Gustav von Schmoller

Geheimrat ^(pt)
Gustav von Schmoller

(1908)
Biografía
Nacemento	24 de xuño de 1838 Heilbronn, Alemaña
Morte	27 de xuño de 1917 (79 anos) Bad Harzburg, Alemaña
Lugar de sepultura	Kaiser Wilhelm Memorial Cemetery (en)
Historiographer of the Prussian state (en)
1887 –
Membro da Cámara dos Señores de Prusia
Datos persoais
Educación	Universidade de Tubinga
Director de tese	Karl Wolfgang Christoph Schüz (pt)
Actividade
Campo de traballo	Economía
Ocupación	economista, político, profesor universitario
Empregador	Universidade de Halle-Wittenberg Universidade de Frederico-Guilherme (pt) Universidade Humboldt de Berlín
Membro de	Academia Prusiana das Ciencias Academia de Ciencias de Hungría Academia de Ciencias de Rusia Academia das Ciencias de San Petersburgo Academia de Ciencias de Baviera Real Academia Danesa de Ciencias e Letras
Profesores	Johann von Helferich (pt)
Alumnos	Josef Kaizl (en) , Werner Sombart e Wilhelm Stieda (pt)
Obra
Doutorando	Henry Walcott Farnam (pt) , Karl Rathgen (pt) , Max Sering (pt) , Werner Sombart, Alfred Doren (pt) , W.E.B. Du Bois, Alfred Weber (pt) , Edwin Francis Gay (pt) , Leopold von Wiese (pt) , Friedrich Wolters (pt) , Arthur Spiethoff (pt) , Otto Neurath (pt) , Erwin von Beckerath (pt) , Ludwig Feuchtwanger (en) e Richard Heath Dabney (en)
Familia
Pai	Friedrich von Schmoller
Premios
(1908)  Orde bavaresa de Maximiliano para a Ciencia e as Artes (1899)  Orde do Mérito das Ciencias e as Artes  ennoblement (en)  Grave of honor (en)
Descrito pola fonte	Grande Enciclopedia Soviética 1969-1978, (sec:Шмоллер Густав фон) Dicionario Enciclopédico Brockhaus e Efron Obálky knih,

Gustav von Schmoller, nado o 24 de xuño de 1838 e finado o 27 de xuño de 1917, foi un economista alemán e líder da xeración “nova” da escola historicista alemá de economía.

Vida

Schmoller naceu en Heilbronn. O seu pai era un funcionario público de Württemberg. Schmoller estudou de novo “Staatswissenschaften” (unha combinación de economía, leis, historia e administración civil) na Universidade de Tubinga (1857–61). En 1861, obtivo unha designación no Departamento Estatístico de Württemberg. Durante a súa carreira académica obtivo cargos como profesor nas universidades de Ache (1864–72), Estrasburgo (1872–82) e Berlín (1882–1913). Despois de 1899, representou a Universidade de Berlín na Cámara dos Señores de Prusia. Foi un destacado Sozialpolitiker (máis despectivamente chamados Kathedersozialist, ou "socialistas de cátedra"), e fundador e durante moito tempo presidente da Verein für Socialpolitik (“Asociación pola política social”), unha asociación de economistas alemáns que aínda existe hoxe en día. A influencia de Schmoller sobre a política académica, a reforma económica, social e fiscal, e a economía como disciplina académica durante a época entre 1875 e 1910 foi moi importante. Foi tamén un aberto propoñente da afirmación do poder naval alemán e da expansión do Imperio de ultramar alemán.

Obra

Como un destacado líder da á “nova” da escola histórica, Schmoller opúñase ao que el vía como o enfoque axiomático-dedutivo da escola clásica e, máis tarde, da Escola austríaca. De feito, Schmoller foi o creador deste último termo para suxerir provincianismo nunha revisión desfavorable do libro de Carl Menger de 1883 Investigacións sobre o método das ciencias sociais con especial referencia á economía (Untersuchungen über die Methode der Socialwissenschaften und der politischen Oekonomie insbesondere), que atacaba os métodos da escola histórica. Isto levou á controversia coñecida como Methodenstreit (“disputa polo método”), a cal hoxe aparenta ser un desperdicio de enerxías e unha das principais razóns da posterior caída en desgraza de toda a escola historicista, aínda que, como Joseph Schumpeter unha vez sinalou, esta foi en realidade unha pelexa “dentro” da mesma escola. O enfoque principalmente indutivo de Schmoller, requirindo dun coidadoso estudo, comparativo en tempo e espazo, do desempeño económico e os fenómenos económicos en xeral, o seu foco na evolución dos procesos e institucións económicos, e a súa insistencia na especificidade cultural da economía e a centralidade dos valores para dar forma aos intercambios económicos, álzanse en abrupto contraste con algúns economistas clásicos e a maioría dos neoclásicos, de maneira que el e a súa escola quedaron fóra da economía hexemónica cara á década de 1930, sendo substituída en Alemaña pola súa sucesora, a Escola de Friburgo.

Con todo, frecuentemente pásase por alto que a principal preocupación de Schmoller durante a súa vida non foi polo “método” económico, senón pola “política” económica e social para enfrontar os desafíos expostos pola rápida industrialización e urbanización. É dicir, Schmoller foi primeiro que nada un reformador social. Como tal, a influencia de Schmoller estendeuse ao longo de Europa e até o movemento progresista nos EUA e os reformadores sociais no Xapón Meiji. Os seus estudantes e seguidores non alemáns máis prominentes foron William J. Ashley, W.E.B. Du Bois, Richard T. Ely, Noburu Kanai, Albion W. Small, e E.R.A. Seligman.

Desde a década de 1980, a obra de Schmoller foi revaluada e atopada relevante para algunhas ramas da economía heterodoxa, especialmente a economía do desenvolvemento, a economía condutual, a economía evolutiva e a economía neoinstitucionalista. Tivo sempre unha influencia dentro do subcampo da historia económica e na disciplina da socioloxía.

Obras de Schmoller

As súas obras, a maioría das cales tratan de historia económica e política económica, inclúen:

• Der französiche Handelsvertrag und seine Gegner (“O tratado de comercio francés e os seus opoñentes”, 1862)
• Zur geschichte der deutschen Kleingewerbe im 19. Jahrhundert (“Historia das pequenas empresas alemás no século XIX”, 1870)
• Strassburg zur Zeit der Zunftkämpfe (“Estrasburgo durante as loitas gremiais”, 1875)
• Zur Litteraturgeschichte der Staats- und Sozialwissenschaften (“Sobre a historia literaria das ciencias políticas e sociais”, 1888)
• Umrisse und Untersuchungen zur Verfassungs-, Verwaltungs-, und Wirtschaftsgeschichte (“Nocións e investigacións de historia constitucional, administrativa e económica”, 1898)
• Grundriss der allgemeinen Volkswirthschaftslehre (“Plan de economía xeral”, 1900–1904)
• Ueber einige Grundfragen der Sozialpolitik (“Sobre algunhas cuestións de política social”, 1904)

Despois de 1881, Schmoller foi editor do Jahrbuch für Gesetzebung, Verwaltung, und Volkswirthschaft im deutschen Reich (“Anuario de lexislación, administración e economía no Reich alemán”). Desde 1878 até 1903, editou unha serie de monografías tituladas Staats- und sozialwissenschaftliche Forschungen (“Investigacións de ciencias políticas e sociais”). Foi tamén un editor e fixo unha importante contribución a Acta Borussica, unha extensa colección de fontes históricas prusianas realizada pola Academia de Ciencias de Berlín por instigación de Schmoller e Sybel.

Unha das razóns polas cales Schmoller non é máis amplamente coñecido hoxe é que a maioría dos seus traballos e artigos non foron traducidos, xa que na súa época os economistas anglo-estadounidenses xeralmente sabían ler en alemán, que era o idioma académico dominante nese tempo. Logo de que o idioma alemán caese en desuso, os textos sen traducir eran agora inaccesibles aos lectores sen coñecementos de alemán. Dúas excepcións son:

• O sistema mercantil e a súa significación histórica, Nova York: Macmillan, segunda ed. 1910. Este é un capítulo do libro moito máis grande de Schmoller Studien über die wirtschaftliche Politik Friedrichs deas Grossen (“Estudos sobre a política económica de Federico o Grande”), que foi publicado en 1884. O capítulo foi traducido por William J. Ashley e publicado en 1897. (edición en liña en inglés)
• A idea de xustiza en economía política, Anais da Academia Estadounidense de Ciencia Política e Social. 4 (1894): 697–737. (en JSTOR en inglés)

A súa magnum opus é:

• Grundriss der allgemeinen Volkswirtschaftslehre ("Plan de economía xeral"), Leipzig: Duncker & Humblot, 1900–1904.

Véxase tamén

Outros artigos

• Estado social

Bibliografía

• Clark, David S. Encyclopedia of Law and Society American and Global Perspectives . Minneapolis: Sage Publications, Inc, 2007.
• Grimmer-Solem, Erik. The Rise of Historical Economics and Social Reform in Germany, 1864–1894. Oxford: Oxford University Press, 2003.
• Iggers, Georg G. Historiography in the Twentieth Century: From Scientific Objectivity to the Postmodern Challenge (Wesleyan University Press, 1997).
• Richter, Rudolf. "Bridging Old and New Institutional Economics: Gustav Schmoller, the Leader of the Younger German Historical School, Seen With Neoinstitutionalists' Eyes," Journal of Institutional and Theoretical Economics (JITE) / Zeitschrift für die gesamte Staatswissenschaft Vol. 152, No. 4 (decembro de 1996), pp. 567–592 (in JSTOR).
• Shionoya, Yuichi. The Soul of The German Historical School: Methodological Essays on Schmoller, Weber and Schumpeter Nova York: Springer, 2005.
• Veblen, Thorstein. "Gustav Schmoller's Economics," The Quarterly Journal of Economics, vol. 16 no. 1 (Nov. 1901): 69–93 (in JSTOR).
• Maximo, Mário Motta de Almeida (2010). A Guerra dos Métodos: A visão da Escola Histórica Alemã (PDF). XIV Encontro Regional da ANPUH-Rio: Memória e Patrimônio (Rio de Janeiro-UNIRIO). 

Ligazóns externas

• Biografía curta (en inglés)
• El ‘socialismo de cátedra’ de Gustav Schmoller en la construcción de la política social moderna, por José Luis Monereo Pérez.
• Reforma social y ética en Economía Política: la teoría de Gustav Schmoller, por José Luis Monereo Pérez.