Estland

Eesti Vabariik

(Flagg Estland) (Skjaldarmerki Estland)
Tjóðarslagorð: Onki
Tjóðsangur: Mu isamaa, mu õnn ja rõõm
Alment mál	Estiskt
Høvuðsstaður	Tallinn
Forseti	Alar Karis
Forsætisráðharri	Kaja Kallas
Fullveldi	Frá Russlandi 24. februar 1918, mist juni 1940, frá Sovjetsamveldinum 20. august 1991
Vídd  - tilsamans  - vøtn (%)	45 339 km² 4,56
Íbúgvar  - tilsamans 2017  - tættleiki	1 315 635 29.0/km²
Gjaldoyra	Evra
Tíðarøki	UTC +2
Økisnavn á alnetinum	.ee
Telefonkota	+372

Estland er lýðveldi í Norðurevropa. Í suðri hevur Estland mark við Lettland, í eystri við Russland, og í vestri við Eystrasalt og í norðri við Finnlandsfjørðin. Høvuðsstaðurin er Tallinn.

Søga

Estland hevur verið bygt í minsta lagi síðan ár 9000 f.Kr.

Landalæra

Landið er sum øll tey baltisku londini slættlendi, men ikki er meira enn fjórðingurin av tí dyrkaður. Hetta kemur av tí, at jørðin nógvastaðni er so botnvát, at hon ber einki uttan gras. Í støðum eru stórar mýrar, sum teir skera torv í. Mitt í landinum er jørðin betri, og har velta teir væl av korni. Stórir skógir vaksa ymsastaðni, og hópur av viði verður útfluttur.

Politikkur

Í mei 2008 varð Jóhan Páll Joensen útnevndur til konsul fyri Estland av Matti Maasikas aðalskrivara í estlendska uttanríkisráðnum.

Estiskir forsætismálaráðharrar

• Edgar Savisaar (3. apríl 1990 - 30. januar 1992)
• Tiit Vähi (30. januar 1992 - 21. oktober 1992)
• Mart Laar (21. oktober 1992 - 8. november 1994)
• Andres Tarand (8. november 1994 - 17. apríl 1995)
• Mart Siimann (17. apríl 1995 - 17. mars 1997)
• Mart Laar (17. mars 1997 - 25. mars 1999)
• Siim Kallas (25. mars 1999 - 28. januar 2002)
• Juhan Parts (28. januar 2002 - 13. januar 2005
• Andrus Ansip (13. januar 2005) - 26. mars 2014
• Taavi Rõivas (26. mars 2014) - 23. november 2016
• Jüri Ratas (síðani 23. november 2016)

Búskapur

Av ídnaðarvaru gera teir pappír, sement og klæði. Nú á døgum er stórur búskaparvøkstur í Estlandi. Hagtøl fyri tann fyrsta ársfjórðingin í 2011 vísa, at bruttotjóðarframleiðslan var 2,1 prosent størri enn í oktober ársfjórðingi í 2010. Samanborið við januar ársfjórðing í 2010 var vøksturin 8,1 prosent. Hagtølini eisini vísa, at útflutningurin av ídnaðarvørum er vaksin heili 53 prosent samanborið við januar ársfjórðing í 2010. Hinvegin er inflasjónin framvegis stór, 5,4 prosent .

Landslutir

• Harjumaa
• Hiiumaa
• Ida-Virumaa
• Järvamaa
• Jõgevamaa
• Läänemaa
• Lääne-Virumaa
• Pärnumaa
• Põlvamaa
• Raplamaa
• Saaremaa
• Tartumaa
• Valgamaa
• Viljandimaa
• Võrumaa