Carucedo

Carucedo

Localización
42°29′25″N 6°45′45″O
Estado	España
Comunidade autónoma	Castela e León
Provincia	provincia de León
Capital	Carucedo
Contén a división administrativa	A Barosa A Campañá As Médulas Carucedo Lago de Carucedo O Carril Vilarrando
Poboación
Poboación	495 (2023) (14,14 hab./km²)
Xeografía
Parte de	Mancomunidade de Municipios Bierzo Suroeste Consello Comarcal do Bierzo
Superficie	35 km²
Altitude	515 m
Comparte fronteira con	Carracedelo Rubiá Sobrado Ponte de Domingos Flórez Borrés Toural dos Vaos
Organización política
• Alcalde	Alfonso Fernández Pacios
Identificador descritivo
Código postal	24442
Fuso horario	UTC+01:00
Código INE	24041
Páxina web	carucedo.es

Carucedo é un concello da provincia de León, pertencente á comarca do Bierzo. Segundo o Instituto Nacional de Estadística (INE) en 2012 tiña unha poboación de 655 habitantes. É considerado tradicionalmente como un dos 48 concellos da Galicia estremeira.

Xeografía

Carucedo se encontra no oeste da provincia de León, na comarca do Bierzo a 24 km de Ponferrada. Está situado a 594 metros de altitude. O concello ten unha superficie de 35,27 km² e ten unha densidade de poboación de 18,4 h/km².

No concello se encontra o lago de Carucedo, cun perímetro aproximado de 5 km e unha profundidade máxima de 9 m, que ten a súa orixe na explotación aurífera das Médulas.

Poboación

Clima

Carucedo ten un clima Csb (temerado con verán seco e temerado) segundo a clasificación climática de Köppen.

Valores promedio en Carucedo
Mes	Xan	Feb	Mar	Abr	Mai	Xuñ	Xul	Ago	Set	Out	Nov	Dec	Ano
Temperatura media (°C)	4,5	6,1	9,1	10,6	14,0	17,7	20,4	20,3	17,3	12,7	8,2	5,2	12,2
Precipitacións (mm)	85,8	62,5	50,7	59,4	59,7	29,4	20,9	21,5	48,5	76,8	91,1	97,1	708,6
Fonte: Ministerio de Agricultura, Alimentación e Medio Ambiente. Datos de precipitación para o período 1983-2003 e de temperatura para o período 1983-2003 en Carucedo

Política

As últimas eleccións municipais deixaron a situación de Carucedo deste xeito:

Eleccións municipais, 22 de maio de 2011
Partido	Votos	%	Concelleiros
PSOE	294	56,43	4
PP	214	41,07	3

• Alcalde electo: Clemades Rodríguez Martínez (PSOE).

Historia

Os primeiros datos documentados de Carucedo se remontan ao foro outorgado polo rei galaico-leonés Afonso IX en 1213, polo cal cada habitante debería pagar catro soldos nas calendas de marzo, polo que a cambio quedaba exento de calquera outra exacción fiscal.

Patrimonio

• Lago de Carucedo: a súa orixe é consecuencia da explotación aurífera romana nas Médulas. Ten un gran valor ecolóxico pola súa fauna e flora.
• As Médulas: paraxe formado pola antiga explotación mineira romana que extraía ouro na zona. En 1997 foi declarado Patrimonio da Humanidade pola UNESCO.
• Carucedo conta cunha igrexa románica que contén unha das pezas de pratería máis importantes do Bierzo datada no século XVIII.

Economía

Actualmente, a agricultura e o turismo son as principais actividades económicas do concello.

Parroquias

As parroquias que compoñen Carucedo son:

• A Barosa
• A Campañá
• O Carril
• Carucedo
• Forcadas
• Lago de Carucedo
• As Médulas
• Penarrubia
• A Valouta
• Vilarrando