Amerikaanse Gewapende Magte
| Amerikaanse Gewapende Magte | |
|---|---|
 | |
| Land | Verenigde State van Amerika |
| Tipe | Gewapende Magte |
| Spesialisasie | Amfibiese, ekspedisie, lug- en ruimte-oorlogvoering |
| Hoofkwartier | Pentagon |
| Aantal lede | 1 388 103 aktief[1] 849 450 reserwe[2] |
| Kommandostruktuur | Departement van Verdediging |
| Veldslae | Amerikaanse Rewolusionêre Oorlog Anglo-Amerikaanse Oorlog van 1812 Meksikaans-Amerikaanse Oorlog Tweede Opiumoorlog Amerikaanse Burgeroorlog (1861–1865) Spaans-Amerikaanse Oorlog Eerste Wêreldoorlog (1917–1918) Tweede Wêreldoorlog (1941–1945) Koue Oorlog (1945–1991) Korea-oorlog (1950–1953) Viëtnamoorlog (1959–1975) Golfoorlog (1990–1991) Irakse Oorlog |
Die Amerikaanse Gewapende Magte (Engels: United States Armed Forces) is die gewapende magte (of weermag) van die Verenigde State van Amerika. Dit bestaan uit die Amerikaanse Leër, Amerikaanse Vloot, Amerikaanse Marinierskorps, Amerikaanse Lugmag, Amerikaanse Ruimtemag en die Amerikaanse Kuswag.
Amerika het 'n sterk tradisie van siviele beheer oor hul weermag. Die President is die weermag se opperhoof, en help om militêre beleid te vorm saam met die Verenigde State se Departement van Verdediging (DoD). Die DoD se hoof is die V.S. Sekretaris van Verdediging, wat 'n siviele persoon en kabinetslid is. Die Sekretaris van Verdediging is tweede-in-bevel van alle militêre magte, nét na die President, en dien as die hoofassistent van die President in alle verdedigingsake.
Die gewapende magte van die Verenigde State van Amerika is 'n belangrike instrument in die handhawing van die buitelandse beleid van die Verenigde State van Amerika en die globale posisie van die land is van kardinale belang. Die weermag is reeds vir dekades die beste toegerus, en na die Volksbevrydingsleër van die Volksrepubliek China, die tweede grootste militêre mag (personeelgewys) in die wêreld.
Personeel in elke gevegskomponent
[wysig | wysig bron]| Komponent | Militêr | Onderoffisiere | Offisiere | Manlik | Vroulik | Siviel |
 Amerikaanse Leër |
471 513 | 376 206 | 90 785 | 465 784 | 69 345 | 299 644 |
 Amerikaanse Marinierskorps |
184 427 | 163 092 | 21 335 | 181 845 | 15 4551 | 20 484 |
 Amerikaanse Vloot |
325 802 | 267 286 | 54 114 | 265 852 | 62 168 | 179 293 |
 Amerikaanse Lugmag |
320 811 | 255 605 | 61 054 | 270 462 | 50 750 | 174 754 |
 Amerikaanse Kuswag |
42 042 | 32 782 | 8 239 | |||
 Amerikaanse Ruimtemag |
2 501 | 2 411 | 90 | |||
| Totaal aktief | 1 347 106 | 1 137 916 | 236 826 | 1 219 510 | 210 485 | 681 232 |
 Amerikaanse Nasionale Leërwag |
336 879 | 291 865 | 45 014 | |||
 Amerikaanse Reserwe Leër |
190 699 | 153 064 | 37 635 | |||
 Amerikaanse Reserwe Marinierskorps |
38 473 | 34 079 | 4 394 | |||
 Amerikaanse Reserwe Vloot |
57 650 | 43 596 | 14 054 | |||
 Amerikaanse Nasionale Lugwag |
106 549 | 91 274 | 15 275 | |||
 Amerikaanse Reserwe Lugmag |
68 216 | 54 658 | 13 558 | |||
 Amerikaanse Reserwe Kuswag |
6 142 | 5 086 | 1 056 | |||
| Totale Reserwemagte | 807 562 | 673 622 | 130 986 | |||
| Ander DoD Personeel | 108 833 |
Omvang
[wysig | wysig bron]Die ses takke van die gewapende magte beskik oor meer as 1,3 miljoen aktiewe soldate en byna 1,1 miljoen reserviste, wat in die geval van oorlog aangevul word deur die Kuswag. Hulle beskik ook oor meer as 681,000 burgerlike werknemers.[3] Die oudste deel is die leër, wat in 1775 gestig is, en die mees onlangse is die Ruimtemag, wat in 2019 onafhanklik geword het.
Volgens onafhanklike bronne en navorsing is bevind dat die Gewapende Magte van die Verenigde State van Amerika die sterkste ter wêreld sou wees. Hierdie impak is gebaseer op die jaarlikse grootste militêre begroting (vergelyking: VSA: meer as VS$ 554 miljard, Duitsland: VS$ 46 miljard) in die wêreld, waarvan die grootste deel gaan vir opleiding, inligtingvloei, netwerking, toerusting en navorsing. Die begroting was in die begrotingsjaar 2013 ongeveer VS$ 554,2 miljard (sowat 4% van die totale BBP).[4]
Baanbrekerswerk in tegniese innovasies en personeel-ontwikkelingsprogramme in die Amerikaanse Weermag word met NAVO-lede en sy bondgenote gedeel, waarvan die VSA en Verenigde Koninkryk die belangrikste lede is.[5]
Doktrine
[wysig | wysig bron]Organisatories is die V.S. Gewapende Magte 'n omskakeling van 'n gelokaliseerde burgermag (geskoei op die Engelse model) tot 'n gesentraliseerde professionele weermag, ook deur herhaalde gevalle van diensplig, en vandag besit dit kenmerke van al drie hierdie werwingsmetodes. Die slaankrag van die Verenigde State se militêre mag was altyd gerig op die belangrikheid wat die Verenigde State van Amerika heg aan buitelandse beleid, sodat gevegsmagte en diplomasie 'n parallelle ontwikkeling ondergaan. Hierdeur was die militêre mag oor dekades lank verantwoordelik vir beide ingryping in die buiteland, en as afskrikmiddel; sedert die land se opkoms as 'n supermoondheid en die handhawing van hierdie status tydens die Koue Oorlog met die Sowjetunie. Benewens die wêreldwye ineenstorting van staatstrukture na die militêre ingryping deur die Verenigde State, is daar ook die voorkoms van asimmetriese oorlogvoering wat die taktiese Amerikaanse magte bevoordeel tydens strategiese uitdagings.
Verwysings
[wysig | wysig bron]Wikimedia Commons het meer media in die kategorie Amerikaanse Gewapende Magte.
- ↑ (en) "ARMED FORCES STRENGTH FIGURES FOR SEPTEMBER 30, 2020".
- ↑ "H.R. 4310 (112th): National Defense Authorization Act for Fiscal Year 2013". GovTrack (in Engels). Geargiveer vanaf die oorspronklike op 10 Junie 2020. Besoek op 4 September 2014.
- ↑ Statistical Information Analysis Division Geargiveer 12 Julie 2010 op Wayback Machine Datum: Maart 2010.
- ↑ "tagesschau.de 9 Julie 2011". Geargiveer vanaf die oorspronklike op 11 Julie 2011. Besoek op 11 Julie 2011.
- ↑ Webtuiste van die Kanadese Vloot Geargiveer 28 Oktober 2005 op Wayback Machine. Besoek op 27 Mei 2008.
| Hierdie artikel is in sy geheel of gedeeltelik vanuit die Duitse Wikipedia vertaal. |
