James Chadwick

James Chadwick

Biografía
Nacemento	20 de outubro de 1891 Bollington, Reino Unido (pt)
Morte	24 de xullo de 1974 (82 anos) Cambridge, Reino Unido
Lugar de sepultura	sen valor
Master of Gonville and Caius College, Cambridge (en)
1948 – novembro de 1958 (xubilación) ← J. F. Cameron (en) – Nevill Francis Mott →
Datos persoais
Educación	Universidade de Cambridge (1919–) Universidade de Manchester (1908–) Gonville and Caius College (pt) Victoria University of Manchester (en)
Director de tese	Ernest Rutherford
Actividade
Campo de traballo	Física, neutrón, bomba atómica e Radiactividade
Ocupación	científico nuclear, profesor universitario, físico
Empregador	Universidade de Manchester Universidade de Liverpool Victoria University of Manchester (en)
Membro de	Real Academia de Artes e Ciencias dos Países Baixos (membro estranxeiro) (1946–) Academia de Ciências da Saxônia (pt) (membro correspondente) (1932–) Royal Society Academia Pontificia das Ciencias Sociedade Filosófica Estadounidense Sociedade Estadounidense de Física
Alumnos	Maurice Goldhaber (pt) , Ernest Pollard (pt) , Charles Drummond Ellis (pt) e Dai Chuanzeng (en)
Carreira militar
Conflito	Primeira guerra mundial
Participou en
1939	Proxecto Manhattan
Obra
Doutorando	Charles Drummond Ellis (pt) , Maurice Goldhaber (pt) , Albert Crewe (pt) e Ernest Pollard (pt)
Familia
Cónxuxe	Aileen Stewart-Brown
Premios
(1970)  Compañeiro de Honra (1967)  Guthrie Medal and Prize (en) (1951)  Medalla Franklin (1950)  Medalha Faraday (pt) (1950)  Medalla Copley (1946)  Melchett Medal (en) (1945)  Knight Bachelor (1935)  Premio Nobel de Física (1933)  Conferencia Baker (1932)  Medalla Hughes (1927)  membro da Royal Society  Orde do Mérito das Ciencias e as Artes
Descrito pola fonte	Grande Enciclopedia Soviética 1969-1978, (sec:Чедвик Джеймс) Armenian Soviet Encyclopedia, vol. 8 (en) , (p.659) Physicists: Biographical Dictionary (en) , (p.295)

Sir James Chadwick, nado o 20 de outubro de 1891 e finado o 24 de xullo de 1974, foi un físico inglés laureado co Premio Nobel de Física.

Traxectoria

Infancia e mocidade

James Chadwick naceu en Chesire, Inglaterra, o 20 de outubro de 1891, fillo de John Joseph Chadwick e Anne Mary Knowles. Foi á Manchester High School, e estudou na Universidade de Cambridge.

En 1913 Chadwick empezou a traballar con Hans Geiger no Technische Hochschule de Berlín (actual Universidade Técnica íde Berlín). Tamén traballou con Ernest Rutherford. Durante a primeira guerra mundial sería internado no campo de concentración de Zivilgefangenlager, en Ruhleben, Alemaña, acusado de espionaxe.

Investigación en Cambridge

Tras a guerra, Chadwick volveu a Cambridge, onde traballou con Ernest Rutherford investigando a emisión de raios gamma dos materiais radioactivos. Tamén estudaron a transmutación dos elementos ao bombardealos con partículas alfa e investigaron a natureza do núcleo atómico.

En 1932, Chadwick realizou un descubrimento fundamental no campo da ciencia nuclear: descubriu a partícula no núcleo do átomo que pasaría a chamarse neutrón, predición antes feita por Santiago Antúnez de Mayolo, pois non ten carga eléctrica. En contraste co núcleo de helio (partículas alfa) que está cargado positivamente e polo tanto son repelidas polas forzas eléctricas do núcleo dos átomos pesados, esta nova ferramenta para a desintegración atómica non necesitaba exceder ningunha barreira electrónica, e é capaz de penetrar e dividir o núcleo dos elementos máis pesados. Desta forma, Chadwick achandou o camiño cara á fisión do uranio 235 e cara á creación da bomba atómica. Como premio polo seu descubrimento outorgóuselle a Medalla Hughes da Royal Society en 1932 e o Premio Nobel de Física en 1935. Tamén descubriu o tritio.

Máis tarde descubriu que un científico alemán identificara ao neutrón ao mesmo tempo. Con todo, Hans Falkenhagen temía publicar os seus resultados. Cando Chadwick soubo do descubrimimento de Falkenhagen ofreceulle compartir o Premio Nobel. Falkenhagen, con todo, rexeitouno.

O descubrimento de Chadwick posibilitou a creación de elementos máis pesados que o uranio no laboratorio. O seu descubrimento inspirou a Enrico Fermi, físico italiano e tamén Premio Nobel, descubrir reaccións nucleares que se desencadeaban mediante o emprego de neutróns retardados, o que levou a Lise Meitner a descubrir a fisión nuclear, a clave da bomba atómica.

Liverpool

Chadwick foi profesor de física na Universidade de Liverpool desde 1935. Como resultado do "memorándum Frisch-Peierls" en 1940 sobre a factibilidad da bomba atómica foi incorporado ao Comité MAUD, que investigou a cuestión. Visitou Norte América como na Misión Tizard de 1940 para colaborar con estadounidenses e canadenses na investigación nuclear. Tras volver a Inglaterra en novembro de 1940, concluíu que nada sacaría das investigacións ata o final da guerra. En decembro de 1940, Franz Simon, encargado de MAUD, afirmou que era posible separar o isótopo do uranio 235. O informe de Simon incluía as estimacións de custos dunha gran planta de enriquecemento de uranio. Máis tarde, James Chadwick escribiría que "foi naquela época cando me dei conta de que a bomba atómica non só era posible, tamén inevitable. Entón empecei a tomar somníferos. Era o único remedio."

Pouco despois uniuse ao Proxecto Manhattan nos Estados Unidos, que desenvolveu a bomba atómica lanzada en Hiroshima e Nagasaki.Que foi o 9 de agosto de 1945. Chadwick foi ordenado "sir" en 1945. Desde 1946, foi asesor da Comisión da Enerxía Atómica das Nacións Unidas.

Véxase tamén

Ligazóns externas

• Artigo de Chadwick en Nature (10 de maio de 1932: "The Existence of a Neutron") (en inglés)
• Outra carta de Chadwick a Nature
• James Biografía anotada de Chadwick na Alsos Dixital Library for Nuclear Issues (en inglés)
• Páxina web dos premios Nobel (en inglés)