John Cleese

John Marwood Cleese (* 27. Oktober 1939 in Weston-super-Mare, Somerset) is en britsch Komiker un Schauspeler, Filmproduzent un Dreihbookschriever, de as Liddmaat vun de Komiker-Grup Monty Python un mit de Fernsehserie Fawlty Towers beropen worrn is.

Leven

De Nanaam vun sien Vörfahren weer „Cheese“, aver sien Vadder (Reginald Francis Cheese) hett den Naam in „Cleese“ ännern laten, as he 1915 in de Armee intreden is. John Cleese hett in Cambridge an’n Downing College Juristeree studeert, sien Talent as Komiker hett sik aver ok to de Tiet al wiest. Al to Schooltieten weer he jümmers goot för en Spalk un is deswegen sogor ok vun dat Clifton College in Bristol flagen, wo he as jungen Bengel ünnerricht worrn weer. He harr to’n Spaß klörte Footafdrucken opmalt, de andüden schülln, dat de Schoolstatue na’t Klo gahn weer.

Wiel dat Studium weer Cleese Liddmaat vun de Cambridge Footlights Revue, woneem he sien Talent bewiesen de. Dor hett he denn ok Graham Chapman drapen, een vun sien lateren Kollegen vun Monty Python, mit de he beropen worrn is. Man dat weer blots de Anfang vun sien Karriere. Dorna hett John Cleese in bannig veele Serien un Kinofilmen mitspeelt, so t. B. siet 1999 ok in de James Bond-Reeg, wo he Q ersetten de, un in de Harry Potter-Filmen. Aver Cleese hett ok al as Dreihbookschriever arbeidt, ü.a. hett he an dat Book för A fish called Wanda mitarbeidt. Sien hoochdüütsche Synchronisatschoonsstimm is Thomas Danneberg.

Bito hett he mit den Familientherapeuten Robin Skynner en poor Böker schreven.

John Cleese weer teihn Johr lang mit Connie Booth verheiradt, de ok in Monty Python's Flying Circus to sehn weer un de „Polly“ in Fawlty Towers speelt hett. Jümmer gemeensame Dochter Cynthia Cleese hett lütte Rullen hatt in A fish called Wanda un Fierce Creatures. In de Twüschentiet leeft John Cleese in de drütten Eh.

Utteken

John Cleese is för en ganze Reeg vun Filmpriesen nomineert worrn, ünner anner’n ok för den Oscar 1989 tohopen mit Charles Crichton in de Kategorie Best Originaldreihbook för A fish called Wanda. Wunnen hett he:

1980 den BAFTA Award in de Kategorie Best Dorstellen in lichte Ünnerhollen för Fawlty Towers.
1987 den Emmy för sien Gastrull in de Fernsehserie Cheers.
1987 den Evening Standard British Film Awards för Clockwise.
1989 den David di Donatello Filmpries in de Kategorie Best Dreihbook för A fish called Wanda.
1989 den BAFTA Award in de Kategorie Best Dorsteller för A fish called Wanda
1991 den Aftonbladet TV Prize, Sweden, as Best utlännsch männlich TV-Persönlichkeit
2002 den Sir Peter Ustinov Award vun dat Banff Television Festival

Butendem hett sick Cleese för de Lemuren insett, de vun’t Utstarven berauht sünd. As Dank dorför is na em 2005 en Lemurenoort nöömt worrn (Avahi cleesei).

Filmrullen (Utwahl)

Johr	Titel	Synchroonsnacker
1966-67	The Frost Report, Feernsehreeg
1967	At Last the 1948 Show, Feernsehreeg
1969-73	Monty Python’s Flying Circus, Feernsehreeg	Bernd Stephan
1971	And Now for Something Completely Different dt.: Wunderbare Welt der Schwerkraft	Thomas Danneberg
1974	Monty Python and the Holy Grail dt.: Die Ritter der Kokosnuss	mehrere
1975-79	Fawlty Towers dt.:Fawlty Towers – Das verrückte Hotel	Norbert Langer (1. Synchro) Thomas Danneberg (2. Synchro)
1979	Life of Brian dt.: Das Leben des Brian	mehrere
1981	Time Bandits	Wolfgang Pampel
1983	The Meaning of Life dt.: Der Sinn des Lebens	Thomas Danneberg Michael Chevalier
1983	Yellowbeard dt.: Dotterbart; ok: Monty Python auf hoher See	Andreas Mannkopff
1985	Silverado	Lothar Blumhagen
1986	Clockwise dt.: Clockwise – Recht so, Mr. Stimpson / In letzter Sekunde	Klaus Guth
1988	A Fish Called Wanda dt.: Ein Fisch namens Wanda	Thomas Danneberg
1989	Erik the Viking dt.: Erik, der Wikinger	Thomas Danneberg
1993	Splitting Heirs dt.: Und ewig schleichen die Erben	Thomas Danneberg
1994	The Jungle Book dt.: Das Dschungelbuch	Thomas Danneberg
1994	Mary Shelley’s Frankenstein	Friedhelm Ptok
1997	Fierce Creatures dt.: Wilde Kreaturen	Thomas Danneberg
1999	The Out-of-Towners (dt.: Schlaflos in New York	Thomas Danneberg
1999	The World Is Not Enough dt.: Die Welt ist nicht genug	Thomas Danneberg
2001	Rat Race dt.: Rat Race – Der nackte Wahnsinn	Thomas Danneberg
2001	Harry Potter and the Sorcerer’s Stone dt.: Harry Potter und der Stein der Weisen	Berno von Cramm
2002	Harry Potter and the Chamber of Secrets dt.: Harry Potter und die Kammer des Schreckens	Berno von Cramm
2002	Die Another Day dt.: Stirb an einem anderen Tag	Thomas Danneberg
2002	Scorched dt.: Abgezockt!	Thomas Danneberg
2003	Charlie’s Angels: Full Throttle dt.: 3 Engel für Charlie - Volle Power!	Thomas Danneberg
2004	Around the World in 80 Days	Thomas Danneberg
2006	Man About Town	Thomas Danneberg
2006	L’entente cordiale
2008	The Day the Earth Stood Still dt.: Der Tag, an dem die Erde stillstand	Thomas Danneberg
2009	The Pink Panther 2 dt.: Der Rosarote Panter 2	Thomas Danneberg
2010	Shrek Forever After, Stimm dt.: Für immer Shrek	Thomas Danneberg
2011	Winnie the Pooh, Stimm dt.: Winnie Puuh	Roland Hemmo
2012	O Theos agapaei to haviari dt.: Der Pirat – Legende: Held – Kaviar-König
2013	Spud 2: The Madness Continues
2013	Planes, Stimm	Donald Arthur
2011-14	Mini Adventures of Winnie the Pooh, Feernsehreeg, Stimm dt.: Disney Kleine Abenteuer mit Winnie Puuh	Roland Hemmo
2015	Get Squirrely, Stimm dt.: Voll auf die Nuss	Ronald Nitschke

Böker

1988 - Families and How to Survive Them (tohopen mit Robin Skynner)
1995 - Life and How to Survive It (tohopen mit Robin Skynner)

Weblinks

John Cleese. Mehr Biller, Videos oder Audiodateien to’t Thema gifft dat bi Wikimedia Commons.

John Cleese in de Internet Movie Database (engelsch)