo é unha das zonas con maior riqueza petrolífera do mundo, con máis de 15.000 pozos perforados desde 1914.

Pesca

O lago era de importancia vital para as comunidades indíxenas e posteriormente para os colonizadores europeos. A actividade industrial afectou ás capturas, porén a actividade pesqueira continúa. Téñense feito chamados para manter a biodiversidade, minguada pola contaminación e a pesca non selectiva.

Ecosistema

O lago ten augas bastante osixenadas o que o fai rico en algas e en peixes. A pesar da contaminación, ten unha grande biodiversidade. Especies como garzas, caimáns, camaróns, carangrexos, iguanas, meros, pelicanos, manatíes, golfiños ou quenllas teñen aquí o seu hábitat. Nas beiras do lago atópanse mangleiros e plantas de coco, entre moitas outras especies. Existen numerosas especies de peixes endémicos da conca do lago de Maracaibo, entre elas o Lamontichthys maracaibero.----

Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.

---

Véxase tamén

• Maracaibo
• Coquivacoa
• Estado Zulia
• Relampo do Catatumbo