Grao académico

Un grao académico, titulación académica ou título académico, é unha distinción dada por algunha institución educativa, xeralmente despois da terminación con éxito dalgún programa de estudos.

Porén, esta denominación adoita utilizarse para denominar máis concretamente ás distincións de rango universitario, que tamén se denominan titulación superior ou titulación universitaria.

En Europa, despois da entrada en vigor do chamado Espazo Europeo de Educación Superior, a titulación de grao substituíu a outras que quedaron obsoletas, como a superior de licenciado ou as de grao medio de diplomado ou enxeñeiro técnico.

Estudos non universitarios

Os graos académicos non universitarios abarcan a educación primaria e a secundaria, así como á terciaria non universitaria, é dicir, a chamada formación profesional.

En España, na actualidade, expídense os seguintes títulos:

Título de Graduado en Educación Secundaria Obrigatoria (ESO). Corresponde ao final da etapa obrigatoria e adoita adquirirse aos 16 anos.
Título de Bacharel, tras finalizar os estudos de Bacharelato.
Ensinanzas profesionais oficiais: reciben o nome de Ciclos Formativos de Formación profesional, existindo 142 títulos diferentes agrupados en 22 familias profesionais, cunha duración dun a dous anos (entre 1 300 e 2 000 horas).^[1]
- De grao medio: a súa superación permite obter o título de Técnico da especialidade estudada.
- De grao superior: permite obter o título de Técnico Superior da especialidade estudada.
Ensinanzas de Artes Plásticas e Deseño:
- Grao medio: corresponde ao título de Técnico de Artes Plásticas e Deseño.
- Grao superior: corresponde ao título de Técnico Superior de Artes Plásticas e Deseño.
Ensinanzas deportivas:
- Grao medio: corresponde ao título de Técnico deportivo de Grao medio.
- Grao superior: corresponde ao título de Técnico deportivo de Grao Superior. (Na actualidade, a outras como licenciado en Ciencias do Deporte e Educación Física ou equivalentes).
Outras titulacións:
- Escola Oficial de Idiomas. Finaliza co Certificación acreditativa do nivel alcanzado (Básico, Intermedio e Avanzado) no idioma estudado.
- Ensinanzas profesionais de Música e Danza: finalizan co Título Profesional da especialidade correspondente.
- Ensinanzas artísticas superiores: finalizan co Título Superior da especialidade correspondente:

Estudos universitarios

Cada país adoita regular de modo independente o tipo de titulacións e a forma de adquirilas. Cada centro educativo posúe, ás veces, así mesmo o seu propio catálogo de titulacións académicas.

En Europa está producíndose un proceso de homoxeneización das titulacións no marco do chamado proceso de Boloña, asemellándoas na súa duración e denominación ás existentes no Reino Unido e nos Estados Unidos. Iso deu lugar a unha estrutura de titulacións composta por tres niveis:^[2]

Os estudos conducentes ao Grao denomínanse "estudos de pregrao", e os de máster e doutoramento "estudos de posgrao". Por regra xeral, para acceder a estudos de posgrao, é necesario ter cumpridos estudos de pregrao.

Cando nunha mesma rama existen dous graos académicos, normalmente dótanse aos egresados de atribucións profesionais distintas, quedando reservadas algunhas delas a aqueles que obtiveron o título máis avanzado.

Para regular o recoñecemento dos estudos dun país a outro, o Consello de Europa propiciou a sinatura do Convenio de Recoñecemento de Lisboa, que subscribiron a inmensa maioría de países europeos, aos que se uniron algúns outros.

En España as titulacións universitarias tradicionais, en proceso de extinción coa implantación do Espazo Europeo de Educación Superior, eran:

De ciclo curto ou primeiro grao: para obter os títulos de diplomatura, de arquitectura técnica ou de enxeñaría técnica.
De ciclo longo ou segundo grao: para obter os títulos de licenciatura, de enxeñaría ou de arquitectura.
De terceiro grao: para obter o título de doutoramento.

Actualmente son:

Notas

↑ "Catálogo de títulos de Formación Profesional en España". Arquivado dende o orixinal o 04 de maio de 2008. Consultado o 22 de abril de 2012.
↑ Que se regularon polo Real decreto 55/2005, de 21 de xaneiro de 2005, onde se especifica que: ...dous niveis nitidamente diferenciados, denominados, respectivamente, grao e posgrao, que, no seu conxunto se estruturan pola súa vez en tres ciclos. O primeiro nivel, ou de grao, comprende as ensinanzas universitarias de primeiro ciclo e ten como obxectivo lograr a capacitación dos estudantes para integrarse directamente no ámbito laboral europeo cunha cualificación profesional apropiada. O segundo nivel, comprensivo das ensinanzas de posgrao, integra o segundo ciclo de estudos, dedicado á formación avanzada e conducente á obtención do título de mestrado, e o terceiro ciclo, conducente á obtención do título de doutor, que representa o nivel máis elevado na educación superior.

Véxase tamén

Outros artigos

[1] "Catálogo de títulos de Formación Profesional en España". Arquivado dende o orixinal o 04 de maio de 2008. Consultado o 22 de abril de 2012.

[2] Que se regularon polo Real decreto 55/2005, de 21 de xaneiro de 2005, onde se especifica que: ...dous niveis nitidamente diferenciados, denominados, respectivamente, grao e posgrao, que, no seu conxunto se estruturan pola súa vez en tres ciclos. O primeiro nivel, ou de grao, comprende as ensinanzas universitarias de primeiro ciclo e ten como obxectivo lograr a capacitación dos estudantes para integrarse directamente no ámbito laboral europeo cunha cualificación profesional apropiada. O segundo nivel, comprensivo das ensinanzas de posgrao, integra o segundo ciclo de estudos, dedicado á formación avanzada e conducente á obtención do título de mestrado, e o terceiro ciclo, conducente á obtención do título de doutor, que representa o nivel máis elevado na educación superior.

[1]

[2]