Eugene de Kock

Eugene de Kock
Eugene de Kock in 1997
Gebore	Eugene Alexander de Kock 29 Januarie 1949 (1949-01-29)
Nasionaliteit	Suid-Afrika
Beroep	Gewese polisieoffisier,
Bekend vir	Medestigter van Koevoet en bevelvoerder van Vlakplaas

Eugene Alexander de Kock (gebore 29 Januarie 1949) is 'n voormalige kolonel van die Suid-Afrikaanse Polisie. Hy was die bevelvoerder van C1, 'n teeninsurgensie-eenheid van die Suid-Afrikaanse Polisie wat op Vlakplaas naby Pretoria gestasioneer was. C1 het talle anti-apartheidaktiviste in die 1980's tot die vroeë 1990's ontvoer, gemartel en vermoor. As gevolg van die moorde wat hy gepleeg het, het hy die bynaam "Prime Evil" in die media verwerf. Baie van C1 se slagoffers was lede van die African National Congress.

Ná Suid-Afrika se oorgang na 'n volledige demokrasie in 1994 het De Kock die volle omvang van C1 se misdade voor die Waarheid-en-versoeningskommissie geopenbaar. Hy is in 1996 verhoor, op 89 aanklagte skuldig bevind, en tot 212 jaar gevangenisstraf gevonnis. Sedert die aanvang van sy vonnis het hy verskeie lede van die apartheidsregering, insluitend die voormalige staatspresident FW de Klerk, beskuldig dat hulle C1 se aktiwiteite toegelaat het.

De Kock is in Januarie 2015 op parool vrygelaat.