Club Patí Vic
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2017.) |
 | Este artigo (ou sección) está desactualizado(a). A información fornecida mudou ou é insuficiente. |
| C.P. Vic | |
|---|---|
 | |
| Cidade | Vic, Barcelona,  Cataluña |
| Historia | 1951 |
| Fundado | 1951 |
| Pavillón | Pavillón Olímpico (3.500) |
| Presidente | Miquel Altimiras |
| Adestrador | Quim López |
| Competición | OK Liga |
| Títulos | |
| Copa CERS | 1 (2001) |
| Copas do Rei | 3 (1999, 2009, 2010) |
| Supercopa de España | 2 (2009, 2010) |
| Cores | Vermello e branco |
| Na rede | |
| http://www.clubpativic.cat | |
| Sitio web Sitio web oficial | |
O Club Patí Vic é un club de hóckey a patíns fundado en 1951 en Vic, Osona (Provincia de Barcelona), coa finalidade de promover o hóckey a patíns e a patinaxe entroutros deportes. É o club de hóckey máis antigo de Osono e conta na actualidade con 2000 socios titulares. Actualmente compite na O.K. Liga e disputa os seus partidos como local no Pavelló Olímpic de Vic cunha capacidade para 3500 espectadores.
A principios dos anos '70, o CP Vic vaise reformular decisivamente, coa ampliación da súa base social, a adquisición de terreos propios e a creación dunhas instalacións deportivas á disposición dos socios, que non pararon de medrar. Durante os Xogos Olímpicos de Barcelona en 1992, o seu pavillón acolleu os partidos de hóckey a patíns. Actualmente dispón de dous pavillóns cubertos adicados integramente ao hóckey a patíns. Tamén dispón de dúas piscinas, unha exterior e unha cuberta, solarium, seis pistas de tenis, frontón, dúas pistas de pádel, ximnasio, sala de billar e bar-restaurante.
Destacan tamén as escolas de hóckey base, de tennis e de patinaxe. Anualmente organiza, con grande éxito, as «Estades de tecnificació d'hoquei patins», onde nenos de diferents idades conviven, durante unha semana, con xogadores da O.K. Liga, adestradores e técnicos.
Historia
[editar | editar a fonte]O Club Patí Vic é un dos equipos máis importantes actualmente da O.K. Liga, da cal foi subcampión nas tempadas 1997-98 e 2000-01. Por outra banda, gañou a Copa do Rei en 1999 (Alcobendas) e 2009 (A Coruña), sendo finalista nas edicións de 1995, 2003, 2005 e 2008. En 2009 gaña a Supercopa de España fronte ao FC Barcelona.
Iternacionalmente, o Patí Vic proclamouse campión da Copa CERS de 2001, derrotando ao CE Noia na final. Previamente o equipo perdera a final de 1994 fronte ao FC Porto.
Na Copa de Europa, chegou ás tres últimas final-four da competición, chegando a disputar a final de 2009, na que perdeu na quenda de penaltis fronte ao Reus Deportiu.
Palmarés
[editar | editar a fonte]- 3 Copas do Rei (1999, 2009 e 2010)
- 1 Supercopa de España (2008-09)
- 1 Copa CERS (2001)
Véxase tamén
[editar | editar a fonte] |
A Galipedia ten un portal sobre: Hóckey a patíns |
Ligazóns externas
[editar | editar a fonte]- Site oficial do clubArquivado 21 de xaneiro de 2021 en Wayback Machine.
