Andere Arriolabengoa
Andere Arriolabengoa Bengoa (Aramaio, Araba, 1982ko ekainaren 3a) bertsolaria eta abokatua da. Arabako Eskolarteko, San Prundentzioko eta Arabako Bertsolari Txapelketetan parte hartu du.[1]
| Andere Arriolabengoa | |
|---|---|
 | |
| Bizitza | |
| Jaiotza | Aramaio, 1982ko ekainaren 3a (42 urte) |
| Herrialdea |  Araba, Euskal Herria |
| Hezkuntza | |
| Heziketa | Deustuko Unibertsitatea |
| Hizkuntzak | euskara gaztelania |
| Jarduerak | |
| Jarduerak | bertsolaria, euskara eta abokatua |
Biografia
aldatuAramaion jaioa da Andere, 1982ko ekainaren 3an, eta Aramaion bizi izan da betidanik. Bi senidetan zaharrena da. Ama Otxandiokoa eta aita Aramaiokoa ditu.
16 urterekin Aramaioko Bertso-Eskolan ikasle hasi zen. Oihane Perea bertsolaria irakasle izan zuen, eta bertsogintzak Araba ezagutzeko aukera eman zion lehenik, eta Euskal Herria ezagutzekoa gero.[1]
Deustuko Unibertsitatean Zuzenbide lizentziatura osatu zuen eta Enpresa Zuzendaritza Eskolako Giza Baliabideen Zuzendaritzako Masterra du. Euskara, gaztelania eta ingelesa dakizki.[2]
Ibilbidea
aldatuLAB sindikatuko abokatua da lanbidez, bertsolaria, eta ama. Haurrei bertso eskolak ematen ere badabil.[1]
2019ko urtarriletik LKSn ari da lanean kooperatiba gaiak, lan arlokoak eta auziak zein arbitrajeak bideratzen.
Goiena herri aldizkarian idazten du.[3] Besteak beste, Hondakin industrialak idatzi zuen Zaldibarko luizian harrapatutako bi langileek desagertuta jarraitzen zutenean, 2020ko otsailaren 14an.[4]
Bertsolaritza
aldatuArriolabengoaren lehen plaza, 1997. urtean Arabako Eskolarteko Txapelketa izan zen, Gasteizen. Arabako Eskolarteko Txapelketan, San Prudentzio sariketan, Bertxoko Sariketan, Arabako Bertsolari Txapelketan parte hartu du. 2010eko Arabako Kuadrilla artekoan txapelduna izan zen Aramaioko taldean. Arabako Bertsolari Txapelketaren Talde Antolatzaileren kidea izan da eta Arabako Bertsozale Elkartearen zuzendaritzan Sustapen arduraduna izan da.[5]
2022ko apirilaren 3an Andere Arriolabengoa aramaioarrak irabazi zuen Trebiñun Arabako XV. Bertsolari Txapelketako hirugarren final-zortzirena.[6] Arriolabengoak 192,5 puntu lortu zituen. Haren atzetik sailkatu ziren, hurrenez hurren, Xabi Igoa (191), Asier Rubio (176), Irati Anda (175,5), Danel Herrarte (174) eta Oier Arbina (172,5). Gai-jartzaile lanetan Lierni Altuna aritu zen.[7]
Erreferentziak
aldatu- ↑ a b c «Arriolabengoa Bengoa, Andere - Ahotsak.eus» ahotsak.eus (Noiz kontsultatua: 2022-06-03).
- ↑ LKS. .
- ↑ «Andere Arriolabengoa - Komunitatea - Goiena.eus» goiena.eus (Noiz kontsultatua: 2022-06-03).
- ↑ «Hondakin industrialak -» Goiena.eus (Noiz kontsultatua: 2022-06-03).
- ↑ Elkartea, Xenpelar Dokumentazio Zentroa-Bertsozale. «Andere Arriolabengoa - Biografiak - BDB. Bertsolaritzaren datu-basea» bdb.bertsozale.eus (Noiz kontsultatua: 2022-06-03).
- ↑ «2022-04-03 Trebiñu» bertsoa.eus (Noiz kontsultatua: 2022-06-03).
- ↑ Mallona, Olatz Enzunza. «Andere Arriolabengoa nagusitu da Arabako txapelketako hirugarren final-zortzirenean» Berria (Noiz kontsultatua: 2022-06-03).
Ikus, gainera
aldatuKanpo estekak
aldatu- Andere Arriolabengoa Bertsozale Elkartearen webgunean
- Bakarkako bertsoa, Bideoa 2022.05.14
- Bertsoa.eus-eko hainbat bideoa
- Goienako idazkiak, Andere Arriolabengoa
- Laneko helbidea: aarriolabengoa.legal@lksnext.com
Datuak: Q12253478