Robert Harting

Robert Harting
Statsborgarskap	Tyskland, Den tyske demokratiske republikken
Fødd	18. oktober 1984 (40 år) Cottbus
Idrett	friidrett
Tok del i	Sommar-OL 2012, Sommar-OL 2008, Friidrett under Sommar-OL 2016
Utmerkingar	Sportler des Jahres, Verdienstorden des Landes Berlin, Silbernes Lorbeerblatt, Sportler des Jahres, Sportler des Jahres, Askania Award

Robert Harting (fødd 18. oktober 1984) er ein tysk diskoskastar frå Cottbus i Brandenburg. Hans personlege rekord er eit kast på 70,66 meter frå mai 2012 i Turnov. Harting har også vore aktiv innan kulestøyt.

Karriere

Harting deltok under junior-VM i friidrett i Debrecen i 2001. Her stakk han av med sølvmedaljen som vart hans fyrste medalje frå ei større internasjonal tevling. Han vann gullmedaljar frå U23-EM i åra som følgde og deltok under EM i friidrett 2006, men det verkelege gjennombrotet hans kom i 2007. Dette året vann han for fyrste gong den tyske meisterskapen i friidrett i Erfurt. Vinnarkastet hans målte 63,79 meter. Seinare same sesongen deltok han i VM i friidrett 2007 i Osaka og vann sølv, berre slått av estiske Gerd Kanter.

Harting fekk sin OL-debut under sommar-OL 2008 i Beijing. Også her vart det Kanter som tok gullmedalje, Harting enda på ein fjerdeplass. Robert Harting kom sterkare tilbake under VM i friidrett 2009 i Berlin. Her vart han for fyrste gong verdsmeister, med eit vinnarkast på 69,43 meter.

Robert Harting i 2008.

I 2010 deltok Harting i EM i friidrett 2010 i Barcelona. Han måtte her nøya seg med sølvmedalje, då han vart slått av polske Piotr Malachowski. Under VM i friidrett 2011 i Daegu forsvara Harting verdsmeistertittelen med eit kast på 68,97.

I 2012-sesongen deltok Harting under EM i friidrett 2012 i Helsingfors. For fyrste gong vart han her europameister med eit kast på 68,30. Seinare same sesongen vart Harting olympisk meister i diskoskast under sommar-OL 2012 i London. Her kasta han 68,27 og kom framfor Ehsan Hadadi frå Iran og estiske Gerd Kanter.

Kjelder

• Denne artikkelen bygger på «Robert Harting» frå Wikipedia på tysk, den 21. august 2012.