Hogganviksteinen
Hogganviksteinen er ein runestein som er funnen på garden Hogganvik i Mandal kommune. Steinen har 61 teikn, så runeinnskrifta er uvanleg lang. Då steinen vart funnen i september 2009 var det rundt 60 år sidan sist det vart gjort eit liknande funn i Noreg. Steinen er datert til folkevandringstid eller yngre romartid, frå 200- til 500-talet.
Det var Arnfinn og Henrik Henriksen som fann steinen, som låg med skriftsida ned i hagen deira. Etter alt å døme har steinen lege med skriftsida ned sidan kort etter at runene vart rissa. Runene har difor ikkje vore utsette for vêr og vind, og dei er særs lite forvitra. I dag er steinen reist på funnstaden, slik han truleg opphavleg har stått.
Innskrifta og tolkinga
[endre | endre wikiteksten]Innskrifta er tolka av professor og runolog James Knirk i samarbeid med runologane Jonas Nordby og Terje Spurkland, og professor i germansk filologi, Harald Bjorvand.
Innskrifta
[endre | endre wikiteksten][s]kelbaþewas s^tainaR aasrpkf
aarpaa inana naloR/naboR/(nawoR)
ek naudigastiR
ek erafaR
Tolkinga
[endre | endre wikiteksten]Skelba-þewaR’s [“Skjelvande-tenar sin”] stein [=(grav-) minne].
[Bokstavmagi:] aaasrpkf aarpaa
Innanfor/innanifrå ?navet/?novet [eller: ?nåla].
Eg [=runerissaren] [heiter] NaudigastiR [=”Naud-gjest”];
Eg [kallast] Jerven.
Bakgrunnsstoff
[endre | endre wikiteksten]- Frans-Arne Stylegar med ei førebels oppsummering
- The Hogganvik Runestone - Arkeologi i Nord
- Middelaldernett om Hogganviksteinen Arkivert 2013-10-06 ved Wayback Machine.
- Arkeologi i Nord: Innskrifta er tolka
- Hogganviksteinen i kulturminnesok.no, nettstaden til Riksantikvaren
Denne historieartikkelen som har med Noreg å gjere, er ei spire. Du kan hjelpe Nynorsk Wikipedia gjennom å utvide han.
