Serse Coppi
Serse Coppi (* 19. März 1923 in Castellania; † 29. Juni 1951 in Turin) weer en italieensch Radrennfohrer.
Serse Coppi weer de jüngere Bröer vun den italieensche Radsporthelden Fausto Coppi. Sien Profi-Karriere fung 1946 in dat italieensch Team Bianchi an; dor is he tosommen mit sien Bröer fohren.
Sien woll gröttste Spood weer de Sieg bi dat Rennen Paris-Roubaix in dat Johr 1949. Den Sieg muss he sück aber mit den Franzoos André Mahé deelen. Bi den Giro d’Italia keem he 1950 up de 14. Deelstreck up den tweeten Platz. Serse Coppi is 1951 bi de Piemont-Rundfohrt störrt un kört dornah an sien Koppverletzungen in't Krankenhuss storven.