Govan (en escocés: Baile a' Ghobhainn) é un distrito, parroquia e antigo burgh que no presente forma a parte suroeste da cidade de Glasgow, Escocia. Atópase a 4 quilómetros do oeste do centro da cidade, na beira sur do río Clyde, oposto ó río Kelvin e do distrito de Partick. Historicamente, formou parte do condado de Lanark.
Segunda unha lenda medieval, Constantino, un rei do século VII de Strathclyde, fundou un mosteiro baixo o control de Columbanus en Govan. Durante a Idade Media, Govan era o lugar dun transbordador que unía a área de Partick para os gandeiros de tempada. Nos séculos XVIII e XIX, as industrias téxtiles e de minaría de carbón foron moi importantes; a comezos do século XIX, emerxeu a construción de barcos como a principal industria da zona. En 1864, Govan acadou o status de burgh, e era o quinto meirande burgh de Escocia. Foi incorporado á cidade de Glasgow en 1912.[1]
