Década de 750
| Primeiro milenio | |||||
| Século VIII | |||||
| |||||
|
750
- Artigo principal: 750.
- Batalla do Gran Zab: sobre este afluente do río Tigris, o califa omeia Marwan II é derrotado, proclamándose como consecuencia o califato abasida. Só o príncipe Abd-ar-Rahman, entre os membros da familia omeia, logra escapar e alcanzar logo o Al-Andalus, onde proclamará un emirato independente.
- Aproximadamente nesta data mercadores árabes fundan Mombasa.
751
- Artigo principal: 751.
Asia
- Xullo : vitoria dos musulmáns e dos turcos karluk sobre os chineses de Gao Xianzhi (Kao Sien-chih) na batalla de Talas ou de Athlach. Millares de chineses son levados en catividade a Samarcanda.
Europa
- Khilderico III é o derradeiro monarca merovinxio ao ser deposto e recluído nun mosteiro; Pipino o Breve asume o trono de Francia, sendo recoñecido pola nobreza en Soissons (até 768).
- Caída de Rávena en poder de Aistolfo, rei dos longobardos. Fin da presenza bizantina en Italia. O derradeiro exarca de Rávena, Eutiquio, ha morrer loitando contra os longobardos en 752.
Ciencia e tecnoloxía
- Instalación dunha manufactura de fabricación de papel en Samarcanda, Asia central, a primeira do mundo islámico.
752
- Artigo principal: 752.
- Á morte do papa Zacarías o 22 de marzo é nomeado papa un sacerdote romano que tomou o nome de Estevo. Este morreu tres días despois sen chegar a ser consagrado, polo que non consta hoxe en día como tal Papa. Foi substituído por Estevo III (quen na lista oficial de Papas aparece como Estevo II, pois desde 1960 se lle retirou o recoñecemento como tal ao antedito).
- Unnolfo exerce o poder no ducado de Spoleto grazas a Aistolfo, o rei dos longobardos, que se fai co ducado á morte de Lupo de Spoleto, o anterior duque. Nese mesmo ano Aistolfo toma o poder no ducado.
753
- Artigo principal: 753.
- Sínodo de Constantinopla, convocado polo emperador Constantino V.
- Os árabes conquistan Samarcanda.
- Fundación de Ladoga.
- O Concilio de Hieria prohibiu expresamente a fabricación de iconas e ordenou que se retirasen das igrexas todas as imaxes de Xesús e os santos, indicando que deberían ser decoradas con imaxes de paxaros, flores e froita.
754
- Artigo principal: 754.
- Acordos de Ponthion e Quierzy: o papa Estevo III pon Roma so a protección do rei franco Pipino fronte os longobardos. Pipino inicia unha campaña (até 756) que obriga ó rei longobardo Aistolfo a tornar os territorios ocupados. O 28 de xullo deste ano o Papa consagra rei dos francos a Pipino.
- Comeza o califato de Abu Jafar Al Mansur, segundo da dinastía Abasida, até 775.
- Apertura en Bagdad da primeira botica ou farmacia a instancias do califa Abu Jafar Al Mansur.
755
- Artigo principal: 755.
Asia
- An-Lushan e Shi Shiming inician a rebelión An Shi contra o emperador da China, que os levará no ano seguinte a tomar a capital, Chang'an, e a An-Lushan a proclamarse emperador.
- Trisong Detsen sobe ao trono do Tíbet.
Europa
- O bispo Odoario ordena o inicio da construción da catedral de Lugo.
- Galla convértese no 5º Dogo de Venecia, como sucesor de Teodato Ipato.
- Abd-al-Rahman príncipe Omeia (Umayyad), escapando da persecución dos Abasidas, chega a Al-Andalus, onde será acollido, ascendendo ao emirato e proclamando a independencia de Damasco no ano seguinte.
756
- Artigo principal: 756.
Asia
- Reinado de Krishna, rei Rastrakuta de Malkhed, na India (até 775).
- 18 de xullo: An Lushan apodérase da capital chinesa Chang'an e proclámase emperador, fundando a efémera dinastía Yan.
Europa
- Vinech pasa a ser o khan dos búlgaros, sucedendo a Kormisosh.
- Domenica Monegario tórnase dogo de Venecia.
- Pipino o Breve derrota os longobardos na Italia setentrional. Pipino doa Rávena e o resto da Pentápole ao Papado, territorio que o emperador bizantino esixe que sexa volto aos seus dominios, mais Pipino negarase a facelo. A chamada "Doazón de Pipino" convértese na base dos Estados Pontificios.
- Desiderio sobe ao trono dos longobardos, tras a morte de Aistolfo.
Península Ibérica
- Abd al-Rahman I restabelece a dinastía Omeia (Umayyad) no Al-Andalus, proclamando o emirato de Córdoba, o que equivale á proclamación da independencia a respecto do califato de Damasco, que rexen os Abasidas.
757
- Artigo principal: 757.
África
Asia
- Xaneiro - Batalla de Suiyang - An-Lushan, usurpador imperial, que proclamou a dinastía Yan, enfróntase ás tropas leais da dinastía Tang, auxiliadas por guerreiros uigures. An-Lushan obtivo unha vitoria pírrica, e foi asasinado pouco despois polo seu propio fillo.
- Islam: Fundación de Bagdad, en adiante capital da dinastía dos abasidas.
Europa
- 29 de maio - Paulo I novo papa da Igrexa católica.
- Desiderio da Lombardía accede ao trono e é o derradeiro rei dos longobardos de Italia.
- Froila I accede ao trono do reino de Asturias, tras a morte de Afonso I (até 768).
- Offa novo rei de Mercia, en Gran Bretaña, por morte do seu antecesor (até 796).
- Alboíno, convértese en duque de Spoleto.
758
- Artigo principal: 758.
Asia
Europa
- Liutprando de Benevento é despoxado do ducado de Benevento e Arechis II convértese no novo duque.
- Desiderio, rei dos longobardos, ocupa o ducado de Spoleto e vence e manda á cadea ao seu duque Alboíno.
- Sixerico convértese en rei de Essex.
759
- Artigo principal: 759.
- Adelchis, príncipe longobardo, é asociado ao trono polo seu pai o rei Desiderio.
- Desiderio coloca a Xisulfo á fronte do Ducado de Spoleto.
- Pipino o Breve conquista a Septimania, quitando definitivamente Narbona das mans dos árabes, que estes tomaran en 720.