La Massana

La Massana
Localización
	42°32′N 1°31′L / 42.54, 1.52
País	Andorra
Capital	La Massana
Contén a división administrativa	Anyós (pt) ; Arinsal (pt) ; Erts (pt) ; Escàs (pt) ; L'Aldosa de la Massana (pt) ; La Massana ; Pal (Andorra) (pt) ; Sispony (pt)
Poboación
Poboación	11.591 (2023) (178,32 hab./km²)
Lingua oficial	lingua catalá
Xeografía
Superficie	65 km²
Altitude	1.230 m
Punto máis alto	Coma Pedrosa (2.942 m)
Comparte fronteira con	Ordino ; Les Valls de Valira ; Escaldes-Engordany ; Alins ; Encamp ; Andorra la Vella ; Auzat
Identificador descritivo
Código postal	AD400
ISO 3166-2	AD-04
Outro
Irmandado con	Saanen (pt) ; Bariloche (pt)
Páxina web	lamassana.ad

La Massana é unha das sete parroquias que integran o territorio de Andorra. Atópase situada ao noroeste do país e cobre unha superficie de 65 km².

Características

A parroquia está formada por sete quarts ou entidades menores existentes nalgunhas parroquias: Pal, Arinsal, Erts, Sispony, Anyós, l'Aldosa e La Massana, que é a capital da parroquia. Ten tamén seis pequenos núcleos urbanos: o Pujol do Piu, Escàs, els Plans, o Mais de Ribafeta, Xixerella e o Pui.

Os ríos máis importantes da Massana son o Valira do Nord, o río de Pal e o río de Montaner. Os lagos (o de les Truites, els Forcats, Montmantell e o Negre), os bosques de piñeiros e abetos e os picos máis altos do país (o Comapedrosa -2.942 metros-, o Medecorba, o Racofred, o Pic do Plá de l'Estany e o Sanfonts) forman parte tamén da xeografía de espazos naturais desta parroquia.

A localidade de La Massana, conta con 3.000 habitantes e é a capital parroquial. Atópase situada a apenas cinco quilómetros de Andorra la Vella.

Aínda que case non conserva restos dun pasado dedicado en exclusividade á agricultura e a gandaría, aínda é posible atopar certa actividade gandeira e de cultivo da pataca e o tabaco. Na actualidade a actividade dos seus habitantes vira case exclusivamente en torno ao sector terciario (servizos), cunha gran variedade de establecementos hostaleiros, restaurantes, instalacións de lecer e deportivas.

Celebra a súa Festa do Roser o segundo domingo do mes de xullo e a súa Festa Maior o 15 de agosto.