Hinrich Brunckhorst

Hinrich Brunckhorst (* 9. Juli 1903 in Badlsdörp; † 21. Oktober 1992 in Scheeßel) weer en düütschen Politiker von de DP.

Brunckhorst is 1903 as Söhn von en Buur in Badlsdörp boren. Na de Volksschool hett he bet 1925 op’n Hoff von sien Öllern arbeidt. 1925 hett he en Lehr as Stratensetter anfungen. Siet 1934 weer he mit en Groothannel för Stratenbomaterialien sülvstännig. Von 1940 bet 1945 weer he Soldaat in’n Tweten Weltkrieg un keem in sowjetsche Kriegsfungenschop. Nadem he wegen Krankheit ut de Fungenschop freekamen is, hett he as Buur en egen Hoff hatt. Von 1946 af an weer Brunckhorst in’n Gemeenraad von Rodenborg un in’n Kreisdag von’n Landkreis Rodenborg. 1949 is he Landraad von’n Landkreis Rodenborg worrn. Dat is he bet 1968 bleven, as Helmut Tietje dat Amt övernahmen hett.

Brunckhorst weer von’n 6. Mai 1959 bet 5. Mai 1963 (in de 4. Wahlperiood) as direkt wählten Afornten för den Wahlkreis Rodenborg Maat von’n Landdag von Neddersassen. Dor hett he bet to’n 29. März 1962 to de DP-Frakschoon tohöört un weer denn ahn Frakschoon.

Brunckhorst hett dat Bundsverdeenstkrüüz I. Klass kregen.