Klaagliedere van Jeremia

Klaagliedere van Jeremia is die 25ste boek in die kanon van Hebreeuse Geskrifte wat as Ou Testament in die Bybel opgeneem is. Hierdie boek bestaan uit gedigte in die vorm van liedere. Die boek handel oor die verskriklike dinge wat die volk van die Here deurgemaak het toe Jerusalem beleër en verwoes is en die bevolking in ballingskap weggevoer is. Die liedere sê dat dit die Here is wat dit gedoen het as straf vir die volk se sondes. Daar is 'n stemming van diepe droefheid in die liedere, maar ook 'n stemming van hoop en 'n oproep tot bekering.

Bron

• Die Bybel: Nuwe vertaling (Bybelgenootskap van Suid-Afrika)

Eksterne skakels

• Wikiwoordeboek het 'n inskrywing vir Klaagliedere.