Michael Neher
Michael Neher (* 31. März 1798 in München; † 4. Dezember 1876 ok dor) weer en düütsch Maler ut de Tiet vun den Biedermeier.
Leven
[ännern | Bornkood ännern]Neher weer de Söhn vun den Maler Bernhard Neher de Öllere ut Biberach an der Riß. Af 1813 hett he för dree Johr de Kunstakademie in sien Heimatstadt besöcht un wurr dor ünner anner Schöler vun den Hoffmaler Matthias Klotz un den Genremaler Angelo Quaglio de Öllere (1778-1815). Nah sien Utbillen gung Neher 1819 nah Italien un bleev dor bit 1825. De letzt beid Johren hett he dor in Rom verbrocht, wo he sück in dat Atelier vun den Maler Heinrich Maria von Heß speziell mit de Architektuurmaleree befaat hett.
1825 gung he nah München torüch un leet sück as freeschaffen Künstler daal. As typisch Vertreder vun den Biedermeier hett Neher völ Kostümstücke un Landschapen malt. Mit sien Ansichten vun apenlich Platzen as ok architektonisch Dorstellen ut völ bayerisch Städer hett he sück todem noch en Naam makt.
In dat Slott Hohenschwangau hett Neher den "Saal des Schwanritters" mit Warken ganz in' Stil vun Peter Paul Rubens un den "Heldensaal" nah Moritz von Schwind sien Kompositschonen gestalt. In sien Laatwark hett sück Neher meest blots noch mit de Architektuurmaleree befaat. De ganze Palette vun Meesterwarken vun Düütsch Bokunst hett he mit völ Hartbloot malt un is wegen sien Detailgenauigkeit ok hüüd noch bekannt.
Mit 78 Johren is Michael Neher an' 4. Dezember 1876 in München storven.
Literatur
[ännern | Bornkood ännern]- Hyacinth Holland: Michael Neher In: Allgemeine Deutsche Biographie (ADB). Band 23, Duncker & Humblot, Leipzig 1886, S. 388–391
- Horst Ludwig u. a.: Münchner Maler im 19. Jahrhundert, Bruckmann, München 1982, ISBN 3-7654-1633-9 (Bd. 1-4)
- Münchner Biedermeier, Utstellenskatalog vun de Bayerische Vereinsbank un de Stiftung Schlösser und Gärten Potsdam-Sanssouci im Palais Preysing, München 17. Oktober bis 7. Dezember 1991, Bayerische Vereinsbank (wohrschienlich blots noch in’t Antiquariat)
