1685
1685 (MDCLXXXV) foi un añu común entamáu en llunes del calendariu gregorianu, y un añu común entamáu en xueves del calendariu xulianu. Al entamu de 1685 el calendariu gregorianu diba once díes per delantre del calendariu xulianu, que foi'l d'usu oficial en dellos países hasta 1923.
| Añu 1685 | |
| Años: | 1682 1683 1684 - 1685 - 1686 1687 1688 |
| Décades: | Años 1650 Años 1660 Años 1670 - Años 1680 - Años 1690 Años 1700 Años 1710 |
| sieglos: | sieglu XVI - sieglu XVII - sieglu XVIII |
| Calendariu gregorianu | 1685 MDCLXXXV |
| Ab urbe condita | 2438 |
| Calendariu armeniu | 1134 |
| Calendariu chinu | 4381 – 4382 |
| Calendariu hebréu | 5445 – 5446 |
| Calendarios hindús - Vikram Samvat - Shaka Samvat |
1740 – 1741 1607 – 1608 |
| Calendariu persa | 1063 – 1064 |
| Calendariu islámicu | 1096 – 1097 |
| Calendariu rúnicu | 1935 |
Abreviatures
° : fecha de nacencia
† : fecha de la muerte
Fechos
[editar | editar la fonte]- 6 de febreru – El católicu Xacobu Stuart, duque de York, conviértese nel rei Xacobu II d'Inglaterra ya Irlanda, y nel rei Xacobu VII d'Escocia, asocediendo al so hermanu Carlos II, rei d'Inglaterra, Escocia ya Irlanda de magar 1660. Xaime ha reinar hasta ser depuestu en 1688.
- Marzu – Lluis XIV de Francia apreba'l Code Noir (Códigu Negru), que permite l'usu d'esclavos nes colonies franceses.
- 23 d'abril – Xacobu II d'Inglaterra, xunto cola so reina consorte María de Módena, ye coronáu rei na abadía de Westminster.
- 11 d'agostu – Guerra de Morea: La República de Venecia captura la fortaleza de Koroni de manes del Imperiu otomanu, y asesina a la so guarnición.
- 22 d'ochobre – Lluis XIV de Francia promulga l'Edictu de Fontainebleau, que revoca l'Edictu de Nantes y declara illegal el protestantismu, colo que priva a los hugonotes de los sos derechos civiles. El so templu de Charenton-le-Pont ye demolíu inmediatamente, y munchos hugonotes colen del país en dirección a Inglaterra, Prusia y otros destinos.
- 8 de payares (29 d'ochobre notres fontes) – Federicu Guillermu I de Brandenburgu promulga, en rempuesta a l'edictu de Fontainebleau, l'Edictu de Postdam, que convida a los hugonotes franceses a instalase n'Alemaña oriental, en Brandemburgu. El 1 d'avientu establezse en Saxonia la Colonia Francesa de Magdeburgu como una comunidá separtada de la ciudá homónima.
- 11 de payares – Guerra de Morea: La República de Venecia captura la ciudá fortificada de Igoumenitsa (na actual Grecia) de manes del Imperiu otomanu, y arrásala hasta nun dexar muria denguna en pie.
- 3 d'avientu – El rei Carlos XI de Suecia promulga una orde que prohibe l'asentamientu de xudíos en Suecia, y especialmente na so capital Estocolmu, «pol peligru que representa la eventual influencia de la relixón xudía na fe evanxélica»[1].
- 10 d'avientu – Na actual Tailandia, el rei Narai d'Ayutthaya firma en Lopburi un tratáu con representantes de Francia. Por elli, permítese a misioneros católicos predicar l'evanxeliu nel país, y almítese que los católicos tailandeses nun tengan obligación de trabayar en domingu. Amás, establezse un tribunal especial pa mediar nes disputes ente tailandeses cristianos y non cristianos.
Nacencies
[editar | editar la fonte]- 23 de febreru - Halle ( Saxonia-Anhalt ) : Georg Friedrich Haendel, músicu alemán naturalizáu inglés ( † 14 d'abril de 1759 ).
Muertes
[editar | editar la fonte]- 3 d'ochobre - Madrid: Juan Carreño de Miranda, pintor barrocu asturianu (º 25 de marzu de 1614).
Referencies
[editar | editar la fonte]- ↑ "Sweden", entrada escrita por Gustav Linder en The Jewish Encyclopedia (Funk and Wagnalls Company, 1906).
Enllaces esternos
[editar | editar la fonte]Wikimedia Commons acueye conteníu multimedia sobre 1685.
