Anders Behring Breivik

Anders Behring Breivik (IPA: ['andəʂ 'beːriŋ 'bræɪviːk]; * 13. Februar 1979 in Oslo, na annere Borns in London hett de Ansläge in Norwegen 2011 utöövt. Dor sünd 77 Lüde bi an'e Siet maakt wurrn. To'n groden Deel weern dat junge Lüde, de bi en Feriencamp vun de norweegsche sozialdemokraatsche Jöögdorganisatschoon mitmaakt hefft. He is an'n 22. Juli 2011 fastnahmen wurrn un hett an'n neegsten Dag allens togeven. De Mann weer 32 Johre oold, as he de Ansläge unnernahmen hett. As Grund hett he angeven, he woll Norwegen verdeffenderen gegen den Kulturmarxismus un gegen den Islam. He harr de Sozialdemokraten in dat Land siene Regeerung „so hart, as dat man gung“ slahn wollt, vunwegen, dat se to den „Massenimport vun Moslems“ na Norwegen duchtig bidragen harr. An'n 29. November 2011 is in en Gootachten vun de Forensische Psychiatrie bekannt maakt wurrn, dat Breivik de Schuld an den Anslag nich torekent weern kann, vunwegen dat he dormols an en Paranoide Schizophrenie leden harr. Dar Gericht hett sik düsse Meenung avers nich anslaten un hett em an'n 24.August 2012 to 21 Johre Haft verordeelt. Achterna mutt he in Sekerheitsverwohren. Dor hett he de Hööchststraaf mit kregen, de in Norwegen mööglich is.