Joan Cusack

Joan Cusack
Vida
Nacimientu	Nueva York, 11 d'ochobre de 1962 (62 años)
Nacionalidá	Estaos Xuníos
Residencia	Chicago; Municipio de Three Oaks (condado de Berrien, Míchigan) (es)
Llingua materna	inglés
Familia
Padre	Dick Cusack
Fíos/es	2
Hermanos/es	John Cusack; Ann Cusack; Susie Cusack; Bill Cusack
Estudios
Estudios	Universidá de Wisconsin-Madison ; Evanston Township High School (en) ; Piven Theatre Workshop (en)
Llingües falaes	inglés
Oficiu	actriz de cine, actriz de televisión, actriz de voz, actriz, comedianta
Llugares de trabayu	Estaos Xuníos
Trabayos destacaos	Toy Story
Premios	ver Premios Annie ; Theatre World Award (1989) ; Primetime Emmy a la mejor actriz invitada - Serie de comedia (2015) : Shameless;
Nominaciones	ver Óscar a la meyor actriz de repartu ; (15 febreru 1989): Working Girl; Óscar a la meyor actriz de repartu ; (10 febreru 1998): In & Out;
IMDb	nm0000349

Joan Mary Cusack (11 d'ochobre de 1962, Nueva York) ye una actriz d'Estaos Xuníos de cine y televisión. Foi candidata a los Premiu Óscar y a los Globu d'Oru. Ye conocida poles sos intervenciones en películes como Working Girl (1988), Addams Family Values (1993), Nueve meses (1995), In & Out (1997), Runaway Bride (1999) y Alta fidelidá y por poner la so voz a la vaquera Jessie nes versiones orixinales de les cintes animaes Toy Story 2 (1999) y Toy Story 3 (2010). Ye hermana del tamién actor John Cusack.

Biografía

Joan Cusack nació'l 11 d'ochobre de 1962 en Nueva York (Estaos Xuníos) y creció en Evanston. El so padre, Dick Cusack, y los sos hermanos, Ann, Bill, John y Susie, tamién son actores. Trabayó na tienda del Piven Theater. Casóse con Richard Burke en 1993, con quien tuvo dos fíos, el primeru d'ellos nacíu'l 17 de xunu de 1997, col nome de Dylan John Burke, y el segundu en xunetu de 2000, sol nome de Miles Burke.

Carrera

Joan Cusack trabayó mientres delles temporaes en Saturday Night Live (1985 - 1986). En 1988 participó na comedia Working Girl (1988), onde compartió cartelu con Harrison Ford, Sigourney Weaver y Melanie Griffith, y por que la so actuación recibió la so primer candidatura a los premios Óscar na categoría de «Meyor actriz de repartu».^[4] Ente los sos siguientes proyeutos destaquen Addams Family Values (1993) y les comedies Nueve meses (1995), protagonizada por Hugh Grant y Julianne Moore, y Two Much (1995), dirixida por Fernando Trueba y na que compartía cartelu con Antonio Banderas y Melanie Griffith.

Darréu llogró una nueva candidatura a los Óscar, de nuevu na categoría de «Meyor actriz de repartu»,^[5] y otra a los premios Globu d'Oru, na mesma categoría,^[6] pola comedia In & Out (1997), protagonizada por Kevin Kline y Matt Dillon. Dempués emprestó la so voz na cinta animada Toy Story 2 (1999) y actuó na comedia romántica Runaway Bride (1999), protagonizada por Julia Roberts y Richard Gere. Participó al pie del so hermanu John na comedia Alta fidelidá (2000), basada na novela de Nick Hornby, y protagonizó xunto a Jeff Bridges y Tim Robbins el thriller Arlington Road (1999).

Intervieno na comedia The School of Rock (2003), na qu'apaecía con Jack Black. Esi mesmu añu tamién apaeció en Looney Tunes: Back in Action (2003), con Brendan Fraser. Dempués llegaríen títulos como Raising Helen (2004), xunto a Kate Hudson, el drama Amigos con dineru (2006), na que compartía cartelu con Jennifer Aniston, Catherine Keener o Frances McDormand, y volvió participar de nuevu col so hermanu nos drames Martian Child (2007) y War, Inc. (2007). Apaeció na comedia Confessions of a Shopaholic (2009) y nel drama My Sister's Keeper (2009), protagonizáu por Cameron Diaz y Abigail Breslin. Amás volvió emprestar la so voz na tercer entrega de Toy Story (2010).

Filmografía

Toy Story 4 (2015) (voz)
The Perks of Being a Wallflower (2012)
Shameless (2011-presente)
Marte Precisa Mames (2011)
Hoodwinked Too! Hood vs. Evil (2010)
Toy Story 3 (2010) (voz)
My Sister's Keeper (2009)
Confessions of a Shopaholic (2009)
Kit Kittredge: An American Girl (2008)
War, Inc. (2008)
Martian Child (2007)
Amigos con dineru (2006)
Chicken Little (2005) (voz)
Ice Princess (2005)
Raising Helen (2004)
Peep and the Big Wide World (2004)
The School of Rock (2003)
Looney Tunes: Back in Action (2003)
Where the Heart Is (2000)
Alta fidelidá (2000)
Toy Story 2 (1999) (voz)
Runaway Bride (1999)
Aplausos (1999)
Arlington Road (1999)
In & Out (1997)
A Smile Like Yours (1997)
Grosse Pointe Blank (1997)
Two Much (1995)
Mr. Wrong (1996)
Nueve meses (1995)
Corrina, Corrina (1994)
Addams Family Values (1993)
Toys (1992)
Hero Héroe per accidente (1992)
The Cabinet of Dr. Ramirez (1991)
My Blue Heaven (1990)
Men Don't Leave (1990)
Say Anything... (1989)
Working Girl (1988)
Married to the Mob (1988)
Stars and Bars (1988)
Broadcast News (1987)
The Allnighter (1987)
Grandview, U.S.A. (1984)
Sixteen Candles (1984)
Class (1983)
Cutting Loose (1980)
My Bodyguard (1980)

Premios

Premiu Óscar

Añu	Categoría	Película	Resultáu	Ref.
1988	Meyor actriz de repartu	Working Girl	Nomada	^[4]
1997	Meyor actriz de repartu	In & Out	Nomada	^[5]

Premiu Globu d'Oru

Añu	Categoría	Película	Resultáu	Ref.
1998	Meyor actriz de repartu	In & Out	Nomada	^[6]

Referencies

↑ Afirmao en: SNAC. Identificador SNAC Ark: w6c28kzj. Apaez como: Joan Cusack. Data de consulta: 9 ochobre 2017. Llingua de la obra o nome: inglés.
↑ Identificador CONOR.SI: 48135779. Afirmao en: CONOR.SI.
↑ URL de la referencia: http://www.theatreworldawards.org/past-recipients.html.
↑ ^4,0 ^4,1 Academia d'Artes y Ciencies Cinematográfiques. «Nominees & Winners for the 61st Academy Awards» (inglés). Óscars.org. Archiváu dende l'orixinal, el 2010-04-08. Consultáu'l 12 d'ochobre de 2010.
↑ ^5,0 ^5,1 Academia d'Artes y Ciencies Cinematográfiques. «Nominees & Winners for the 70th Academy Awards» (inglés). Óscars.org. Archiváu dende l'orixinal, el 2010-04-08. Consultáu'l 12 d'ochobre de 2010.
↑ ^6,0 ^6,1 Asociación de la Prensa Estranxera de Hollywood. «The 55th Annual Golden Globe Awards (1998)» (inglés). goldenglobes.org. Consultáu'l 12 d'ochobre de 2010.

Enllaces esternos

Joan Cusack na Internet Movie Database (n'inglés)
Ficha de Joan Cusack en AllMovie (n'inglés).

[bfdfde7c6cef2ae2b37876bedc00c116e64ce492-1] Afirmao en: SNAC. Identificador SNAC Ark: w6c28kzj. Apaez como: Joan Cusack. Data de consulta: 9 ochobre 2017. Llingua de la obra o nome: inglés.

[e62d94170b8a49842f5c30b3f0876a3040fdf489-2] Identificador CONOR.SI: 48135779. Afirmao en: CONOR.SI.

[6dbbe843fa48945cc9e8c1d269ed814c13f7f6bd-3] URL de la referencia: http://www.theatreworldawards.org/past-recipients.html.

[Óscar1988-4] 4,0 ^4,1 Academia d'Artes y Ciencies Cinematográfiques. «Nominees & Winners for the 61st Academy Awards» (inglés). Óscars.org. Archiváu dende l'orixinal, el 2010-04-08. Consultáu'l 12 d'ochobre de 2010.

[Óscar1997-5] 5,0 ^5,1 Academia d'Artes y Ciencies Cinematográfiques. «Nominees & Winners for the 70th Academy Awards» (inglés). Óscars.org. Archiváu dende l'orixinal, el 2010-04-08. Consultáu'l 12 d'ochobre de 2010.

[GlobodeOro-6] 6,0 ^6,1 Asociación de la Prensa Estranxera de Hollywood. «The 55th Annual Golden Globe Awards (1998)» (inglés). goldenglobes.org. Consultáu'l 12 d'ochobre de 2010.

[1]

[2]

[3]

[4]

[5]

[6]