Erich Waschneck
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Erich Waschneck | |
|---|---|
| Información personal | |
| Nombre real | Erich Johannes Waschneck |
| Calendata naiximiento: | 29 d'abril de 1887 |
| Puesto naiximiento: |  Grimma (Reino de Saxonia, hue Saxonia en Alemanya)
|
| Calendata muerte: | 22 de setiembre de 1970 |
| Puesto muerte: |  Berlín (Alemanya Occidental, hue Alemanya)
|
| Enterreco | Cementerio antigo de Wannsee, Berlín |
| Ocupación: | Camarografo Director cinematografico Guionista Productor cinematografico |
| Alma Máter | Hochschule für Grafik und Buchkunst Leipzig |
| Conchuche: | Karin Hardt (1933-) |
Erich Johannes Waschneck, naixiu de Grimma (Reino de Saxonia, hue Saxonia en Alemanya) o 29 d'abril de 1887 y muerto en Berlín (Alemanya Occidental, hue Alemanya) o 22 de setiembre de 1970, estió un camarografo, director cinematografico, guionista y productor cinematografico alemán, activo en o cine alemán dende primerías d'os anyos 1900 dica meyaus d'os anyos 1940, en rematar la Segunda Guerra Mundial.
Erich Waschneck yera fillo d'o ferrero Karl Hermann Waschneck y d'a muller suya Therese Emilie, de soltera Schneider. Dimpués de graduar-se a escuela segundaria, estudió Pintura en a Hochschule für Grafik und Buchkunst Leipzig. Dentró en contacto con a industria cinematografica dende 1907, cuan prencipió a pintar cartels ta ixe medio. Dimpués treballó como fotografo ta dimpués convertir-se en asistent de camara d'o camara Fritz Arno Wagner. En 1921 fació lo suyo primer treballo independent como camara en l'adaptación d'o cuento Die Geschichte von dem kleinen Muck de Wilhelm Hauff y dica l'anyo 1924 partecipó como camera en a-saber-las prouccions cinematograficas.
Dende 1924 Waschneck se convertió en director, estando lo suyo primer treballo como director en a cinta Kampf um die Solle (1925), estando-ne tamién coautor d'o suyo guión. Con a suya cinta Acht Mädels im Boot (1932) recibió la Medalla d'Oro en o Festival Internacional de Cine de Venecia, convertindo-se en ixe mesmo anyo lo director cheneral d'a productora Fanal Film Production GmbH en Berlín.[1] Cuan en 1933 lo dictador Adolf Hitler plegó en o poder en Alemanya establindo-ie lo Tercer Reich, Waschneck s'adbibió a la sección d'o partiu nazi alemán ta directors cinematograficos d'orichen alemán.[2] En 1940 dirichió la cinta Die Rothschilds, una cinta de propaganda antisemita. Como consecuencia d'a suya actividat politica en rematar la guerra cuasi que no tornó a treballar en o cine, no intervenendo so que en dos cintas dica la suya muerte.
Referencias
[editar | modificar o codigo]- ↑ (de) Rechistro mercantil de Berlín HRB núm. 46912.
- ↑ Ernst Klee: Das Kulturlexikon zum Dritten Reich. Wer war was vor und nach 1945. S. Fischer, Frankfurt am Main 2007, ISBN 978-3-10-039326-5, S. 645.
Vinclos externos
[editar | modificar o codigo]- (en) Erich Waschneck en Internet Movie Database.
- (de) Erich Waschneck en Filmportal.de.
Datos: Q85041